وكعادته كان الهلال جميلا ايها السادة…
فحقا اخوتي هلالنا هو سيد الفرح…
فلك الحمد ربي حتي ترضي…
ولك الحمد بعد الرضي…
فبالامس نادي المنادي ومن بلاد (أمة قوس قزح) ان هلال السودان قد ابدع وامتع…
فشكرا فتية الهلال …
وشكرا ادارة الهلال …
وشكرا الجهاز الفني …
وشكرا ريجكامب…
وافرحوا كما شئتم ايتها الجماهير الزرقاء العريضه…
فكل ما انتصر الهلال راودتني قصة ذلك الهلالي الذي اختاراسم الهلال في جلسة مسائية لمؤسسيه…
فحينما أطل القمر في تلك الليلة…
وسطع وأنار في كبد السماء…
قال أحدهم فلنسميه القمر…
فرد عليه آخر ولماذا لا نسميه الهلال…
وتم الاتفاق على هذا المسمي الجميل…
هلال السودان…
كأول نادي يطلق عليه اسم الهلال في السودان…
وكأول نادي يطلق عليه اسم الهلال في افريقيا…
وكأول نادي يطلق عليه اسم الهلال في بلاد العرب…
فبعدها احبته كل افريقيا …
و عشقه كل العرب …
واصبحت رحلاته الي الابطال عاديه…
وها هو اليوم ومن جديد مع العظماء…
وهو من جديد مع الوجهاء…
ومن جديد في مراتب الزعماء…
فيا روعة الهلال وكل هذا الجمال…
وهنا دعوني اتوسل اليكم ان لا نلوم لاعبا…
و ان لا نتحدث عن الاخطاء…
ولا عن ذلك الحكم الظالم …
ولا عن الملعب الذي امتلأ عن بكرة ابيه واذدان باللون الاصفر…
وفقط دعونا نفرح ونزغرد…
فأفراحنا تعذب كثيرا اولئك التعساء الذين صفقوا للخصوم دون وطنيه…
فتبا لهم
وفقط حدثوني عن الهلال الجميل الذي اضاء سماء ج افريقيا…
حدثوني عن الهلال ابدع هناك وامتع …
حدثوني عن ذلك العقد الفريد من اللاعبين الذين رفعوا رؤوسنا…
حدثوني عن فريد وارنق ولوزولو وايبويلا وكرشوم وروفا وبوغبا وصلاح عادل والغربال وكوليبالي والجان كلود وفلومو وصنداي واحمد سالم…
حدثوني عن دكة البدلاء…
حدثوني عن الجمهور العظيم الذي كان مع الفريق في استاد لوفتوس فرسفيلد…
حدثوني عن جمهور الهلال العريض الذي كان يؤازر الهلال في السودان وحول العالم …
حدثوني عن كل جميل في الليلة ديك…
فرحم الله شاعر السودان والهلال محمد حسن سالم حميد :
فالليلة دا يوم السودان
البلد الليلة هلالابى
النيل الأزرق نشوان
والأبيض أبيض ياأحبابى
يامشرّف كل الأتيام
فى يوم السعد الافريقى
يا مفرّح كبد الأيتام
باللعب البعد الموسيقى
يا هلال فى جبيرة سودانك
فى جبين الشعب الحبّوب
أبشر لاباشر وأقوانك
ياعريس السمر المحبوب
تعجبنى الرمية الزنجية
لى رأس الحربة النوبية
بى خفة لمسة بجاوية
تتسامى الهامة العربية
وتتناول نسمة صعيديّة
تسكن بى كلّ أريحيّة
ما بين الخصل البنيّة
وزغريدة تبق سودانية
لى أروع دخلة على النية
لى أروع دخلة هلالية
البحر الليلة هلالابى …
المطر..الحجر..الترّاب…
الشدر الشايل متكابى…
الساقى عروقو الحطابى…
الشوقو عنقريب هبّابى…
الشاقّى مروقو هلالابى…
الوسّار ذوقو هلالابى…
القمر البيتو قصاد بابى…
حبيتو لانو هلالابى…
وين تمشى الراضى على المابى…
بالشمش الفوقو هلالابى…
يا ليم يا الكورة وكت تبقى…
أخلاق موروثة مع الخلقة…
الغالب حاضنو المغلوب
بمودة وحنية ورقة…
وجمهور بيشجع مصحوب…
بالنغم الطيب والصفقة…
الله ياشعب ياحبوب…
ما أحلى الدخلة على المرقة
يا فريق بيطلع كم فرقة…
يامارق بينا من الزنقة
وحدنا شبعنا من الفرقة…
جددنا عشان نبقى وتبقى
ياريت الطالقة المنطلقة…
وعلى بعض طلقة ياريت
يا أبونا يا ابو الحرقة…
لو تقرا بياضك والزرقة…
الف الف مبروك امة الهلال…
الف الف مبروك كل الاحبه…
الف الف مبروك كل الاعزه…
الف الف مبروك كل الاسياد…
الف الف مبروك للسودان…
الف الف مبروك سوباط الهلال
الف الف مبروك عليقي الهلال…
وشفنا حبيب بنريدو غير علة…
اهلا بيهو الهلال هلا…
والحزن ولى كوكب الاحلام في السماء اتعلا…
اهلا بيهو الهلال هلا…
وحقا الهلال هو سيد الفرح…
ومن غير الهلال يفرح هذا الشعب الابي…
دمت يا هلال موفور القيم⚽⚽⚽⚽⚽⚽⚽⚽⚽⚽⚽
