محتاجين برامج فنية للمعتصمين … المبدعين بدأوا يسجلون حضوراً مميزاً

بالأمس شارك بعض الفنانين المعتصمين و تغنو لعزة و للوطن الحبيب..

تقدمتهم الاميرة نانسي عجاج و الفنان عاصم البنا واخرين
اليوم هاني عابدين اول المعلنين عن الحضور و المشاركة

عايزين ساوند سستم و عايزين حضور للعود و الطنبور و الدلوكة و النقارة و النحاس بيعلي الحماس ✌

نحن ما راجعين الا البيان يطلع

بيان تنحي البشير و تسليم السلطة للشعب غير كدا ثابتين و راكزين..

يوم الليلة دا اهم من يوم امس و يوم بكرة اهم الليلة..

كل المعونات في الطريق اكل وشراب و شواحن و تمباك وسجاير و اغطية و لحافات و اسعافات اولوية و فرش اسنان و معجون و شاي وقهوة و بسكويت..

كل الناس هناك صغار وكبار نسوان ورجال كل الناس اهل
و ماهم قراب قربهم الوطن..

كن جزءا من التغير و جزءا من الحدث و جزاء من التاريخ نحن ما فضل لينا كتير نحن قريبين نعصر لى روحنا بس ال١٠٠متر الاخيرة دي..

ارحكم نبقى مارقين للقيادة العامة