الفاتح النقر يطالب السلطات بالتدخل وشوقي يبشر الجماهير الهلالية بنبأ سعيد خلال 24 ساعة
احتشدت جماهير الهلال طوال يوم امس داخل نادي الهلال وظلت تردد في هتافات داوية مطالبة بذهاب مجلس الامين البرير وقد خاطب الاستاذان ماجد اسماعيل المحامي وعماد الطيب المحامي الامين العام لنادي الهلال الاسبق الحشود مشيدين بالتزامها بالسلوك الحضاري وعدم لجوئها للعنف واثارة الشغب.
وقد تابعت الجماهير الحوار الذي اجرته قناة الشروق الفضائية مع النجمين هيثم مصطفي وعلاء الدين يوسف عبر شاشات ضخمة من داخل نادي الهلال وانخرطت مجموعات كبيرة من الجماهير في نوبات بكاء حار بعد اعلان البرنس مقدرته علي العطاء وعدم اعتزاله الكرة الي ذلك اغلقت جماهير الهلال الطرق المؤدية لقناة الشروق بالخرطوم تعبيرا عن حبها للنجمين الكبيرين هيثم وعلاء، فيما اعلن المعتصمون مواصلتهم للاعتصام بدار النادي حتي ذهاب مجلس البرير او الفناء داخل نادي الهلال الامر الذي ينذر بخطر داهم اذا لم تتدخل السلطات لايقاف ما يحدث داخل نادي الهلال.
الفاتح النقر يطالب السلطات بالتدخل
طالب المدرب الكبير الفاتح النقر السلطات باحترام رغبات ومشاعر جماهير الهلال وحملها المسئولية كاملة لما يحدث لانها كانت السبب المباشر في بقاء الامين البرير ومجلسه وقال انه عندما كان مدربا للهلال في نهاية الموسم الماضي طالبه مجلس البرير بتجاهل هيثم مصطفي ولكنه رفض.
شوقي يبشر الجماهير الهلالية بنبأ سعيد خلال 24 ساعة
قال المدرب شوقي عبدالعزيز انه يقف مع النجمين هيثم وعلاء الدين لانه وقوف مع الحق ووعد جماهير الهلال بسماع نبأ سعيد خلال الاربع وعشرين ساعة القادمة.
البرنس يتلقى عرضين من الوكرة القطري والشعب الاماراتي
تلقي هيثم مصطفى كرار قائد الهلال المشطوب عرضين للاحتراف احدهما من الوكرة القطري والاخر من نادي الشعب الاماراتي.
لدي مخاطبته لجماهير الهلال امس:
ماجد اسماعيل يشيد بقوون والمشاهد وحبيب البلد
اشاد الاستاذ ماجد اسماعيل المحامي لدي مخاطبته الجموع التي احتشدت بدار النادي امس نصرة لنجمي الهلال المشطوبين هيثم مصطفي وعلاء الدين يوسف اشاد بصحف قوون والمشاهد وحبيب البلد لوقفتهم القوية مع الحق وقال ان وقت الخلاص من مجلس البرير قد حان.
قوون
فوضى غريبة!!!!!!!!!!!!!!!!!!!!!!!!!!!!!!!!!
حسبي الله و نعم الوكيل …. الناس ديل طبيعين؟؟؟؟؟؟
عالم وهم ،،، الناس جعانة وما لاقيه حق أي شيء ،،، برنس شنو وهلال مريخ شنو وكورة شنو أولا الناس الوهم دي تقعد تبكي في البرنس ولا تبكي على الحال المائل الوصلت ليهو البلد من غلاء ووباء وجهل ومرض كان المفروض الهتافات المدوية تكون هتافات ثورية ضد من يأكلون أموال الشعب ويتطالون بها في البنيان ويمتطون بها فارهه العربات وضد الفاسدين والمفسدين ،،، وبعد البلد ما تتصلح العالم الوهم دي مفروض تفكر في الكورة ومناشط الحياة الأخرى التي تدهورت لتدهور الاقتصاد وفساد القائمين على أمور العباد
كلام عجيب والله الدنيا دى الحصل فيها شنو ياناس
ما اعلق عليه ليس له علاقه بموضوع هيثم مصطفى ولكن اريد ان اقول لهؤلاء
1/ ود الحاجه ياتو حاجه حواء الطقطاقه يرحمها الله
2/ محمد الحسن العمده ما صرت عمده فاقترح ان تغير الاسم الثالث الى ( الغمه)
3/ الوطن العربى ( ماشاء الله على الوطن العربى )
4/ باسطه من اسمك يفترض ان يكون تعليقاتك بقدر اسمك
5/ الحقيقه مره وكيف توصلت الى الحقيقه حتى تحكم على مرارتها
انتو غير جديرين بالتعليق لانكم والظاهر انكم من الذين تصبون الزيت على النار وانتم الذين توقدون نار الفتنه والعنصريه
فعلقوا وانتم احرار ولكن دون الاساءه على الاشخاص
واهمس فى اذن الحقيقه المره واقول ليك انا اشرف منك ومن قبيلتك
فى شنو الناس دى عاملة الضجة دى !!! هيثم 17 سنة مع الهلال وعمره 36 سنة لم يفوز ببطولة خارجية !! كفاهو عايزين نشوف وجوه جديدة !! بدل ما واحد متحكر فى خانة لاعب !! مفروض هيقم يعتزل قبل سنتين !!! البرير اسواء رئيس لنادى الهلال . ولكن بصراحة احيهو لشجاعة فى قرار شطب هيثم وعلاء الدين
شيء عادي لأي لاعب أن يتقدم باستقالته من ناديه.
وشي ء عادي للاعب يشطب من فريقه.
وشيء عادي لأي لاعب ينتقل من فريق لفريق.
وشيء عادي ينتقل لاعب لأي دولة أخري. هذا يحدث في كل أندية العالم.
لكن الشيء الـ غير عادي ما يحدث عندنا في السودان من تمجيد اللاعب والإداري ورؤساء الأندية إلي الحد الذي يتسلق بعضهم أعمدة إنارة الاستاد بغية الانتحار أو ذاك الطفل الذي انتحر بسبب موت لاعب المريخ ايداهور.( لهما الرحمة).
فالذي يُعجب بهيثم مصطفي في شخصه أو في طريقة لعبه حتماً سيُعجب به حيثما حل هيثم مصطفي لأي نادي أو فريق آخر.يكاد معظم الرياضيين في العالم يجتمعون علي حب اللاعب الأرجنتيني ( ميسي ) لكن لننظر كم من الأندية التي لعب لها هذا اللاعب ولم يتأثر حب الجماهير له بتنقلاته هنا وهناك!!
الكابتن هيثم لو أصلو لسع ممكن يكون ليهو صولات وجولات في الملاعب يمشي يسجل في أي نادي تاني الموردة النيل أو الأهلي والجماهير القاعد تبكي عليهو تمشي تتحول معاه ويورينا أنو حيكون فريق بحاله ويغلب الهلال والمريخ وبعد كده نحن بنصدق الاسطورة ،،،
وشوقي يبشر الجماهير الهلالية بنبأ سعيد خلال 24 ساعة !!!!!! إلا تكون حلاوة مولد .
مع احترامنا للكباتن هيثم وعلاء الدين، لكن هم لاعبون محترفون وليسوا هواة ومن حق النادي انهاء عقودهم في اي وقت حسب ما يراه مجلس النادي المنتخب، طيب هسي لو طالب البرير اللاعبين هيثم وعلاء باللعب مجانا عشان خاطر الهلال كانوا ح يوافقوا !!!!!!!!!!!!
حقيقة يا كرام فى بلدنا السودان اى حاجه بقت سيئه ، والسياسه لا تنفصل عن الرياضة والحاصل فى مؤسسات الدوله والاستغناء عن المسئولين الشرفاء ليس ببعيد عن الاذهان ، لعنة الله على الكيزان فقد بدلوا كل شىء فى البلد ، فلكم التحيه هيثم وعلاء ما يحدث فى الهلال حاصل فى كل شبر من بلدنا ،الصبر على الابتلاءات والمحن عفاك وشفاك الله وطنى العزيز فكل شىء جميل صار يزبل قليلا قليلا والله يصبرنا
ياحليلك ياماجد اسماعيل وحليل ايامك لمن كنت فى زول قيادى فى مؤتمر المستقلين بالاسكندرية تدافع عن الحق .. والآن وصل بك الحال والانحطاط الى هذا الدرك السحيق لتنحدر الى هذا المستوى واختزلت قضيتك فى الدفاع عن هيثم مصطفى !!! حقا انه لشئ محزن وهو مؤشر خطير لما آل اليه حالنا وفكرنا يموت الطلاب بيد كلاب الامن فلا تهتز لنا شعرة ولكن نثور ونغضب لشطب واحد تافه زى هيثم وعلاء الدين وعندما يتاخر المسطول محمود عبدالعزيز عن الحفل … والله نهنئ الكيزان بنجاح مشروعهم الحضارى الذى اوصلنا الى هذا الدرك السحيق .. حسبى الله ونعم الوكيل…
هذا زمانك يامهازل …………..الناس تبكى الحوت تم القبض عليه الناس تهتف بالامبراطور ….هيثم اختلف مع المدرب … هيثم قرر عدم اللعب ..هيثم … هيثم دخل الحمام هيثم ماذاقدم للسودان هيثم وهو كابتن الهلال ادونى كاس دورى محلى كاعارف الناس فى شنو وال…..فى شنوواحتلال نادى الهلالحتى الان الصحافة وخاصة الرياضية فى السودان تحتاج الى مراجعات ونحن عايزين واحد زى نمرى يعمل لينا رياضة جماهيرية
ناس فاضية برنس وعجب شنو
حسبنا الله ونعم الوكيل
عالم فاضية وماعندها شغلة ويستاهلو الضرب بالجزم!!! حشدكم دا ماكنتو تعملوه للقضايا المهمة! أمشو إحتلو القصر الجمهوري.. هيثم شنو وعلاء الدين شنو؟ هي البلد دي فيها كورة؟.. بلا لمة بلا زحمة معاكم… بلا يخمكم!!
LoooooooooooooooI Denasorat al Sudan Al Maragani _ Al sadeg Al Mahadi_ Omer Al Basher _Faysal Ajab _Haytham Mustafa!!!
ابو دومة وغيرو من وسخ الدنيا علي الاقل هنالك من حدد قضيته وجاهر بالقتال من اجلها اقعدو انت قدام اجهزتكم وانتقدو البقية اهو برضو ممكن تقولوا لقيتو ليكم شغله
حشد جماهير الهلال لوكان هبة لتغيير النظام, كان أفضل بكتير من ضياع الوقت.
مجرد رأي
و الله الاستحوا (الخجلوا ) ماتوا يا اخوانا الناس بتموت بقنابل المؤتمر الوطني في جبال النوبه و النيل الازرق و الاطفال تيتموا و الشيوخ ماتت حرقه و انتوا بتبكوا عشان شطبوا فلان و علان صحيح الرجال راحوا و انتوا البسوا الطرح و خلوا ناس هندوسه يستنشقوا البمبان
و اتفرجوا
Hey fans and supporters of Hilal club, instead of burning yourselves, nerves and energies for a player like Hytham who has contributed nothing to Sudan football, it is better that you gear your voices and energies towards the true root causes of our football dilemma, you better join the demonstrating university students in their just cause against the brutality of this regime, when this regime is toppled everything will be in order including football problem. The whole country is bleeding, dismantling and falling apart, is this not enough for provoking and inciting you to take you to street? Is Hytham issue the only thing that ignites you? BIG NONSENSE.
جيبو عربات جيش وسوقو الناس ديل ارموهم فى زريبة مواشى
ابشركم مسبقا بفيام و نجاح الثوره اذا نجح هذا الاعتصام —فالثوره المصريه بدات بالنجاح في المطالب الفئويه و الصبر عليها حتي انتشرت ثم تطورت الي مطالب ثوريه ثم تجمعات ثوريه ثم ثورة عارمه وهكزا الدنيا تمشي بالترتيب والنظام وليس بقوة القلب و الطموح وحده
هيثم كفاك انت اصلك دبيب ولا وزير فى الانقاذ
عليكم الله ياجماعة دي حالة بلد يرفع ليها العلم دي غيبوبة فكرية احلت في بلد يدعي السودان , هيثم مصطفي دا اول واخر لاعب بالهلال خلاص انتهت الكورة هي وينه الكورة لا اتقدمنا ولا إتاخرنا صدق قول الشاعر السودان ياهو دا السودان
عليكم الله في لاعب كورة بسمو هيثم؟ مجانين كلكم