مدير سودانير يتقدم باستقالته ويعكتف بمنزله
الخرطوم: هالة حمزة
أبلغت مصادر موثوقة ، تقدم المدير العام للخطوط الجوية السودانية (سودانير) عبدالمحمود سليمان باستقالته من منصبه لوزير النقل واعتكافه في منزله.
وقالت المصادر، إن وزير النقل لم يبت إلى الآن في شأن الاستقالة المكتوبة لمدير سودانير والتي عزاها المدير لتقاعس الجهات المختصة عن الاستجابة لمطالب الشركة فيما يلي توفير التمويل اللازم للنهوض بمهامها كناقل وطني، فضلاً عن عدم الاستجابة لمتطلبات العاملين واستحقاقاتهم .
في السياق أكد رئيس نقابة العاملين للشركة الزبير حمد لـ(السوداني) استقالة المدير العام للشركة، وقال إن استقالته خلقت المزيد من الفراغ الإداري بالشركة والتي تخلو زهاء الـ(14) شهراً من مجلس الإدارة وتبعه الآن المدير العام، كاشفاً عن قيام وزارة المالية بصرف راتب شهر أكتوبر المنصرم فقط للعاملين بالشركة، بينما لا تزال بقية مطالب النقابة عالقة
السوداني
الله يرحمك يا سودانير ، خطوط جوية عريقة أصبحت بدون طائرات. فضيحة دولية، و لا يزال البشير يرقض و يقدلو يتفاصح
ديون سودانيير اكبر من رأسمالها…وهكذا كلما دخلت الانقاذ شركة تسارع اليها الفساد
يا جماعة بجد في ناس لس بتسافر على سودانير؟
هو يعنى لو قعد فى مكتبو ولا فى البيت قرقت فى شنو؟؟؟ انا لو كنت فى محلو كنت انتحرت عشان اسبت وجهة نظرى…. خيبك الله فى الدنيا وفى الاخرة
الخطوط الجوية السودانية عبارة عن طيارة واحده تدعي بدر تقوم من الخرتوم ترك في جده وتطير تاني ترك في دبي وترجع من دبي ترك في الخرتوم ثم تطيرتاني وترك في الرياض بعد تاخير 14ساعة وبصورة مستمرة والنغمة كالاتي حضور الساعة اربعة صباحا المطار والاقلاع الساعة تمانية صباحا وطبعا ليس مفاجاة ان يقول لك بعد ايمسك منك رسوم الوزن الزائد ويقول ليك خلاص ارجعوا البيوت وتعالوا الساعة خمسة مساء وترجع علي مضض اذا كنت من اهل الرياض اما اذا كنت من الشرقية او القصيم تتوسد البلاط وترقدوالساعة خمسه ولا اعتزار ولاكلام فاضي يجوا الساعة ثمانية مساء تسحب البوردباس ثم تدخل صالة المغادرة وترك الطائرة الميمونه الساعة خمسه صباحا ثم بعد ساعة ونص نضافه وكلام فاضي جنس لعب وكلام فاضي يعني الرحلة المبرمجة الي الولايات المتحدة الاميريكية تكون سافرت ورجعت ونحن نزح في المطار وطن عجيب وغريب اى مرفق فيه منهار ديل منتظرين شنو يا جماعة الخير بالله عليكم
اليكم الخبر اليقين مدير سودانير بصدد التعاقد مع شركة طيران خليجية بمواصفات عالمية ؟؟؟
فشل فشل فشل
اكون معتكف في بيتم عشان ما في زول اشوفو ببكي واجعر من الفشل
واحدة قايمه والتانية نايمة وكمان عاملين ليها مدير عام ومجلس ادارة !!؟
الله يرحمك يا طيران الشمس المشرقة !!
هى لسع فى شركة اسمها سودانير, وعندها مدير, و كمان مديرها بيقدم استقالة من الشركة … حاجة عجيبة .. سودانير بعد اللعب والفساد والنهب والسرقة والفشل .. لسع موجودة .. والله روحها روح كلب ..
الا يجيبوا بس مدير يقدر عليهم كلهم و يرجع سودانير زيما كانت زمان