مواصلة محاكمة طبيبة تواجه اتهاماً بالردّة عن الإسلام
الخرطوم: عبد الرحمن صالح
تواجه طبيبة سودانية اتهاماً بالردة عن الإسلام واعتناقها الديانة المسيحية، بعد زواجها من نصراني داخل كنيسة كمبوني بالخرطوم. وسرد أحد حراس كلية كمبوني بالخرطوم تفاصيل معرفته بالطبيبة، وقال عندما حضر كشاهد دفاع أمام محكمة جنايات الحاج يوسف برئاسة مولانا عباس محمد خليفة : إن معرفته بدأت بالمتهمة منذ العام 2005 عندما كانت تأتي كل يوم «أحد» لأداء الصلاة، وعن المتهم الثاني زوجها قال إنه لم يره إلا يوم زواجه من المتهمة. الذي أجريت مراسمه داخل الكنيسة، مضيفاً أن الأب جون المتوفي قبل شهرين، كان هو المسؤول عن المتهمة داخل الكنيسة. وكانت التحريات قد كشفت أن المتهمة تزوجت بمسيحي وأنجبت منه طفلاً وتنكرت لأسرتها، ما دفعهم لمواجهتها وزوجها ببلاغ جنائي يتعلق بالردة وإنجاب مولود غير شرعي.
الانتباهة
خليها ترتد مالكم و مالا
دى ما فتاوى الترابى – المفروض يحكم على الترابى بالردة لأنه يمثل خطر أكثر من البنت – البنت إرتدت وذنبها يخصها ويجب أن تحاكم لكن الترابى هو السبب فى ردتها وردة المئات بعدها
ا ايها المسلمون ارجعوا للكتب السماويه ،خاصه التوراه والانجيل لمعرفه كلام الله وصيغه المخاطبه لأمته وقارنوا بينهم حتي تنكشف لكم الحقيقه.
خليها ترتد مالكم و مالا
يا عالم أتركوا الخلق للخالق..
ولكم دينكم ولي دين..
ولا إكراه في الدين..
والله أعلم بالسرائر..
ح نقعد نفتش في قلوب الناس كمان؟
الان المشكلة ليست مشكلة إمرأة مسلمة تحولت للمسيحية وتزوجت مسيحية لأنو القانون ما بيمنع ده..
المشكلة مشكلة أسرة المرأة البيطالبو بـ (حق اللبن)..
مشكلة الاسرة الكانو بيفكرو ويخططو يبيعو بنتهم للي يدفع مهر أكبر..
ياخي إمرأة راشدة عاقلة ومسؤولة عن حياتها.. خلوها في حالها يا أسرة السجم والرماد.
التعقيدات الاجتماعية في السودان ده مشكلة كبيرة لانو الاسرة بتشوف انها مسؤولة عن أولادها وبناتها حتي بعد زواجهم وأنفصالهم عن حياة آبائهم وأمهاهم.
في الغرب الكافر الزنديق لا يستطيع الاب او الام ان يفرض علي ولده أو بنته (أي شئ) بعد سن الـ 18 سنة.. وده من أسباب تقدمهم وتطورهم لأن الجيل الجديد بيشيل نفسو بنفسو وما بيكون معتمد علي الجيل القديم المُخرف.
ده ما تطاول علي الجيل القديم.. ده صراع واقعي وطبيعي بين الأجيال..
ولو الجيل القديم لم يحترم آراء وطموحات وأفكار الجيل الجديد (جيل الأبناء) فحيتسببوا في كوارث كبيرة تضرهم أو تضر أولادهم أو تضرهم كلهم.
نقطة نظام:
أنا شخصياً بعرف الكتيييييير جداً من الاسر في السودان في شقة وفصام كبير بين الجيلين فيها.. الأب والأم من جهة (دايرين الجيل الجديد يكون مطيع ومنفذ لكل التوجيهات والأوامر بدون نقاش).. والجيل الجديد (شايف انه ليه الحق في أتخاذ قرارتو الخاصة بنفسو سواء في التعليم او الزواج او الهجرة أو السجم أو الرماد)..
ياريت ننتهي من صراع الاجيال الوصل لدرجة المحاكم ده.
بسم الله الرحمن الرحيم
السودانيين كلهم سياسين نعم نقول وافقنا
لكن لكن كلكم مفتئين فى الدين دى من علامات الساعة
لانه فى آخر الزمان الجهلاء فى الدين يفتون فى الدين
هو ياتو اسلام البرتدو منو ده ياهو بتاع ناس البشير ده الز شئ اننا مامتاسلمين و ذلك بفضل ال البشير البت لو عرست مسيحى ساكت كنا نقول عليها بت متعلم و عقلها هداها للصاح لكن مسيحى و تدخل دينو هذا هو الجهل المركب
واحد جا يوم جمعة الى التكينة و صلى الجمعة في مسجدها وو قتها كان رجب و بعد الصلاة طلع المنبر بداعى انه دخل في الاسلام جديد و داير المساعد الجماعة لقطو ليهو الفيها النصيب و كان هناك مسن كرهتو في الدنيا رمضان انتظر زولك في الباب اول ما طلع قال ليهو يا ولدى اكان عارف الجاييك بعد شهرين ترجع لى كل زول حق و تتوكل اهلك
الجفلن خلهن أقرع الواقفات
ياخ البت دى موضوعها كرهنا … بعد كده خلوها هى وربها تتحاسب معاه وكل شاة معلقة من عرقوبها … ويا أخ (((طلوبا))) نحن كمسلمين نحمد الله عندنا القرءان بأكمله ماخلى حاجة وضح لينا أيى شيىء حقيقة شنو التنكشف لينا يعنى قصدك التوراة والانجيل تمام والقرءان عندك فيهو رأى ؟؟؟! … أخى أنت باين عليك ما مسلم لأنك دائما شايفاك أيى حاجة عن الدين طوالى تبطن كلامك لتحاول تسيىء ليدينا وأنا برجو منك لو سمحت للمرة الثانية ما تتكلم لينا عن دينا بهذه الطريقة ونحن كمسلمين بنحترم كل الديانات السابقة ولا نسيىء لها … وشكرا
لقد افتى الترابي بمشروعية زواج المسلمة من اهل الكتاب وقال في مقابلة تلفزيونية ( لا امانع ان وجدت مسيحيا معتدلا ان ازوجه ببنت من بنات المسلمين )
وبعدين هل ما نحكم به في السودان هو الاسلام ؟ لقد شوه النظام الحاكم صورة الاسلام والناس ببغضهم للنظام ومعاناتهم مع القتل والتشريد والاعتقالات والاغتيالات واكل اموال الناس بالباطل كل هذا جعل الناس والعالم كله يعتقد ان هذا هو الاسلام . فهل يستغرب ممن لا يعرفون الاسلام جيدا ان ينتقلوا لديانة اخرى
ح تحاكموها بي شنو إن شاء الله؟ ولا ح تنجرو ليها حكم زي بتاع البنطلون وعدم لبس الطرحة ..
ربنا سبحانه وتعالى قال في محكم تنزيله (لا إكراه في الدين قد تبين الرشد من الغي) وقال (لكم دينكم ولي دين) وقال (ومن كفر فإن الله غني عن العالمين) وقال (ومن كفر فعليه كفره ومن عمل صالحاً فلأنفسهم يمهدون) ..
يا بشر خلو الخلق للخالق والايمان والكفر شئ يحاسب عليه الله جل جلاله وحده .. مالم تحارب الاسلام والمسلمين وتؤذيهم بشئ يوجب الحد والله اعلم ..
حاكمو الناس البتسرق قوت الغلابا وبي سببها بيموت ملايين
.
.
كرهتو الناس في دين ربنا وخليتوه دين حدود وقطع وقتل بس وربنا قال لنبينا الكريم عليه الصلاة والسلام (وما ارسلناك إلا رحمة للعالمين).. وين الرحمة هنا يا متأسلمين؟؟؟
الله يهنيك يا دكتوره مسلمه او نصرانيه ما علينا بدينك ده بينك وربك والله اعلم بعباده
ولا تكترثى للجهلاء
يا جماعة البنت خلوها في حالها لن تستطيعوا تغيير شئ مما حدث فهي اعتنقت الدين المسيحي عن قناعة منها, ثم لاتسخروا من اديان غيركم فهي امرها الى الله انتو بس طهروا قلوبكم بالإيمان, فسبحان الله عما تصفون
حرية اعتناق اى ديانة لان المسالة ليس مظاهر بل هى علاقة بين الؤمن وربه
واحد جنوبي دخل الإسلام فطلبوا منه أن يختن وبعد فترة فكر أن يرجع للمسيحية مرة أخرى فقالوا سوف يقطع رأسه إذا إرتد …. فقال لهم إسلام ده عجيب … تدخل فيهو يقطعوا زبـ …. تطلع منوا يقطعوا راسك …..
يا جماعة هي مخيرة. مش الله قال ( من شاء منكم فليكفر……) وبعدين تزوجت من يقدس العلاقة الزوجية وهي التي تعيش معه, بس الفساد في هذه الدولة اكبر من كده. وبعدين من اعطلكم الحق لكي تكفروا الناس. لعنة الله عليكم ومن هذا الهوس.
لا حل إلا بالفهم الصحيح لحرية الإعتقاد , فلا يخضع لإزواجية تجعل الإنتقال من المسيحية للإسلام حقاً و تجعل الإنتقال من الإسلام للمسيحية جرماً ..
يا عالم والله التعليقات اغلبها مناقضة للاسلام لاحول ولاقوة الا بالله…يقول المرء كلمة ولايلقي لها بال وتهوي به سبعين خريفا في نار جهنم …يا أخواني الكيزان بطريقتهم وبراكم شايفين اعمالهم وموتهم (طائرات عربات وحوادث اخري) ياناس ماحكم الردة في الاسلام؟؟يا أحبابي ماتقولوا الكيزان وتنصرفوا عن الموضوع الريئسي الكيزان ماحبدخلوا معانا قبورنا…ثانيا حروب الردة في عهد سيدنا ابوبكر الصديق سببها شنو؟ ياأحبابي سبب تسلط الكيزان علينا هو بعدنا عن دينناالاسلامي الحنيف يقول الله تعالي (وما اصابكم من مصيبة فبما كسبت ايديكمو يعفو عن كثير)..أخي الكريم ابن كوش ارجع لتفسير ابن كثير وشوف تفسير الاية29 من سورة الكهف ..ماتفسر علي هواك.والله أعلم.
الردة في الدين الاسلامي غير مسموح بها شرعا
الخيارلك قبل ان تدخل الاسلام اما اذا اسلمت معناها سلمت ولا خيار لك ان ترجع
ثم يا شبابنا
هنالك مسائل شرعية ليست بالمزاج ثم ان اهلها من فتحوا ضدها البلاغ
طيب الاهل اعرف ببنتهم
ياخ ما تحكموا بالعواطف الامر ليس لعب الامر خطير
كونه ناس البشير سرقوا السلطة باسم الدين وكرهوا الناس فيمن يتحدث باسم الدين نترك لهم الاسيلام
ياخ الامور واضحة
البشير وزمرته وكل حاكم جائر عندهم قصور بجوار سلفهم فرعون وهامان وابوجهل مهما تسربلوا بلبس الدين الطغاة عندهم محل في الاخرة بجوار فرعووووووووووووووون47
يا المسلم انا شفتا ديدات مات كيف ؟ وماهو عدد المسيحين في الغرب الدخلو الاسلام بسبب
محاضراتو ؟ المنتصرين كتار لاكن بخافو سيف الردة فتشو الكتب فتشو الكتب…
يا جماعة……. علاقة البشير والحكومة بمساىل الدين شنو؟؟!؟!؟!؟ الناس بقت غل في الحكومة تفش غبينتها في الإسلام مع انو مافيا علاقة بين الاتنين ،،،،، اتقوا الله،،، وخلوا الفتاوي لأهل الاختصاص
الدين للديان والوطن للجميع
اثبتت دراسه نشرة عن افغانستان انها متصدرة الدول الاسلاميه في الالحاد والتفكك الديني وفي كل شيء ضد الالتزام الديني الرشيد خاصة للمواطنين المستقرين داخل الدوله ابان حكم طالبان وحتي هنا في الغرب من معاشرتي لهذا الشعب فهو غير مبالي بدينه الاسلامي يعني مابينظرون للحلال والحرام اغلبهم وخوفي الشديد ان يمر علينا زمن نكون مثلهم بسبب هذا الحكم من الجبهة الاسلامية وياتي سودانيون اسلام شكلاً فقط وربنا يسترنا