مراقب بالرادار

حكى لي صديق قادم من بلد عربي لقضاء الاجازة وبزعل شديد انه كان يقود سيارته قبالة شارع النيل مع الاسرة وهو يمني النفس بإجازة قصيرة ممتعة .فجأة استوقفه رجل المرور ونأتي للحوار :
رجل المرور : عليك مخالفة تجاوز السرعة القانونية
هو : ياجنابو سرعة شنو , والله العظيم انا مازدت من ال 60 وجاي شارع النيل جولة بس
رجل المرور : لا عليك مخالفة الرادار لقط العربية متجاوزة السرعة فوق ال 100 كلم
هو : طيب وين الصورة وبيان السرعة وفي نفسه قال ( ياربي اكون انا غلطان وفعلا السيارة كانت مسرعة )
رجل المرور : اتفضل دي عربيتك ولا لا
هو : ياجنابو الفي الصورة دي مارسيدس
رجل المرور : ايوة صح ! يافلان هات صورة الاكسنت . اها عندك اي كلام تاني دي مش عربيتك
هو : ياجنابو دي ماعربيتي انا عربيتي النترا ودي اكسنت
رجل المرور : يافلان هات صورة النترا ورجع دي ومخالفتك 150 ج يلا مشينا .دي الصورة ولا لا
هو : ياجنابو الصورة دي صورة النترا فعلا لكن برضو ماعربيتي . رايك شنو
رجل المرور : كيف الكلام ده انت بتغالط فينا كمان وداير تورينا شغلنا
هو : ياجنابو عاين اللوحة بتاعت عربيتي سعودية والعربية الفي الصورة سودانية تبقى كيف عربيتي
رجل المرور : يازول خلاص امشي . طلعت حريف انت .
لاتعليق
[email][email protected][/email]