وزير الإعلام : الدولة عازمة على محاربة الفساد ولا توجد حصانة لزول فاسد
الخرطوم – طلال اسماعيل
كشف وزير الإعلام أحمد بلال عن مواجهة الحكومة لحرب شائعاتٍ ممنهج وأعلن عن عزم الحكومة إنشاء محاكم ناجزة لقضايا النشر الصحفي التي تتعلق بالدولة بعد التفاكر مع وزير العدل محمد بشارة دوسة بذلك الخصوص، ولم يعتبر الوزير ذلك الإجراء إنذاراً أو تهديداً ولكنه مسعى منه للدفاع عن الحريات الصحفية في السودان التي تتعرض لإجراءات استثنائية تمتد إلى المصادرة والإيقاف، وكشف في ذات الوقت عن أن الدولة عازمة على محاربة الفساد وأنه لا حصانة لفاسد.
وقال الوزير في لقاء مع رؤساء التحرير :” أنا مع الحرية الكاملة للصحافة ويعز علينا أن نسمع بإيقاف الصحف، هذه المسألة ليست بالسهولة بعد أن خطونا خطواتٍ في توسيع هامش الحرية، وإذا قارنا الحرية التي تتمتع بها صحفنا وتنظيماتنا السياسية مقارنة ببعض الدول فهي لابأس بها.” وأضاف:” إذا كان هنالك تصادم مابين الصحف والدولة ورأينا أنه تم الاعتداء على حق الدولة سلنجأ إلى ساحة العدل وسيكون هنالك نوع من التراضي.” وأشار إلى أن وزارة الإعلام ستلجأ إلى أسلوب الاتصال المباشر مع رؤساء التحرير لمعالجة القضايا المطروحة، وأظهر بلال عدم رضا من تناول الصحف للقضايا الاجتماعية، وقال:” نحن ليس مجتمعاً ملائكياً إذا كان هنالك شواذ ، ومايحدث نوع من التضخيم لنشر الأخبار عن اغتصاب الأطفال الذي يؤدي إلى إحباط المجتمع، وهذه ليست صورة الشعب السوداني الذي يصلي الآن التراويح في المساجد.”
واعترف الوزير بوجود مشكلة في الأجهزة الرسمية بتوفير المعلومات لكنه أشار إلى حلها عبر تشكيل غرفة إعلامية للمتابعة اليومية تضم مجلس الوزراء ورئاسة الجمهورية لتوفر كل المعلومات للمؤسسات الإعلامية ، وقال بلال:” ليس لدينا حاجة تحت التربيزة ومن حق المواطن أن يطلع على النشاط اليومي للدولة من قمتها إلى أدناها.”
ونبه الوزير إلى الإجراءات التي تتخذها الدولة لمحاربة الفساد، وقال :” الدولة عازمة على محاربته ولا توجد حصانة لزول فاسد والحرب على الفساد تكون بشكل موضوعي ولايطلق على الدولة ككل وسنكون متشددين في هذا الأمر، أما إثبات الفساد بالوثائق أو نعتبره نوعاً من التجني غير المقبول وقذف.”
وشارك في اللقاء رئيس المجلس القومي للصحافة والمطبوعات علي شمو والأمين العام العبيد مروح.
المجهر
الدكتور احمد بلال هو الفساد يمشى على قدمية يحرامى ياقذر اتريد ان تسوق بضاعة الكيزان البايرا ؟
وقال :” الدولة عازمة على محاربته ولا توجد حصانة لزول فاسد والحرب على الفساد
هههههههههههههههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههههههههههههههههههههه
قطعت قلبی بالضح? ایها المنافق الرخیص
انت أولهم يا وغد. لعنة الله عليك يا المابتخجل..
وين صورة النسوان البيضحكوا؟
ياخ الشعب بقى يعرف الكيزان ديل كويس ما ياهم الجوعونا ومرضونا وشردونا وقتلونا ونهبونا واستفزونا وطلعوا عينا
كلهم كضابين ومنافقين وحراميه وتجار دين وما عندهم اى خطط ماشين بيها مدردقه معاهم ساى
فنحن ان شاء الله واثقين انو حيمشوا اليوم او غدا وواثقين انو ما حتقوم ليهم قائمه تانى عشان كدا استئصالهم داير زمن لكن موعدنا الصبح اليس الصبح بقريب
تعليق على عنوان الموضع فقط
بالله عليك ؟؟ طيب انت قاعد تسوى شنو ؟؟؟ يا مخلوق اتقى الله الدنيا رمضان كذبكم ده ما عنده
مواسم ولا اشهر حرم ؟؟ غايتوا قالوا ابليس هج خلى ليكم البلد ( الكضب حرام والقبر قدام )
والله يسلط عليكم جماعة بوكو اسلام يعلقوكم من اللسان
أحمد بلال يا عديم المبادى والاخلاق جيت اجير تسوق ما تبقت من بضاعة الانقاذ الكاسدة.. اولا ابدا بمحاسبة اخوة البشير وزوجنه بعد داك بنصدق يا كذاب اختشى وخلى رمضان اعدى بعدين دجل علينا
انتم الذين ادخلتم في السودان ثقافة جديدة ماكانت عند الشعب السوداني خصوصا انت ومسار عثمان عمر الشريق الزهاوي وشيخ التدليس عبد الباسط سبدرات ، من اجل الحصول على مكاسب دنيوية ذائلة تفعلون البدع ، مادايرين نتكلم عن اي فساد اخر فقط قضية ملف خط هيثروا وشركة الاقطان دايرين نعرف رايك شنوا ايها الانسان الشريف والعفيف ، صدقني يادكتور ماتفعله لايفيدك في شي سوف تشوه سمعتك في الفاضي دا لوكان عندك سمعه ، وناس الانقاذ سوف يتخلصون منك باسرع وقت ممكن مهما فعلت من تدليس (تعرصة) لان الكيكة اصبحت صغيرة جدا لاتحوق بزبانية المؤتمر الوطني
سبحان الله . ديل عاوزين يكونوا محاكم ناجزة عشان يحاربوا شائعات الفساد. في ارجل من كده. بدل يعملوها للفساد نفسه. يا جماعة ديل اسوء من الشياطين. علي الاقل الشياطين في رمضان بيدسوا.
كل ما اشوف هذا الرجل البائس احمد بلال وتصريحاته التى يطلقها فى الهواء وتذروها الرياح وتختفى
ولا تجد لها اثرا على ارض الواقع .عيش يارجل عيش ,طبل طبل .التطبيل مجانى .وطظ فى الشعب السودانى
هكذا لسان حالك .والله ارثى لحالك
لو ببتذكر يا احمد بلال فسادك الذى قادك للسلطة يكون احسن وتبدا بنفسك وتقدم استقالتك وفسما عظما انا اعرف كل فسادك وافسادك منذ ان ظهرت على واجهة السياسة كسياسى انتهازى نفعى والى اليوم ..
احسن ليك تسكت من الكذب والخداع ومحاولة تجميل افسد ما خلق الله من جماعتك الجدد الذين يرحبون بفاسد مثلك ويسعدهم ان يعمل وسطهم
سمعنا تحت تحت وزارة الاعلام المؤتمر الوطني حيخوش عليها بس عمنا بلال وين الله اعلم
ههههههههه والنبي
زَعَمَ الفَرَزدَقُ أَن سَيَقتُلُ مَربَعاً *** أَبشِر بِطولِ سَلامَةٍ يا مَربَعُ
لم نرى مسئولا ولصا في ان واحد يحاكم نفسه او اخيه
حكومة ولاتها ووزرائها ومسئوليها ورئيسها وقضائها كلهم لصوص وحرامية ويخرج احدهم يهدد بمحاكمة الفسادوالفاسدين
اي ان وزيرا فاسدا سياحكمه وزير عدل او قاض فاسد
على من تلعب يا ابيض الحاجبين ويا كسار الثلج
يا راجل ما تختشي على ما تبقى من عمركم وشوف ليك اعتكاف عن السياسة كان ينفعك ،،،
فساد ياعمك بعد مسرحية التخريبية تانى مافى عدالة ولا محاربة فساد . الاقلى عملت شنو فى قروش الولد المسكين اللهطة بقصد انشاء فندق بجوبا يا لص
هو في حرامي بقول انا حرامي وسرقت ما هو ليس من حقي ؟؟؟؟؟!!!!!!! ولا في حرامي بيترك اثر لي سرقتوا؟؟؟؟؟؟!!!!!!!( كلة بيتم بالدس )
وبعدين كيف يكون محاربة الفساد على اي زول طيب وين ( فقة السترة )
فعلا شر البلية ما يضحك
يااحمد بلبل في تعدبل وزاري وشيك عندك خبر والله لا انت اكيد طاير من الوزاره بس ما تفوتك نشره عشان تكون اول العارفين وتلحق صاحبك سبدرات قالو عنده اكتئاب
كبيرهم قبل المفاصلة قال أن الفساد يوجد في (بضع) من منسوبي الحزب. حاليا أصبح (الا بضع)!!!
وزير اعلام لا يعترف بحرية الصحافة ، ولا يفرق بين فساد (الدولة) وفساد الحكومة!!! يا سيادة الوزير كل شئ منذ 30/6/1989 تحت التربيزة. الفساد ما داير اثباتات، والرائحة النتنة دخلت كل مكان حتى الشقوق وخرجت الى الجيران. مهما دافعتم فمنطقكم عاجز ولا ينطلي حتى على من ينتسبون اليكم كمؤتمر وطنى واتحادى (مسجل). الغرفة الاعلامية التي تقترحونها لا جدوى منها حيث تنعدم الشفافية. تقولون أن الأبواب مفتوحة للجميع لمقابلة المسؤولين، وتضعون ناس (الهدف) والأمن بالأبواب!!! الشفافية والسلطة الرابعة هما أسباب نجاح حكومات العالم غير الاسلامي!!حقيقة الأمر أنت سبة في وجه وفي حق الاتحاديين. كان الله في عونك وأنت في هذا السن وتغالط نفسك وتخدع الشعب المسكين من أجل نعمة زائلة.
كذاب ساكت كدى أحبش أخوان الرئيس أو ودو تشوف العين الحمراء كيف من البشير دى لو ماطيرك من أكل عيشك ..ديل تقول فيهم أى حاجة بس كلمة الفساد زى الفسو عندهم مادايرين يشمو ريحتو ولايسمعو صوتو ..
الفساد!!! هو في فساد في السودان!!! انا مامصدق!! كيف يكون في فساد والذين يحكموننا هم الاتقياء الانقياء الذين بعثهم الله فينا رحمة لنا كما يقولون!! كيف يكون في فساد ووزير الدفاع ساكن في قطية قش وكيف يكون في فساد والذين يحكموننا يركبون الدواب حمير حصين الخ ولايعرفون الفارهات ولا يعرفون القصور ولا يمكن ان يسافر ابنائيهم للدول الكافرة للسياحة والبزنز!!1 اكيد ان وزير الاعلام اخطاء في التسمية هو يقصد دولة اخري هو يقصد دولة علمانية لاتعرف الشرع ولا تعترف به لكن في السودان مافي فساد ابدا ابدا ابدا.
اتعلمون اقول للبشير وعصابته كما قال الشيخ سعيد بن جبير للحجاج بن يوسف والله اني اتعجب من جراءتكم علي الله وحلم الله عليكم!!!!ويااااااااااارب فرج همنا
طيب صلاح قوش فكيتوه من السجن ليه ما حاسبتوه ما حرامى سرق مال الدولة وعمل بيه شركات خاصة وقصور ولا فى الاحلام دى كانت ورثة من بيت أبوه ولا أمو وعينك ياتاجر وكمان لامى حاجات كثيرة حرامى قاتل حاول إنقلاب فى البشير أساء أستخدام السلطة فى مال جهاز الامن أكل 70% ميزانية البترول عشرين عاما والفساد ده تبحثو عنه وين أم على دافعى ضرائب جبايات الاوساخ وستات الشاى المالين شارع النيل الفساد معشعش فوق رأوسكم وتبحثو عند مين شايفين الفيل وتطعنو فى ضلو الله أكبر عليكم يا حرامية طظ فيكم واحد واحد ولاد الكلب من حبة عملتو قبب..
بالله يا بلال بتتكلم جد انت معناها كده بتحارب المؤتمر الوطني كله طيب ما برجعوك بيوت الاشباح تاني يا قول كلام تاني مثلا تحارب النزاهة والقيم الفاضلة تحارب الانسان في اكل عيشه وكده يعني الحاجات الممكن تجي منكم يا خواف
يا وزير الاعلام انت اكبر الفاسدين المرتشيين…..احكى لينا قصة رشوتك من الباكستانى افى دبى و ضياع قروش الرشوة عليك الله تحكيها براك عشان الشعب يعرف حاجة؟؟؟؟؟