سيدة تعتدي على متحصلة نفايات بالضرب

هههههههه تستاهل والله

عفيت منك يا امضراع…..يطالبوك بحق النفايات ويخلو الضبان ياكلك من الوسخ وتجمعات النفايات وزول فيهم بجيب جالون مبيد يرش ليك الذباب مافي… كل ما ننزل السودان غير الذباب والباعوض مافي شي …. والله قرفتونا… محليات وولاية كلكم عواليق

اصلا الانقاذ عايشة على جيش المحصلين ( الي عندهم نسبة من التحصيل . ده لو ماكانو ضاربين الفتر كله) ز والله لو كل زول ضرب المحصل ( و الله البلد بينصلح حالها)

ذنبها شنو .. لو كل واحد بعتدي علي موظف دولة سوف يأتي اليوم الذي نعتدي فيه علي اخواننا واولاد عمنا فلا يخلو منزل في السودان لاتجد فيه من يعمل في الخدمة المدنية او احدي المرافق الخدمية التي تتبع للدولة .. هم يعملون في التحصيل ولا ذنب لهم وهي وظيفة اعلمها جيداً فيها من التعب وارهاق حتي في بعض الاحيان لايجدون من يشغلها من الرجال فتقوم المراة بشغلها لحوجة تلك الوظيفة لصبر وجلد وقد رايت احداهن في احدي ازقة الحاج يوسف بالقرب من شارع واحد يتصبب منها العرق حتي ان احد المواطنين تفضل عليها بكوب ماء والعرق يتصبب منها .. انهم اخواتنا من بنات السودان وانهن في حوجة للعمل لاعالة اهاليهم فاالاجدر بنا احترامهن وتقديم كل العون والسند والمساعدة ..

ولـــــــــــــــــيس ضربهن والتنكيل بهن علي قارعة الطريق فنحن شعب متحضر رغم كل الجراحات والمعاناه (اتمني لها الشفاء العاجل ) ولكل مريض او جريح في السودان ايضاً ..

أرجو أن عاجل الشفاء للمسكينة التي تم ضربها ولكن لابد أن تلوم نفسها إذ كيف تقبل وظيفة متحصلة لرسوم دون خدمة مقدمة فتستفز مشاعر الناس؟ فهي التي عرضت نفسها للخطر برغبتها فالكل يعلم أن مدينة بحري الكبرى ليس فيها خدمة نقل نفايات على الاطلاق وفي جميع أحيائها ما عدا ربما شارع المعونة و بعض شارع الانقاذ.أما باقي الاحياء فجنوباَ من الاملاك مروراَ بحي المغتربين والصافيةو شمبات الحلة وإمتداد شمبات حتى الحلفايا والكدرو شمالاَ ثم شرقاَحتى الحاج يوسف و غرباَ حتى الصبابي عادت الكوش حتى في الشوارع الرئيسية حليل أيامك يا المتعافي.

والله حرام عليكم المسكينه دي بني ادم مهما كانت، بعدين والله شغلتها اخير منها شغل الكماسره علي الاقل متفسح . انتو شفتو المتحصلين ديل يوم الجمعه الناس مرتاحه وهم لافين عشان اكل عيشهم ولو ما مجبورين والله دي ما شغله ..ونحن لما ريحونا وجونا في بيوتنا ما رضيانين .والله العظيم كلمة حق بندفع القروش والوساخه قااااااعده في محلها ونبهنا الموظفين مليون مره وهددنا بعدم الدفع ، ولا حياة لمن تنادي .. المشكله نحن مافي شي بيعجبنا .. هسي لو قالو لينا القروش تدفعوها في المحليه زول بمشي مافي .. ولو قالو لينا تحولوها رصيد ! تلفوناتنا نقفلها . ولو جونا في محلنا الله قال بي قولهم … الواحدمننا تلقاهو جمب الحمامات العامه وفي حيطه مكتوب فيها ممنوع البول .. بس يمشي محل ممنوع دا !!!

المصيبة فى الدولة التى تجعل هؤلاء الناس يطرقون ابواب المواطنين ويطلبون جبايات باسم النفايات !!!!! لماذا واين الضرائب ولرسوم التى تاخذها المحليات من التجار والمواطنين هذا بند من بنود الفساد وبعدين هى لو بنت ناس ما بتمشى تدق للناس بيوتهم وبقوة عين تقول عايزة قروش نفايات !!!! فى العالم ما بحصل زى دا وبكرة برضوا تاعملوا ليكم تسمية جديدة لجباية جيدية وخلوا ناس المحلية يجوا بعساكرهم ويطرقوا الابواب وياخدوا قروش الناس . حكومة ما بتختشى ولا تخاف الله لا يفلحون الا جلب الجبايات اين خدماتكم التى تقدموها ايها اللصوص ؟؟؟؟