الدول العربية احتلت المراتب الأسوأ في التقرير الثامن للدول الفاشلة

التعليق التحت الصورة هو افضل تفسير لاحتلال السودان للمركز الثالث و اتوقع باننا حنافس على المركز الاول في الشهر القادم و سير سير يا بشكير

يكفينا فخراً أننا الدولة الأولى عالميا من حيث الفساد والسرقة ومن حيث أعداد ضحايا الحروب والصراعات المسلحة والأولى أيضا من حيث الكذب والنفاق والتضليل والتدليس والدغمسة ورئيسنا الأول أيضا من حيث الكذب والعبط والحماقة والبله والتخلف ، نحن عورة وعار العالم الحديث بكل جدارة وكل هذا بفضل من جاءوا لآنقاذنا صبيحة ذلك اليوم المشئوم من عام 89

الانقاذ فشلت في الحرب و فشلت في السلام

و الشعب فشل في تقويمها او تنويمها

المشروع الحضاري الفاشل

بعد كل هذا الفشل عاوزين يقاوموا الايدز بطرق فاشلة

… وسنسود العالم أجمع… ونأكل مما نزرع … ونلبس مما نصنع.

بالطريقة الماشين بيها دى
الف مبروك
يعنى برضو فى الاعتبار

التقرير مترع بالشفافية وجيد جدا
نحن فشلنا حتي في زراعة القطن المحور وراثيا

True

هذا الوضع طبيعي في ظل حكم الإنقاذ وسيروا للأمام لتحقيق المركز الأول وكان الله في عون الشعب السوداني

التحكيم فاشل ، قبل يومين الصومال برلمانها انتخب رئيس ، مؤكد انها بهذا تقدمت على السودان ,
قال المحجوب : ان تعطى عسكرى دوله ليحكمها كما لو أعطيت محامى جثة ليشرحها
والنتيجة السودان بقيادة المشير برنجى وطيش العالم بلا منازع
المحير, يقولوا ليك الكيزان ديل شطّار ، ديل حتى بيت محمد المكى ابراهيم ( نجرى ويمشون للخلف ) حافظنو خطأ ( يمشون ونجرى للخلف )
الله يعين بس

ترتيب ممتاز ياسلام يعني نحنا بقينا الدولة التالتة من حيث الفشل نعمةكبيرة ياسلام عليك ياسودان والسلام عليك

لا بارك الله فيك.. الخبيث / الترابي..

فهذا الغبي الفاشل… ما كان ليجثم على صدر البلد…

لو لا خطتك الشيطانية للإنقلاب على الشرعية والديمقراطية..

***

اللهم أنقذ السودان من حكومة الإنقاذ..

ربما يقول قائل كوننا لازلنا في القائمة والله انها لمحمدة تستوجب منا كثير شكر لله عزوجل فقد تخطانا الفشل منذ وقت طويل جدا حتى اصبح مجرد وصولنا اليه هو بمثابة نجاح كبير بالنسبة لنا

سوداني الجوة فشلاني بريدو -رابكم شنو نسمي نفسنا جمهورية السودان الفشلاوية- واي زول يسالو من قبيلتو يقول انا جنسي فشيلي

الخواجــات مفتحين لو كان دقســـوا ودخلــوا الرقيص فى الحسبة كنا جينا الاوائل بالجد لانو رئيسنا حاتى حت التقول شــــاكيرا

هؤلاء لن يعترفوا بفساد او شيء ما تقولون ولو اتيتهم بكل دليل .؟!!.. الا ان تنزل عليهم اية من السماء تقول بذلك .؟؟!! ..او بخسف بهم الارض او يسلط الله عليهم ثورة عارمة تخلعهم من جذورهم .

بشوف انو جاملونا انحنا اسوأ من كدة بكتير ؟!!!!؟؟؟؟!!؟؟!؟!؟؟!؟ ممكن يكون بعد الصومال من العيني شيفاهو ، بعدين دا ما فشل دولة ولكن فشل حكام !!!!!!!!!!!!!!صاح

الانقاد عبر تاريخا استطاعت ان تعمل التي:
1: اكثر من مائة الف حافظ لكتاب الله فى ولاية الخرطوم و ما جاورها
2:اكثر من الفين مئذنةفى العاصمة المثلثة تصدح بالاذان خمسة مرات فى اليوم و الليله
3:انتشار دور المؤمنات فى كل احياء الخرطوم مما جعل ربات البيوت يتبارين فى حفظ كتاب الله و تجويده وتعلم امور دينهن
4: اطلاق سراح السجناء المعسرين و الغارمين ممن عليهم احكام الديه او الدين وذلك سنويا من قبل المؤسسات التكافليه على رأسها ديوان الزكاة
5:عملت الحكومه على نظافة الشارع السوداني (نظافة معنوية) فلا تسمع فيه الفحش من القول و سب الدين و الالفاظ النابيه و بذلك اصبح الشارع السودان من الافضل فى المنطقه
و اشياء كثيرةاخرى لايسع المجال لذكرها..هذا جهد المقل و كان الوضع سوف يكون افضل لولا الحروب التي فرضت على اليلاد و العقوبات المتتاليه و الحظر الاقتصادي و محاولة قتل الشخصيات معنويا و غيرها من المكايد…لعمري هذا هو الانجاز ,اما من يعد الانجاز رغد العيش و موفور الطعام و الملذات و متاع الحياة الدنيا فهذا هو والانعام سواء.. {وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ }الذاريات56

الناس ديل جو من وين ؟ انا عارف انو دا سؤال عبيط لكن بالجد جو من وين ؟ علي اساس تم اختيارهم ؟ ما لقو ضباط في الجيش غير البشير و ابو رياله و راجل وداد السابق ابراهيم شمس الدين و رامبو و صلاح دولار و قليل الادب يونس ، و حتي المدنيين جوا من و ين ؟ مالقو غير نافع و عطا و قوش و قطبي و الطيب مصطفي و امين عمر و احمد هارون و كبر و المتعافي و اسامه عبد الله ( اسامه دا ما قاري جامعه ) و غيرهم من الحشرات ؟ ، من الواضح ان من اختار الناس ديل زول مجرم و حاقد علي السودان و عايز يدمروا و مافي زول بالمواصفات دي غير الملعون الاسمو الترابي ، و مفروض يتم تكريمه لانو السبب الاول في هذا الانجاز ، و سير سير يالبشير ، و ارمو قدام ورا مؤمن ، و انتو عملتو شغل الرجال . كسره اخيره : وداد زاتها جابوها من وين ؟؟؟؟؟؟؟؟؟

احمدو اللة وقت البشير قبل يرءسكم نحن كنا الطيش نحمدو تقدمنا خطوتين

كيف للسودان ان يخرج من هذا الترتيب او تالت الطيش اذا كان الرئيس البشير دائما لا يفكر الا فى الرقص

اصلا اذا دولتنا فاشلة فالفشل فينا نحن كسودانيين لان حكامنا مننا مش من واق واق ثم باي معيار تقيس هذه المنظمات الفشل والنجاح فوجبة من ملاح الويكة بكسرة عندى افضل من وجبة الهانبورغ التى تقيس بها مثل هذه المنظمات درجات رفاهية البشر

أولا .. مبروك علينا المرتبة الثالثة ، وبروح رياضية نقبل هذه النتيجة ، رغم إننا نشعر بأن هنالك ظلما وإجحافا قد وقع علينا ، نشعر أن اللجنة غير نزيهة وخائنة ، لأننا كنا نتوقع أن نحتل المرتبة الأولى لأن ما قدمناه لأنفسنا وللعالم من فشل في كل الأصعدة الاجتماعية والسياسية والاقتصادية في خلال 23 عاما لم تسبقنا عليها دولة في العالم ، فنحن أولى بالمرتبة الأولى هذا ظلم كبير اين الأرواح التي زهقت في دارفور وجبال النوبة والنيل الأزرق وفي كجبار وبورتسودان وبيوت الأشباح ، واين المليارات التي نهبت واين الفساد في مؤسسات الدولة اين ما زرعناه من حروب وعنصرية وقبلية وجهوية وتشريد وقتل وتعذيب وتدمير لجميع مؤسسات الدولة ، فلوا قمنا بتفصيلها لملانا صفحات وصفحات .. المهم هنيئا لرئيسنا الهمام وزمرته النتنة تجار الدين بهذه المرتبة .. وعقبال الأولى في المرة القادمة

بلد فيها فشل كلوي و فشل خلقي و فشل اكاديمي و فاقد تربوي ولو داير تشوف دا بام اعينك اذهب للبرلمان و تجادل مع المدعو دفع الله و براك حا تعرف وسيبك من دفع الله – ترى هناك في قبه البرلمان اجسااام مترهله انااس نيااام لا يفيقون الا مع اوقات الاستراحه لملى البطون فمن حقنا ان نحافظ على النتيجه دي قبل ان توخذ منا لصالح جمهوريات الموز و ا والقات و هلما جـــــــــــــــــــــــرااا بالمناسبه وين سعاده الامام ابو الكلام عله يظهر و يفتي لينا في النتيجه دي

يا ‏‎( isic )‎‏ يا كوز الترابي ما حاكم هسع لكن هو العمل الانقلاب و هو الاختار البشير و هو يتحمل بنسبه كبيره مسئوليه الجرائم و المصائب الحاصله من 89 لحدي هسع ، و بعدين يا سيد وين العنصريه في كلامي دا ؟ اذا كان قصدك انو الاسماء الذكرتها تتبع لاثنيات معينه ( الشمال النيلي ) فدا باكد انو انت و نظامك العنصريين و الناس الذكرتهم ديل ما جبتهم من راسي هم من يقود البلد و انا ما بفكر بطريقه الكيذان العنصريه دي و بالمناسبه انا زاتي بتبع للاثنيات دي و لكن بقول الحق و نظامك هو العنصري و هو السبب في انتشار العنصريه و اكبر مثال خالكم الرئاسي و جريدته ، انت شكلك جاهل و انا زاتي غلطان عشان رديت عليك و كلمه منتفع دي انت شكلك ما فاهم معناها و تلقاك شفت زول كاتبها هنا ، انا منتفع من منو بالظبط ؟ من الحكومه الانا معارضها و لا من المعارضه الجاعانه ، انا ما بتبع لاي حزب و لا الي اي حركه و لا عندي شيخ و لا عندي سيد انا سيد نفسي و عشان اريحك و اجيب ليك من الاخر انا عاطل و بفتش في شغل و حالتي الماديه صعبه لكن الحمد لله ما في زول عايز مني قرش و مافي زول في الدنيا اداني حاجه و لو انا انتفاعي زيك كان تاجرت في الدين و عملت فيها مجاهد مع المؤتمر الوطني و كان هسع شغال في شركه بترول و لا بنك ، علي العموم انت انسان مريض و مافي فايده من التفاهم معاك ، بس انا رديت عليك عشان شايفك بتتهجم علي قراء الراكوبه و عايز انصحك لما تشتم و تنتقد زول لازم تكون فاهم انت بتقول شنو امشي ثقف نفسك و بعدين تعال دافع عن اسيادك لانو ناس الراكوبه ديل بفهموا اكتر من الترابي و البشير و هم نخب السودان الحقيقين يا جاهل .

ده وضع طبيعى محبط يذكرنى بنكتة معبرة (انو في اسرة اشتهرت باقامة الحفلات لاى سبب وفى يوم اقاموا حفل كبير سالهم الجيران عن السبب فردوا ان ابنتهم رسبت في امتحانات الشهادة ودايرين يرفعوا معنوياتها) اتاريه عمك برقصلوا فوق راى ونحن ما جايبين خبر

يا جماعه والله التقييم دا فيه تحيز لناس البشير …… أنا بشوف كان يعطوا السودان المرتبة الأولى أو المتفوق …

أرجو من الناس العملوا التقييم دا … مراجعة النتيجة من الأول ..