أخبار السودان
المرضي ” كنانة ” يعكنن مزاج بكري حسن صالح ويتلقى صفعة “بالكف ” على وجهه – صورة –
خاص: الراكوبة
أفاد مصدر موثوق بأن محمد المرضي التجاني العضو المنتدب لشركة كنانة تلقى صفعة على وجهه من نائب البشير بكري حسن صالح بعد غضب الأخير من مهزلة المحتال الهندي الذي نهب مبلغ 5 ملايين دولار من الشركة، وكان المرضي قد تم استدعائه إلى القصر الجمهوري ووجه له نائب الرئيس إهانات قاسية على الفضيحة وطالبه باعادة المبلغ المنهوب، ومنعه من السفر هو وحسن ساتى مدير سكر النيل الابيض. وتوقع المصدر صدور قرار باعفاء المرضي.
[CENTER]
محمد المرضي التجاني العضو المنتدب لشركة كنانة أكبر منتج للسكر في السودان إ[/CENTER]
*******هع هع هع ههاي ******* بكوري بدا الكفيت ****** بالغت يا المرضي ******* كان تلف واحدة جامدة و تقعد مع الراجل في الحديقة ***** كل شي بالهداوة يا بكور **** اعصابك **** طالما بديت انت ياما ح تكفت و تشلت ****** يا شماتت الصحفي داك فيك يالمرضي ****** موقفك كيف قدام اولادك و مرتك ************
والله النائب البلطش الحرامية ده عفيت منو من جوه قلبى … والظاهر عليهو ما ذى ناس ( شوت تو كل )
العشواوى داك !!!!
يا المرضي انت زاتك صعبتها كتير
دي ما ايام مناسبة للعمليه دي
كان تخلي الامور تهدا شوية
الناس دي بتشحد شحدة عشان تتم الميزانية
وانت تجي تخمها مرة واحدة كدا؟؟
يلا على طريقة جعفر نميري رحمه الله
هي بقت علب ال 5 مليون دولار شوفو عشرة ود عوض الجاز و الباقي الطثير الطثير المنهوب من مال الخزينة و البترول
ان صح هذا الحديث فهذا يعني فعلاُ ان البشير اتجه الي عسكرة الدولة والانقلاب علي الكيزان كما كان يفعل نميري في تقلبه بين الشيوعيين والاسلامييين وغيرهم. وبالتالي من المحتمل ان نشهد مجزرة لبني كوز علي قرار ماحدث للشويعين طبعاُ هذا في حال ان لجؤا الي تدبير انقلاب يطيح به!!!
هندي؟؟؟؟
نحن في البلد دي ماعارفين الهندي منو
يلا رجعو ال5 مليون دولار والمليارات البرة كووووولها
اللهم لا شماته
ولكنه يستاهل لانو شتت كل لخبرات الكانت زمان فى كنانه
ده اذا طلع الخبر صحيح
هندي؟؟؟؟
نحن في البلد دي ماعارفين الهندي منو
يلا رجعو ال5 مليون دولار والمليارات البرة كووووولها
Wallahi Albalad (Alfadal) ma feeho Rujal.
* فى زمن “التوجه الحضارى” قد ” يتوقع” إعفاء اللصوص من مناصبهم، بينما يزج بالشرفاء من ابناء الوطن فى السجون و المعتقلات و بيوت الأشباح او تتم تصفيتهم.
مبروووووووك
دى بكم كرت بالله
جوكم الرجال
بحكم عملي في التجارة أنا قريب من شركة كنانة ..واعرف كيف يدير هذا الإفلاطون الأرزقي هذه الشركة بذاءة لسان ما بعدها في الإجتماعات ..كأن من حوله عبارة عن اطفال .. والمسميين كوربوريتات corporators (مدراء الإدارات ) في الشركة لا دور لهم نهائي وهم عبارة عن دمى في يد المرضي .. وبالمناسبة الشركة تعاني من ضعف انتاجية وتخبط في كافة المشاريع … وهي والله العظيم نمر من ورق ( يعني إعلام بس ) بس بالحق فيها كوادر وسيطة ودرجات دنيا مفخرة لكل السودانين.. يسيطر عليها جهاز الأمن .. وهي بؤرة من بؤر الفساد منذ سيء الذكر الدقير أيام كان وزير الصناعة ولهم حساب تجنيب معروف بإسم وزير الصناعة
بالمناسبة الأرزقي ماسح الجوج حسين خوجلي يتلقى أغلب تمويل قناته من المرضي التجاني
بالمناسبة ايضاَ الكيزان بدربو اولادهم فيها ..المرضي معين فيها ولد نافع (عبادة الشهير ) وفيها ولد الزبير الأصغر من مصعب .. وفيها أخو صلاح قوش .. ونسيب ودوية (وداد) ..
اللهم لا شماته في المرضي ولكنه طاغية وانت اعلم به يا علام الغيوب
الجماعة وعوا الاكل …اكل …. الما اكل تانى ما يعشم دا بكرى جاكم اب عاج نمرة 2 شيلوا شيلتكم وقعتوا يا الاكلتوا حق الايتام والمساكين ……….كلنا هتفنا ينصر دين بكرى …الصفعة ستجلب للانقاذ مريدين ومؤيدين كثر …. كذلك هناك من سيكشر ……. وسوف نقول له
…….فاتكم القطار …..فاتكم القطار يللا يا بكرى ايدك لا تقصرها مدها وتانى مدها ولا ياكل الذئب من الغنم الا القاصية فان كل من يتغول فاننا له بالمرصاد
لا جبهجى ولا انقاذى لكن الحق يعلى ونحن معه وان جاء من عدو لنا وفى انتظار الكثير المثير
اتمني ان يكون الخبر صحيح علشان ترجع هيبة الدولة من جديد
قوية قوية دي
بكرى دا بعد مد يده على ـولاد على عثمان….. على عثمان ما بخليه!
الموضوع موضوع وقت فقط… يا إما يدبر اغتياله او كما هو رئج يطيح به والبشير بانقلاب آخر
هل يصدق أحد ان على عثمان سيقبل ان يطاح به بهذه الصورة المذله ويبقى فى بيته نائما
لن استغرب مطلقا ان سمعت بأن بكرى حسن صالح تم اغتياله مثل ما حدث للزبير محمد صالح!
والله بكرى ما يعمل حسابه من على عثمان.. يتفرم زى الما فى حاجه!
اتمني ان يستمر هذا النهج وارجو من الراااجل الشجاااع الفريق بكري حسن صالح ان ان يقوم شخصيا بمراجعة موهلات وسلوك كل موظفين الدوله من درجة مدير عام الي الوزير ولا كبير علي القانون وكذلك محو جميع وظايف الترضيات والمحسوبيه وكنس كل العطاله المقنعه ووضع الانسان المناسب في المكان المناسب حينها نهتف ونقول فزت ورب الكعبه
اين الامن الاقتصادى يجب اعتقال هذا المرضى وشلتة من اولاد المصارين البيض حتى ارجاع هذا المبلغ او اثبات برائتهم وهذا المبلغ اولى بة مستشفيات الاطفال
ربنا بسلط الظالمين علي الظالمين بكري ظالم سلطه الله علي النرضي الظالم
الناس البقت تتطبل لهذا العسكري الفاشل يورونا كان وين سعادة بكري المسطول خلال 24 سنه
هؤلاء العساكر لايصلحون لشي خصوصا امور الحكم
دا الكلام الصاح، والله الكف ذاتو شوية، ملة من الحرامية والطواغيت المقطعين
افتروا على الله وعلى العباد ونهبوا باسم الدين، الله يسلط عليكم من لا يخافه
ولا يرحمكم ان شاء الله.
لا اعرف لماذا احتفت الراكوبة واوردت مثل هذا الخبر الذي ليس له اي معنى ولا يعبر سوى تخليد للفتونة والهبل ، ماذا يعني ان يضرب الطاغية بكري حسن صالح احد الموظفين هل تتم محاسبة الفساد بهذه الطريقة؟ وبكري نفسه احد الفاسدين ومجرمي الحرب في حكومة الاسلاميين وكان يقوم بعمليات التعذيب بنفسه في حكومته وشهادة البروفسيور فاروق محمد ابراهيم اكبر دليل في وجه الطاغية جعفر ، الشعب يريد اسقاط النظام .
.
طيب يابكري ورينا هتعمل شنو مع الميارات اللي في ماليزيا ووداد واخوان عمر البشير يعني بقت علي الخمسة مليون بتاع الهندي مافي مليارات طلعت من البلد وتقارير المراجع العام خيردليل
كف زى السكر…دا الكف والا بلاش…كف قيمته خمسة مليون دولار
بس الكف الشوية ده يا بكوري !!! ده كان محتاج لي هوك يوديه الانعاش و نرتاح من ديكتاتوريته …
اذ هوت كنانة في عهده الي القاع و مفيش حد يتجرأ يقوليه تلت التلاتة كم .. لأنه عائش علي وهم دعم الكويتيين له .. بالله شيلوا القرف ده و جيبوا حد تاني .. انشاء الله يكون اسرائيلي .
كانوا مفتكرنو ذى حامى الفساد والمفسد على طه مدمر البلد ..الراجل من احفاد الملوك العظام والا الجرى تانى
يا كافي البلاء معظم من ابتلينا بهم من جماعة المشروع الدماري يوصمون بعكس اسمائهم .. خذ مثلآ :
المرضي ( مغضوب عنه ممن شردهم للصالح العام بكنانة و غير مرضي عنه )
د.نافع ( ضار و مؤذي لمن حوله فعلآ و قولآ )
علي عثمان ( ما هو بعال بل منبطح للامريكان حتي وقع بتقرير الجنوب المشئوم بنيفاشا )
المتعافي ( لم تتعافي الزراعة بعده حتي صرنا نتسول غذاءنا من الخارج )
مصطفي شحاته ( ليس من المصطفين الأخيار ظاهرآ لكنزه الاراضي و العقارات في بلد يتشهي شعبه السخينة )
الخابور ربيع ( ليس له من شهاداته الاكاديمية الا الجفاف و عدم الحنكة و الكياسة )
الحاج أدم ( كمن حج و جاء و لم يترك النفاق بين شطري الشعبي و الوطني )
محمد الحسن الامين ( كما الحسناء في منبت الدمن )
أمين عمر ( خبيث القوم الذي لا يؤتمن علي ساحة مسجد جوار مدرسته كمبردج )
عوض الجاز ( الله يعوض السودانيين لمساهمته في خروج فلوس جازهم للخارج )
الدقو منو ياناس الدقو منو يا ناس قال ليك الشركة مشغل فيها اولاد الكيزان لزوم كسر تلج وكده بكري دا انا بعرفو بدقهم كلهم والله البشير زاتو يمكن يكفته عارفو زول موبايل 3310 خارج التغطية قولوا معي اللهم كتر البنقو لبكري وخلي يسطول ويكفتهم كلهم
ههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههه الكف اليوم بلاش بكره بشوال سكر
اى حرامى واى مخرب يستاهل الفرن
تصريح غبي جدا يوكد عملية النصب .
he want to be president
يا اخوانا دائما في حاجات تتنسي في الزحمة يا خوانا الاخبار ده فيها شي وشي الخبر ده لو سليم وزي ما كان اين الصحفي الذي له السبق في النشر 10% علي طول قبل استرداد المبلغ يا اخوانا الفلوس ده ما حقتنا ويسجل اسمه ف قائمة شرف نحنا بنفتش لي زي دول .
والله شنو
فهذه هي البدية فقط من الرجل الصامت وإذا استمر علي هذا المنصب بعد العام 2015 سوف ترون وجهاً اخر لهذا الرجل في مكافحة امثال المرضي .
الكف ليس بحل الحل هو ان يحجز على جميع ممتلكاته وتباع بالمزاد العلني ويعوض المبلغ وهذا مع كل من بدد اموال الشعب ومنها فضائح التقاوي القمح وغيره
هو بكري العوير دا من زمان ما بكفت مالو ، البشير حرامي وأخوانه لصوص ومرتوأكبر حرامية وعبدالرحيم أبوريالة حرامي ونافع حرامي وعوض الجاز حرامي وصلاح قوش حرامي وقطبي حرامي وغالبية أفراد العصابة حرامية ،، يوم واحد ما سمعنا بكري كفت البشير ولا وداد ولا أبوريالة ، طيب أسه المزعلو شنو لمن يقعد يكفت في مدير كنانة ، قبل كدة رئيس مجلس إدارة شركة سودانيرالشريف احمد عمر بدر سرق ملايين الدولارات أو فرط فيها وما سمعنا بي بكري مشى كفتو والا شلتو وكذلك ملايين من الدولارات نهبت في شركة الأقطان فأين كف النائب الأول المرشح القادم لرئاسة البلد المنكوبة ، إذا كنت حريص على المال العام حقيقة أبدأ بكبار اللصوص وورينا فلاحتك فيهم وخلينا من حكاية المرضي التيجاني الضحك عليهو هندي
الكفيت افضل من ادب( الانادي) ولحس الكيعان وماعارف من قاموس سفه القول وسقط الكلام الذي كان يرمي به نفر من العصبة السابقة في ادارة الحكم وبين الكف ولحس الكوع يضيع وطن جميل مثل السودان بسبب سوء ادارة السودان التي تتناوشها غفلة من رموز الاحزاب القديمة وتعنت من العساكر الذين يتم الاستقواء بهم
اللهم الطف بالسودان وانقذه من الانقاذ ومن الذين ينادون الامم المتحدة لحراسة البترول ومنشاته وفات عليهم برنامج النفط مقابل الغذاء في العراق وشركات بلاكوود—– ياجماعة اليس فينا رجل رشيد يعيد الحكمة للسودان كما تركها لنا المك نمرو بابو نمر ومنصور العجب والطيب هارون ومهيرة بت عبود1
بدأت ماكينة الأصلاح ومحاربة الفساد و ذلك بمحاسبة المتسببين.
يبدو أن المرضي لا يعرف كثيراً عن بكري رغم زيارة الأخير كثيرا لكنانة برفقة الرئيس وأظهر غروره وعنجهيته فنال جزاءه كما ذكرت الراكوبة.
بكري معروف عنه أنه لا يكن ود وأحترام تجاه المفسدين و لمعرفة ذلك أسألوا المتعافي.
الهندي المحتال و الهندي عزالدين
ديل اخوان ولا اسم علي اسم
على الناس ان تعلم ان بكرى ما كوز وعسكرى مية المية وهو كان الفيصل فى المفاصلة بين اهل المذكرة والترابى ولا شك فى طهارة يده وهو الوحيد البيقدر يأدب الجماعة ديل والايام حبلى …
حليل عثمان النذير وإنضباطه
آخر جيل من الإداريين المحترمين لكنانة
هؤلاء لايستحقون الا ام كف وام دلدوم وشلاليت
الدقو منو .. الدقو منو ياناس . دقو يوم جمعة و الامة مجتمع ياناس
فى كنانة انا برتاح ايوة دة الكلام الصاح
ون مان شو المرضى رشو
والله دى ذكرة من ذكريات ابو عاج الناس ديل دايرين كدة كفوف و شلاليت و هوكات
عافيت منك رشهم رشاهم الجن من زمان وين الكلام ده
لك الف تحيه يا ودالعم ديل ما بيجوا الا بالاسلوب دا
دي تمثليه سيئه الاخراج يكونو اختلفو في القسمه دا السبب الخلاه يضربو..مافي زول شغال بالبلد ولا بالمال العام كل واحد بقول نفسي نفسي واكيد لمن الموارد تقل بتشاكلو في كل قرش و الله المستعان
كفتنى وزيد عذابى ,,,,, إمكن عقلى يرجع …
جضمنى ف جضومى ,,,,,, يا مالك عيونى ….
لكن خت ف بالك ,,, الكــــاش ما بعيـــــدو ,,,
لكن خت ف بالك ,,, الكـــــاش ما بعيـــــــدو…
اي دا الشغل دا الشغل
ابوعااااااااااااااااااااااااااااااااج جاكم تاني
سيادة السيد الفريق بكري حسن صالح
النائب الاول لرئيس الجمهورية
القصر الجمهوري الخرطوم
لك ولمصنع الرجال الذي تخرجت منه … و لمنصبك الجديد التحية و الاحترام
اذا صحت الاخبار و صدق القول … فدعني اقول لك … ما رميت اذ رميت و لكن الله رمى
يا سيدي النائب الاول … بالامس خرج طفلنا الصغير هزاع و بكري و رفاقهم .. بعد ان رموا كتبهم و حقائب مدارسهم وهم يهتفون بكل صدق و تجرد
( نحن مرقنا … نحن مرقنا ضد الناس السرقو عرقنا ) ففدوها بأرواحهم الطاهرة البريئة ..
من هم الناس انت تعرفهم جيدا !
اقسم لك يا سيدي انهم … لم يركبوا في حياتهم القصيرة البرادو … و لم يركبوا الهمر
و لم يعرفوا ان هنالك ما يسمى بالدفع الرباعي او الثنائي الا و هي تنفث فيهم الغبار في الشوارع
انهم كانوا يركبون الاحدى عشر في غدوهم و رواحهم الى مدارسهم او سوق بحري … و اذا توفر المعلوم كانوا ينحشرون في بصات الوالي الهمام و التي لم تكن تصل
انهم لم يسمعوا بالهوت دوق … و لكنهم تعودوا و اكلوا … ( الشر دوق)
المعلق في حبال امهاتهم …
ان البيتزا كانت تقرفهم لانهم تعودوا على العصيدة و القراصة باللبن و حتى لايزورهم المرض فقد تفتقت ذهنية و زير صحتنا النابغة و قد فكر .. ثم فكر … ثم امر باغلاق مستشفيات و مراكز و عيادات ابطالنا و رجالنا و الذين تبرعوا بها من حر مالهم خدمة لاهلهمم و بني البشر
و اذا اردت الخبر …. نحن لا يهمنا من يحكمنا و لكن يهمنا كيف يحكمنا …
و لكن حقيقة لم نسمع عنك الا كل طيب … و لم نسمع بك سارقا
و لا نريدك ان تدبل الكف لربيع زمانه و رديئ لسانه فقد نال حظه و تسلم التهاني
و لكننا نريدك و بكل قوة ان تحضر العصابة و تسالهم سؤال واحد ( من اين لك هذا ) فهم عددهم 1056 .. فاذا نكروا و كذبوا
في حقوقنا من ضمنهم هذا العضو المنتدب و غيره فسنأتيك بسجلات كل و احد منهم فردا فردا نريد حقوقنا و كرامتنا
فعندها ستذغرد امهات الشهداء و الابطال و سيغني الشعب اليوم نرفع راية استقلالنا ..
و سيهتف المعتقلون و المعتقلات في السجون عاش كفاح الشعب السوداني و دمت يا سوداننا العظيم ابدا
التحية لكل شهدائنا الابرار التحية لكل معتقلينا و معتقلاتنا الابطال
التحية لشعبنا العظيم في كل المدن و قرى السودان و النصر لنا
إذا إختلف اللصان ظهر السارق
انا ما في الكف يستاهل اكتر من كده انا مزعلني الكذب الناس ديل مش قالوا مافي هندي احتال عليهم وكذبوا الخبر دي براها تستاهل كف و بنيه وشلوت كمان
هههههههههههههههه الذين يدافعون عن بكري الحرامي ارجو ان تسألو عن امواله وخير مثال وما بعيد اسألو عن بصات الدبلماسي السياحيه مين صاحبها
انت يا بكري سطلة رجالة بس في الناس الما عندهم ضهر ديل ..؟
اتحداك تجيب وداد واخوان الرقيص وال الجاز وغيرهم من اثرياء زمن الغفلة من المقربين اتحداك تجيبهم وتعمل ليهم لفت نظر بس بدون كف وبلنجات ..
الغريبة الكوز بتاع كنانة ما سرق لكن تم خداعه ..رجالتك سويها للناس السرقوا البلد ونهبوا عرقنا
تعرف فى السعودية رأى أحد السودانيين سعوديا (كفيل) يصفع بنغاليا وكعادة السودانيين إغتاظ لهذا الامر وبعد ذهاب السعودى ساله لماذا تسمح له بصفعك أجابه البنغالى لا مشكلة كف هنا 100 ريال هنا وأشار الى جيبه !!!!!!!!!!!!!!!!!1
عفارم اليك والله يابكرى فرهتنا يا اخى ما تشوف لينا قروش وداد دى جابتها من وين ينوبك مننا ثواب يا ود هسن سالح.
والله لا نملك غير الضحك على ما يجري
يعاقبوه بالكف
دا مسعول ولا تلميذ أساس
يا أخي في دنيا العصابات لما زعيم العصابة يزعل
بقول لمساعدينه ناولوني المسدس
(تاح تراح) والمشكلة المزعلاه تنحل
يبدو أنو لسه في شوية روح سياسية
يعني ما عصابة مية في المية !
ده من ربع قرن كان وين ( اتلم التعيس علي خائب الرجاء )
اضاعوا المليارات من الدولارات… والآن يتقاتلون على خمسة مليون فقط..؟؟
اسال الله ان يعيين بكري في مهمته،وان نلجا للاسلوب الثوري في ادارة البلاد ،الحرامىه عليهم ارجاع المال خلال شهر كاملا غيرمنقوص بالاضافة الي ارجاع حق الوطن وهو الشرف والامانة والسمعه وهذه ثمنها غال (البتر والقطع من خلاف والمصادرة )والماعاجبو مايسرق والبسرق المصادرة والقطع من خلاف )
اتقوا الله ياحكام السودان فالله لايهدى القوم الظالمين ،واصلا العسكر امناء على الاوطان بشرط يكون دائما في موضع الرقابه علي المدنيين .
نريد اصلاح الحال حق المواطن والمواطنين وحق الدوله
اعلو من قيم الحق والفضيله
وانا ما متاكد من الخبر ولكن كون المراجع العام يقول ان كنانه ترفض المراجعه دي زاته علامة استفهام كبيرة من هو الذي اكبر من المساءله
يا اخوانا بكرى ادوهو فرصه وخلوه (يطرق صوابعو) فى الخمسه مليون ..وربما ده جس نبض من بكور عشان يشوف رد فعل البشير إذا كان موافق على الكف ولا حيقول ليهو إنت هسع مكفت الزول ده مالك ؟والله يابكور أنا خايف يوم القاك واقع فينى وفى اخوانى شليت وكفيت !! يا أخى خمسه مليون دولار ما بيستحق منك تنفعل بالطريقه دى .. انت ما شفته أنا إتعاملت مع فضيحة مصنع النيل الابيض بكل برود كيف؟..وبعدين يا بكور على عثمان ما نبهك للنص البنتعامل بيه عشان نعالج المسائل الزى دى!!هيئة علمائنا جزاهم الله عنا كل خير (نجروا) لينا (فتوه) بإسم فقه الستره مستندين لقول رسول الله (ص)من ستر مؤمنا فى الدنيا ستره الله يوم القيامه!!وكده انت تكون خالفت رسول الله وبينى وبينك وصحى لزومو شنو الفضائح وشيل الحال ؟ ولعلك مستحضر قول رسول الله (لو فاطمه بنت محمد سرقت…الخ)انت عارف لو نحن عملنا بكلام الرسول فى الحته دى ؟!!إنشاء الله بكره حتشوف عضويتنا فى المؤتمر الوطنى كلهم بكف واحد!!وإحتمال بكف ورجل واحده لانو فى جماعه منهم عملو بلاوى يرقى لمستوى الافساد فى الارض!! يا أخى خليك راجل مسالم ودع الخلق للخالق..وما تشمت المعارضه وخصوصا قراء الراكوبه فينا..الناس ديل ما بيصدقوا خبر وتلقاهم (شدوا الطار)وتعال يا ردحى!!.
لابد من تفعيل مبدا المحاسبه والشفافية
أذا صح الكلام فبكري شخص عفيف و ماعندو فساد يذكر وزول راجل
يقدر يكفت واحد من اخوان بشة؟
بركة الصقعو كف هو وكت ما بفهم لحدي ما الهندي يغشوا المقعدوا في منصبو شنو ؟
جاكم يا كلاب شوفوا لأنه قليل الكلام الأفعال ظهرت (فعالون لا قوالون) خلي الكيزان يهتفو وانت اشتغل
نرجو وضع ميثاق شرف يوافق عليه المشارك قبل نشر مشاراكاته ومنع المخالفين من المشاركة وبذلك نقلل من المشاركات الخادشة للحياء العام ونسهم في ترقية الذوق في ظلال الراكوبة خاصة والسودان عامة
كما أوجه نداء للمشاركين الشرفاء بالمساندة في هذا الموضوع حتى نتمكن من تصفح الراكوبة في بيوتنا وفي حضور أبناءنا وأزواجنا
[أبوأسامة المهاجر]
لنبتة…السلام…وعلو المقام…ولبنيها…الكرام…التحية والاحترام…الشرفاء…الموشحين بالاستنارة والضياء
ونأمل من الراكوبة الفيحاء…الاستجابة للنداء…وغربلة…ظلالها الوارفة من السذج …والغوغاء….حتى يطيب لنا برحابها البقاء… وليكن لكل حقير من أمن بشبش الحقير من ظلال راكوبتنا…. الاقصاء…..
ولا نكون سذج ولا بلهاء….بكري ولا علي… ولا نافع…ولا الترابي كلهم ..سواء….غير أسوياء
المجد للجبهة الثورية…المجد …للرفاق ….المجد للشهداء….ولتظل شعلة ..الثورة إشراق وضياء…
ولا نامت …أعين الجبناء….
مع تحياتي….والخليج …دوما يؤنس وحدتي….. وطيفك…والمساء
دى اخرة ظلم الشباب وعدم تقيمهم ماديا فى الوظائف ،عشان كدةيغتربوا وكم من شباب البلد اصحاب كفاءات ولو تم تهيئة المناخ لهم بمرتبات مجزية وتدريب كما كان سابقا لما تمت مثل هذه الاحتيالات … يلا اشربوا يا كبار
جرأة بكوري بصفعة الرجل تأكيد لمشاركته بتعذيب المعتقلين في بيوت الاشباح و هم مخالفين له و لرئيسه و لشيخه ولنظام حكمه.
لو كان هذا البكوري راشدا لامر بايقاف المعني عن العمل و تشكيل لجنة تحقيق ثم يقوم فيما بعد بتنفيذ توصياتها اما بالاحالة للنيابة لتولي امره او بالبراءة و من ثم عودته لعمله , اما الكفوف و الضرب و التعذيب فهي سمات اهل الانقاذ التي جاءت بالارهاب يمشي علي قدمين في هذه البلاد المنكوبة و التعيسه التي جمعتنا مع امثال هؤلاء النكرات اشباه الرجال ولا رجال , لصوص المال العام و الخاص و منتهكي الاعراض .
بكري و رئيسه و ازلام نظامه الفاشي مصيرهم معروف و قريب و لا عفي الله عنما سلف و لا افلات من العقاب.
عبط ولعب عيال
هذا فهم العسكر حيث لا منطق الا القوة والسلاح
عينك فى الفيل وتطعن فى ضلو..
تكفت فى صاحب الهندى ؟! مالو الفيل مقدس ؟!!!
5مليون دولار أثارتك لو ده منطقك وسياستك يدك حتوجعك كل يوم من الكفيت ومحتاج ليك لى مدرب لياقه ﻷنو القائمه طويله .. إنتهى ردنا عليك
لكن الما إنتهى هو أن هذا الكف لايغير من الواقع شيئا فقط إتبدلت وظيفة النائب اللص من مدنى لى عسكرى وهذا الكف لن يذر الرماد فى العيون
والزول اﻹسمو المرضى ده لوكان راجل أوفيهو حبة شجاعه كان رداهو ليك بى بونيه شنو يعنى ماكلكم حرامي؟! قال 5مليون دولارقال؟!!!!!
مسكين بتاع كنانة ما عندو ضهر
مأساة السودان الحقيقية هى الإيمان بنظرية المستبد العادل !!! مما يؤكد جزئياً ما ذهب إليه هيكل فى مقاله المستفز ( السودان جغرافيا ),,, نحتاج إلى تجذير فهم مؤسسية الدولة ,, وليس الترويج والإيهام للبسطاء بأن الحل يأتى مع فلان وعلان !!!كل هذه الشرذمة من الطغمةالعسكرية ومن حولهم الفسدة والإنتهازيين التكنوقراط ليس بمقدورها أن تقدم شيئاً سوى المزيد من الدمار والإنهيار فى كافة المناحى !!!
الحل هو إقتلاعهم ,, البدء فى بناء الدولة على ما تركوه من أنقاض ..
ملاييييييان ختم في اصابعيه الما بخلي الهندي يدقسو شنو
شى غريب ان وافق الناس على هذا الاسلوب الهمجى فى المحاسبة و المسالة اين لقانون و القضاء ثم هل هذه هى العدالة التى يبشرنا بها النائب الجديد. لو كان الوضع سليم يحق للمكفوت ان شتكى للقضاء و تذكروا ابن عمرو بن العاص الذى كفت القبطى . لم استغرب من ناس الانقاذ و لكن استغربت من المعلقين كانهم اقروا الفعل فهل عندما تعود لنا الحرية نقبل مثل هذه الممارسات
حقرتى فى بقرتى هو ماشايف الهوامير الكبار ولا مابقدر عليهم نحنا مابنرجا من العسكرى خير اى دولة يحكمها العسكر فاشلة
طبعا أنا ضد مافعلة هذا المتخلف نائب الرئيس لآن مافى مسؤل متحضر فى دولة متحضرةيضرب أنسان كف أذا كان محمد المرضى أرتكب أى أخطاء فى قانون يحاسب الجميع وأقول الى الاخ محمد المرضى لقد كان فى مكان الهندى هذا سودانى يحمل الحنسية الامريكية وكان يأخذ مرتب 12 الف دولار تم الاستغناء عن خدمات السودانى وأحضار هذا الهندى وكان يأخذ مرتب أكبر غير السيارة والسكن هل السودان أصبح ليس بة أى كفاءات علشان أجيب هندى مسخرة وقمة المهزلة علية العوض فى البلد حتى الهنود يسرقون البلد كفاية علينا بشبش ومعة حكومة الكيزان الحرامية كمان الهنود لن أقول أكثر من ذلك لان الكلام لن يغير فى الوضع شئ عند أقتراح لماذا لانفتح النقاش فى الدستور القادم ونشوف الاراء وأنا متأكد أننا سوف نرى أراء العقلية السودانيةفى هذا الموضوع وشكرا لكم
ولا حا يعملوا ليهو شي
كفتنى وتفنن يا يكرى !!! المهم أنا نصيبى من المحتال الهندى مليونين ونصف المليون دولار من المنهوب !!!! وبعد داك كف واحد ما مشكلة …. البلد بقى ما عندها وجيع وكل يوم فيلم جديد مره هندى ومره حبشى ودى المناظر بس ؟؟؟!!!
الزول دا غايتو ما عارفة أول ما شفت صورتو افتكرتو مصرى دمه مصرى شديييييد …
الكيزان والجبهجية كللللهم و(طبعن)ناس الحكومه اولهم من الرئيس لاصقر رئيس لجنة شعبية عايزين فجيخ فى راس بعكاكيز مضببه بعد داك تأكدوا سينتهى الفساد من البلد بعد داك الناس تقبل على مشكلة الاخلاق الباظط دى ودى عايزة دواس مختلف
بي صراحه المرضى يستاهل لانو فاسد فاسد وهو سبب دمار مشروع كنانه الذي يعتبر اهم مشروع تنموي في السودان .
– انتو يا جماعة الانقاذ دي سقطت وجا رئيس تاني اسمو بكري واللا شنو الحاصل،،،؟؟؟؟؟؟؟!!!!!!
لو كان أديتو شلوت بكراعك الغليدة دي.. كان ريحتنا منه!! لأنو ناس نظامك ديل ما بمشوا الا بالشلوت!!!
اللة يخضر ضراعك يابكورى ياخى المرضى يستاهل اكثر من كدى دى نجض الناس نجاض اغلب الناس المعلقين ماعارفين الفعلة المذكور فى كنانة وانسان كنانة حاجات يندى لها الجبين افتكر دى دعوات المظلومين
الكفيت ده لو كان من زمان ما كان البلد دي وصلت المرحله دي. والله البشير الهبيل لو فكه يد بكري في في بني كوز ديل بقدر يادبم لينا كويس ويرجع منهم كل النهبوهو
بكره حسين خوجلي في قناة امدرمان الفضائية يقول لينا ( الصفع او الكوف هي عادة متجزرة في المجتمع السوداني وهي ضمن موروثنا الثقافي والاجتماعي واي شخص في السودان ادوهو كف سواء من الاب او الاستاذ او شيخ الخلوه او من الاعمام و كبار السن و نحن لما كنا في المعتقل ايام نميري تعرضنا لكثير من الكفوف وهي وسيلة يمكن ان تكون مفيدة ومافعلو النائب الاول فهو في سبيل تربية او وسيلة سريعة لتفادي كثير من الاخطاء )
ياجماعة ود المرضي ظالم وبكري أظلم منه – ودا كلو جايز يكون ربنا استجاب لدعانا في صلاة الفجر
اللهم أهلك الظالمين بالظالمين و أخرجنا من تحتهم سالمين
يا بكري حسن لو راجل أتحداك تقرِّب من أخو السفاح الإسمو عبد الله البشير أو على الأقل تجيب سيرة واحد من أخوان السفاح
إن شاء الله إكون فتل ليهو حنكو بيدو الزي الطالوش دي
أحييك يا نائب الرئيس ,, هولاء لاينفع معهم الكفيت ,, والشلاليت ,, بل الإعدام والمصادره
معظم الاخوه الاكارم لا يعلمون ما فعله هذا اللص في ابناء وعمال وحرفين وموظفين شركه سكر كنانه من تشريد واحاله للصالح العام وتكميم الافواه ياخي ابسط شي عملوا منع اي زول مايربي بقره حليب لشفعوا في خشم البيت
شكرا كثيرا يا بكري علي هذه الصفعة و إن كانت تأخرت كثيرا ؛ إلا أتها نزلت بردا و سلاما علي آلاف العمال و الموظفبن الذين شردهم المدعو المرضي؛ هذا الرجل هو المسسئول الأول عن تدمير أعظم صرح إقتصادي في السودان ؛ هو ومثاله يجب أن يذهبوا إلي مزبلة التاريخ ؛ – نتوقع مزيد من الإصلاح با أخي بكري بالكلف أو بالشلوت ؛ أو بغيرها من السبل ؛ المهم أن تدور عجلة الإصلاح – نتوقع كذلك أن تحصر الأموال و الممتلكات لهذا المرضي و حسن ساتي و غيرهم من الذين إمتصوا دماء الشعب االسوداني .
ايوا يا بكور كفت الحراميه ديل وكمان لو بديت تكفت لينا اهل العوير المشير زي عبدالله البشير مثلا عشان نقتنع بانك راجل تماما .. ما انت في الحسبه زي عمو .. العوير ما بزعل منك وكمان هو حرامي اكتر من بتاع السكر دا .. ولا كلامي غلط يا سعادة الفريق ؟
ههههههههههههههه تتجازوا يا ((( العريبية وود ابليس ))) ضحكتوزنى شديد … والله صدقوا جادة فى كلامى … مش عشان لونو لكن صدقوا دمه وغايتو فيهو حاجة كدا مجرد ما أشوف صورتو من قبيل بس بتخيلو مصرى ما عارفة ليه … ولا يا ربى بشبه لى واحد مصرى ؟؟؟ برى ما بعرفو بس غايتو شايفهو مصرى وقاعد بيدمو دا … تحياتى لكما …
رائيتك مره و اترائيت
علي جناح الخيال فريت رحلت بعيد و اضاريت
ﻻ بينت ﻻ وريت
هي رحلت بعيد و اضاريت ﻻ بينت ﻻ وريت
و عن انظاري اتواريت و خليت ليا في عنيا صوره زول
عيونك فيها شئ يحير يغير من اتجاه الزول
_____________________________________________________________
الاغنية مهداة لود المرضي…من واحد كناني يغني للسكر لاختغائه من الاسواق في كنانة…
هل تعلموا سعر السكر في كنانة اكثر بكثير من سعره في الخرطوم و مدن كثيرة في السودان؟
لماذا هذه المهزلة يرحمكم الله و السكر ينتج و يخرج من رحم كنانة؟ سوال اكيد سيظل معلقا
الخازوق ود المرضى دا زاتو يطلع (اجنبي) معاهو جواز كندى…امريكى….بريطانى…إلخ….تتدخل السفارات…والقنصليات…أصلوا الفيلم مازال في بداياتو
غايتو يا إخوانى …زى ما قالوا الراكوباب….الحل في الجبخانة…لابد من الجبخانة وسد الخانة
شكله كده الرجل ليس من عصابة ودحوش بانقا . لكن استنكحوا وماطلع تفتيحه وشايل مفاتيحها .
أقترح بسن قانون يسمح بصفع وضرب النهابيين للمال العام والمقصرين في أداء وأجبهم وفي الحفاظ علي ممتلكات الدولة في ميدان عام يشهده كل أفراد الشعب السوداني.
الهندي ده منو؟؟؟؟
ما يكون الهندي عز الدين!!!
صَفَعَه يَصْفَعُه صَفْعاً إِذا ضرب بِجُمْعِ كَفِّه قفاه، وقيل: هو أَن يَبْسُطَ الرجل كفه فيضرب بها قفا الإِنسان أَو بدنه، فإِذا جمع كفَّه وقبضها ثم ضرب بها فليس بِصَفْعٍ، ولكن يقال ضربه بِجُمْعِ كفِّه؛ ورجل مَصْفَعانيٌّ: يُفْعَلُ به ذلك، وقيل: الصَّفْعُ كلمة مولَّدة، والرجل صَفْعان. قال ابن دريد: الصَّوْفَعةُ هي أَعْلى الكُمَّة والعمامةِ. يقال: ضربه على صَوْفَعَتِه إِذا ضربه هُنالِك، قال: والصَّفْعُ أصله من الصَّوْفَعةِ، والصوفعةُ معروفة.
الزول دا ضربوهوا في قفاه ولا وشو؟
الزول دا بعد ما كفتوه ما بقى راجل تب . هسع بيمشي ينوم مع مرتو كيف ويقول لأولاده شنو؟
بركه المرضي المصري يستاهل أكتر من كده
ده مشكلة بلد تعلم ابنائها وتفتح الجامعات والكليات وتجيب اجانب يقولو عليه خبير ونحن عندنا حملت الشهادات العليا مغتربين فى الدول الاخرى ومستخترين عليهم اجورهم وانتمائتهم الحزبية اليوم الحمدالله بعد اكثر من عشرين سنة عرفنا ان التمكين والتسيس ما بتصلح وما جايبه فائدة غير ما رجعوا وراء مائتين سنة يعنى كل سنه بشعره امثالها
يا جماعة الزول الاسمو بكري دة حارقاهو كمية الدولار الطلعت دي وانتو عارفين البلد ما فيها دولار
كل من يتلاعب ويفسد في حق الشعب السوداني يستاهل الصفعات تلو الصفعات ولوكان الرئيس عمر البشير يقوم بصفع الوزراء المفسدين والمفسدين بالنظام لاستقام الأمر رحم الله الرئيس نميري فقد سبق له ان صفع مسئولا من قبل عندما عرف تقصيره
عايزين مصارعة حرة بين بكري حسن صالح وصلاح قوش . والتذاكر مدفوعة من حزب المؤتمر الشعبي .
لا يحق لبكري حسن صالح ان يصفعه؟ نحن وين نحن؟
الي الصوت علي ماذا اتوب وماذا ستفعل بي حترسل حسن نصرالله يفجرني وانا في الدوحة مثلا الدوحة ممنوع يدخل فيها صورة شيعي فمابالك بشيعي نفسو وبما انك شيعي معروف فسهلا جدا يكون اسمك في قائمة الممنوعين من الدخول خصوصا شكلك يمكن التعرف عليه بسهولة لان وجهك كمصاب بمرض الدرن
وهلا وعيدك انك سوف ترد علي تعليقاتي بالفاظ جارحة وخادشة لحياء فانت معروف بذلك ولنا يخيفني ماتقوله من الفاظ خادشة لحياء لان ليس لديك حجة او منطق علي العموم انا في الدوحة ومنتظرة تهديدك هذا
*** ياعثمان ميرغنى….الحكاية بقى فيها كفيت!!!يعنى انت لو الفريق بكرى عرف انك عارف الحاصل كلو فى موضوع سكر النيل الأبيض….مابعرف ح يعمل فيك شنو…عبدالوهاب..الله يرحمه…أهو الفضلو الباقين ديل…بدل يكفوتوهم ويمنعوهم من السفر…طلع الملف…ياخى سكوتك عشان عمودك يدوك فيهو أزيد من 16 مليون حرام…يعنى انت عارف الدمر سكر النيل الأبيض وكتبت لينا فى التيار بعد ما المصنع ما اشتغل فى حضور وفد بنك التنمية الاسلامى بجدة يوم الافتتاح…وطلعت الفضيحة والمرحوم استقال والرئيس رفض الاستقالة…انت فى فورة حماسك ركبت عربيتك ومشيت المصنع وقعدت كم يوم وكتبت لينا انك ح تكتب الشفتو وعرفتو وبالوثائق…وقلت انو مصنع سكر النيل الأبيض جثة مجهولة الهوية…ووعدتنا كتابة فى عمودك فى التيار انك ح تكتب مايشيب له الولدان…بعد داك …تم…سكت…نسأل فبك ماداير تكتب…نترجاك …برضو لا…ياخى ده تدمير لاقتصاد البلد وسكوتك ده حيجيب ليك جريمة…أنشر الملف…وأوعك تحاول تزوغ…بكرى ده ايدو لاحقة..ألا هل بلغت اللهم فاشهد…!وفلان أهو شالوهو…قوى قلبك ودق سدرك…ومزمل ما حيقصر معاك!!!!
سلمت يداك يابكري تعال وزارة الصحة معقل الحرامية عديمي الإنسانية ،
الى الامام يا بكرى كفت قدر ما تقدر بس تاتى باموال الشعب الى خزينة الدولة الفقيرة ونتمنى ان يخرج قانون من اين لك هذا ونتمنى ان يكون بيتك ليس من الزجاج لكى تحاسب الاخرين
(ودالباشا)
طولنا منك وين مختفى وانت من القدامى اظهر شوية جعل الله ايامك سعيدة وتحياتى
funny that only the photo of the guy how got smacked, but not that of the one who did it
I guess the other is so ugly to be presented , even here
ما هكذا تورد الابل يا بكري … خليك سياسي حصيف أول حاجة أنا من وجهة نظري السودان دا محكوم بعصابة كبيرة قضت على اللين واليابس … والعصابات دايما عندها تنظيم وبدائل وشفرات وكلمات سرية… والخمسة مليون دي من الفتات والكف بتاعك دا لا ح يودي ولا ح يجيب عشان كدا نحن بنطالب برئيس العصابة… وبحكم قربك من قمة الهرم أعتقد انك تقدر تفك الشفرات وتتوصل لرئيس العصابة بسهولة …وبعدها يمكنك أن تسدل الستار على هذه المسرحيات المتسلسلة لتكون انت البطل … و أبدا ما تخاف لأنو البطل ما بموت وزيد على ذلك انت أقربهم الى الكرسي … أها قلت شنووووو؟