من حكاوي السدنة
كمال كرار
الفصل الأول :
قبل يوم من سريان اتفاقية نيفاشا أجاز برلمان المؤتمر الوطني قانون مشروع الجزيرة ، وقال السدنة الحشّاش يملا شبكتو .
تشلعت المحالج وسكة حديد الجزيرة وبيوت العمال والموظفين ومكاتب التفاتيش ومافي مليم دخل خزنة البلد
ودخل المزارعون السجون ، ودخل التنابلة نادي الأثرياء
ومازال الليل طفلاً يحبو في مشروع ( حلاوة قطن )
الفصل الثاني :
أشطفوا البترول زي ما عايزين بس حقي برة
يا شيخنا البترول حيكمل ؟
يا مولانا الجنوب حينفصل بي بتروله !!
دا كلام ساكت بلدنا عايمة فوق بحيرة بترول
الفصل الثالث :
البترول بابّح ؟ شيلوا حقّنا عيناً وخلوهم يدفعوا 36 دولار رسوم عبور لكل برميل
البترول مافي ؟ عندنا الدهب
الدهب مافي ؟ عندنا الأراضي والمتر بالتراضي بدون محامي أو قاضي
الفصل الرابع :
دلالة لبيع مستشفي العيون ( في عين كتلت زول ؟ )
دلالة لبيع الوزارات علي النيل ( تسبقها اتفاقيات تحت التربيزة )
دلالة لبيع المشاريع الزراعية
دلالة لبيع الطوابي وجبل البركل واهرامات البجراوية ونوري
أما قروش الدلالات ، فمن وزارة المالية مسافات
الفصل الخامس :
قرارات جمهورية تصدر اليوم
قرار بحرية التجمعات والمظاهرات
قرار بإرجاع المفصولين والمفصولات
قرار بمحاكمة الفاسدين والفاسدات
قرار بزيادة الأجور والمرتبات والمعاشات
قرار بتخفيض أسعار السكر والرغيف والخضروات
الفصل السادس :
إتفاقيات إطارية توقع اليوم
إتفاق الحريات الأربع مع الجنوب
إتفاق بفتح خورطقت وحنتوب
إتفاق بحل مشكلة طلاب جامعات الجنوب
الفصل السابع :
اليوم أول أبريل ( يعني كذبة أبريل ) ، كل سنة وانتو بخير
الميدان
انا صدقتك
أنا برضي صدقتك يا أبو عركي هأأأأأأأأأأأأأو يا حلولو
ديل مامصدقنك مالك مافى صدق البلد دى حيرتونا كرهتونا