البحرين : إجراء دراسة الجدوى الاقتصادية لمشروع أرض السودان

لماذا اشعر بالغيظ وانا اقرأ نص هذا الخبر؟؟؟؟؟؟؟؟؟؟!!!!!!!!!!!!!

مرحبا بالاشقاء البحرينيين في وطنهم الثاني ونرجو لهم طيب الاقامه وجدوى الاستثمار في بلادنا

يعنى الاراضي السودانية تمنح للاجانب ليزرعوها ويستقلوها كأنها ملكهم ويتحدثوا
فيها كما يشاءوون , وكل العالم تعتقد انو ارض السودان ملك لدول الشرق الاوسط
يمرحوا فيها وياخذوا فائدتها الي دولهم , اما المواطن السودانى جاعلنوا
جلة او حجر أصم لا ياكل ولا يتنفس ولا شرب . المجاعة والجوع والغلاء قاتلهم
ياخي دي دالة . حرا عليكم يا ناس كونوا لكم كلمة بدل الاهانات دي ….

يا ملوك البحرين كدى قبل ما تجوا وتكبوا ريالاتكم فى جيوب سماسرتنا ديل أسألوا أخوانكم وبنو عموتكم الكوايته والسعايده والأماراتيين وعما يواجهونه هذه الأيام من سماسرتنا وعن إبتذاذهم لهم فى مصنع سكر كنانه .. أو أسألوا مواطنيكم الهنود المجنسين عن مصنع سكر مشكور والتمساح الجغم الخمسة وعشرين مليون دولار الدفعة الأولى للمصنع …
غايتو نصيحة من زول ما عايز ليكم ضرر أجلوا مشاريعكم دى لحين ربنا يفج غمة البلد دى ..

الحكاية دي مسرحية
ما بصدقها

نرحب بزراعة الصحراء السودانية وتمديد القنوات الزراعية لها من النيل واستغلالها زراعيا اما نزع اراضي الاهالي للاجانب الخليجين ولصوص اراضي المؤتمر البطني وسماسرته ومتنفذيه فلا نريد استثمار ولا استئثار علي حساب أي مواطن ,,,لقد رائنا الفشل الزريع للخليجين لان العصابة الحاكمة باعت لهم اراضي مواطنين يملكونها ابا عن جد في الورق ولكن في الواقع اراضي مواطنين منعوا الخليجين من الدخول فيها وزراعتها بعكاكيزهم ,,نقول لوزارة السرقة واللهف واللهط رجاء لا تعبثوا بحوق الناس البسطاء ملاك الاراضي وسمعة السودان وبيع الوهم للاجانب

السلام عليكم
أنا ليه حسيت أننا كشعب سودانى بقينا جاهلين وحاسدين فى الفارغة والمقدودة إلا من رحم ربى , يا خى كل الدول فى العالم بتحاول تستقطب أى إستثمار ينعش خزينتها ويساهم فى حل مشاكل الاقتصاد المثقلة من شح العملات الصعبة والبطالة وكثرة الوارد على حساب الصادر و و و و ….الخ.
اولا تحروا الدقة فى الخبر واحسنوا الظن فى الحكومة دى رغم سلبياتها الكتيرة لكن مش ممكن المرة دى حتعمل اتفاق استثمارى مجزى وتستفيد من سلبياتها الفاتت.
ومن ناحية تانية أحسن تكون عندنا اراضى بور ولو ملك لاجدادنا ونقعد نتفرج فيها كده زى البوم ولا يجى اى مستثمر يعمرها لينا حتى لو كان فى شوية اجحاف فى الاتفاقية لا قدر الله , ياخى ان شاءالله البيئة والطير تستفيد منها بدل عدم استغلالها ده , وفى نواحى اخرى زى نقل الخبرات وادخال ثقافات زراعية جديدة للبلد وغيرها من الفوائد (انظروا للنصف المملوء من الكوب).