ساخر سبيل – شافوا علينا شنوووو؟

قطع شك ما فى رماد بدون نار حكومة الكويت أكيد لاقية الضوء الأخضر
من جهة رسمية داخل حكومتنا

اقتباس (( هذه والله إساءة لنا ما بعدها إساءة و(حقارة) غير مسبوقة يجب أن تحاسب عليها الحكومة الكويتية الآن قبل الغد وأن تقدم عنها إعتذاراً رسمياً ينشر على الملأ فإن كان هنالك شعب واحد في هذه البسيطة لا يرضى (الهوان) فهو هذا الشعب السوداني الأبي (فأحسن ليهم يرعوا بي قيدهم)!))

انت يا استاذ قاعد تتكلم عن تاريخ ماضي …اين هو هذا الشعب الذي تتحدث عنه الآن ولا يرضى الحقاره ؟؟؟ خليك واقعي
أصلا ما ضيعنا الا النفخة ال على الفاضي دي
الثورة الروسية نجحت عندما وجه الكتاب نقدهم نحو الشعب الذي كان غارقا في الفودكا والقمار والدعاره
خليكم من كتابات الجعجعة بدون طحين دي … وانتهجوا نقدا ذاتيا صادقا ..والا ….

إنت يا أستاذ نسيت زيارة وزيرة الشؤون الاجتماعية في الكويت وهي من أسرة الصباح قبل كم إسبوع كده وإعلامها عن بشريات للسودان السودانيين هي تقريبا جات تمت الشغل ده (الإتفاق وكده) عشان كده المسؤولين الكويتيين صرحوا التصريحات الفورت دمك دي بكل ثقة وطمأنينة ببساطة لأن الشغل تم

هيثرو 2.

حريف جدآ الذي اشترط موافقة البرلمان ورئيس البرلمان والرئيس لأنه استند ربما علي حجج قانونية أو اراد الابتعاد عن ما يمكن أن يورطهم في مشكلة قانونية اذا المسالة في السودان جاطت والرئيس اعتقل وسلم الجنائية لأنه ربما يصبحخ توقيعه لوحده ورطة في حد ذاتها بالتالي أرادوا أن يورطوا جهات اخري مع الريس حتي تكون عندهم حجج قانونية في الموافقة علي توطين بدونهم

ما شافو عليكم – يا سيد يا ساخر سبيل- شيتن غريب..موش دولتكم متعوّده ..ايوه ..دايمن..متعوّيده..على الكرم التجنسى..الما جنستو منووو؟ لاعبين الكوره منتهين الصلاحيه خدوها الجنسيه السودانيه! وما تنسى ان كبار مسؤولي دياركم انديهم جنسيات اجنبيه..ما خلاص “TIT FOR TAT” رغم ان الاخيره كانت برضاء كل الاطراف وفق قوانين صارمه تمنح بموجبهاالبلدان المانحه جنسياتها حتّى للعندهم جنسيات بلادهم
* سؤالك واستغراشك يكون بسبب خروج البدون هويه..(اللى حكومة بلادالحوار عاوزه تتكرم عليهم..وتديهم هويه فى الوقت اللى انتو لسّ عمّال بتفتشوا عن هويتكم! وصاحب شرعيتكم الدستوريه لحد اليوم ما قِدِر يعرف هوية الانقلاب اللى حكومة وفاق حوارو عاوزه “تتبرمك” على البدون بالهويه السودانيه متوضئة الاطراف! هو حقو اللى يثير استغراشك هو طلوع البدون فى مظاهرات رافضه بكل اباء وشمم كرم حكومة الوفاق الحاتمى! اها اسألوا انفسكم الجماعه ديل شافو عليكم شنووو ورفضو يتسمّو بالهويه منكم؟ بس مظاهراتم كانت تهتف تقول ايه يا هل ترى! “ما نبغاش جنسيه من ناس طالعين مظاهرات لآقتلاع نظام حكم يهتفو”سلميه..سلميه” هل آثروا بقاءهم “بدون” على جنسيتكم!!!

اقتباس (( هذه والله إساءة لنا ما بعدها إساءة و(حقارة) غير مسبوقة يجب أن تحاسب عليها الحكومة الكويتية الآن قبل الغد وأن تقدم عنها إعتذاراً رسمياً ينشر على الملأ فإن كان هنالك شعب واحد في هذه البسيطة لا يرضى (الهوان) فهو هذا الشعب السوداني الأبي (فأحسن ليهم يرعوا بي قيدهم)!))
هذا الكلام المفروض تحاسب به حكومتنا الرشيدة وليس دولة الكويت… لأنه لو مافي ضوء اخضر من قبل الحكومة ما كان الكويت صرحت بذلك…

نا جمال عبداللطيف محمد
سوداني الجنسية
حصل لي هذا الموقف :
الْيَوْمَ ١٣ مارس ٢٠١٨ وفي تمام الساعة 16:00 عندي معاملة بإدارة الجوازات مكتب مطار الخرطوم صالة المغادرة .
وبينما أنا في إنتظار معاملتي وأمام شباك السيد الملازم أول شرطة / أحمد عبدالحكيم الصديق جاء شخص ذو ملامح عربية يحمل حوالي ٧ جوازات سودانية من بينها جواز سوداني تجاري بغرض تأشيرة الخروج . من بين هذه الجوازات جواز بإسم أحمد عليان .
وعندما قال له الملازم أول إذهب إليّ الشباك الأول لعمل تصوير للجوازات قال هذا الشاب بهذا اللفظ البذئ للأسف ( شو هاي الملوطة ؟)
عندها لم أتمالك نفسي وإلا وسألته أنت سوداني ؟
قال : لا أنا عراقي ولكن نحمل جوازات سودانية .
قلت للسيد الملازم أول/ أحمد عبدالحكيم هل سمعت ما قال هذا الشاب ؟
قال لي نعم سمعت .
قلت للشاب انت في وزارة الداخلية ويجب ان تحترم القانون والبلد التي تحمل جنسيتها .
وإذا بالشاب يقول لي من انت ؟
وأمشي لعمر البشير بتاعكم اللي باع لينا الجوازات .
شهدت السيد الملازم لكلام الشاب وكل من حولي من السودانيين من بينهم عريف شرطة اسمه جمال .
ولا يزال الشاب يشتم ولا حياة لمن تنادي .
أنا شخصي الضعيف الوحيد الذي تصديت له .
ولَم يقف معي ولا شخص واحد .
حتي معاملته تمت قبل معاملتي
وأخذ الجوازات ونظر إليّ بنظرات كلها بغيضة مريضة .
هذا السلوك جعلني مستاء جداً جداً
إلي متي وحكومتنا تنتهج إذلال السودان ؟؟؟
هذا هو ما حدث لي الْيَوْمَ .
والله علي ما أقول شهيد .
جمال الدين عبداللطيف محمد .

يا طير يا طاير من بعيد فوق الغمام من بعيد ….
راح الوطن راح ربنا لا يعطيهم عافيه دنيا واخره

يا استاذ الكيزان ديل يبيعوا امهاتهم لو دفعت ليهم … المسالة واضحة جدا … بيع الجنسية السودانية لمن يدفع و شايفين قدامنا كل من هب و دب و دفع يملك جواز سوداني و كثيرين نالوا الجواز بدون حتى يشوفوا السودان … الكيزان باعوا كل ممتلكات السودان خارج و داخل السودان و باعوا مشاريعه و باعوا اراضيه و باعوا جنسيتنا و سيادتنا و كرامتنا و ما عندهم مانع يبعونا نحن ذاتنا لمن يدفع ….
اها العمل شنو؟ نقيف نتفرج في الخولات ديل و هم بيعوا فينا؟

مانستبعد يكون البشير نفسه الداير ينجض الموضوع من بره بره لكن كتلو ليهو الموضوع بالشروط التعجيزيه دي وطارت منه الهبره سااااااااااااااي………

ديل ما رفضوا بس زادوها سخرية …. جايبين صورة طفل طاليين لونه بالاسود ولافين ليهو عمامة كبيرة ، كعدم رضاء بالجنسية السودانية ….

بقينا مسخرة يا جدعان !!!!

حليل الكان بهدي الغير صبح محتار يكوس هداي
عشان ما تبكي (يا وطن) ببكي انا و احاكي الطرفة في نص الخريف بكاي

يا اخونا الجبرا انت نسيت موضوع إرسال الجيش السودانى لليمن
ما الكيزان براهم دقو صدرهم وقبضو المعلوم
فما أشبه الليله بالبارحة
ديل مل عندهم مشكلة بدون ، نفايات مسرطنة ، حاويات مخدرات ، تقاوى فاسدة ، ادوية واجهزة طبيه مضروبة ، تسريب امتحانات ، تهريب الدهب وعيييييييييييك
الله يورينا فيهم يوم قبال نموت

يعني يا جبرة دي اول مرة تتمرمط مناخيرنا بالارض ولا حتكون اخر مرة, نحن ما بنرضي الحقارة ونحن بناكل النار…. دا كلام راح زمان اسكتو واتمرمطو الي
ان يفعل الله امرا كان مفعولا ولا حول ولا قوة الا بالله..وسلام يا….

شافو علينا شنو (الكوايته) ههههههه

الأستاذ الأكرم الفاتح جبرا

بالنسبة لماذا تم إختيارنا نحن (اللي دايماً الواقعين في محنة) لأن الموضوع ببساطة هو في صدر موضوعك فيما يخص منح السوريين الجنسية السودانية (مع أسلحة كحافز اضافي) والذي استنكرته الكويت مما حدا بها لرفض اصدار الإقامات للسوريين من حملة الجنسية السودانية واستدعاء السفير السوداني في الكويت لمعرفة الكيفية التي حصل بها هؤلاء السوريين على الجنسية السودانية (السايبة)!

عموماً دي نقطة البداية لتفكير الكوايتة في منح (بدونهم) جوازات سودانية لهملتها ولإنعدام السيادة التي تحدثت عنها.

حكومتنا هي من ظلت تسيء إلينا وليس الإخوة الكوايتة وهي من ظل يحقر بنا وموضوع تجنيس السوريين ليس ببعيد وماثل أمامك للعيان، ولا رايك شنو ووووووو؟

بدون الكويت هم ضحايا دولتهم والتي تود ارسالهم إلى الدولة اللي نحن ضحاياها!!!

خالص ودي

والله يا أخوى الفاتح إنت بتنفخ فى قربه مقدوده .. قال هويه وسياده وطنيه ,, حليل السياده وحليل الوطن الباعوه الكيزان بأبخس الاثمان ,, وبكره تشوف البدون بيقدلوا فى الخرطوم , وكمان يمتلكوا رشاشات , مثل السوريين ,, ومش كدهوبس ,, الآن كل البرماويين فى السعوديه بيأخذوا فى الجواز السودانى {سكيتى} وأظنك سمعت بالعراقى الذى حضر مطار الخرطوم ويحمل 5 جوازات سودانيه للعراقيين وبينهم جواز تجارى ,, وقال للضابط ,, أختم هذه الجوازات ,, وعندما قال له الضابط ,, ممكن تصور الجوازات وتحضر ,, قال له وأمام كل الناس { أيه الملوطه دى } وعندما إستنكر الناس هذا الكلام منه ,, قال لهم طظ فيكم , إشترينا الجوازات بفلوسنا ,, روح إسأل عمر البشير ,, وختم جوازاته وذهب فى تحدى سافر للضابط وكل الموجودين,, تانى الباقى شنو غير يطردونا من البلد

… هاااات الحبوووووب يااا ولد….
يا استاذ جبرا كملت حبوب الصيدليات كلها.انت جايب لنفسك ضغط الدم براك.
خليك تلجه وكسر علي خفيف رمضان الكريم قررب ….

شعب لا يستطيع أن يضع القمامه في المكان المناسب
كيف يستطيع أن يضع الشخص المناسب في المكان المناسب
إذا استطعت أن تقنع الذباب بأن الزهور أفضل من القمامه
حينها تستطيع أن تقنع الفاسدين بأن الوطن اغلي من المال
بئس الوطن الذي يباع بدراهم معدودات
من لا ضمير له من المؤتمر الوطني يبيع أي شيء من أجل المال
لك الله يا وطن الجدود وحسبي الله ونعم الوكيل

من يهن يسهل الهوان عليه

ينصر دينك يا استاذ
ده الكلام المفروض يكتب .. مش زي المفال الخايس بتاع عثمان ميرغني