الممثل الكوميدي حسن يوسف " سيد جرسة " : شخصية عمر البشير المحبوبة ستمنع قيام ثورة في السودان!
القاهرة ـ من أحمد الشوكي: حضر إلى القاهرة الممثل الكوميدي السوداني حسن يوسف الشهير بشخصية ‘سيد جرسة’، تعرفه القارة السمراء ومع ذلك فان الإعلام المصري المقصر على طول الخط في التعامل والاقتراب من أشقائه في السودان وما تلاها في الجنوب، أهمل تقديم نماذج العمل الفني الجاد.
التقت ‘القدس العربي’ حسن يوسف وسط القاهرة التي حضر إليها في رحلة استشفاء، كانت ناجحة، إلا أن جراح الوطن لم تبرح مكانها في قلبه، ولم يجد من يضحكه من أجل أن ينساها، كما يفعل هو مع الآخرين في السودان.
يقول ‘حسن يوسف’ أشعر بأجواء مؤامرات تتسلل للوطن العربي، تحاول ان تتخلل ثوراته الوليدة، أن أيادي الغرب والأمريكان التي لعبت في جنوب السودان بفصله عن وطنه الأم، لا يمكن أن تترك خريطة الوطن العربي تتشكل في ربيعها المبهر دون أن ينالها شيء من ‘زعابير’ هذه القوى الاستعمارية التي طالما سرقت عز هذا الوطن وزرعت في قلبه إسرائيل.
ويضيف ‘حسن يوسف’ الذي قدم اثنين وعشرون مسرحية أشهرها ‘سفر الخطا’ و’من كي لي طي’ و’الطاحونة’ و’سماسرة خمسة نجوم’ وكذلك مسرحية ‘رجال آخر زمن’ و’الأطفال يحكمون العالم و’حرم السيد المدير’ أن المسرح العربي لابد له أن يقف شامخاً.
كما كان، وأن يعيد ترتيب أوراقه، فالمسرح هو جامع الفنون جميعاً، وإذا قدم بشكل جيد، تناسب الثورات العربية وما بذل فيها من دم، لابد أنه سيكون مدرسة للأجيال تدفعهم للأمام، كعادة الفن دائما ويشدد ‘حسن يوسف’ على ان السودان ليس فلي حاجة الى ثورة مثل باقي الدول العربية لأن شخصية الرئيس ‘عمر البشير’ محبوبة ودعا ‘يوسف’ جموع الفنانين في العالم العربي خاصة مصر ان يستفيدوا من المناظر الطبيعيد الخلابة في أرض السودان، والتي ماتزال بكراً، فلم تلتقطها بعد عدسات ‘الكاميرات’ مثل المناطق الرائعة بجبل مرة، والتي من بين ما فيها من مشاهد خلابة، مشهد لخرير ماء ساخن وبجدواره مباشرة خرير ماء بارد، بالإضافة إلى أشكال الأشجار والحيوانات النادرة، فهي بمثابة استديوهات طبيعية لم تستثمر بعد.
ودعا ‘حسن يوسف’ إلى أن علينا جميعاً أن نلقي حدود السياسة التي رسمها الاستعمار وراء ظهرنا، ونتعامل كعرب.
ويقول ‘حسن يوسف’ والذي قدم العديد من الأعمال التليفزيونية الكوميدية مثل سلسلة ‘سيد جرسة’ و’عبدالعزيز أوف كورس’.
و’حسن وجاهة’ انه يستعد لتصوير عمل ‘فيديو كليب’ يتناول مشاكل التعليم.
القدس العربي
لأن شخصية الرئيس ‘عمر البشير’ محبوبة . والله دي سفاها الرجل دا شكلوا لسا المخدر بتا العملية العملها في القاهرة لسا فية و بي كلاموا دا ما واعي حب البشير قال منوا القال ليك البشير محبوب لدي الشعب السوداني . بالله عليك يا هزا مازا قدم المجرم البشير للشعب السوداني غير الحروب والفقر والهلاك و اخيرا والله سوفي تسال عن هزا النفاق . عالم ما بتستحي
ما هذا النفاق "العهري" يا هذا…..و من أنت لتفتي بحب الشعب السوداني لعمر البشير؟
ومع ذلك فان الإعلام المصري المقصر على طول الخط في التعامل والاقتراب من أشقائه في السودان وما تلاها في الجنوب، أهمل تقديم نماذج العمل الفني الجاد.
هراااااء …….. من هو سيد جرسة هذا؟
سبحان الله و بحمدة ، لا يستحق التعليق
يا ريت تكون المسرحية الجايه . الدايرنا اطلع لينا بره و الما عاجبوا الحس كوعوا .
جرسة فاطر رمضان خلى الدغمسة.
الدراما السودانية فشلت واصبح الجيل الحالي لايعرف شي عن اي ممثل واتجه الكل الي المسلسلات العربية مما يدل علي فشل جرسة وامثال الابغال المحبوبين لديه سوف تكون ضمن القائمة السوداء ياجرسة الثورة قادمة وشخصية البشير مكروهة حتي من المجتكع الدولي
انتا اهبل ياود؟؟؟؟
يا جماعة الزول ده عايز رئيسه المحبوب يدفع ليه فاتورة رحلة الاستشفاء للقاهرة عشان كدي النفاق قال رئيس محبوب من كل السودانيين ياخي امو ما اظن بتحبو
ياخي حب بلعك…
السودان ليس فلي حاجة الى ثورة مثل باقي الدول العربية لأن شخصية الرئيس ‘عمر البشير’ محبوبة
أمانه ما وقع رجل
يا خى والله الا كن بتحبه انت وانتى لاتمثل السودانيين عشان تتكلم باسمهم.
منو البحب عمر البشير؟ عمل استفتاء اليحبو يقول لا والما يحبو يقول نعم
انا والله اسمك ماكنت بعرفه لكن الخلقه دي شايفها واقول ليك خليك في تمثيلك احسن
والله ياسيد جرسه طلعت جرسه بحق وحقيقه
رغم إنك لا تمثل رقما في أي شيئ و لا حتى التمثيل إلا أن اسمك قد تم إدراجه في
قائمتنا السوداء
البشير شخصية محبوبة؟ حباه القراد اليسوي ليهو الدبرة
ما مؤهلات هذا الصفر حتى يتحدث باسم الشعب انه غوااااااصة سيضم لكشف المخذلين
طبعا حا يتجرس ويقول كنت بهظر
هذا المسمى حسن يسف وعمر البشير والله بشبهوا بعض ولايقين على بعض فحسن يوسف عوارة في التمثيل وعمر البشير عوارة في السياسة
لا مكان للمشاعر الانسانية في السياسة يا سيد جرسة؟!!! انما ماذا قدم هذا البشير للسودان حتي ( يحبه) الشعب كما تعتقد انت؟!! لعله من الاشياء التي كنت استغرب لها جدا ان هناك بعض البوسترات) وبها صورة للبشير كتبت عليها( اسد افريقيا) يضعها ( قلة) من اتباع المؤتمر الوطني علي زجاج سياراتهم كما يضعها( الكثير) من اصحاب السيارات التي نجدها دائما علي شارع النيل ( من جهة الفلل الرئاسية) وهي دائما مظللة ( بعتمة) شديدة وبها ايضا( صورة من يطلقون عليه( اسد افريقيا) وهو امر يدعوني في كثير من الاحيان بأن ( اضحك) بصوت عالي لدرجة انني احيانا احس بأن هناك من يقول في سره( مسكين الزول فكت منو بيضحك براه)!!!!!
البشير يا سيد حسن يوسف مجرم قاتل ومطلوب للعدالة الدولية ولا اعتقد بأن هناك من يحبه الا من كان مستفيدا من وجود نظامه الدموي الفاشي الذي لا ينتمي الي البشرية؟!! وباذن واحد احد سيهب الشعب السوداني من غفوته ليذهب بالبشير وطغمته الحاكمة الي مزبلة التاريخ ليذكر هو ونظامه مع الحجاج وهتلر؟!!!! قال بنحب البشير( حباك برص!!!!
الدهنسة الفايته اللزوم, المشكلة يا بتاع الكوميديا انو البشير ذاتو ما حيصدقك فى حكاية محبوب دى, ولا يمكن تكون عاملها فى شكل نكته, على كل حال بطل التقريق على سيادة الريس.
والله درويش الكباشي أمه تكرهه خليك من باقي الناس مافي زول قعد يريدو إلا مهندس التوجه الإنحطاطي الفاشل وده حب مصلحة وتاني أسامة سدود الله يسد نفسه ودا الما معروف سبب الريدة
يا خي حباك برص سبعة قرص يعني من جماله ولامن رقيصه روح يا ولد شوف ليك حاجة
تلعب بيها قرف يقرفكم اكتر من سنة ما شفنا التلفزيون عشان ما نشوف وشوشكم العكرة دة
ورئيسكم الرقاص دة كدة اعمل استفتاء حتطلع انت الوحيد المحب للبشير يا ولد
الاشكال الزيك دي هي المضيعة البلد.يحبو فيه شنو عمر البشير دا.ولا بعدين حتجي وتقول عندي أولاد عايز أربيهم.
ماذا تتوقعون من العفن الفني
نفاق تملق,وهم مع كل رئيس ما عندهم
مبادي ولا اخلا ق مصلحتهم فوقالجميع .:mad:
:mad: :mad: :crazy: ;( :confused: :eek: :o :lool: (؟) :mad: :crazy: ;( :D :confused:
ويشدد ‘حسن يوسف’ على ان السودان ليس فلي حاجة الى ثورة مثل باقي الدول العربية لأن شخصية الرئيس ‘عمر البشير’ محبوبة ودعا ‘يوسف’ جموع الفنانين في العالم العربي خاصة مصر ان يستفيدوا من المناظر الطبيعيد الخلابة في أرض السودان، والتي ماتزال بكراً، فلم تلتقطها بعد عدسات ‘الكاميرات’ مثل المناطق الرائعة بجبل مرة، والتي من بين ما فيها من مشاهد خلابة، مشهد لخرير ماء ساخن وبجدواره مباشرة خرير ماء بارد، بالإضافة إلى أشكال الأشجار والحيوانات النادرة، فهي بمثابة استديوهات طبيعية لم تستثمر بعد.?
السودان محتاج لي شنو يا سيد جرسة ؟ كلامك في حد ذاتو (جرسة و تملق) , نصيحة : وفر جرستك لما بعد الثورة فستحتاج اليها اشد الحوجة , و ليكن في علمك , اي مهادن للنظام بالقول او الفعل مرصود و اقواله او افعاله موثقة , و لن يكون هناك (عفا الله عما سلف) , و ابشر : فقد اضيف اسمك الي قائمة اعداء الشعب السوداني .
صدقت والدليل على ذلك ان المعارضين والحاقدين لم يستطيعوا اى شى ولن يستطيعوا باذن الله تعالى وهذا من فضل الله تعالى علينا وعلى الشعب السودان الصابر سير يابشير والله فى عونك
هذا السيد جرسة علي ما أذكر كان يمثل في فرقة نمارق في بدايات عهد هؤلاء اللصوص أوائل التسعينات و كانوا يقدمون دراما سمجة جدا تتماشي مع نزعات الإنقلابيين و تجار الدين لأنهم منهم و ذلك بعد ما منعت الفرق الموسيقية و الفنانين الوطنيين حتي من دخول الإذاعة و التلفزيون ،،، و كان أيضا هناك فرقة نمارق الموسيقية (كان بها عمر بانقا) ،،، كل تلكم الفرق و ممثليها كانوا عبارة عن مسخ مشوه من الدراما و الفن السوداني سبحوا بحمد الكيزان و ساهموا في نشر الإسفاف و العبط لأنه هو جل ما يعرفونه و لم نري لهم مساهمة حقيقية أو وعيا بحقوق أهل البلد و عن نفسي أجد لهم العذر ففاقد الشئ لا يعطيه ،،،
أول مرة أسمع بإسم الحقيقي لهذا السيد جرسة في هذا الخبر (و والله هسة نسيتو) أمثالك يا هذا أقل من أن يتكلموا عن ثورات شعوب أو همومها
سبحان الله ولا حول ولا قوة الا بالله
هذا زمانك يا مهازل فامرحي
وهل عمر البشير هو رئيس السودان الذي يمسك بالأمور حتى يحبه الناس؟؟؟ …وماهو السبب الذي يجعل الشعب السوداني يحب البشير ؟؟؟ هل لأن السودان صار في عهده صاحب أفضل اقتصاد أفريقي وعربي؟؟أم هل لأن السلام وانتهاء حرب الجنوب ليحل السلام والأمن والرفاهية وقيام المصانع والمزارع والجامعات العالمية ومراكز الأبحاث والاختراع وشبكات الطرق السريعة والقطارات الحديثة ومترو الأنفاق بالخرطوم ومدني وبورتسودان وزيادة عدد المطارات الداخلية بطول البلد وعرضها كل ذلك كان على يديه ؟؟؟ .أم هو مجرد سبورة يكتب عليها المفتحاتية من حزبه؟؟ أم هو أول رئيس سوداني يكون مطلوبا للعدالة ؟؟أم هو أول رئيس سوداني يعترف الرقص والنهيق الذي لايودي ولا يجيب ؟؟؟ أم هو الرئيس السوداني الوحيد الذي تمزق الوطن في عهده وعلى يديه من انفصال للشطر الجنوبي وحروب في طول البلاد وعرضها ؟؟؟؟وانهيار للاقتصاد ؟؟وانهيار للزراعة والصناعة والسكة حديد والأخلاق ….هذا السيد جرسة مجرد منافق يرمي الى مصلحة ذاتية ..فلتذهب أنت وحبيبك البشـــــــــــــير الى المزابل النتة يااااااااااااااااااااااارب
الله يجرسك زياده يااهبل يامنافق ياعوير هو البشير ماعوير زيك وفاشل زى تمثيلك يااهبل
بكره لما الحكومه تنقلب انكر كلامك ده
زي الفنانات المصريات مع حسني مبارك
وقول فهمتوني غلط
حنقاطعك ياجرسه
كسر تلج وشوف البجيك بعدين
قال محبوب قال
محبوب عبدالسلام ولى محبوب ودفضل السيد
أقول للمدعو فيصل على نحن شعب السودان الحر الصابر أبتلينا بالبشير وأمثالك وامثال المطبل حسن يوسف ان المجرم الهارب من العدالة والزى تسبب فى افقار وقتل وتشريد ملايين السودانيين أن شخصية البشير المكروهة من غالبية افراد الشعب السودانى سوف تظهر حقيقتها يوم زهابه مخفورا الى لاهاى زليلا مهانا وعندها سوف تعرفون حقيقة شخصيته يا قوادى ومطبلى وجزم المؤتمر الواطى
والله فعلا سيد جرسة بالجد ..!!
يا ناس وثقوا لامثال هؤلاء فنحن في امس الحاجة بعد الثورة لتصفيتهم اجتماعيا ونفسيا …
أخخخخخخخخخخخخخخخخخ
لا أحد يحب أحدا إلا لسبب إما لأخلاقه أو جماله أو ذكائه ولأن كل هذه الصفات معدومة في البشير لذلك لا أعتقد أن هنالك من يحب البشير، حتى أصحاب المصالح يريدون بقاء البشير لمنفعتهم فقط من غير محبة ولا يحزنون
لا يحب البشير إلا مخبول جهلول معلوم الجهالة
يا أخواننا منو البنكر إنه الرئيس محبوب ، وكيف ما يكون محبوب وهو القام بالإنجازات العظيمة الما سبقه أحد من الرؤساء السابقين وعلى سبيل المثال لا الحصر، تشييد الكباري وربط توتي بالشاحنات واللواري وتشييد السد العالي "هي أقصد سد مروي" وحيث الزراعة المروية في الحامداب ، وطلع ناس المناصير من الخرابات إلى العمارات، وشيد مصانع الغزل والنسيج والسكر والبطيخ "هي أقصد الاسمنت" وعمر مصانع النسيج في الحصاحيصا والباقير وكل من مصانع النيل الأزرق ومصانع الهدى في مدني وشبع المواطن تب رقيص وهجيج ، أها دايرين شنو أكتر من كدا، وبعد دا كلو ما بستحق حب الشعب ليهو، إنتو حاسدين يا أخواننا ولا بغرانين،،،،،،،،،
معليش يا أخواننا كنتم مع برامج "الكاميرا الخفية" ونلتقي في الحلقة القادمة بعد الثورة واقتلاع هؤلاء الخونة……
هذا سيد النفاق وليس سيد جرسة بعدين من الذى اطلق عليه ممثل كوميدى مشهور أمثال هؤلاء هم المنافقين فعلا خلاص كملت الهبالة وتمثيلك الهابط وعايز تتكلم فى السياسة ؟ اين شخصية البشير المحبوبة فى السودان وهل لهذا الرجل شخصية ؟ رجل قتل اكثر من 30 الف من المواطنين وتقول محبوب ! ! خسئت ايها الكذاب المنافق الرجال تشكر وتمجد باعمالها وانجازاتها وليس باللسان والدهنسة ايها الطباليـــــن .
اول مرة اعرف انو فى ممثل كوميدى سودانى اسمه حسن والجرسة دى بكون عاوز ترخيص ركشة ولا اى زبالة علشان يعيش;) ;) ;) ;) ;) ;) ;) ;) ;)
علييييك الله عاين الزول التخة دا ……ماهو انت من شكلك كدا دلوكة زي بشيرك دا يا بليد وكمان ما بنعرف تتكلم وكلامك كلو دراب ……. اوففففففف
شوف الزول العوقا دا كلامك زي هبالتك في التمثيل هم الهبل الزيك ديل المضيعيين البلد انشاالله البشير يديك رقصة ورقشة ياعوقا
ده واحد من الممثلين المتسلقين في القائمة السوداء ، و هو اول من يدخل القائمة السوداء من اهل التمثيل لعنة الله عليك و علي امثالك ايها الجبان ، هو ياخي انت مالك و مال السياسة يا جهلول يا ارجوز كريه ، هو انت في التمثيل ما نافع تمثيلك مهبب زيك .
اولا نقول حمدا لله على السلامة استاذنا حسن يوسف
وهو فنان معروف للجميع
وكلامو عين العقل
والما عاجبو ما يعلق
وشكرا