السلام عليكم لكل الناس وجمهوري الحبيب الوقف معاي وساندوني
انا الفنانه مروة الدولية
ماحابه اكتب كلام كتير لاني مصدومه من الحصل بس عندي سؤال لكل مسؤول في الدولة دي مع احترامي لكافه القوات النظاميه واقتناعي انو العملوا كدا مابمثلوا الشرطة، وان العدل مصيره ياخد مجراه.
سؤالي:-
لو جاتكم وليه وإمرأة مهما كان هي شنو او منو او شغاله شنو وقالت ليك في “رجااااال” ما راجل واحد ضربوني واهانوني ورقدوني ف الواطه زي الحراميه وضربوني بالعصايه بدون رحمه وشهدو ف المحكمه زور ف حقي وانا ماعملت شي هل بتجيبو ليها حقها ؟؟؟ انا اول مره احس بالظلم والقهر حسبي الله ونعم الوكيل حسبي الله ونعم الوكيل حسبي الله ونعم الوكيل
وصلو رسالتي لأي مسؤول قلبو حار وما برضى الحقارة ولا الاهانه لي حريم بلده مهما كانو هم منو او عملو شنو خلي من انهم ماعملو حاجه اساسا بس في ناس بستغلوا سلطتم
وانا يشهد الله لا اسئِت لي زول ولا غلطت على زول ولا قذفت زول وكل الاتقال دا ظلم وبهتان وافتراء علينا وربنا عالم و شايف بس عاوزه زول راجل مالي مركزو ف المسؤولين وبيقيف ضد الظلم يقرا رسالتي و يبرد ناري من الظلم الانا حاسه بيهو والاهانه دي
الحريم المحتشمات المؤدبات الجديرات بالإحترام رحمهم الله رحمة واسعة. أما أشباه الحريم فيسحقون أكثر من ذلك.
بصراحة نقف معك في تحقيق العدالة الغائبة في تنفيذ القانون في حق الجاني ومسائلة وزير الداخلية وليس من حق الشرطي ضرب المواطن مهما كان السبب وعليه نأمل تقديم الشرطي للمحاكمة لتحقيق العدالة ولكن في الحقيقة ظاهرة مليار المقلدين والقونات والهرج والمرج وإدخال ثقافة جديدة في المجتمع في النقطة والتفاخر على الفارغة يجب على الشعب السوداني محاربتها لنها دخلية على السودان وعلى المقلد الغناء أن يبحث عن عمل آخر يسترزق منه ولايعتمد عىل النوم طول النهار ويجيك باليل يلمع وكاشخ ويأخذ فلوس العريس باردة ويمشي. على العرسان إختصار أعراسهم بدون حفلة غنائية وأن تكون الحفلة داخل الحوش بغناء البنات فقط وبهذا نستطيع نحارب مثل هؤلاء المتسلقين على الفن بغير وجه حق.
حتى الآن لم افهم كيف هى مروة الدولية؟؟؟؟ هل عندها مدراء اعمال خارج السودان وفى اي دولة والله حكاية دولية وعالمية بقت مثيرة جدا مما أفقدها المعنى.
حقو نفرق بين مهنتها وعملها العايز ينتقدها ينتقدها برة الموضوع الحالي ، الموضوع الحالي انو مجموعة صعاليك شرطة استغلو منصبهم وزيهم الرسمي اعتدو عليها بدون ذنب وبدون حق وبدون قانون ، زى ديل مفروض يجردوهم من شغلهم ويفصلوهم ويحاكموهم ، لأنو اذا رضينا ما فعلوه لمروة بنفس المنطق ممكن ديل نفسهم يتعدو عليك في دكانك او في بيتك او في عربيتك لأنو أصلا بفتكرو انو هم فوق للقانون لأنهم شرطة وبس ، أصلا في بعض منهم يتعين في الشرطة عشان يمارس اى حاجة متعلل بالحصانة وبالزى الذى يلبسه وهو أصلا في حياته الشخصية يعمل السبعة وذمتها .
مهما كان المجني عليه ومهما فعل فالظلم ظلمات
من المؤكد ان الهمجية والغباء وسوء التصرف اصبحت صفة متلازمة للشرطة السودانية وللأسف تركوا اللصوص والحرامية الذين استباحوا املاك المواطنين واهتموا بسفاسف الامور وهذا دليل علي فشل مايسمس عندنا بالشرطة السودانية .
الامر الاخر فيما يخص من تسمي نفسها او من سموها بالدولية , هل الدولية هو اسم والدك ام انه تبرأ منك بسبب ما انت فيه من السفه والخلاعة . اصبحت ازداد اقتناعا” بان الفن فى السودان قد انتهي ومات مع عمالقتنا من الفناننين الذين رحلوا وان الساحة الفنية لم يبقي فيها غير هذه الشرذمة من الذين يسمون انفسهم فنانيين وقبل ان ينتهي الفن السوداني كانت الاخلاق والقيم والادب والثقافة قد انتهت ولا حول وال قوة الا بالله .
برضو بسأل تااااني .. تطلع شنو مروة الدولية دي ؟
لقب و بس , وردي مثلا , هل لون جلده وردي؟
جده اسمه وردي
# معليش يا مروة…جاتك ضرب بس!!!
# في ناس تسوروا منازلهم ليلا.. وارهبوهم ومن ثم سرقوا أموالهم!!!
# يحتاج كل الجهاز للغربلة والنظافة!!!
# رحم الله ايام كانت الشرطة كانت في خدمة الشعب!!!
# الان اصبح الشعب تحت سطوة وعجرفة الشرطة!!!
الناس جيعانين وعينهم طالعة والبلد تمر بظروف استثنائية للغاية اقتصاديا وسياسيا وأمنيا وانتي بالليل تتراقصي فمن مزرعة لمزرعة دون خجل ولا حياء ولا أهل ولا اخوان يسألوا.. كل يوم واحدة ناطة باسم وهن أجهل من دواب، واحدة الدولية والتانية الاقليمية والتالتة الوطنية
بس أنا ما الومكم
الوم الظروف التي صنعتكم
الوم الكيزان اللي حكموا 30 سنة وكانت نتيجة برنامجهم الحضاري هذا المستوى من الفظيع من الانحطاط الذي نعيش فيه..
ياخي سافري لدول اخرى اي شي عندهم مباح واعملي اللي عايزة تعمليه
بس ما تبقى البصلة البايظة اللي تبوظ بقية البصل.