الظهير العصري: الاستقبال الجماهيري ادهشني وجدية الهلال شوقتني لارتداء شعاره
عبر محترف الهلال النيجيري فالنتين عن سعادته الغامرة وهو يتوشح بالازرق مبديا الرغبة في الفرقة الهلالية لمدة 3 سنوات قادمة واوضح بانه في غاية السعادة والغبطة والفرح والروح مشيرا انه لم ير ويشاهد في حياته استقبالا رائعا وكبيرا كما استقبلته جماهير الازرق بالمطار والنادي واتحاد كرة القدم وابدى اندهاشه لذلك واضاف بانه لشرف عظيم بان يدافع عن شعار نادي من اكبر واعرق الاندية في القارة السمراء واشار بان اتصالات النادي الازرق بدأت معه منذ فترة مبكرة وعندما شعر برغبتهم الأكيدة وجديتهم تشوق لخوض التجربة الجديدة التي قال بانه متفائل بانها ستكون ناجحة بتعاون الجميع وتمنى التوفيق له وناديه الجديد الهلال
قوون
نحن البنخرب المحترفين الواحد يجي من بلده زول عادي جدا ولما ينزل المطار يقول اتاريني انا حاجة كبيرة وانا ما عارف واللا الناس ديل عبطاء
ولما يشوف الاستقبال دا ينوم في العسل بدل ما يجتهد ويثبت نفسه يقعد يتمنتش ،
واسألكم سؤال يا الفاضين ومبطلين شغلتكم ومشيتواتستقبلوه في المطار قبل كدا استقبلتوا كم واحد زيه ؟ عملوا شنو ؟ قدموا شنو للفريق ؟
هل سبق وان قرأتم او سمعتم في دولة ثانية مصر او السعودية او الامارات او تونس باستقبالات في المطار للاعب محترف ؟ او شاهدتوا صور استقباله ؟
ليه بتعملوا كدا ؟ هو المفروض يفرح لانه جايي يلعب في احسن اندية القارة من الناحية المادية تجوا انتوا تستقبلوه وتتكسروا في المطار بالساعات راجينه ؟
يعني لو جاكم ميسي او رونالدوا تعملوا ليكم صيوانات قبل شهر وترجوه ؟ بطلوا التخلف حقكم دا وشوفوا اشغالكم وين واسركم وين