ضبط أكثر من (3) آلاف زجاجة خمور مهربة بالخرطوم
الخرطوم (smc)
تمكنت إدارة شرطة أمن المجتمع قسم المقرن من ضبط كميات كبيرة من الخمور المستوردة المهربة بلغت في مجملها (3,315) زجاجة بيرة ووسكي في منزل بمنطقة كافوري بالخرطوم كانت تعد لتوزيعها خلال أعياد رأس السنة.
وأفادت الشرطة أن المضبوطات تمت متابعتها إثر توفر معلومات عن قيام شخص بإدارة عملية منظمة لترويج الخمور بشارع النيل والعمارات والمنشية وشارع محمد نجيب حيث تمكنت الشرطة بعد عمل كمين محكم من ضبط المعروضات في عربة دفار جامبو وصلت من الحدود الشرقية إلى المنزل المرصود.
وحاول المتهم الأول في البلاغ تمويه الشرطة بوضع تانكر مواد بترولية اعلى المعروضات إلا أن الفريق العامل تمكن من كشف العملية بعد متابعة ورصد استمرت لأربعة أيام وتم القبض على المتهم وتحريز المعروضات والتي بلغت (2,078) زجاجة بيرة و(1,047) زجاجة وسكي كبيرة وعدد من الأكياس للتوزيع فضلاً عن مبلغ (7800) جنيه سوداني إضافة للعربتين موضوع البلاغ وتم بلاغ تحت المواد (79) و(81) و(60) من القانون الجنائي برئاسة قسم أمن المجتمع بالمقرن.
من جانبه أشاد معتمد محلية الخرطوم اللواء عمر نمر في تصريح لـ(smc) لدى تفقده الضبطية بأمن المجتمع بالمقرن بحضور العميد د. عامر عبد الرحمن علي مدير شرطة أمن المجتمع بالجهود التي اضطلع بها الفريق الذي نفذ العملية بمهنية عالية أسفرت عن ضبط الكمية الكبيرة من الخمور المستوردة التي كانت ستسهم بشكل كبير في انتشار الجريمة خلال احتفالات رأس السنة.
ياااااااااااااا سااااااااااااتــــــــــــر
يا ساتر ..
هل فاطمة شاش كانت عارفة الشمار دا ..
يا شماتة أبلا شاشا فينا ..
آآآآه يا عيني ..
وأقسم بجلال الله إتخلعتا لامن ما قادر هسي أتنفس ..
كمان كافوري يا وسخ ..
الدلاهات ديل مش قالوا البلد ملانة جداد وأمن وقرف ومش عارف صندوق رفع الرزيلة ولا شنو ؟؟؟
الزجاج التقيل دهههه شنوووو
أعووووذ بالله من غضب الله ..
كمية قدر دي البشربها منو ..
زمان قلنا الخواجات كانوا كتار ..
هسسسي طردوهم ؟؟؟؟؟؟؟
يمكن استخدام شخصي زي ما قالت بتاعة الانداية القبضو عندها عشرة براميل عرقي قبل يومين… غايتو البلد بقا فيها جنس بلاوي
الخمور دي ما حيتم ابادتها و لا حاجه
حتتباع للناس لكن طبعا المستفيد حيكون منهم
بعدين يا جماعه نمر دا لسه معتمد في محله و مباري لي الحاجات الفارغه ؟؟؟؟؟
الفاتح عز الدين العوير الجهلول بقي رئيس برلمان
انتوا سعاده اللواء دا ما برقوهوا ليه زي اخوانه متخلف عقليا و لا شنو ؟؟!؟
خسارة كبيرة عوووووووووك
البركه فى عرقى بلحنا..
مافى زول عادى عندو القدره يهرب كميه قدر دى من أثيوبيا أوأريتريا ده كوز مشغل و مرسل ليهو واحد أدى ماعليه والباقى التسويه مع الضباط أشان يتقسموا الغنيمه وخلونا من الفبركه يابوليس والقزاز ده حدو القصر الجمهورى؟؟!!
خلوا الناس تبتهج بالنضيف ياحكومة ياعالم
البهجة اهم شئ فى الدنيا , ما تقفلوها عليهم من كل ناحية
انتو ضاغطين الشعب فى المعيشه , كمان ما تضغطوهم فى البهجة والابتهاج
الكيزان اختلفو فى البيعة والسودان الانا شايفو ده ما فية اى متابعة امن شنو فى السودان يتحصل على معلومات الجماعة اختلفو فى البيعة عشان كدا اتفتنو
شكيتكم لي الله , طرشقتو للجماعة الكريسماس و راس السنة , حسع الواحد لو قاعد في السودان كان مشى جاب ليهو حبة حبتين لزوم المزاج لانها ما حا تتلف حا تتباع زي بتاعة ابعاج
إذا إختلف اللصوص بان المسروق ؟؟؟ و هذه هي العاقبة تهريب قال ؟؟ طيب كدا ورونا كيف دخلت هذه الكمية الكبيرة إلي العاصمة ؟؟ و من أي جهة دخلت ؟؟ المسألة دي فيها (إن) كبيرة لازم يكون فيها واحد أمنجي كبير علشان يسهل عملية الدخول و المرور عبر البوابات الكثيرة من و إلي الخرطوم ؟؟؟؟ و ما بعيد يكون ( بكري )مساهم في هذه العملية ؟؟ لزوم الأحتفال بعيد الكريستماس و رأس السنة و عيد الإستقلال ؟؟؟؟؟
ما طرشقت و كدا ؟؟ ما منعونا و كدا ؟؟؟
بكري نصيبو كم في الكوتة دى؟؟؟