المجلس يبدي ارتياحه من توقف الصحف لأزمة الورق
الخرطوم: لينا، هبة
أبدى الأمين العام لمجلس الصحافة والمطبوعات العبيد أحمد مروح أمله في أن يزيد عدد الصحف المتوقفة بسبب أزمة الورق العالمية عازياً ذلك لتنبيهات ومقترحات قدمها المجلس في أوقات سابقة حذرت من أوضاع اقتصادية ستمر بها مدخلات صناعة الصحف، إلا أن أحداً لم يستمع لها، وأشار إلى أن البعض يزين لبعض الناشرين أن العمل الصحفي مربح وسهل لكنه غير ذلك مضيفاً أنهم نصحوا عدداً من الناشرين بعدم الإقدام على هذه الخطوة في ظل الأوضاع الحالية، ووضع أمامهم خيارين إما مواجهة الأزمة أو التحول إلى الصحافة إلكترونية، وكشف عن إجراء المجلس لاتصالات شفاهة وكتابة مع جهاز الأمن والمخابرات حول إيقاف بعض الصحفيين، مبدياً اعتراض المجلس على تخطي الجهاز له في التعامل مع الصحفيين، وأوضح أنهم لا يسعون لأدوار بطولية حتى يتم التحدث عنها في وسائل الإعلام، وقال “على من يبحثون عن هذه الأدوار أن لا يكتفوا فقط بالامتعاض” معتبراً أن كتاب الأعمدة إن تضامنوا مع زملائهم وتوقفوا عن الكتابة ربما أحرزوا نتيجة، وأقر المروح بتقصير المجلس فيما يخص أجور الصحفيين وحول جمعه بين وظيفتين مهمتين قال إنه لم يعين نفسه في هذه الوظيفة أو تلك مشيراً إلى أنه على الصعيد الشخصي والأسري غير مرتاح لكنهما تكليفان سينفذهما إلا أن يرفع أحدهما أو كلاهما.
السوداني
خلاص كشف الفضايح بقيف
أزمة ورق عالمية ؟؟؟
وليه هنا الصحف في السعودية أربعين صفحة بريالين بس ؟؟
ما تحلف صدقنا يا العبيد انك مكلف وبس – من قبل الرئيس الذي هو نفسه (مكنكش ) بين رئاسة الجمهورية ورئاسة الوزراء ويجمع بين مرتين ويبحث عن الثالثة ؟ بس ياالعبيد ماهي مؤهلاتك حتى تجمع بين وظيفتين بهذه الاهمية ؟ واذا انت غير مرتاح لماذا لا تعتذر عن واحدة ؟ اعتقد ان موهبتك في حرق البخور تؤهلك ان تنهي مسلسل خلافة البشير وتفصل دستور جديد يكون فيه البشير رئيس مدى الحياة
طيب التكليف يا فريد زمانو فوق القانون
هو اصلا فى داعى للصحافة فى ظل حكومة شمولية؟؟؟ مش ضياع اموال فى الورق والاحبار ساكت؟؟؟
يا اخوانا صراحة فى جرايد بتستحق يقفلوها وورقا يدو لجرايد تانيه لانها بتمارس نوع من العهر الصحفى مش صحافة والمحيرنى بدوها تصاديق كيف بالاخص الجرايد البقولو عليها إجتماعيه و فنيه والمجلس لو شايف شغلو جد جد الجرايد بعد يطبعوها يأكلوها للناس البكتبوها والله حاجه مخجله ونوع من الإنحطاط الاخلاقى وقصص تافهه وخادشه للحياء وتنم عن مرض نفسى كامن فى نفوس القا~مين عليها يمكن يكون نتيجه لإضطهاد إتعرضو ليه فى صغرهم والله اعلم وقد تكون قصص من وحى الخيال عشان يمشو جريدتم على شاكلة”خطيبى كان بخونى مع صحبتى وصحبتى بتحب اخوى وابخوى بحب الحبشيه وابوى بحبهم كلهم” ده شنو الكلام الفارغ ده
والله جرايدكم دى كلها لوشالة كلب جرى بيها مافى واحدح يقول:جر….!صحفيون تحت الطلب…كلهم كسارين تلج….فى صحفى واحد مشى هجليج عشان يشوف بى عينه ويكتب…كلهم ملتزمين بتعليمات الأمن.وتابعه اس ام سى…..ماتكتبو عن هجليج!..حاضر…! ماتكتبو عن فساد الأوقاف ….حاضر…مافى واحد يعمل لقاء مع الحركة الشعبية….حاضر!…مافى واحد يكتب عن البرادو…حاضر!!!! 12 صحفى موقوفين عن الكتابة من 10 أبريل….ولا كلمة تضامن واحدة…نيابة صحافة فى ولاية الجزيرة…سأحضر حالا سعادتك…!!!تجى كل يوم تتمم فى الجهاز فى بحرى…حاضر!!!!يعنى حتى لوكل الجرايد وقفت ح يحصل شنو…عاااااادى…حنستمر فى حياتنا…متين كنا حاسين انوالجرايد دى لسان حالنا…ولايوم واحد بالغلط…صحافة ذليلة كما قال معاوية ياسين…علشان كدة شامتين فيكم!!!كلكم موتمر وطنى وأمنجية.وقيدكم الصحفى من الأمن وأغلبكم بدون مؤهلات…سياسة التمكين…..عايزين تاكلو عيش…كلكم مدعومين من الموتمر الوطنى…سرا أو علانية…وفيكم من يفتخر بأنه امعة…انشالله الجرايد كلها تقيف…عشان تجوعو وتحسو معاناة المواطن…أزمة ورق فى عينكم!!!أزمة ورق بتاع الساعة كم!!!دى أزمة ضمير مزمنة…علاجها البتر…ال صحافةال…أحسن منكم الليمبى!!!!
لو عصرت الصحف دي كلها ما بتطلع ليك صحيفة مستقلة كلهم متبلاطية وخايفين من ضلهم وبعدين الزول الداير يقرا يجي الشبكة العنكبوتية انا لي عشرة سنوات ما اشتريت جريدة اخباري كلها بلقطها من السماء الافتراضي لا رقيب ولا نسيب تعال شوف الراكوبة حريات سودانيز اون لاين وغيرها من الواسائل
اسى عمك دي بفتكر ان جاضم خلاص كدي عشان كدي مكوش علي وظفتتين كبار والبلد ما فيك الا عبيد
” وكشف عن إجراء المجلس لاتصالات شفاهة وكتابة مع جهاز الأمن والمخابرات حول إيقاف بعض الصحفيين، مبدياً اعتراض المجلس على تخطي الجهاز له في التعامل مع الصحفيين،”
الطريف في الامر أنو العبيد ده هو ذاتو ضابط في الامن من زماااان قبل حتى يمشي الامارات.