في أول رد فعل على قرار الفيفا..حكومة السودان : لن نعتر ف بقرارات (الفيفا) إذا لم تعترف بالقانون السوداني وسيادة الحكومة على أرضها.. لن نحذف نقطة على القانون الذي وقعه البشير بأمر من الفيفا – شاهد خطاب الفيفا للاتحاد-
ارسل الاتحاد الدولي لكرة القدم خطاباً لنظيره السوداني أمس اكد فيها عدم اعترافه بالانتخابات التي اجريت الاسبوع الماضي وفاز فيها معتصم جعفر برئاسة الاتحاد وامهلت الفيفا الاتحاد السوداني مهلة حتى يوم 15الجاري لاعادة الانتخابات واتاحة الفرصة لشداد للترشح والا ستتخذ قراراً بتجميد النشاط الرياضي في السودان ،يذكر ان رئيس الاتحاد السابق كمال شداد تقدم بشكوى للاتحاد الدولي لكرة القدم بسبب حرمانه من قبل المفوضية بالترشح لدورة ثالثة.
وفي أول رد فعل لقرار الاتحاد الدولي لكرة القدم(الفيفا) بعدم الاعتراف بانتخابات الاتحاد السوداني التي جرت مؤخراً أدلى حاج ماجد سوار بتصريحات مهمة لـ (آخر لحظة) في وقت متأخر من مساء أمس أكد من خلاله أن الحكومة لن تعترف بقرارات (الفيفا) إذا لم يعترف (الفيفا) بالقانون السوداني وسيادة الحكومة على أرضها وأنشطة شعبها وأضاف سوار نرحب بأي لجنة تحقيق أو تقصي حقائق يقودها (الفيفا) للتأكد من شفافية الانتخابات أو عدمها ولكننا لن نقبل أن يملي علينا الاتحاد الدولي لكرة القدم حذف نقطة من القانون الوطني وقال نحن كحكومة أجزنا قانون الرياضية عبر مؤسساتنا التشريعية والتنفيذية ووقع عليه رئيس الجمهورية المشير البشير نعدله وفق ما تمليه علينا إرادتنا وليس وفق ما يمليه الآخرين ودعا سوار للتأني ومناهضة قرار(الفيفا) عبر الطرق القانونية بينه الاتحاد السوداني.
آخر لحظة
[COLOR=blue]الموضوع: قرار لجنة الحالات الطارئة بخصوص وضع الاتحاد السوداني لكرة القدم[/COLOR]السيد السكرتير العام
خلال الأسابيع الحالية أوضح الاتحاد الدولي لكرة القدم أن انتخابات الاتحاد السوداني لكرة القدم ينبغي أن تجري بمعزل عن أي تدخل حكومي، وأن الإجراءات التي اتبعت بواسطة المفوضية الاتحادية السودانية بخصوص العملية الانتخابية والتي حوت حظراً لعدد من المرشحين وفرض رسوم باهظة على المرشحين ليست مقبولة، وقد علمنا أن الانتخابات جرت في يوم 26 يوليو 2010 من دون مراعاة ملاحظات الفيفا، وعطفاً على هذه الظروف تمت إحالة القضية إلى لجنة الحالات الطارئة، وقررت اللجنة عدم الاعتراف بنتيجة الانتخابات وتحديد موعد نهائي أقصاه يوم 15 أغسطس الحالي لإقامة انتخابات جديدة استناداً إلى النظام الأساسي للاتحاد السوداني لكرة القدم، ومن دون تدخل أي طرف ثالث (وافقاً لنص المادة 13 الفقرة 1 من النظام الأساسي للفيفا)، إضافةً إلى ذلك تمتلك الجمعية العمومية للاتحاد السوداني لكرة القدم حق التقرير في مدة ولاية أعضاء المكتب التنفيذي للاتحاد، والتي تمثل إحدى نقاط الجدل مع السلطات السودانية.
وإذا لم تتبع الإجراءات التي فرضتها لجنة الحالات الطارئة للفيفا بحدود يوم 15 أغسطس الحالي سيتم تجميد نشاط الاتحاد السوداني لكرة القدم استناداً إلى نص المادة الرابعة الفقرة الأولى من النظام الأساسي مقروءة مع المادة 13 الفقرة 3 من النظام الأساسي للفيفا، وهذا سيؤدي إلى آثار سلبية خطيرة على الكرة السودانية، بما فيها فقدان الحق في تنظيم بطولة أمم إفريقيا للمحليين 2010 وحرمانه من عضوية الجمعية العمومية للاتحاد الإفريقي لكرة القدم، كما لن يسمح للأندية السودانية وكل ممثلي السودان بالمشاركة في أي مباريات دولية، بما ذلك الأنشطة الحبية، كما سيفقد الاتحاد السوداني لكرة القدم حقه في التصويت في أي جمعية عمومية تعقد بواسطة أي من أجهزة كرة القدم، ولن يصبح الاتحاد مؤهلاً لتلقي أي مساعدات مادية، وعطفاً على الأسباب المذكورة نطلب منكم بكل لطف تنوير الأجهزة الحكومية بموقف الاتحاد الدولي لكرة القدم سعياً إلى تجنب الآثار السلبية للوضع الحالي. ونشكركم على تعاونكم.
الاتحاد الدولي لكرة القدم
ماركوس كاتنر
نائب السكرتير العام
ياناس حاج ماجد ده منو بتاع الدفاع الشعبي داير ارجعنا لي عنتريات الانقاذ ياحاج ماجد شوف ليك معسكر بتاع دفاع شعبي احسن ليك ……..انت عرفك في الكوره شنو …..والله مفروض شداد اكون الوزير………….والتحيه للدكتور شداد
هي العنتريات بلا تروي التي تجلب المواجهة مع مؤسسة دولية!!!
نصيحة لوزير الشباب الجديد الإنصياع لقرارات الفيفا لأن رفضه سيؤدي الى قرارات من الفيفا بمنعنا من المشاركة في كل المنافسات الخارجية ، فإن تعارض قانونكم مع قوانين الفيفا يجب تعديل قانوننا المحلي .
اقعدوا اتجننوا كده لغايت ما فرقنا القوميه تلعب تاني دافوري مع بعض ولس—لا كاس افلريقيا لا كاس مانديلا لاقيامه—-
اصلو البلد حتتقسم—ما مشكله—يلعب المنتخب الشمالي السوداني مع نظيره الجنوبي السوداني—في انتظار الفائز من المباراه بين منتخب دوله دارفور ضد دوله شرق السودان….
ويمكننا كذلك لعب مباراه وديه مع منتخب حلايب المحتله.
يا امه ضحك من جهلها الامم…………………….اسمعوا الكلام ولو في الكوره……طوالي عكس…عكس—عكسس–يا نحس
كان من الممكن ان نتجنب كل ذلك بترك الدكتور شداد يخوض الانتخابات , فاذا القاعدة الرياضية ترغب في التغيير فلا بأس وبعدها ليذهب شداد ولكن ما حدث من المفوضية ومنع الدكتور من الترشح وعدم الاعتراف باهليته بحجج غريبة كان واضحا انها مسألة شخصية مدفوعة من الخلف من اللذين فشلوا كثيرا في ابعاد الدكتور بالديمقراطية والا لماذا الخوف من شداد اذا كان القطاع الرياضي لا يريده؟ اتركوه يترشح واسقطوه ديمقراطيا يارجال !!!! الحقيقة مافي زول واحد واثق من الفوز امام شداد للك لم يكن من سبيل لابعاده الا بالتأمر عليه والتلاعب بالقانون . ومتوقع رفض المفوضية ممثلة للحكومة لقرار الفيفا حتى وان جمد كل النشاط الرياضي لكرة القدم بالسودان لانها اصلا لم يكن يوما من اصيل اهتماماتها النشاط الرياضي عموما وكرة القدم خصوصا اللهم الا ان تعلق الامر بالمكاسب السياسية الضيقة .
بات جليا أن حكومتنا رعناء .. حمقاء .. هوجاء تتعامل بردود الأفعال بشكل طفولي بدلا عن الكياسة .. و الروية .. و بعد الرجوع إلى جيش المستشارين في هكذا قضايا .. لا المنطق و لا العقل و لا الدبلوماسية تجوز لنا مجابهة القضايا العالمية بهذا الشكل الأهوج
ما أسهل أن تصرح و لكن هل نحن قادرين على تحمل نتائج ما نصرح به؟ الإتحاد الدولي لكرة القدم لا يهمه من بعيد أو قريب وجود أو غياب السودان الغائب أصلا .. خضعت دول كبيرة لأمر الإتحاد الدولي و كان آخرها فرنسا ممثلة في رئيسها ساركوزي .. يجب أن نعي أن الأتحاد الدولي لكرة القدم أكثر نفوذا و تأثيرا من الأمم المتحدة نفسها و تستمد قوتها من الجماهيرية اللا محدودة للعبة
كم من عنترية في السودان ذهبت أدراج الريح .. ليست على لسان حاج سوار بل على لسان البشير نفسه … لم يتبقى لنا سوى كرة القدم .. فدعونا بالله برغم علاتها نتنفسها و ندفن فيها همومنا
ارحمووووووووووووووووونا يرحمكم الله
كلام الفيفا واضح لاحدى يوم 15 اما تعيدوا الانتخابات او يوقف النشاط بعدين الجعجعة بتاعتكم دى شبعنا منها لن نعترف ولن نطاطى الراس وعلى طلاق ومش عارف ايه وايه اهو صاحبنا ده فى صدر الكلام قال لن نعترف بالفيفا وكلام الفيفا كانما الاتحاد الدولى لكرة القدم فى انتظار مكرمة من العصبة . وبعدين رجع فى عجز الكلام قال احسن نروق المنقا .الجماعة ديل ما سمعوا بحكاية ساركوزى والرئيس النجيرى مع الفيفا .ما عارفين يتخارجوا من لاهاى فتحوا ليهم جبهة مع زيورخ على فكرة ناس زيورخ كلام حار جدا وقرارهم فى ايدهم وبكرة نشوف
نفس عك السياسة عاوزين تدخلو لينا في الكورة شنو سيادة وكلام فارق ، الاتحاد الدولي المعيار فيه واضح افصل السطة عن الكرة قانونكم دا يجب ان يشرع من جمعية الاتحاد العام ويضمن في النظام الاساسي بعدها بكون نافذ العنتريات شبعنا منها الكرة دي المنفس الوحيد لينا ولكن اقسم ان لا تتركو لنا اي متنفس
الحكومة ناقصة الفيها مكفيها ماتخلي الاتحاد لشداد أو غيره إياها الثلاثة صفر أي زول إمسك الاتحاد بجيبها والله ناس سوار دايرين اعملوا فيها بطولات في الفاضي- الايام بيننا سوف يلحس كلامو دا الأكبر منو لحسو – هي بطولات فقط على الشعب الأعزل.
قلنا قبل بد ء الانتخابات سيفوز القدار ابن الموتمر الوطني وهي شيمتهم القدر معتصم صاحب شركات الاعلانات التي يسرق عطاتها من داخل الاتحاد ويبيعها باسم مستثمرلبناني شريكه في الشركات وشداد نايم ووووووواشيا كثير الموتمر كل من يتبعه لاحس لحسه وشداد معلم لكن ناس الموتمر حايعنقدوا والخسران برضوا السودان ولسي ولسي لسي الساقية مدوووووووووووووووووووووووووووووووووووووووووووووورة وحسبنا الله ونعم الوكيل
اي معركة مع شداد خاسرة , الرجل له مقدرة فائقة في استخدام القوانين وتطبيقها والاحتماء بها والضرب بها (0) من الخبرات العالمية (0) كان من المفترض ان يوضع مثل هذا الرجل في موقع دستوري فعال حتي تسفيد منه البلاد ,
خربت
شوفوا البشير في الصورة دي قاعد يحلف طلاق …
بالنسبة للقانون السوداني كل الشعب السوداني لن يعترف بالقانون السوداني معروف غير منصف لشعبه وتزوير الانتخابات عينك ياتاجر وبعدين مزورين كل الاتحادات ابدا من اتحاد المحامين——الي——الشحن والتفريغ ياماجد سوار القال ليك مين معترفين بابشير والقانون السوداني ادو شداد كورتو ==== قال ليكم خلينا سياستكم خلو لينا كورتنا بلا داك الكورة السودانبة مطمه دايرين توقفوها
هوي يا مجودي
احسن ليك ارعى بقيدك وخليك من العنتريات
مادايرنهاليك حكاية البلع زي ما فرعونك الكبير بلع كلامه واصبح مسخرة وبقى ملك الجرس قال ايه على بالطلاق ولا جندي اجنبي يدخل دارفور وعندما اطمأن لمنفعته الشخصية من دخول القبعات الزرق بعد ما سول له هامان (ابو الجازوالزبيرالحسن)وافق بدخولهم وحتى هذه اللحظة ماقادر يلزها لجوة
نسأل الله السلامة…. سوف لن ينصلح حالنا الى ان يستبدلنا الله بقوم ثم لا يكونوا امثالنا
انا مبسوط جدا من قرار حكومة البشير لاول مرة عشان ح يمنعو فرقنا اللعب في الخارج ويبوظو اعصابنا انشاء الله يثبت ما يغيرو كلامهم عشان نشوف حاجة تانية والجمهور يسخط على الحكومة ونعمل اضراب عام وبكدة تكون براكش جنت على نفسها
مالو شداد !!!!!! ما تشيلوا البشير الحاكم من 1989 بس عشان شداد ما مؤتمرجى —– بعدين شنو دايرين تكاوشوا على كل النقابات والإتحادات بقت واضحه ومكشوفه ومسيخه
أوكامبووووووووووجاااااااااااكم
بلاتر جاااااااااااااااااااااااااااااااكم
يا حاج ماجد سيادة شنو وكلام فارغ شنو انت قايل ده اوكامبو
اختلط عليكم الحابل بالنابل
يا لكم من كيزان اغبياء وحثالة البشر
بكرة تلحس كلامك دا كلو يا بليد
بالله عليك انت وزير يتشرف بك السودان ؟
هانت الزلابية
بلد مافيها وجيع يقدل فيها الورل
نأمل من الرئيس وهو رياضي ويعرف الفيفا و سلطاتها التدخل لحل هذا المشكلة بالطرق السلمية مادام الحق رجع الي اصحابه والذي لم يخفي عاقل وعادل وحتي لايزيد المسمي حاج ماجد سوار هذا بزيادة جراحات السودان التي لم تندمل بعد والافضل ان نوجه مجهوداتنا نحو الوحدة وبقية مشاكلنا وان يبحثوا لهم عن طريقة أخري لتصفية حساباتهم الشخصية
اللهم انا لا نسألك رد القضاء ولكن نسألك اللطف فية .
اللهم سلم سلم سلم .
كنا عشمانين المرة دي الهلال يشيل الكونفدرالية . لكن ما مشكلة بعد ما تمشي الحكومة ويجوا
ابناءنا تامر عمر بخيت و لؤي هيثم مصطفى و حمادة مهند الطاهر . الوقت داك نرجع نلعب
ونشيل الكاس .
أدلى حاج ماجد سوار بتصريحات مهمة لـ (آخر لحظة) في وقت متأخر من مساء أمس أكد من خلاله أن الحكومة لن تعترف بقرارات (الفيفا)
ماقال على بالطلاق ؟ بكرة نشوف الرجالة دى واصلة وين ,, وبلاتر البيقولو بيعملو ,, وانتو خليكم فى جعجعتكم الفارغة دى ومناطحة الكبار مع انه ماعندكم ليها قرون ودايماً بتلحسوا كلامكم وبكرة حنضحك عليكم ونشوف آخرتها معاكم شنو ,, قال شنو ؟ مابنعترف بقرارات الفيفا ؟ ها ها هاااى.ضحكتنى ياحاج سوار .:D :D :D
شداد الرجل الرقم مش مفروض يكون هو وزير الرياضه وليس حاج سوار كل مؤهلاته انه كب الزوغة امام دبابة هذه هى الفيفا قانونا واضح يوم 15 حا يتجمد النشاط والهلال ما حا يلعب المجموعات الفيفا وليس اوكامبو
حاج ماجد سوار الطالب الدباب الذي ضرب عميد كلية القانون كف حينما كنا طلاب بكلية القانون
هو زير للشباب والرياضة ويرأس البروف شداد ؟
عالم الكيزان فعلا عالم عجيب
من البداية كنتم من المفترض ان تتركوا السيد كمال شداد يترشح مع ناس معتصم عشان تعرفوا من الذي هو اجدر بقيادة الاتحاد رفعتم الرسوم وحزفتم من تريدون من اجال انتخابات حرة ونزيه ولكن الراجل يفهم في الرياضة ومعرف بان السيد كمال شداد الرجل رقم واحد في الرياضة ابي من ابي من الناس ولكن تجاهلتم الامر والامر كبير ومثير لابد من اعادة الانتخابات وعمل انتخابات جديدة وادخال الرجل من اجل ان ياخذ فرصتة في الترسيح ولا يبعد اي فرد من الناس وتخفيض الرسوم والحشاش يملي شبكتة
اما كلام حكومة السودان لا تعترف بالفيفا كيف هذا الكلام هذا الكلام ليس كلام عقل كل الدول تنتمي للفيفا والفيفا لها قوانين ولوايح واسس مدروسة لابد من احترامه والعراق تمسك بالراي وجمد لعبتهم حتي انصاعوا لهم ونحن لا بد ان نتحكم في احديثنا واعادة الانتخابات من جديد وادخال السيد كمال شداد ضد الدكتور معتصم هذا حل والحل الثاني وهو الاصح اعادة الانتخابات من جديد لكي لا تعمل فينا الفيفا ما تريد ونلعب داخليا ونحرم من المشاركة في المباريات الخارجية ان كان هلال مريخ او الفريق القومي وعندن تمثيل في العاب كثيرة
علما بان الرياضة لا فريق قومي يشار لة لا هلال لا مريخ يقدمون شي ولكن موجودين في المحافل الدولية وهذا هو المهم عسي ان ياتي احد من الناس ويرفع لنا الرياضة الي افاق اعلي
ولكن نظرتي الشخصية بان كمال شداد رغم المعاكسات اكثر رجل يمكن خدمة الاتحاد ما يحمل من شهادات ودراية قي المحافل الدولية والمحلية رغم هذيمتة الكرسي في الاتحاد من رجل من بنين ولكن هذة هي الحياة وارجو منكم المعاندة
يــــــــــــــــــــــــــا ناس :eek: :eek: :eek:
قرار الفيفا قرار مؤسسه اجنبيه دوليه ليس له اي دور سياسي او سيادي نرجو من الاخوه في الحكومه عدم تسيس القرار
فا الفيفا جه تنظم النشاط الكروي عالميا ونحن ك سودان انتسبنا الى هذه المنظمه ورضينا بكل شروط الانتساب اليها فاذا اتى يوم ولم نرى فائده من انتسابنا اليها فعلينا وبكل بساطه الانسحاب
يعني يا حكومه المســــــــــاله ما مساله سياده ولا احتلال
واتقو الله فينـــــــــــــــــــــــــــــــا
وانا راي يجمد النشاط ومافي داعي لي وجع القلب النحنا عايشنو مع كورتنا التعبانه
(؟) (؟) (؟) (؟) (؟) (؟) (؟) (؟)
:D :D :D :D :D :D :D :D :D :D :D :D :D :D :D :D
هاهاهاهاهاهاهاهاهاهاهاهاهاهاهاهاهاها
هاهاهاهاهاهاهاهاهاهاهاهاهاهاهاهاهاها
أقول ليك حاجه ياملجد سوار ؟؟؟؟؟؟
أرعى بى قيدك
وللا أقول ليك ؟؟؟؟؟
أمشى أدى بلاتر وبلاتينى كل واحد أديه كف
مش زمان أديت عميد كلية الحقوق جامعة الخرطوم كف ؟؟؟؟؟
وجابوك هسع وزير
هاهاهاهاهاهاهاهاهاها
لن تعترف بقرار الفيفا ؟؟؟؟؟
ياود لا لا بالله عليك الله تعترف بالفيفا عشاننا نحنا
ياخى قوم لف
بطلو عباطة خلاص بدينا في عدم الاعتراف وسيادة القانون السوداني رغم انفكم هتنفذوا قرار الفيفا لان الكورة بقت المنفذ الوحيد للشعب الغلبان
بعدين دة ما اوكامبو عشان تقولو الكلام دة كلو شداد جاضم قوانين الفيفا تمام
متوقع في اقرب احتفال الرئيس بعد ما يشغلو ليها الاغاني يعرض شوية ويقول بلاتر تحت جزمتي وعلى بالطلاق ما عارف الية وايه
زمن العنتريات ولا والبلاد والشعوب لا تبني ولا تتقدم بالشعارات والهتافات
الحكاية خربت و الله يرحم الكورة
مع انها ميته من زمان و شبعت موووووت
قووووووووووووووووووووووووووووووووووووووووووووووووووووووووووووون
اسي مفروض الوزير يكزن شداد ومعيط شنو كدة سوار يكون السواق بتاع شداد اذا رضي البروف
يا حاج ماجد العرفك بالكوره شنوووو ……….. انته شوف ليك حاجه تانيه غيرالكوره ……………….. ويعنى شنوووووووو انوووووووووو البشير موقع عليه ده قانون الفيفا الدولى ما بطبق فى السودان براهوووووووو ده قانون عالمى …… انتوووووووو دايرين اوكامبو وله شنوووووووووو
اذا لم يلتزم اتحاد الكرة بقرارات الفيفا ؟؟ فيا بخت الهلال مرق منها. واحسن حاجة للهلالاب ان يقيفوا بجانب تمسك اتحاد الكرة بموقفه ويناصروا حاج ماجد سوار عشان يحفظوا ماء وجههم ويكون عندهم زريعة وحجة ان الاتحاد حرمهم من كأس البطولة الكنفدرالية ,,
كدي يا سوار يا وزيرنا الهمام
شوف رئيس حزبكم البشير قال شنو هنا وورينا الحصل شنو بعد الحركات الاكروباتية دي والصياح والتكبير من الرجرجة وجماعة دعوني اعيش :
http://www.alrakoba.net/videos-action-show-id-128.htm
طيب هو الرئيس دا عامل ليهو جيش بتاع مستشارين ليه …. مش عشان يستشريهم في الامور الزي دي ولا هي فلهمة عورة وبس
لو سألنا اي عاقل عن قرارات الفيفا يقولك هي قرارات في مصلحة الكرة والكرة ليست سياسة يا حكومة وبلاش التدخل في الكورة يا حكومة هي ناقصة من غير تدخل الكروة تعبأأأأأأأأأأأأأأأأأأأأنة جدا جدا
اتوقع معاندة هذا الوزير الجديد وعديم الخبرة وبالتالي تجميد أو إلغاء عضوية السودان في الفيفا والخسران هو الوطن الما لاقي وجيع
(حاج ماجد سوار الطالب الدباب الذي ضرب عميد كلية القانون كف حينما كنا طلاب بكلية القانون
هو زير للشباب والرياضة ويرأس البروف شداد ؟
عالم الكيزان فعلا عالم عجيب)
يانوال كان دباب وراجل بالجد المايلحس كلامه,, وكلها كم يوم ونشوف الفنجطة والوووووووب .
كلكم هاجمتوا وزير الرياضة لأنو قال بعد الأعتراف بقرارات الفيفا وهى فعلا تصريحات فطيرة ودلالة على عدم الخبرة ، لكن بصراحة سئمنا وملينا من شداد من قمنا وهو رئيس للإتحاد العام وبدون أى إنجاز ، خلونا نشوف شخص جديد ، وإقتراحى ما دام أصلا موضوع الفيفا لا فكاك منه ، تقام إنتخابات قبل 15/8/2010 وإذا ترشح شداد (وهو امر أستبعده) تتدخل الحكومة بتوجيه منسوبيها بعد التصويت لشداد وطبعا كل كل أعضاء الإتحادات هم اعضاء فى المؤتمر الوطنى وبذلك نكون قد عملنا ما طلبته الفيفا وفى نفس الوقت تخلصنا من شداد الآذى الكورة السودانية فى ذمتكم فى دولة فى العالم ما فيها مدارس سنية ؟ الإجابة بنعم والدولة السودان .
تحياتى
شفتو جهل الدبابين ومخهم الزنخ
ياحاج ماجد انت جاهل ومافاهم حاجة
انت من تحتاج للفيفا وليس الفيفا من تحتاج تمسك بقوانينك وسلطاتك لن تعيرك اهتمام
ولن تدخل عليك لكن ان ارد ان تشارك فى فعالياتها ودوراتها عليك ان تمتثل
لقوانينها ولوائحها
اقلبها محلى او جماهرية ولن تلتفت اليك الفيفا ابدا لكن ان اردت ان تشارك وتتلقى
دعم امشى بقوانينهم
باناس ادو الراجل راسو مافاهم شئ فاكر ان الفيفا زى اوكامبوا
صحيح الجهل مصيبة
والله الناس ديل جهلهم فات الحد
الفيفا لم ولن تتكلم عن قوانين السودان الفيفا تكلمت في ان المفوضية ليس لها دخل في انتخابات اتحاد كرة القدم والامر واضح ان سيادة الوزير يريد معركة حتى يلهي بها الرياضيين والسودان عموما ومعروف عن هذا الرجل العنجهي صاحب العنتريات لن يتنازل الا بعد خراب سوبا طبعا فاكر نفسه الدباب الفركش الدبابة طبعا دي بتمشي علينا نحن ولكن على الفيفا لا وبعدها سوف يعمل كما يريد الفيفا يعني سوف يتمخض جبل حاج ماجد وسوف يلد فأرا . لذا اوصي ( هذا الثائر البطل الفارس الذي لا يشق له غبار) الوزير حاج ماجد الا ينجر وراء من يوجهه في مواجهة الفيفا لانها معركة محسومة لصالح الفيفا التي هي اصلا لم تمس كرامة السودان . اما اذا استمر الوزير في غيه فليعلم ان اول المتضررين هم من بالاتحاد الان مثل معتصم جعفر لانه عضو في الاتحاد العربي ومجدي شمس الدين وهو عضو في الاتحاد الافريقي ثم الهلال الذي تاهل لدوري المجموعات وسيخسر السودان باهدار اهليته في استضافة بطولة المحليين ( ام ان سعادة الو زير ماعنده فلوس عشان يتم بيها المدينة الرياضية ولذلك فضل ان يختلق مشكلة مع الفيفا لكي يتملص من مسئولياته تجاه اقامة بطولة المحليين )
على اي حال يا و زير الصورة امامك واضحة ونشوف عنترياتك دي ح تودي البلد لي وين؟
فاكر الموضوع رجالة ولا شنو
يا سلام عليك
منتهى الاخلاق والله
يا ريت لو كان الكيزان يتمتعون بهذه الاخلاق
لما وصل بلدنا الى هذا الدرك السحيق والتشرزم البغيض
فما ابشع ان يقتل الانسان الانسان ولا يرمش طرفة عين
نشيد بنصيحتك الغالية
مصية حقاً- والحمد لله علي كل مكروه – أن سلط الله علينا من يحكمنا من أرازلنا وجهلاؤنامن الرئيس و حتي القاع – رؤساء المحليات , يحكمنا الجهل في كل النواحي. ومن هذا السوار ؟؟؟ والله لم أسمع به من قبل إلا خلال هذه التعيينات الأخيرة , أناس نكرة كانت في الأسفل وأصبحت تطفو علي السطح والمشهد السياسي والرياضي, كل الجرائم التي إرتكبتها الحكومة لم تشبعها وإنتهجت إسلوباً جديداً في قتل ما تبقي من الشعب بالموت غيظاً وبما يتفوهون به من جهل , هؤلاء القوم أليس من بينهم عاقل !!!
يا اخي زوروها زي ما زورتوا الانتخابات وجيبوا العاوزنو بس خلونا في كورتنا لانه لو روحنا حرقتنا ح ندخل السياسة وعندما لم نجد ابواب لدخول الوزارة سندخلها عن طريق الغابة وخصوصا انا من ناس النيل الابيض يعني بعد انفصال الجنوب الغابة تبقى قريبة مننا والله نطلع روحكم زي قرنق ما شايفين جماعته الان بتلاعبوا بيكم زي الدمي حاكمين الجنوب وجزء من الحكومة القومية وبرضو ما رضيانين يعني الجنوب كله ليهم والشمال مشاركين فيه وما رضيانين بالشماليين لاحكام ولا محكومين والله شفوت
يا اخوانا نظام الملوص الانقاذي هذا عنده عقدة مع حاجة اسمها انتخابات
اي حاجة اسمها انتخابات بتجيب ليهم خمة النفس واللبشة وحكة الجلد والشاقوق
وعشان كدة يا اما يزوروها او يكوجنوها
ياخوان ناس الملوص لا يعترفوا باي نظام حضاري ……. وسيبونا بلا كورة بلا لمة
راح الجنوب شنو يعني الكورة
و الله غريبين فى امركم وفريدين فى عصركم حتى الرياضة تدخلتم فيها
قوانين الفيفا ينتبق لكل دول العالم ايش معنى السودان ؟ هى دولة فى كوكب اخر ؟
تاكدتم يا سادة القراء ان السودان منفصل عن العالم !!!
اى قانون دولى لا يعجبنا و القوانين متبع فى كل دول العالم
لماذا نسميه املائات انتم تجيزوا قوانين محلية لا يوافق مع قوانين الفيفا ليه ؟
كلكم غلط فى غلط لا يمكن تعملوا شئ يواكب العالم ابدا دائما مخالفين
رجعتونا مليون سنة الى الوراء و العالم فى تقدم
مالكم والكرة !!! كل شئ ادخلتم فيها السياسة !! بلاش كرة بلاش كلام فارغ خليناها
ليكم يا الساسة
ياجماعة انا متابع الرياضة دي من السبعينيات(من ايام الرياضة الجماهيرية)
والله والله الرياضة في السودان دي ما تدهورت الا لما الظهر الزول ابو تفة الاسمو شداد ده قاتله الله في الدنيا والاخرة
ياخ الراجل ده ما يشوف حاجة تانية يسويها
اصرار عجيب ولياقة فايتة الحد
الله يصرفه ويصرف يومو
والله اليوم تأكدت ان اسباب تدهور السودان الآن هو من السودانيين أنفسهم
تعرفوا ليه دا أنا لي أكثر من شهرين بطالع النت خاصة الأخبار السياسية الهامة
التي تتعلق بمصير البلد واقرأ تعليقات الجمهور على المواضيع الحساسة والهامة جداً
ولم أجد غير تعليقين أو ثلاثة وأسأل نفسي بأستمرار أين الشعب السوداني وماهو
دور المواطن العادي في كتابة التعليقات التي تخدم البلد ولكن اليوم عندما وجدت الموضوع عن مشكلة السودان مع الفيفا ( يعني الكورة والرياضة ) أستغربت جدا جدا من كثرة المشاركات والتعليقات من قبل الجمهور السوداني في هذا الشأن . سبحان
الله ، سبحان الله ( والغريب في الأمر أن السودانيين أكثر الشعوب حباً للكورة وأكثرهم أهتماماً بها وفي نفس الوقت السودان هو الدولة الوحيدة المتزيلة القائمة في تصنيفات مستويات الدول ) يا عجبي !!!!
:eek:
حاج ماجد سروال دة دباب من الدبابين والارهابين دة مجرم بتاع دفاع شعبي مابيعرف شي عن كرة القدم منافق
هههههههههههه والله انا كنته قايل ناس الراكوبة بهظروا لكن الاهبل ده طلع كلامو بالجد . ياخ الفيفا ما عندها دخل بالسياسة وما بتعرف قانونك ده كان وقعو بشير ولا وقعو عوير . عشان كده خلي الفيفا تطلع عينيك يا كلاب
بلا دباب بلا كرور……لزوا أولاد الناس المساكين في محرقة الجنوب وهم الآن مجدعين في الفلل والمناصب والنسوان ثالث ورباع…وقال الخلافة في الأهل (للسمحات فقط من زوجات شهدائهم ) ؟؟؟ يابوسوار خليك من الفيفا والرغيفة… انت جريت واطي من شيخ الترابي مالك …ولوفعلا عندك مبداء كان تثبت مع ولي نعمتك البتنوم تحت كورعي ليل ونهار…..لكن بيني وبينك البشتنا حارة والرجوع للنوم في المساجد بعد الجديع أحر….قال دباب فجر الدبابة قال!!!!!!!!
كل من كان في جامعة الخرطوم في الاعوام 1986 الي 1990 يعرف من هو حاج ماجد سوار ، هو طالب الاقتصاد الذي لم يتأكد ابدا أنه تخرج منها ؟ ذلك الطالب الذي اعتدي بالضرب علي الدكتور علي سليمان المحاضر في كلية القانون و الاكاديمي و المربي المعروف، تسبب هذا الحادث في اغلاق الجامعة لفترة زمنية ، لـهول الجريمه ، وغرابتها علي مستوي جامعة الخرطـوم الـعريقه ، وعلي مستوي جامعات العـالم ، تم حينها فصل الطالب حاج ماجد سوار لسوء السلوك ، انسان بهذه المواصفات ، المخزيه ، المخجله ، تلميذ يعتدي ، بالصفع علي عميد القانون كانت سابقة طلابية شـاذه غريبة النمط علي طلاب جامعة الخرطوم الذين اشتهروا باحترام معلميهم ومربيهم ، واستغرب كيف يتم تعيين تلـميذ يصفع استاذ بقامة عميد كلية التشريع ، الكلية التي تفرخ من يحفظون القانون في هذا البلد وزيرا وقدوة للشباب .. والعزاء كل العزاء للشعب السوداني في ان يتولي شخص بهذا التاريخ ، المخزي ، المخجل ، المضحك ، المبكي ، العـار ، الـفضيحه ، وزيرا لوزارة الشباب . والعزاء كل العزاء للشعب السوداني في ان يتولي شخص بهذا التاريخ ، الاجـرامي ، الاسـود ، وزارة مـن اهـم الـوزارات ، وزارة الشباب. ولا يفوتني ان اوضح للمتصفحين الكرام ان الحادث الذي اعتدي فيه طالب الاداب حينها علي محاضر في قامة الدكتور علي سيلمان ، كانت بسبب معرض ملصقات تم تركيبه في كافتيريا كلية القانون ، و كان معرض الملصقات يخص تنظيم الاتجاه الاسلامي . وكان الصوت صاخبا مما ادي للتشويش اثناء ساعات الدرس علي الطلاب الاخرين ، وتحملا لمسئولياته اعترض الدكتور المحاضر علي استخدام مكبر الصوت اثناء ساعات الدراسة ، فما كان إلا أن قام عضو الاتجاه الاسلامي حينها ووزير الشباب و الرياضة الحالي في حكومة المؤتمر الوطني ، الناتجة عن الانتخابات المعيبة الاخيرة ، قام كادر العنف الاسلامي حاج ماجد سوار ، وفي مشهد تتبرأ منه ألإنسانيه ، بالاعتداء السافر علي الدكتور ، امام زملائه الطلاب ، في سابقة فريدة من نوعها ، تشيب من هـولها ألأجنة فـي قـاع أرحـام امهاتها .
والله أحسن ………
وياريت الراجل (جمال الوالي )يترشح لانو هوالوحيد القدر يأخذ الدعم من الحكومة لي ناديه مش لي منتخب بلعب باسم الوطن (؟)
ياناس سوار انتوا عايزين ليكم ناس مثل جماعة نيجيريا الذين تعاملوا مع ناس بوكو حرام .
والناس قاعدة و زمنهم قرب بس نحن متأكدين ما بتنتظروهم سوف تهربوا لماليزيا . برا دباب برا دباية .
ياخى شداد شنو نحن استفدنا منو شنو عشان اترشح ما هى انجازاته اى واحد اجى لازم اكنكش فى السلطه
شداد مابنحبوه ابد لانو رجل يملك دماغ ناشف لكن ايضا الرجل بيفهم في القانون ورجل نضيف اليد فتاكد لي تمام من كلام سوار اننا لانملك مواهب بقامه وزراء انما مجرد افنديه وجدو انفسهم في غفله من الذمن لي اذا صرح الافندي ده وقال نبحث الموضوع مع الفيفا لي مدخلين البلد كلها في تحدي والريس وقع والريس بصم هو الريس في نفسو مشكله الله يرحم هذا الوطن الهامل
والله بكره تشوفو العجب
أيها المطبلون في الفارغة ..
سواء كان شداد جيدا ام سيئا ..
ذلك لا يهمنا ..
الأهم هو تطبيق القانون ..
لأننا نحلم بدولة القانون التي وأدها الكيزان ..
والفيفا لكم بالمرصاد ..
ولكن كعادتكم لا تتعلمون من تجاربكم السابقة .
وستحاولون مناطحة الفيفا كالثور ..
كما ناطحتم المجتمع الدولي حتى اصبح رئيسكم مطلوبا للعدالة ..
سيتم تطبيق قانون الفيفا غصبا عنكم ..
وسيشرب البشير حبر قانونه الذي وقعه ..
فأنتم لا تخافون إلا العين الحمراء , التي أراكم لها القذافي فأغلقتم (الانتباهة)
………………………………………………………………..
(يا اوكامبو ما تسرع … تخفف لي نار وجدي )
اعتقد ان الحكومة متمثلة في المعتوه حاج ماجد سوار لن تتنازل عن قرارها لا نها تثق في الراي الرياضي العالمي وجمهور المستديرة على مستوى العالم فالبتاكيد عندما يتم حجب الكورة السودانية عن المحافل العالمية سوف تكون هناك موجات احتجاج في اسبانيا وايطاليا وانجلترا وهولندا وفرنسا والبرازيل والارجنتين وكل الدول التي اشترت حقوق البث للدوري السوداني بمئات الملايين وستعتزر البرازيل عن تنظيم كاس العالم 2014 لعدم مشاركة السودان وستخسر الشركات الراعية للمونديال مئات الملايين لعدم مشاركة اساطير الكرة . وتحت هذه الضغوط لن يملك الفيفا الا الانصياع لتهديدات البروف سوار وياتي طايعآ زليلآ يقبل قدم الرجل ويوعده برئاسة الفيفا ان هو عفا عنهم .
أشكر كل الذين تفضلوا بمعلومات عن الوزير الدجال وعنتريات الحكومة ولكننى اتفهم و أعرف المغزى من هذا النوع التصريح الذى يراد مكاسب سياسية وهى كسب ود الدولة الشقيقة ليبيا لأن لبيبا وصف الفيفا بتجار البشر ونعتهم كثيراً عشان كده سيادة الوزير داير يرسل رسالة مضمونه انحنا معاك ولا يخفى على احد الحاصل بين ليبيا والسودان
و بالرغم من عدم متابعتي لاجراءات الانتخابات – و بغض النظر عن رأيي الشخص في شداد او خلفه – فقط تمنيت لو كنا تعاملنا مع هذا الفيفا بقليل من التعقل .. و ان لا نفتح حربا و كأن الفيفا هو اوكامبو – بغض النظر عن احقية الفيفا في تدخلها كان من الممكن تكوين لجنة و الذهاب الي الفيفا و الدخول معه في نقاش عقلاني و مرافعة القضية و اثبات حق الاتحاد الحالي بالانتخابات مثلا – عموما اموضوع بالنسبة ليس الكيزان او مساوئ شداد او عدم شرعي خلفه انما في طريقتنا في كيفية التعامل مع جهة اجنبية دون لغة العنتريات التي قد لا تنفعنا جميعا
شكرا
مثل ماسمعنا عن الحليفة فى دخول القوات الاممية ومابسلم جلد كديس كل ده وبعد ده انبرشو والحس كوعك واسع بكره سوار ده بجر واطى ويقول الترجمة كانت غلط
(( :cool: حاج ماجد سوار ، هو طالب الاقتصاد الذي لم يتأكد ابدا أنه تخرج منها ؟ ذلك الطالب الذي اعتدي بالضرب علي الدكتور علي سليمان المحاضر في كلية القانون و الاكاديمي و المربي المعروف، تسبب هذا الحادث في اغلاق الجامعة لفترة زمنية ، لـهول الجريمه ، وغرابتها علي مستوي جامعة الخرطـوم الـعريقه ، وعلي مستوي جامعات العـالم ، تم حينها فصل الطالب حاج ماجد سوار لسوء السلوك ، انسان بهذه المواصفات ، المخزيه ، المخجله ، تلميذ يعتدي ، بالصفع علي عميد القانون كانت سابقة طلابية شـاذه غريبة النمط علي طلاب جامعة الخرطوم الذين اشتهروا باحترام معلميهم ومربيهم ، واستغرب كيف يتم تعيين تلـميذ يصفع استاذ بقامة عميد كلية التشريع ، الكلية التي تفرخ من يحفظون القانون في هذا البلد وزيرا وقدوة للشباب .. والعزاء كل العزاء للشعب السوداني في ان يتولي شخص بهذا التاريخ ، المخزي ، المخجل ، المضحك ، المبكي ، العـار ، الـفضيحه ، وزيرا لوزارة الشباب ;) ))
باسم جميع الموجوعين فى بلادى اطلب من السيد سيب بلاتر تضمين هذه الجريمة (وليس التهمة ) الى ملف المدعو حاج ماجد سوار .
أتمني أن يمنع السودان من المشاركات العالمية لانه لا يوجد فريق يرقي للمستوي العالمي وكذلك اتمنى ان يجمد الهلال والمريخ أبسط شيء سقوطهم الاخلاقي
أصلا مافي نشاط عشان الفيفا يجمدو وبعدين إنتخابات شنو أصلا وين الكورة البتقاتلوا عليها لعيبة تعبانة مافي لياقة أو فكر كروي يعني خلالالالالالاص لعبنا في كأس العالم