الكلمة الشاذة
1- رفع الدعم ? الدائرة ? الخط المستقيم ? الشكل البيضاوي
2- المستشارون ? الخبراء ? القطط ? المتسولون –
3- الخريف ? الموت ? الزواج ? الإمتحان
4- عربة الإسعاف ? عربة التاكسي ? عربة المسؤول ? عربة النفايات
5- فيل ? وحيد قرن ? مسئول ? حصان
6- الملاريا ? الطلقة ? تصريحات المسئولين ? اللغم
7- المصعد ? درجة الحرارة ? الطائرة ? الأسعار
8- الفيروس ? الأميباء ? كريات الدم ? الرغيفة
9- الكف ? المعصم ? الكوع ? الزند
10- الطائرات ? السراويل?الطواقي ?العراريق
11- بيت البكا ? بيت العرس ? بيت الشعر ? بيت الأدب
12- الفطور ? الشاي ? الصلاة ? قراءة الصحف
13- البنزين ? موية النار ? موية الحنفية ? موية زمزم
14- الصقعة الكهربائية ? الصبغة ? سم الفار ? التصريحات
15- ماليزيا ? البرازيل ? الإكوادور ? الأرجنتين
16- السجن ? المستوصف ? المستشفى ? الإستاد
17- الأحزاب ? الأسمنت ? الطوب ? الرمل
18- الفتاوى ? الفساتين ? البناطلين ? البساتين
19- برامجنا التلفزيونية ? الموبايل ? سلك الكهرباء ? السوط ?
الإجابات :
1- الخط المستقيم .. (عندو آخر) !!
2- القطط (من ناحية أعداد وكده) !
3- الإمتحان لأنه الوحيد الذي لا يأتي فجأتن (الزول بيكون عارف إمتحانو متين)
4- عربة التاكسي لأنها الوحيده فيهم الممكن تقيف ليك
5- الحصان لأنه أقلهم تخانة جلد
6- الملاريا .. بتديك فرصة
7- الأسعار .. الوحيده فيهم كان طلعت ما بتنزل
8- الرغيفة .. يمكن رؤيتها بالعين المجردة (على الأقل لحدت هسه)
9-الكوع .. الوحيد الذي لا يمكن أن تلحسه بلسانك (لحدت هسه .. مين عارف)
10- الطائرات لأنها الوحيده التي نقوم بتصنيعها بينما البقية نستوردهم من الصين (شفتو كيف)
11- بيت البكا .. لأنه الوحيد الذي نناقش فيه السياسة والرياضة وكده
12- قراءة الصحف .. لا تأخذ وقتاً من الموظف أثناء أداء عمله كالأخريات (بس ما يكون فيها كلمات متقاطعة)
13- موية زمزم .. الوحيده الما بتعمل ليك مضاعفات لو شربتها
14- سم الفار .. لا يقتلك على الفور
15- ماليزيا .. الوحيده بينهم التي يعتمد إقتصادها على إستثماراتنا فيها (شئ فنادق وشئ فلل وشئ ما بعرفو شنو)
16- الإستاد .. الوحيد فيهم ممكن تمشي ليهو وتجي راجع !
17- الأحزاب .. كووولهم أداة بناء إلا هي أداة هدم (الكلام ده عندنا بس) !
18- البساتين .. لا يمكن تفصيلها بينما البقية (ممكن)
19- الموبايل .. الوحيد بينهم الـ (ما أداة تعذيب)
كسرة :
(دي كيف؟) : مصر- تونس- السودان- ليبيا !!!
كسرة ثابتة (قديمة) :
أخبار ملف خط هيثرو العند النائب العام شنو(وووو وووو وووو وووو وووو وووو)؟
كسرة ثابتة (جديدة) :
أخبار تنفيذ توجيهات السيد الرئيس بخصوص ملف خط هيثرو شنو(وووو وووو)؟
وين كسرة الشهداء يا ابو ناجى ولا الجماعه ادوك العين الحمراء
دي كيف؟؟ دي اتأخرت كثير يا استاذنا.. وربنا يعلم لـ (متين)
السودان لانه البلد الوحيد الذي يحكمه كذاب وقاتل وحرامي
يا جبرورة
جننتنا مرة كلمات متاطعة
ومرة كلمات شاذة
اظنك بقيت من شذاذ الافاق
وولو غلبك المعني
اسال بشبش
تعرف ياود جبرا مرات نحنا حالتنا النفسية تكون خربانه بعيد عنك و تظهر فى تعليقاتنا لمن تكتب بالذات الركوباب القدامى يعرفون ذالك جيدا ويعذرون بعضهم فى هذه الحالات لانهم نشأة بينهم علاقات قويه فهمت حاجه ..عموما سيعذرونا الاخوة الركوباب
اختر الكلمة الشازة: ابوالعفين, ابوريالة,ابوساطور,ابوشلاليف,ابومناخر
والله يا أستاذ الكسرة الجديدة دى الماديرا تظبط معانا..هههه..رهيب
والله باود جبرا جننتنا بى كسراتك دي ياخي ماالجماعه سمعو توجيهات ابوالحسن والحسين قال اكلوا كسره اكلوا الكسره الاولى اما كسرة الصينيه الثانيه ماعرفوا ليها طريقه لانو واحدين قالوا ستها دلوعه ومايتعرف العواسه وواحدين قالو ستها خمجانه وغيرانه .ياخي فكنا من السكه دي ماسمعت قول ناس عكليتة ودالامين الاولا سلب واخرا نهب قال ماباعو الخط باعو حق الهبوط فلذلك ننصح كل الناطقين بغيرها ان يعملوا كورسات في السيمانطيقا حتى نلحق بالنطورات الهائله التي احدثتها الانقاذ في علم اللغه وبالاخص في مجال الدلالات اللغوية للالفاظ وحينها ستفهم ياجبرا وكل الجهلة والمستالمين معاني ودلالة كلمات مثل الانقاذ وتوجيهات وعدالة ورفع الدعم والتوالي والوحدة الوطنيه الخ طبعا مااستعملت هلمجرا لانها اسستعصت على الانقاذيين والبعض يقول انهم لم يفهموها ,ماعلينا هو نحن وانتوا فاهمين حاجه الله يفتح علينا وعليكم ويجبر كسرناوكسركمويصلح كسرتنا وكسرتكم ويبدل حالنا وحال البلد كلها امييييييييييييييييييييييييييييييييييييييييييييييييييييي.
السودان لانه الشعب الوحيد الما قدر اقلع العلوووووووووك
حوش بانقا,كافورى ,الموردة ,,,,,,,,,,,
تحيا مدن وتموت مدن!!!!!!!!
اتحداك ياجبرة تعرف الكلمة الشاذه
1/ ضياء الدين بلال
2/فاطمة الصادق
3/ خالد الاعيسر
4/ عثمان شبونة
لقضارف – الردوم – الرصيرص – الدمازين .
كل ما أقرأ ليك حاجة، أقول تانى مستحيل تكتب احلى منها ، لكن دايما بتخذلنى ، أريته خزلان السرور . متعك الله بالصحة و العافية أستاذجبرة و الله يبعد عنك الجماعة إياهم
1- تقصد القطعة المستقيمة يا استاذنا .. وليس الخط المستقيم ….
بس الكوع ده.. لازم ابو العفين يلحسو قبل ما يعدم بالضرب بالمراكيب القديمة..
فى ذبابة ركبت الطيارة ( سودانير ) اها والطيارة مشت لندن هيثرو ) هالسؤال هل الذبابة عندها لغة حواااااااار مع الذاببين بتاعت لندن
ودي كيف ؟
البشير – نافع – الزبير – ابوالجاز
طبعا لان كتل الزبير وقف. لكن نافع بيقتل و ابوالجاز بيحرق و البشير بيرقص ولا كيف يا ناس ؟؟؟
الاخ الكريم الاستاذ جبرا.لك ولقلمك خالص تحياتى وتقديرى ..فوجئت والكثيرون مثلى بقضية عدم قبول ابناء المغتربين فى كلية الطب جامعة الخرطوم…الطلاب الذين يتم منعهم هم طلاب متفوقون فى البلاد التى درسوا بهاولكن انظمة هذه الدول لا تسمح بقبولهم بجامعاتها..وهذا من حقهم..اما ان يمنع ابنائنا من القبول فى جامعة الخرطوم بحجة ان اهلهم مقتدرين او بسبب الكره الغير مبرر للمغتربين من كل مرافق الدولة..فهذه قضية يجب التوقف عندها..هؤلاء الطلاب يخضعون الى معادلة شهاداتهم بصورة مجحفة وبالرغم من ذلك يجتازون هذه الشروط المجحفة..الذين يتوهمون بان التعليم فى دول الخليخ اقل مستوى من السودان..عليهم ان يزوروا هذه الدول ليعرفوا حجم الوهم الذى عشعش فى عقولهم……..
القضية الثانية التى يجب التوقف عندها هى رفض الاتاوات التى يريد وزير المالية الفاشل بشهادة الجميع فرضها على المغتربين…ماذا قدمت الحكومة للمغترب..وماذا قدمت لابناء المغترب…رئيس الجمهورية فى زياراته المتكررة للسعودية يردد ان هذا العام(منذ 2004) سيكون آخر عام يدفع فيه المغترب الضرائب.ولكننا لا زلنا ندفع حتى الان…اتمنى ان تكتب عن هذه القضية..ولك تحياتى….
د.عزالدين صديق__السعودية
1/هوت دوق بيتزا همبيرقر كسرة
2/بيت طين بيت طوب فيلا عمارة
3/مكنة لحام تدمير تفجير دفاع بالنظر
ودي كيف ؟
البشير – نافع – الزبير – ابوالجاز
طبعا لان كتل الزبير وقف. لكن نافع بيقتل و ابوالجاز بيحرق و البشير بيرقص ولا كيف يا ناس ؟؟؟
20- خط هيثرو – شركة الأقطان – مشروع الجزيرة – المواطن.
21- تامر – نيفين – رامي – محمد احمد.
22- الويكة – القرع – اللوبا – الهوت دوغ.
23- بطاريات باتريوت – صواريخ اسكود – F16 – الدفاع بالنظر .
فعلا الخط المستقيم عندو اخر والخط الثقيل اخرتو يطفشوا الناس من البلد ويقعدوا في تلها!!!البلد دي الزول البفهم يابيقع البحر يابهج!!!!