يالنبي نوح..زيادة الدولار الجمركي بنسبة 63% ..جالون البنزين بـ 13500 جنيه والجازولين بـ 9000 جنيه.

اولا هذه المعالجات الاقتصاديه عبارة عن عمليات جراحيه فاشليه بعد انبلغ التضخم 32 فى المئه وانهيار فى الميزان التجارى وفرق هائل بين الواردات والمنصرفات اذا الحل فى زيادة الانتاخ وتشجيع الاستثمار وجلب راس المال الخارجى وتحسين مستوى المنتج من حيث الجوده حتى ينافس فى الخارخ ونتحصل من ذلك على النقد الاجنبى واول هذا الخطوة تبدا بالزراعة والصناعة وتشخيع رووس الاموال الوطنيه هذهو الحل براى.

انا بقترح انو الناس تتحرك بصورة سلمية في السوق العربي وتحتل ميدان الامم المتحدة قديما او موقف امدرمان القديم لانو موقعو استراتيجي جدا وبالذات لانو بقرب الجامع الكبير حيث تتوفر الحمامات وحنفيات المياه وتكون دي بداية اعتصام سلمي طويل لا ينفض الا برحيل هذا النظام الغذر واذا نجحنا في احتلال الميدان ممكن عمل اذاعة داخلية ومكبرات صوت ومن هناك يمكن ادارة الثورة بصورة منظمة

وووووووووووووووب علينا

ما كان في داعي لي زيادة الجازولين، الزيادة كانت تكون على البنزين بس، واللي ما قادر عليهو، يبيع عربيتو ويركب الظلط زيو وزي بقية الخلق.

لعنة الله عليكم يا كيزان ما بتخافوا ربكم؟ على العموم برضو كويس إنكم بقراركم ده صبيتوا البنزين على النار وارجو الراجيكم نهايتكم خلاص على المحك وتعلمون كيف هى غضبة الحليم يا عديمى الإحساس يا حرامية يا لصوص

ما عارف لكن عندي احساس جازم انو الكيزان عايزين يرسلو رساله مفادها ياشعب اطلع مظاهرات وتعال اسقطنا نحن ماعرفنا النسويهو

ياجماعة مظاهرات شنو البتتطفش الحرامية ديل الحكاية لازم يكون فيها سلاح يجب تسليح الشباب الناس دى جات بى دبابة ولازم تمشى بى دبابة الشباب براهو مابيقدر لازم الشعب يقيف معاهم ولابد من استهداف مصالحهم الشخصية وضرب اماكنهم

يا شعب السودان المتبقي نحن في الحركه الاسلاميه ندمنا علي اننا عملنا انقلاب والله سفينا…. قلنا الرووووب وعاش ابو هاشم…. شوفوا ليمنا حلل

ياااااااااااارب العيشة كمان بكرة البشورة إصبحها ليهم بي 10 الف نشوف العالم الجبان دا رايه شنو حارس البيوت..

جاء وقت اسقاط النظاااااااام
والله البحصل دا حررررام
واذا سكتنا وقلنا ماشي مابقيفواعلى كدا
حسبنا الله ونعم الوكيل ياظلمة
يلا نقف مع المظاهرات الشعبية ونقول
يسقط يسقط حكم العسكر يسقط البشسير
يسقط حرامية كافوري
لكن يحكمنا عصابة الجبهة

يالنبي نوح عبارة استغراب يقولها السودانيون في العادة
وهي ليست نداء استغاثة

—————

يعني لتر البنزين بي 3 جنيه، ولتر الديزل بي 2 جنيه!!!!

الشعب يريد ؟؟؟؟ !!! الشعب ياخوي ميت سريريامن زمااااان – قول الله يرحم السودان المات بالقطاعي !

اشتعال المظاهرات بجامعة الخرطوم الاااااااان واطلاق رصاص

أتمنى أن يملك الرئيس عمر البشير الشجاعة ليقول الحقيقة و هي أنهم فشلوا و أنهم عجزو عن إدارة البلاد و هم الذين رفعو شعار نأكل مما نزرع فدمروا الزراعة و تدهور مشروع الجزيرة و مشروع حلفا الجديدة و إنهارت الثروه الحيوانية ووصل سعر كيلو اللحمة 40 جنيه و هم من رفعوا شعار نلبس مما نصنع فإنهارت مصانع الغزل و النسيج و تم بيعها لتماسيح النظام بتراب الفلوس و قالو إذا لم تقوم ثورة الإنقاذ لوصل سعر الريال ل 500 جنيه و هو اليوم ب 1450 جنيه و أنظروا للتعليم و حالة و الصحة و ما صارت عليه و البطالة و الفوارق الطبقية و الثراء الواضع على أتباع النظام من الذين تولوا المناصب بدون وجه حق ( بدون كفاءة أو خبرة أو علم بل فقط كانت شهاداتهم أنهم أتباع النظام و أخرجوا الخبرات و الكفءات الصالح العام فإنهارت الخدمة المدنية

الجماعه بقوا دايرين الحاجه البتخارجن (وطه يلوح بالاستقاله)

من يهن يسهل الهوان علية…………….

انظر الي تزامن هذا الاجتماع الطارىء مع تأجيل فتح المدارس بحجة الحر واعلان الشهادة السودانية ظنا من الحكومة الانقاذية الفاشلة بان الناس مشغولين بنتائح ابنائهم ولن ينتبهوا الي قرار الزيادات الهائلة في اسعار المحروقات وبالتالي تكون الانقاذ قد نجحت في تمرير بندها الاول في القضاء على الغالبية العظمى الضعية في السودان. الله ينتقم منكم ايها الخبثاء – لو دامت لغيركم لما الت اليكم.

ثلاثة وعشرون عاما كانوا يزرعون الفشل والوهم,,, ثم يحصدون السراب ,,, ثلاثة وعشرون عاما كانوا يسوقون الترهات والاوهام والاكاذيب للشعب الكادح ,,
من تعود ان يسرق قوت الشعب 23عاما لن يتوقف عن عادتة الدنيئة ,, فاللص لن يعترف بانة لص ,,, طالما يعتقد ويحسب بأن هنالك اناس يخدعهم ويصدقون مايقول,,, واللص لن يعتقد ان ما سرقه حرام عليه ولن يرتدع طالما لايجد من يحاسبه ويعاقبه ,,, لايلدغ المؤمن من جحرا مرتين فكيف يكون ان يلدغ 23مرة متتاليه؟!!,,,,, كفا خداعا ونفاقا ,,, ياشعب السودان الكريم القرار بيدك اذا اردت ان تغير من واقع حالك ومصيرك,, ومصير اجيالك ,,,القرار بيدك,, ولابديل لدول القانون اذا اردتم العيش في وطنكم بعزه وبكرامه,,

شوفو ياجماعه انا داير اقول ليكم كلام؟؟؟
الحكومه بقت امام خيارين لاثالث لهم؟؟
الخيار الاول للحكومه ان يستمر الوضع الاقتصادى كما هوعليه دون اى زيادات للوقود ..والنتيجه النهائيه افلا س خزينه الدوله وعجزها عن الايفاء بالمنصرفات بما فيها رواتب العاملين والمعلمين وغيرهم وهذا طبعا سيودى فى النهايه الى شلل تام فى الاقتصاد مما يودى الى قيام ثوره شعبيه فى نهايه المطاف.
الخيار الثانى زيادة سعر المحروقات وانقاذ الموازنه حتى تفى بالتزاماتها .ونتيجة لذلك يتوقع ان ترتفع الاسعار وان يعقب ذلك ثوره شعبيه تطالب باسقاط النظام .
من الملاحظ ان الانتفاضه الشعبيه وارده فى جميع خيارات الحكومه فى حالة الزياده اوعدم الزياده .
من الملاحظ ايضا ان الحكومه بعد ان فكرت وقدرت ثم فكرت وقدرت اختارت الخيار الثانى وهو زيادة المحروقات لانقاذ الموازنه من الانهيار .مع وضع التدابير اللازمه لمواجهة اى انتفاضه شعبيه.
الحكومه ايضا وضعت خطة للتعامل مع المظاهرات .وهناك احتمال ان تخمد المظاهرات باقل خسائر وتفريقها بالبمبان وفى هذه الحاله تكون الانقاذ نجحت فى تمرير الزيادات على حساب المواطن ويضمن لها ذلك الاستمرار فى الحكم لفترة اطول.والاحتمال الثانى ان الحكومه قد تعجز عن قمع المظاهرات وهى فى نفس الوقت لاتستطيع ان تمارس ضد الشعب الثائر عنف زائد وهى تعلم جيدا ان العنف الزائد ضد المواطنين مصيره ربما يكون تدخل الامم المتحده كما حدث فى ليبيا .لذلك اذا وصلت المظاهرات لدرجه فقدان السيطره عليها فان اخرخيار امام الحكومه هو ان يقوم احد قادة الجيش غير المعروفين للشعب السودانى باستلام السلطه وتجهيز ممرات امنه لسدنه نظام الانقاذ للهروب خارج السودان وفى نفس الوقت تسليم السلطه للمدنين بعد فترة انتقاليه بسيطه.وان غدا لناظره قريب .وشكرا

للأخ الذي يسأل عن مكان دراسة هؤلاء..
نقول له هؤلاء خريجي المؤتمر الوطني..
هل توجد جامعة تخرج طلاب أفضل من جاحعة
المؤتمر الوطني؟؟..الجامعة الوحيدة المعترف بها
حاليا..جامعة عريقة..طالبها يدرس كل علوم
التجارة وكيفية الاحتكار وتملك الشركات
العامة الناجحة..الدخول اليها لا يحتاج لأية
شروط..يفضل خريجي المدارس الابتدائية
بدرجة راسب..خريجي الجامعات وخاصة جامعة الخرطوم
غير مرغوب فيهم ويحتاجون لتذكية من خريج ابتدائي..
وبعد هذا تسأل عن مكان دراسة هؤلاء؟؟ ألم تسمع
القول المشهور للمرحوم الطيب صالح:من اين أتى هؤلاء؟؟
ولم يجد له اجابة حتى واجه ربه..

أول الميل خطوة , والأيام المقبلات حبلى بأخبار ساااااااااااااااااااارة للأمة السودانية ,
أذا ما الشعب يوما أراد الحياة فلابد أن يستجيب القدر

مسح معجون الاسنان تحت العيون مباشره يحمي من الغاز المسيل للدموع
حمل اكبر كميه من الماء للشرب وغسيل العيون من الغاز
غطاء الانف و الفم بقطعه مبلوله بالمويه او خل الطعام لازم تكون مبلوله دايما او تحفظ في كيس بلاستيك لحين الضروره

كل الهيلمانه و الاجتماعات والصرف والتحضير الخطاب الهام و كل ما ورد فى خطابك الفاشل لا يحل و لا يربط رفع الرسوم من بعض السلع وفرض رسوم والقيمة المضافة على سلع اخرى ؟
رفع سعر صرف الدولار الجمركى ودى ما عايزه ليها الة حاسبه ولا مستشار افتقارى او مساعد لوارى بديهيا سترفع من قيمة الرسوم المتحصله بالسعر الجمركى وبالتالى سيضيف التاجر قيمة التكلفة والتخليص والشراء وكل المصاريف على السلعه ذائد نسبة الارباح والتى تتوقف على التاجر وذمته ؟
ابقى عملته شنو يا سجم الرماد غير ما اغرقت البلاد وانتشر فيها الفساد و افقرت المواطن البسيط وهلك من الجوع و المرض وتقول تخفيف العبى من المواطن و رفع الدعم عن بعض السلع لانه المواطن ما مستفيد منها و المستفيد الاثرياء يا سبحان الله يا فهيم و عبقرى زمانك ؟
لكن كان عندك دم وكرامة اتخارج وسلم البلد ودى نصيحه ليك لانك فاشل والفشل ملازمك ذى ضلك .

ماالذى جعل هذا الشعب جثة هامدة بلا حراك وهو يتلقى الضربات الموجعة منذ 22 عاما او يزيد؟! من الذى قتل فيه الحس الوطنى؟وهو رائد الشعوب فى الانتفاضات ومفجر الربيع قبل ان يعرف الناس الربيع! والسؤال:- هل من سبيل لايقاظ هذا الشعب هل مات حقا لنواريه الثرى؟(و نشيل فيه الفاتحة) ونترحم عليه ونردد مع شاعر الثورة: (ليس بعد الموت موت)هل من دراسة علمية جادة لمعرفة الدمار النفسى الذى لحق بهذه الامة واصاب وطنيتها فى مقتل؟ وقد تمزقت اطرافها اشلاء وتشظت وذهب اللحم منها و العظم؟ وضاعت صيحات الثكالي (وامعتصماه)ضاعت فى جوف العدم! اين الشرفاء؟ اين الثوار؟ اين الاحرار اين الشعب السودانى الفضل ام لم يتبق منه شى؟ وذهب ادراج الرياح! اين احفاد من دفنو ا فى كررى وتوشكى وام دبيكرات!؟ هل ماتت فينا النخوة والرجولة والوطنية والاقدام؟ كل(البلاد) ربيع ونحن فى صيف ماحق…!!! إصفر منا الجسم وجحظت العيون وذهبت العقول! ومناديهم ينادى: هى لله هى لله! من ضيع هذا الوطن؟ ومن يرد لهذه الامة كرامتها؟ ومن ينشر فى شرايينها الدماء!؟ هل هى مهمة مستحيلة؟ هل تحتاج الى 22 عاما اخرى؟ من الوعى ان ترك السباب والشتائم للمسؤولين الما مسؤولين(لانه لايقدم ولايؤخر) ونبحث عن مخرج موضوعى لهذا الامة التى شبعت موتا وفاضت روحها الى عنان السماء… فلنفكر بترو وهدوء وموضوعية ونتواصى بالحق لرؤية موحدة وبرنامج واضح لانتشال هذا الوطن من كبوتة! اللهم قد بلغت اللهم فاشهد ولاحول ولاقوة الابالله.

الحمد لله ال>ي لايحمد على مكروه سواه
مادا اقول
ومادا يقال
ومادا يفيد

الازمة التى تعيشها نيالا حاضرة الولاية لها اسبابها ومسبباتها ، ومن بعد بيان رئيس الجمهورية ينبغى الوقوف في بعض النقاط علها تخرجنا الى بر الامان .
1. مراجعة السياسات التى ارتكز عليها حماد في تشكيل حكمته.
2.مراجعة امر التعاقدات في الولاية .
3. التاكد من كفاءة الشخص حتى لاتذهب حزمة الاصلاحات والتوجيهات الاتحادية زر الرماد في العيون.
4. ضرورة الالتزام باسس وقواعد الخدمة المدنية في الولاية واعمال مبدأ التخصص في الوزرارات والوحدات الحكومية.
5. ملاحظة قبل صدور بيان الرئيس رجع سيادته الى مجلس الشورى ووسع قاعدة الشاورة مع الاحزاب المتحالفة وجنوب دارفور حالة خاصة يمثل الوالى فيها كل شئ ( تجاهل الشورى وقيادات المؤتمر وهياكل الحزب).
6. تنقلات العاملين في الولاية فيها تشفى على العاملين واستثنت بعض العاملين من التنقلات حيث هناك موظفين امضو اكثر من 15 عام في ادارات بعينها .
7. هناك خلل ادارى في وضع المتعاقدين حيث انتحل (عبد الرحيم حسن عمر) المعين امين عام المجلس الاعلى للاستثمار اسم ( مفوض تشجيع الاستثمار) بمؤهل حرس شرطة شعبية ودبلوم سنة من نيالا التقنية وخبرة فى سوق ليبيا ايجاردرداقات ومفصول بامن دولة احداث ام درمان ( خليل)وقام بالاتى :
أ/ استلم القلم الاخضر
ب/ الغى قرار مجلس الحكومة بامر مكتبى
ج/ من دون قرار مجلس الحكومة تربع على مفوضية الاستثمار التى تتبع قانونا لوزارة المالية
د/ بجهل نقل قيادات الاستثمار الى وزارة المالية ، ولما كان هذا الامر خارج دائرة اختصاصه لم تعره الماليه اهتمام.
ك/ استند على مداخل الخدمة في شان الاستثمار
8/ الاصلاح الاقتصادى يرتكز على حزمة من الاجراءات وتجربة حكومة دار فور الحالية تحتاج الى اعادة رشد لتلافى الاخطاء والاسيكون الحال اسوأ مما عليه الان.

قل يا الله و ليس النبي نوح يا رجل استغيث بالله

والله البشكير دا يستاهل الاعدام تقطيعا بالضفارة على البعملوا في الناس دا

إن شاء الله إنت تكون مبسوط كدا يا سعادتك !!
بلاء يخمممممممممك

يا جمعاة التعبير السلمي هو افضل من حمل السلاح وحقوا ناس الحكومة ديل يكونوا عاقلين ويقبلوا بحرية تعبير الناس عن مشاعرها اتجاه الزيادات والغلاء .. يومين ورا بعض اولاد بري بيطلعوا مظاهرات سلمية والجماعة بجوا بالدفارات والباكس والمواتر .. وحقوا الناس الباقيين في البراري الاخري وناصر دعم الاود ديل .. لان كده الطريق حيكون سالك لجامعة الخرطوم ووسط العاصمة وخاصة ناص بري كان ليهم القدح المعلى في اسقاط نظام عبود ونميري عشان قريبين من وسط العاصمة شوية تنظيم لللاود ديل …

يا شباب دايرين الجد ولا الجنبو .. الحكومة ح يقلبوها ناس المؤتمر الوطني أنفسهم .. وسيعيدون تشكيلها مرة أخرى .. ناس المؤتمر الوطني (الخارجين من المناصب الدستورية) أكثر حنقا على الوضع منكم .. ناس المؤتمر الوطني الذين لم يجدوا فرصة

مافي حل غير الناس تطلع الشارع وتطرد المجرمين لمزبلة التاريخ. ويكون في علمكم حتكون مقاومة شديدة من قبل الحكومة عبر شرزمتها والمنفعين والحرامية البانين القصور وحولوا مال الشعب الغلبان الى ماليزيا والخليج. ثورة قوية حتى النصر.

ابوعلى لا فض فاك

خطوات بسيطة تعملها لو كنتا متضرر من الظلم دا وخايف تطلع عشان ماتنضرب او كنتا اصلا بتخاف من الدق وصوت البنادق اول حاجة اطلع من البيت وخليك علي الاقل في الشارع وحاول تسمع اخبار المظاهرات ولو سمعتا بي مظاهرات قريبة او في السوق اركب الحافلة وامشي انشاالله تنزل وتقيف بعيدشوية لو خايف .حتي لو ماشاركتا وجودك مهم وبحسس الناس المتظاهرين انهم كتار وبديهم الثبات وحتلقي روحك شوية شوية حاجز الخوف جواك بتكسر وحتي لو لسة خايف اهو بتكون شاركتا بي اضعف الايمان بدل ماتقعد في البيت او تحرض ساي بالنت ومستني الناس يقلبوها علي الاقل اعمل حاجة تريح ضميرك بانك شاركت في ازالة الظلم ولو بمجرد الحضور

المشكلة مافي بديــــــــــــل قدرالمسؤلية… كلهم حاقدين حاسدين ثـــــملاء