استدعاء القائم بالأعمال الأميركي احتجاجاً على منع”التأشيرات”

مساكين مغضوب عليهم من الجميع!

القايم بالاعمال قال بينقل كلامكن ده لحكومته ..
هى ما جاياه من حكوتو يعنى ؟؟؟ اكان كدى سجمكن وسجمكن يا الكيزان .. امريكا مافى ليكن الا كان ماليزيا بتاعة ناس نافع وعوض الجاز .

عاد نبقي في ذي ده قبيل ماقلتو ياامريكا لمي جدادك سياسة ماعندكم متخيلين الامم المتحدة في شلعوها الخوالدة دي سياسة وعلم وهندسة لغة عشان ثاني بيشة يتنقي احرف كلماته او يخرس عشان نمشئ حالنا مع العالم ويخلي الدبلوماسية الي اهلها

تأشيرات بس ،، والله لو ما مرقتكم عاصفة الحزم كان العالم ردمكم ردم والشعب (أيامو بقت) ساكوبيس ،، البدايات الخاطئة تقود الى نهايات خاطئة وبليدة بل غير سعيدة،، وقد بحث الناس في كتب التاريخ منذ ايام سفينة نوح فلم يجدوا شرزمة (عينا) قوية وما بتخجل ولا تكل او تمل من الكضب والدليب المستمر مثلكم ،، فاذا كان الحياء من الإيمان فلماذ طلب تأشيرة الامريكان، وليهم قد تسلحتوا وفي نفس الوقت للدولار جمعتوا وحولتوا،،،

كما ورد في المثل”على نفسها جنت براقش”!

وأنتو ماشين أمريكا تسووا شنو ؟ إتكسروا أقعدوا في البلد القلبتوها خرابه دي بلا تاشيرة بلا كلام فاضي .

لانو من اساسو ما في داعي للسفر، طالعين ، نازلين على حسابنا راكبين فيرست كلاس البشوفكم ما يشوف البلد المبشتنة وكمية الفقر والفقراء، أحسنت يا أمريكا بمنعهم دخول أراضيك …

تمنح من تمثل بائعات الاطعمه بكل فخر واعزاز تأشيره دخول للولايات المتحده وتقابل وزير الخارجيه الامريكى ويتم نكريمها وعندنا فى زمن الكيزان الحاكمين السودان بالحديد والنار لا يمنح وزير الداخليه وغيره من وزراء الانقاذ تأشيره دخول وكمان عليهم التقديم للتأشيره بوقت كااااافى 30 يوم على الاقل!برضو بيروقراطيه امريكيه مفروض تعتزلو السياسه والحكم طواعيه ياناس أمريكا دنا عذابها والله!

ان مسالة حجب امريكا تاشيرة الدخول لاراضيها لمسؤولين سودانيين كبار فى وظائفهم فيها اذلال شديد للحكومة السودانية وحتى طلب القائم بالاعمال الامريكى فى الخبر المنشور لدى استدعائه بواسطة وزارة الخارجية يعتبر طلبا فيه المزيد من التحقير والاذلال للحكومة فكانما يقول اعمل ليكم شنو الطلب مفروض يقدم قبل 30 يوم على الاقل .فهل فعلا الخارجية لا تعرف شروط التقدبم للتاشيرة لا مريكا ؟واذا كان هذا الشرط موجودا فلماذا لم تلتزم به الخارجية وعرضت مسؤولين كبار بما فيهم رئيس الجمهورية للسخرية من العالم كله بسبب عدم منحه تاشيرة دخول. اما اذا كان هذا الشرط غير موجود فلماذا لم ترد الخارجية وتقول للقائم بالاعمال هذا الشرط غير موجود اصلا بدلا عن الصمت ونشر اجابة القائم بالاعمال التى تعتبر اهانة اضافية اكبر من اهانة رفض منح التاشيرة .على كل حال مسالة حجب مجرد تاشيرة الدخول لامريكا لحضور انشطة الامم المتحدة اكدت بوضوح بؤس دبلوماسيتنا وفشل سياستنا الخارجية فشلا ذريعا وانه ليس لدينا دولة واحدة فى العالم ولا مسؤول واحد فى الامم المتحدة مستعد ان يتوسط لمنح الرءيس او الوزير مجرد تاشيرة تسمح بدخوله لامريكا..فمتى يستقيل او يقال وزير خارجيتنا ؟الا يكفى كل هذا الفشل وكل هذه المرمطة.لسمعة البلاد كلها ؟

هو انتو مشاكل البلد البسيطة امان اكل شرب وظايف ما عرفتو تحلوها مالكم ومال الامم المتحدة ومكافحة مخدرات شكرا امريكا لانك وفرت لشعب السوداني نثريات وحوافز السفر لامريكا التي كان سيتحصل عليها المسولين دون عايد يذكر للبلد

“أمريكا وروسيا قد دنا غذابهما”
:الاختشوا ماتوا”