عبر صالة كبار الزوار بمطار الخرطوم الدولي تهريب طفلة (محظورة) إلى براغ
تفاصيل هذه القضية أشبه بفيلم سينمائي لجيمس بوند.. ترتيبات وسيناريوهات كثيرة سبقت أغرب عملية تهريب بشرية شهدتها البلاد، ضحيتها طفلة في الثامنة، سودانية الأب تشيكية الأم كانت تقيم مع والديها بأحد أحياء العاصمة، وتدرس بالصف الثالث أساس باحدى المدارس الخاصة ولكن يبدو ان الأم التشيكية كانت تفضل العيش في (براغ) مع والدتها التشيكية الجنسية وطفلتها ، وذلك ضد رغبة الأب الذي قرر تربية طفلته بالسودان على تعاليم الدين الاسلامي والاخلاق السودانية ولذلك قام بحظر سفر طفلته من مغادرة البلاد إلا بإذنه وموافقته بينما ترك الخيار مفتوحاً لزوجته للسفر الى العاصمة (براغ) شهرياً لزيارة والدتها ولكن بدون الطفلة.
وبعد أن إطمأن الأب الى اجراءات حظر سفر طفلته غادر الى المملكة العربية السعودية لاداء العمرة، فانتهزت زوجته فرصة غيابه خارج البلاد، وقامت وبمساعدة بعض الأفراد، بتهريب الطفلة(المحظورة) وغادرت البلاد عبر صالة كبار الزوار الى القاهرة ومنها الى (براغ) .. اقتحمت كل الابواب، واجتازت كل الضوابط والاجراءات بمطار الخرطوم الدولي وتسللت بطفلتها خارج البلاد عبر (صالة كبار الزوار) رغم أن الطفلة محظورة من السفر بواسطة احدى المحاكم بالخرطوم بصورة الى القوائم بالجوازات ، ومدير عام الجوازات وصورة ثالثة من الحظر لجوازات الاجانب، ورغماً عن ذلك تم تهريب الطفلة (المحظورة) بواسطة والدتها التشيكية ومساعدة آخرين، وسط دهشة واستغراب الأب..
التاج عثمان
الرأي العام
اى ده حال السودان والله بقينا ما نستبعد اى شئ وسلاماااااااااات يا مشروع يا حضاري بلد لا فيها وازع دينى ولا رادع وحسبي الله ونعم الوكيل فيكم يا اهل المشروع الحضاري
الشئ الحصل دا تمثيل وتثيق لجزء من افلام جيمس بوند ولا الحكايه شنو طبعا انا في دهشه وصدقت عندما قلت كانه مشهد من افلام جيمس بوند ياخي والله دي بلد ما عارف اقول ليك فيها شنو طبعا اكيد عمليه التهريب تمت بدولار او دولارين لانو ايامات دا الدولار في ازمه والضع لايسمح ربنا يحفظ هذه البلد
لااااااااااااااااااااااااااااااااااا اتعلييييييييييييييييييييييييييييييييييييييق
واللة السودان دا كان داير تهرب منة نهر النيل دا تقدر
خلو الاب خشمو ملح ملح
انه الفساد المستشري
انها الحوجة التي تجعل كل من فى مثل هذه المواقع يبيع ضميره بابخس الأثمان
حظر آآآآآآآآآآآآآآآآآآآآآآآآآآآآل
ياناس اصلو الحاصل شنو في السودان مافي واحد عاقل يقولينا الحاصل شنو والله الواحد بقي زي ناس ال الكهف اخدلو رقدة لقي القروش متغيرة والناس متغيرة والسودان بقي فشقتين وناس فلست وناس قرشت والله يستر من الجاي والجاي ياناس السودان الله يستر عليكم (؟)
بنات السودان كتااار و مسكينات الخلى ابو البنت يتزوج التشيكية شنو؟؟؟ خليك عارف انو البنت الما بنت بلدك مهما كنت بتنظر ليك نظرة دونية
إذا كان خليل دخل أم درمان بأكثر من 200عربية مليانة اسلحة، إيه اللي يمنع خروج طفلة صغيرة
يا شيخ يا هو دا السودان
الله يصبر الوالد
ويجزي الحكومة بقدر ما عذبت الشعب الفضل
هذه دولة الجلابة وهم بلا ضمير ولا اخلاق يؤمنون بان لكل شي ثمن حتي الاخلاق والوطن ,لذلك لا نستغرب ما يحدث
عبر صالة كبار الزوار بمطار الخرطوم يتخارج الفيل علي عينك يا تاجر مش طفلة ….!
رايكم شنو يا ناس الجوازات الحسم واجب
المدير العتم رايو شنو
جهجهتو والد الطفله …..,,,,,,,وحرقتو حاشوه والمحاسبه واجبه ويجب ان تكون رادعه
ختى يكون عظه لضعاف النفوس
البلد بقت فاكه وما عندها وجيع ..
تقدر تهرب اي شيء المهم تدفع ..
.. وهي لله هي لله …
ههههههههههههههههههههههههههه
اتخيل منظر الخواجية وهي قاعده مع أمها بتحكي ليها
وبيضحكو في حالنا , عليكم الله مش حاجة تحنن ..
والله عملت خيييييييييير سودان وتريبة شنو ياخى خلى البت تعيش حياتها وتتعلم احسن تعليم
كسرة:
انتو فى التشيك دى مافى دين اسلامى ومسلمين زينا كدا !!!!
يا جماعة اعزروهم الناس ديل مشغولين اليومين ديل بالجنائية وانفصال الجنوب "قالوا التسوى كريت بالقرض تلقاه فى جلدها…………"
أول الامر انا شايف الامر من ناحية غير الناحية الكتب بيها الأخوة المعلقين،الاب أحضر زوجته وبنته من براغ ليعيشوا في السودان وهو سافر الي السعودية يعني منطق غريب وعجيب يعني انت يا الاب المولود في السودان وتربيت في السودان ما قدرت تقعد فيه داير الخوأجاية تعيش فيه وبعدين زي ما انت عندك حق في البت امها كمان عندها حق فيها لكن للاسف هي دي العقلية السودانية وده الخلي حكومة الأنقاذ تحكمنا
وبعدين انت داير تعلم بتك التعاليم الأسلامية كان أفضل تسوقه معاك السعودية مش تخليها في السودان لانها حتتعلم الكذب والنفاق من حكومة الأنقاذ وخير ما فعلت زوجتك لأنها شأفت بتها حتضيع منها
قال خليها تتربي في السودان قال !!!!!!!!!!!!!!!!!!!!!!!!!!!!
بكون العساكر الطير ديل شافو البت بيضااتخلعو و ما فتشو جوازا زاتو
عسااااااكرر وهم
ده دلالة على انو امن السودان ضااااااااارب للاخر والله احيها طلعت مرة بي مائة راجل من الامن السوداني
سبق أن تم تهريب طفلة دينماركية بواسطة أمها طليقة ذلك السوداني. جاء في الخبر الذي نشرته إحدي الصحف وقتها, أي في منتصف الثمانينات الماضية , أن والدة الطفلة أخذتها بقصد الفسحة, في حين أنها إتفقت مع إحدي منظمات الإغاثة لتهريب الطفلة عن طريق مطار مروي. إستغلوا لاندروفر ملك هذه المنظمة, أوصلهم إلي مطار مروي بالليل, و منه حملتهم طائرة هبطت في مطار مروي بترتيب و خطة محكمة!
حدودنا مفتوحة و الناس نائمون!
يا اخوانا والله حيرتونا اي شئ حكومة الانقاذ بعدين مت سيبو الخيبنة العليكم دي …يعني الواحد كان جاتو قحة ساي حاتقولو حكومة الانقاذ بدل البكي والعويل خليكم رجال ووواجهو الحكومة
اكيد الشخص دا من الجماعة اياهم .يتفننون فى فرض الوصاية ومصادرة حرية الغير. اصلو كان حريص على بنتو وتربيتهالما زج بنفسه فى هذه الزيجة ولكنها عقلية الكيزان ينتظرو لحد ما الفاس يقع فى الراس وبعد داك يفكرو كيف يخارجو نفسهن
يعامل الزوجة وبنتهاكالاسرى ويحظر السفر ولانه فاشل كزوج وبدا ينفث فى سمومه انها عقلية الكيزان المدمرة لكل شئ.
ياعبد المنعم موسى قال ليك الوالد مشى عمره ماشغل, بعدين قوائم شنو وقرار شنو هو الرئيس نفسو عندو قرار؟؟!!!!! الشغله ممكن تكون بيعه وممكن على قول اخواننا المصريين ببلاش
هو الأبو ده وكت عاجبو إسلام السودان الودهو يعرس من بلاد الجيك شنو؟؟؟؟
انت ما عارف انو النيل مسروقة من زمان …..
عبدة القروش اغروهم بالدينار تركو الابواب مشرعة
اى زول عاوز يهرب من العيشة دى يمشى مطار الخرطوم عدل
على شرط تشوف لك شوية دينارات و تلبس كويس لو عاوز
تمش بلاد الواق واق يهربوك (دينهم دينارهم ) لو شافو القروش
لا بشوفو ولا بسمعوا
والله عساكرنا ما عارفين شى الا حاجة واحدة بس هى القوفاض و ضرب الناس فى الصفوف والله ديل لو سرقوا الرئيس ذاتوا مايجبوا خبر
والله منطق غريب الناس البلوموا الراجل لانو اتزوج اجنبية…..وناس بتقول احسن للبت انها تتربى علي موضة البوي فريند ……فهم متبلد من شعب متبلد وناس معقدين الله يصبر ابو البنت وياخد بيده
المشكلة مافي الزواج من الاجنبية لكن مرات الزوجة الاجنبية بطنط في كلامها وتقلب….. وممكن الكلام يكون من سودانية وتكون حتى من قدحك زاتو! بدل ما تشمتوا في الراجل اقلها ادعوا ليهو ربنا يستر على بنتوا وبناتنا
والله يكفينا شماتتة السودانيين وحسدهم
بركة ربنا فكّ أسر هذه المرأة الشيكية و بينتها ,
كالعاده السيستم (system down) بيكون معطل؟؟؟ واتخارجت الشيكية وقدت الشبكة.. قووووووووووووووووووون بقدم اللاعب المحترف صغير السن… نحن مطارنا لسه بدري عليهو… اقل الضروريات ومثال ( سير العفش الكهربائي آسف لتشبيه بسير الطاحونه صوت وشكل وبطْ الله يخااااارجنا .. الله المستعااان
قــمة الاهــمال مـن الجـهات الامنية
السلام عليكم الاخوة الاعزاء
اولا اي زول مستغرب في الموضوع ده مستغرب فيه انا والله اي شئ ممكن وبسهولة خصوصا الاجراءات لما تدفع ولا يكون عندك ان شاء الله وكيل عريف بتعرفوا والحمد لله كل بيت سوداني فيه لواء او فريق من قريب او بعيد وكل رجل قانون في السودان فوق القانون والدليل واتحداكم جميعا كمان يكونوا اتحاسبوا رجال الهربوا البت دي لانو القاعدة واضحة
مع احترامي للشعب السوداني الفضل
انا فعلا مندهش للردود الغريبة جدا والرجل والد الطفله صديقى منذ ان كنا اطفالا وماليهو اى علاقة بكيزان ولا غيره وراجل فى حالوا وانا بعرف عنه واسرته انه عانى من هذه الحكومة واشهد الله على ذلك بان صادرت بضائع تخص والده ووالده عليه رحمة الله ليس له اى علاقة بالسياسة نهائيا ويسكن اما مسجد وانا اشهد على انه والده مات من الغبن وهو مظلوم ظلمالحسن والحسين من هذه الحكومة التى اضاعت كل ثروته بقرار مصادره جائر وبتعويضه بالجنيه السودانى بعن ان تلاشت تماما قيمة البضائع المصادرة والتى ليست الا بضائع عادية لا ممنوعة ولا مهربه ولكن مصادرات الحكومة فى ايامها الاولى التى استولت حتى علىالقلابات فىالطرق .
ثانيا والد الطفله مشكلته الاساسية انه سبق وان تم منعه من زيارة طفلته فى تشيكوسلوفاكيا من رؤية بنته ومن حقه ان يتزوج بمن يحب وان يربى بنته فى البيئة التى يراها منسابة مع العلم بان زوجته التشيكية والدها سودانى وعاشت وترتبت فى السودان وهى متدينة جدا ولا اعتراض لها على العيش فىالسودان الا من بعض التدخلات الخارجية .
عليه انا شفت ظلمكم وتسرعكم والهجوم بمناسبة وبدون مناسبة وكان السودان راجى الزيكم واطاتنا اصبحت وانا من اشد الناس رغبة فىالتغيير و بابحث كل يوم عن ناس الواحد يبدأ معاهم المشوار عشان اولادنا يعيشوا مستقبلا فى بلد كويس وبيئة مناسبة ومستعد لمشوار 10 20 سنة عمل بس فىالنهاية تتحقق الامال اذا الله مد فى الايام .
لكن الشفته فى الردود على هذاالموضوع احبطنى جدا وورانى سجمكم وسجمنا نحنا كان راجين الزيكم .
نفس القصه حدثت مع شخص اعرفه متزوج من اجنبيه بدون زكر اسماء وتم فتح بلاغ وحظر سفر وبمعاونه شباب عائلته مع بعض المتطوعين من الجيران وشباب لا تربطهم صله غير انهم تفاعلو مع القضيه عرفو مكان الام والاطفال وتم اخبار الجهات المختصه وتخيلو ماذا كان ردهم ؟؟؟؟؟؟؟؟
(دي قضيه احوال شخصيه انحنا ما لينا دعوه دي مشكله بين راجل ومرتو)
اسد علينا وفي الحروب نعامةً
بل اسود علينا وفي الحروب ……………………
بسم الله ولا حول ولا قوة الا بالله
قال تعالى : { إنا عرضنا الأمانة على السماوات والأرض والجبال فأبين أن يحملنها وأشفقنا منها وحملها الإنسان إنه كان ظلوما جهولا }
إني أوجه رسالة إلى المسؤولين من منطلق هذه الآية الكريمة أن يكونوا قدر الأمانة الملقاة على عاتقهم وأن يسنوا من القوانين ما يكفل العدل لكل المواطنين . كما أطلب منهم أن يحاسبوا المتسببين في سفر هذه الطفلة دون موافقة والدها خاصة و أنه يمكن معرفتهم بسهولة .
كما أرجو من الاخوة المشاركين في النقاش أن يكونوا موضوعيين ويعالجوا جوهر المشكلة بدلا من الدردشة والونسة عملا بقول الرسول صلى الله عليه وسلم : { من كان يؤمن بالله واليوم الآخر فليقل خيرا أو ليصمت } .
بسم الله الرحمن الرحيم
الى الاخ الفاضل والد الطفلة الموقر .
أنت عملت المستحيل من أجل الحفاظ على أسرتك وابنتك العزيزة ولكن أيدي الظلمة والخونة والمستهترين أضاعت كل الجهود الجبارة التي قمت بها من أجل الحفاظ على ابنتك لتعيش في بيئة اسلامية وتتربى في وطنها ولكنك لم تجد العدل ولا الحماية التي كنت تتوقعها ممن أوكلت لهم هذه المهمة الحساسة ..
توكل على الله وان لم تنصفك مجكمة الارض فستنصفك محكمة السماء باذن العزيز القهار فهو القاضي والملائكة الكرام هم الشهداء والنصر من عند الله وما ربك بظلام للعبيد
باذن الواحد الاحد سينصرك الله لانك على حق عاجلا ام آجلا سواء رضي الناس أو تآمروا ضدك فان نصر الله قرحيب .وهو حسبك وحسب كل المظلومين ونعم الوكيل .
وفقك الله وجمع شملك وسدد خطاك وفرح قلبك بابنتك وقرة عينك .
والسلام عليكم ورحمة الله وبركاته