أبناء المناصير المتضررين من سد مروي : التعويضات التي تتحدث عنها الحكومة عبارة عن شوال فتريته و150 جنيه لكل أسرة
بسم الله الرحمن الرحيم
حركة تغيير السودان
أبناء المناصير المتضررين من سد مروي : التعويضات التي تتحدث عنها الحكومة عبارة عن رشوة وتخدير للانتخابات فقط وتتمثل قي شوال فتريته و150 جنيه لكل أسرة.
ما يجري حول التعويضات بولاية نهر النيل التي ذكرها وزير العدل /محمد بشارة دوسة لا أساس لها من الصحة والمصداقية علي ارض الواقع ,حيث التقينا بالمتضررين من أبناء المناصير المتواجدين بالمعسكرات وتحصلنا علي كشوفات التعويضات ,لقد تأكدنا تماما انه لم يتم تعويض المتضررين بنسبة 2% والي
لحظة كتابة هذا التقرير, لم يتم بناء المساكن حول الخيار المحلي ولا توجد مشاريع زراعية في المنطقة ,وكل الذي تم من قبل الانتخابات هو رشوة إغاثة من الموتمرالوطني تتمثل (شوال فتريته لكل أسرة و150جنية عبارة عن حقوق المتضررين) .
عبدا لوهاب بشيربابكر
الناطق الرسمي للحركة
ياجنا نضمك سمح خلاص وكمان قاطع قول ؟ ايي ياجنا نحن غير شوال فتريته ومبلغ 150 لم نتحصل علي هلله من مستحقاتنا التي طمرتها اداره السد ؟ ونعاين نامن ياجنا عيوننا صربن وبقينا نشوف طشاش كشاش وكل يوم يقولولنا اصيروا شوي الخير جاييكم ؟ ياربي الخير دا يجي متين ؟؟؟ في زول ماسكوا أم كرعينو مكسرات ؟ ياناس خافوا الله فينا ؟ ياناس الظلم ظلمات يوم القيامه ؟ ياناس نحن مادايرين عصا موسي الكريم لواحا نحن دايرنا حقيقاتنا زي التقولش طيطه في ملاحه ؟ نحن بنرسل صوتنا دا لكل الناس ونويرهم نحن فقط ضربنا واخذنا حقنا عبر اعلام اداره السد ومجلتها التي تصدر يوم الجمعه علي الفضائيه السودانيه اما علي ارض الواقع ليس هنالك تعويض ولاخيار وضعت في ارضه لبنه ؟ والمضبني يمشي يزور المناصيركانماشا ف الناس يلتحفون الارض ويتوسدون الحجاره ؟ ياجنا ياود بشير لك تحيات كل المناصيرالنشما فقط مش ناس اللجنه الطلعوا حقوقنا مع ادارة السد شمار في مرقه؟؟؟؟
دوسة بكون خلاص دخل الفورمة وعرف لعبة التخدير ولف ودور – حتي يقضي اللة امرا كان مفعولا – والحكومة الان لديها جيش من الوزراء ونوابهم وجيش من المستشارين ومدراء ماكاتبهم وجيش من الولاء واعيانهم ودخلها ماشي في نقيصة و10%من مالها متسرب لجيوب الفاسدين علي ذمة المراجع العام والرقم مرشح للزيادة – من وين تعوضكم – العوض علي اللة – الحكومة نفسها عاوزة اللي يعوضها – بعد كدة لا ضرائب ولا جبايات ولارسوم ممكن تعوضها
ياجماعة الحكومة ظلمانة ظلم شديد والله . وكمان الاعلام مقصر فى حقنا .الناس هناك لاماوه ولاطعام .ولااحد من الصحافة المرئية ولا المقرؤة زار المنطقة وعكس الحاصل . باخص منطقة كبنة .واصبح التواصل بين الاهل بالمر اكب المياه تغمر كل مكان فقدو النخيل والاراضى الزراعية والسكن والمدارس وكل شىء وقير الوعود ماتحصلنة على اىء شىء .واخيرا نطالب الاعلام بزيارة المنطقة وعكس الحالة الماساوية المواطن .نشكر الراكوبة ونطلب منها التواصل فى طرح قضاية المناصير .ونطالب قناة الشروق الفضائية لزيارة المنطقة .
اولا مبروك الحركة الجديدة وكدى ورونا الفهم خبت والله لعب بطان ساى
يا عبد الوهاب ارجعو لى عطرونكم وشماركم واسكنو فى جحاركم