قيادي بالشيوعي لـ(الراكوبة): دعوة فولكر الى الحوار أسوأ من حوار (الوثبة)

انتو شايفين الحل شنو ؟؟
عايزين العسكريين ديل يمشوا من تلقاء نفسهم (تبرعاً) منهم ووطنية ؟؟؟
عايزين الامم المتحدة تحاكم ليكم المجرمين ديل في الاول ؟؟
المعروف ان تمسك العسكريين بالسلطة ما هو الا خوفا من المحاكمة ، والشعب يرغب في ذهابهم و ايقاف هذا القتل اليومي ، الحل شنو في الحالة دي ؟؟
يمسكوا هم في الحكم ونمسك نحنا في محاكمتهم ليوم الدين ويستمر الموت الجماعي اليومي ، ونحن ننظُر وننظّر و ننتظر الحل من السماء يجينا واقع .
ليه ما تعملوا مبادرة عشان نعرف رايكم ، وممكن تكون مبادرتكم فيها الحل .
اما الجلوس بعيدا و اخراج الكرت الاحمر لاي حاجة فلا نعتقد ان هذا دور ايجابي لحزب بحجم هذا الحزب !!!
مبادرة الامم المتحدة ما بتقول ابداً باستمرار العسكر ، بتقول لازم يكون في حل وهذا كلام منطقي انتو بتشوفوا الحل في ذهاب العسكر ، طيب المبادرة دي او الحوار ده ممكن من خلاله يمشوا العسكر ديل .
لكين نقعد نتفرج و هؤلاء الشباب الشجعان يبجيبوا لينا المدنية و يهزم لينا العسكر ويقيف يومي امام الدوشكا والمخاطر وعجائز وكهول الاحزاب تقعد تنتّظر وتتفرج وتطلّع في هذه البيانات الممجوجة واللاطائل منها والتمترس خلفها فهذا والله هو سّد الطرق ووضع العراقيل ، وهو لا محالة المؤدي للطريق الذي نسير عليه بخطى متسارعة نحو الكارثة وهي الحرب والاقتتال والموت الذي يحوم شبحه فوق البلد .

تعنت السياسيين يدل على حماقة سياسية وضيق افق….يمكن أن يؤدي الى فوضى وتفكيك البلد…