الصوارمي : الشرطة السودانية ستبقى في أبيي بتسليح الشرطة العادي
الخرطوم/أديس أبابا (رويترز) – قالت وكالة السودان للأنباء يوم الخميس إن السودان سيبقي قوات الشرطة في منطقة أبيي المتنازع عليها على الحدود مع جنوب السودان في الوقت الراهن في تحد لدعوة الامين العام للامم المتحدة بان جي مون للانسحاب.
وكانت أبيي محور خلاف بين البلدين اللذين اقتربا من حرب شاملة الشهر الماضي عندما تصاعد القتال على الحدود في أسوأ احداث عنف منذ انفصال جنوب السودان عن السودان في يوليو تموز.
وفي العام الماضي استولى السودان على أبيي وهي منطقة بها مراعي خصبة وقليل من احتياطات النفط بعد هجوم على قافلة عسكرية اتهمت فيه الأمم المتحدة جيش الجنوب.
وأكد بان يوم الاربعاء أن الجيش السوداني انسحب من منطقة أبيي كما أعلنت الحكومة لكنه طالب في الوقت نفسه بانسحاب الشرطة أيضا.
وقال المتحدث باسم الجيش السوداني الصوارمي خالد لوكالة السودان للأنباء إن 169 من الشرطة المسلحة سيبقون حتى يتم تشكيل قوة شرطة أبيي المخطط لها من البلدين.
وقال للوكالة “هنالك قوة من الشرطة قوامها 169 فردا بقيت في الادارية بتسليح الشرطة العادي الذي يمكنها من اداء مهامها لحين تكوين شرطة الادارية (أبيي) التي تقررها اللجنة الاشرافية المشتركة.”
وقال إن السودان ترك الشرطة أيضا لحماية حقل نفط داخل أبيي.
وينتشر حاليا نحو 3800 من قوات حفظ السلام الاثيوبية التابعة للامم المتحدة في منطقة أبيي والتي من المفترض أن تكون منزوعة السلاح مع إدارة مدنية في اطار خطة الامم المتحدة للسلام.
وقال مسؤول لرويترز يوم الاربعاء إن جنوب السودان سحب بالفعل قواته من أبيي لكن ما زال لديه أكثر من 20 فرد أمن غير مسلحين في المنطقة.
وقال كبير مفاوضي جنوب السودان باقان اموم للصحفيين في أديس أبابا إن السودان يخدع العالم بإعلان الانسحاب. ودعا مجلس الامن الدولي لاتخاذ إجراءات ضد السودان دون الخوض في تفاصيل.
واستأنف البلدان يوم الثلاثاء المحادثات التي تتوسط فيها في أديس أبابا للمرة الأولى منذ توقف المفاوضات اثناء القتال الشهر الماضي.
ولا يتوقع دبلوماسيون احراز أي تقدم سريع لأن الجانبين لديهما قائمة طويلة من الخلافات بدءا من علامات الحدود المتنازع عليها واتخاذ قرار بشأن وضع أبيي إلى الاتفاق على رسوم تصدير النفط لجنوب السودان
ناس الخارجيه يقولوا مافي وناس الصوارمي يقولوا في
نصدق منو ؟
اقرا الخبر الذي قبل هذا
انت يا صحّاف الانقاذ تقول في شرطة في أبيي و الكضاب التاني المروح بتاع الخارجية دا في الخبر الفوق يقول أصلاً ما كانت في شرطة في أبيي، أها دي كيف؟
– أولا, نبارك للصوارمى عودة موبايلو للعمل…. شكلو الشاحن الصينى وصل.
– تانيا, لمن موبايلك كان مقفول يا الصوارمى, ناس الخارجية نكروا يكون عندهم قوات شرطة فى أبيى, حسى اتا بتقول فى 169 نفر.
– ثالثا, 169 نفر ديل, يجب سحبهم, إنشاءالله 3 كيلو, لحماية مواشى المسيرية, لأنو الخوف حسى عليها هى, حقل النفط ماش يجيهو شنو ممكن يمنعو 169 نفر… بعدين باقان ماسك فى الموضوع دا وما ناوى يجيبا البر.
– رابعا, بالنسبة لحراسة حقل البترول, الظاهر ود الجاز “برضو لمن موبايلك كان مقفول” نكر انو يكون فى حراسات بترولية تابعة للشرطة السودانية, وأى شركة بتحرس محترزاتها بطريقتها.
– وأخيرا, عليك الله موبايلك دا تانى خليهو فاتح, عشان ناس الخارجية وناس النفط ينسقوا معاك, بدل ما فاضحيننا بتصريحات هزيلة متضاربة, شفع فى الروضة ما بيصرحوا بيها, ما بالك بمتحدثين رسميين لدولة محسوبة على العالم.
قنابيييييييييييييييير
اتمني من المسؤولين في السودان الاتفاق علي ما سيقولونه قبل الخروج والتصريح المتضارب ….خجلتونا والله … الشرطة في ولا مافي؟؟؟؟؟؟؟؟؟؟؟؟؟؟؟؟؟؟ عالم وهم…..
ايه الكلام الفارغ دي
ناس الخارجيه يقولوا السودان ما عندو شرطه في ابيي … فقط الجيش وانسحب
وهنا الصوارمي يقول الشرطة السودانية ستبقى في أبيي بتسليح الشرطة العادي
ايه اللخبطه دي والتصريحات المتناقضه دي
دي يدل علي حاجه واحده … وهي ان الحكومه في ورطه
خلوا بعض الجيش في ابيي ولبسوه لبس الشرطه وعازين يغطوا علي الحكايه
وهم ناسين ان تيلفوناتهم مسموعه لاقمار العم سام
دي غباء شنوا دا … مسرحيه بسيطه زي دي ما قادرين يخرجوها بصوره جيده
الصوارمي ده والله أنا مرات لامن أشفق عليهو من شدة الإستغلال والغش اللي واقع عليهو من جماعتو ديل .. يقول كلام بتشنج بعد شوية يجوا الجماعة يعملوا غيروا .. وبعد داك يقع عليهو عبء تزيين الكذب وتبريرو .. وواضح من كلامو أنو لسه ولد فيهو جهالة!! سبحان الله.
وانتو زعلانين ليه الصوارمى صاح فى شرطه لحماية البير والخارجيه صاح اصلو ما كان فى شرطه والاتنين ما بكذبوا وانتو لو ما عاجبكم الحسو كوعكم
اسى العندنا دى مجازا بنقول عليها شرطه يعنى شرطه و ما شرطه ولو واحد قال انهم ما شرطه كلاموا بكون صاح ولو واحد قال دا شرطى لكن ما شرطه برضو صاح ولا يمكن يكونوا مشاريط …….ياخى ديل يلخبتو ابليس ذاتو