ولاية البحر الأحمر تتسلم طائرة من طراز 51 من مركز الصافات لتصنيع الطائرات
(سونا) -تسلمت ولاية البحر الأحمر طائرة سودانية الصنع من طراز 51 المقدمة هدية من مركز الصافات لتصنيع الطائرات بمناسبة ختام مهرجان البحر الأحمر للسياحة والتسوق الثامن الذي شرفه السيد رئيس الجمهورية المشير عمر البشير مؤخرا ببورتسودان .
وأوضح الاستاذ صلاح سر الختم كنه بائب والي البحر الأحمر أن الطائرة تستخدم في عمليات الرش الجوي لمكافحة الآفات والحشرات ونواقل الأمراض ،كما تستخدم في مجال تدريب الطيارين .
وأشاد كنه بجهود مركز الصافات وتعاونه مع الولاية في العمل السياحي ومشاركته في العروض الجوية لمهرجان السياحة.
من ناحية ثانية تسلمت الولاية الدعم المقدم من شركة السلامة للتأمين الذي يشمل أجهزة ومعدات طبية للحوادث والجراحة بمستشفى بورتسودان وذلك في اطار المسؤولية الاجتماعية للشركة لدعم جهود الولاية في توطين العلاج بالداخل .
يا ناس البحر الاحمر مبروك عليكم الطائرة – بس اوصيكم لو فعلا هذه الطائرة صناعة سودانية ، عليكم بوضعها في متحف لتعرض على الجمهور ، لأن استخدامها خطرا على حياة المستخدم . أشك تكون صناعة سودانية ، ومن غير العادة أن لا يتم إفتتاحها بواسطة البشير الهامل والفارغ.
غايتو البيركب فيها أول حاجة يغتسل ويصلى يتوب توبة نصوحة ثم يكتب وصيته ويودع أهله ويلبس كفنه ويتوكل،،
حاجة أشرف على صناعتها أبو ريالة تكون فيها فائدة كفاية عمارة الرباط.
الطياره دي تركيب سوداني وليست صناعه سودانيه, القطع تاتي من شرق اوربا وبركبوها في السودان لانو ارخص من الاستلام جاهزه زي جياد هيونداي
نصيحة ليك يا إيلا ما تقرب عليها الجماعة ديل دايرين إركبوك الطيارة دي إحزر و مازالت تصفية الحسابات مستمرة الي موعد الإنتخابات.
الله ،الله دي كسرته! الحكايه بقت فيها طائرات وعقبال الدبابات ،(يازول يا وهم وقلوب فرحانه).صلاح سرالختم الكموسنجي خريج الثانوي العام يتحدث عن الطيران والله عجب ياوالي اللواط والشواز والفساد كمان طياره اللرش
والتدريب ،اوعه تكون الجراده العلقتوها في الخور ،وماتنسوا تعملوا في الخور مدرج (runway)،والله الحكايه بقت
فول عدس مخبازه واقترح ايضا ان يكون مدير المطار زعيط ،،بلاش طياره بلاش لعب ،ما عارف اكتب أقول شنو يا جماعه خلوا العبث!!!!! ويا راكوبه دي تتحسب نقطه عليك ولا قاصدين نكتة العدد!!
يابشرانا السودان يصنع طائرات تهانينا لوالى البحر الاحمر وعقبال تسلمك لطائره اف 17 المقاتله صناعه سودانيه لمواجهه الضربات الاسرائليه للولايه فى ختام مهرجان السياحه القادم
طيب وقت الصافات بتصنه طائرات رش ماترش الخرطوم من الباعوض الناقل للملاريا والذى فتك بالعالم التى لاحول ولاقوه لها
انا مصدق 100% ان هذه الطائرة سودانية الصنع , وبتطير زي الطائرات الاخري , لكن بالله اليس هذا ما ينطبق عليه المثل السوداني ..عريان ولابس سديري …تطير عيشتكم يا الكيزان الشعب السوداني ما لاقي ياكل انتو بتصنعو في الطائرات..طائرات شنو وعواليق شنو ؟ الانسان السوداني اولا ..
يا جماعة بطلوا تريقة انتو ما عارفين انه صافات شاركت فى معرض الطيران فى الامارات وهسع جنوب افريقيا والهند اتعاقدوا معاها لشراء طائرات مقاتلة وركاب وما عارف شتو؟؟؟؟؟؟؟؟
كسرة: هسع تلقى اسرائل قاعدة ترجف لانه الدور جاييها بالضربات الجوية ردا على اعتداءاتها على السودان لكن اقترح على طيارينا ان يضربوا اسرائيل لمن يكونوا فى الصلاة او وكت يكون النور قاطع!!!!!!!!!!!