قرار وزاري مرتقب خلال ساعات بالتمديد لاتحاد شداد

شداد يهزم حزب المؤتمر
ليس المهم أن يأتي شداد مرة أخري , الأهم هو تلقينهم هذا الدرس وإظهارهم بالجهلاء وكشف عورتهم, واتضح لنا أن هنالك منهم ليسوا بالرجل المناسب في المكان المناسب , وأن الكثير منهم فاقدي الأهلية في هذه المناصب التي وزعت هكذا والسلام دون مراعاة لنظرية الرجل المناسب في المكان المناسب, والحل الذي حدث بيد الإتحاد والوزير ليس حلاً وسطاً كما نراه إنما هزيمة رياضية وقانونية ساحقة لهم.

وين العنترية و العنجهية الشفناه فى الاسبوع الماضى
القانون قانون وده قانون دولى يمشى لكل دول العالم
بمافيهم السودان ولا يهمهم مكانتكم الرئاسية او الوزارية
يهمهم الكرة و قانونها
اما تخبطكم هذا ذوبعة فنجان بالنسبة للفيفا
انشاء الله تكونوا وعيتو الدرس ؟؟؟

ينصر دينك ياشداد ,, أها كدى ورونا ييتخارج وزير بتاع لعب من كلامه القالو بعدم احترام قانون من لايحترم قانونا كيف ؟
كمان كدى ياجماعة ندى نظرة للصورتين ,, شنو الفرق بين الفهم وعدم الفهم ؟

اقترح تعيين الدكتور الفيلسوف القوى ود القبايل الفاهم الثابت عند الشدائد والبشد الحيل ,,, وزير بتاع لعب .. رأيكم شنو ؟
فتح باب التصويت

ياخوانا ما قلنا من زمان شداد دة راجل موساهل لو كنتم ادخلتوة الانتخابات كان ممكن ينهزم بكل يسر ويصير معتصم الرئيس لكن عملتم فيها قوانين من جانبكم وطلعتوا الراجل بقوانين ما انزل الله بها من سلطان قوانين خاصة بكم وزحلقتم للراجل لكن الراجل عودة قوي وجابها من فوق اه صموا
كنا داخلين قي ايقاف النشاط الرياضي في البلد ونعود للرياضة الجماهرية داخل البلد
انا معك ياشداد وخلوها انتخابات عامة والحشاش يملة شبكتة

هى عليك اللة يا شدادا وينة الكورة الماسك فيها قوى كدة ؟؟؟؟؟؟؟ واللة الوسط بتاع الكورة انا ما عارف نا بيخجلو ؟؟ واللة انا لما يكون فريق سودانى لاعب بخجل من قبل الكورة !!! قال شنو اتحاد الكورة واللة مفروض مكان الاتحاد يكون انشاللة حمامات عامة الناس يسفيدو منها بدل البهدلة باسم البلد كدة 5 4 8 6 7 دى نتائج الكورة هاهاهاهاهاهاهاها

هي عليكم الله وينا كورتنا العايز يكنكش لينا شداد في اتحادا وشداد زاتو قاعد 8 سنة عمل شنو ووينا انجازاتو مع بهدلة النتائج الفاضحنا بيها الفريق القومي تلاتات واربعات وسبعات لمن بقينا ملطشة لي فرق ما تسوي شئ كينا ويوغندا واثيوبيا ودول ما كان ليها علاقة بي كرة القدم وشداد عامل تفتو الكبيرة دي داير يقعد لينا في الاتحاد لمن تجيهو صلعة ويخرف زي الترابي واذا كان ميزانية اتصالات شداد 86 مليون جنيه دايرنو يسيبا بي اخوي واخوك والمسألة حب سلطة ورئاسة ونفوذ وفي بلدنا دي البيضوق الرئاسة ما بيقدر يخليه ايقعد يعذبنا لمن يشيلو الله….وحقو والله الميزانية الضخمة المخصصة للاتحاد يدوها لي ناس العاب القوي الرافعين راسناناس ابو بكر كاكلاي واسماعيل وخلونا بالله بلا اتحاد بلا شداد بلابطاطس

اثبت شداد انه ادري بالقوانين … مافي شك في ذلك
الوزير الدباب جاهل ومتخلف وظهر ذلك جليا …. وقال دي قرارات سياديه !!!!!!!
معتصم جعفر انسان مهذب لكنه ضعيف جدا