الشرطة الهندية تلقي القبض على طالب سوداني بتهمة حيازة مخدرات

لا حول ولا قوة الا بالله …. يا اخوانا السودان ده يوم واحد ما نسمع عنه خبر جميل يخفف علينا غربتنا ؟ كلها مصائب وانحطاط خلقى و فساد …. ليكم يوم يا الكيزان …. دمرتوا اى حاجة …. حتى اخلاق الناس :mad: :mad:

:mad: :lool: ;( الطلبه فى حيدر اباد كلهم بلا استثناء منكبين على العلم … وهذا الطالب انحرف …. وسوف ينال جزاءه … ولا دخل لاحد فى هذا الفعل المتوقع من بعض الفاشلين … والحمد لله هذه حالة نادرة … نأمل ان لا تتكرر … شنو دخل الكيزان

ياخوانا المسالة تعود للتربية من الاساس من البيت هذا الطالب سافر من السودان
ا الي الهند من اجل التعليم ولكن بدل ان يتعلم ليقدم شي لوطنة ولنفسة اراد الكسب السريع وتاجر في المخدرات لن طريقها للربح سريع ودمارها اسرع والشي المخزي للعيان خجلان
من الكميرا ويدس في وجة من الكميرات طال ما انت عارف مضارها لماذا لا تكون رجلا بقد فعلتك ولكن سبحان الله ( لا ختشوا ماتوا) ماهو مصيرك في بلد الغربة
وما مصير عائلتك التي تعبت وربتك كيف ينامون الليل لا تعرف بان الله يمهل ولا يهمل
وما مصير كل سوداني في دولة الهند ونظرة الناس لهم اردت تدمير الشعوب
اليوم سوف تري ما فعلت يديك
والدولة لم ترسلهم لبيع المخدرات هم خرجوا للدراسة من السودان ولكن تتابعوا مع
رفقاء السوء وهذا هو مصيرهم والخوف كل الخوف ان تكون شبكة من الطلبة يفشي
بهم جميعا ويكون الضحية اكثر من واحد لذلك من المفترض ان يكون دور الدولة في ارسال الطلبة ذات الاخلاق الحميدة وليس ارسال كل من هب ودبة ليرمون اسم دولتنا
في الارض وممكن يكون يتبع للسودان الجنوبي ونتبرا منة لسوء السلوك

يا محمد الكيزان علاقتهم بالموضوع شنو قالو ليه بيع كوكاين…
بالمناسب معظم السودانين فى الهند وخصوصا فى المدن الكبيرة زى حيدرباد او بنغلور محششين من الدرجة الاولى…:cool: :eek: :eek:

most of the student in india are good except few and they are remaining disappear now ,sudanese in india are well known by their nice characters ,isaw some people observing bad words about us, changes are always occur in the new comer and later on they will be good because the nature of study here keep u strick person some people were bad in sudan now they became good

يا دكتور احمد هههه
قلت لي لصقت ليها دكتور طوووووووالي طيب كويس :- شوف هنا يا طالب الصيدله :-
يا اخ فعلا الطلبه السودانيين في الهند ضائعين ….. هسه بأمانه كدا اخر مره سمعت بصيدلي استلم شهادتو من الهند بتين ؟؟؟
من النادر جدا طالب يتخرج ويستلم شهادتو ؟؟ انا بعرف مجموعات كبيره من طلاب الكمبيوتر ابلكيشن الواحد في السمستر السادس وشايل 22 ماده ؟؟ اها زي دا تفتكر بتخرج ؟؟
ونسبة الضياع بين الطلبه السوادنيين القادمين من الخليج والسودان واحد خطين متوازيين ؟؟؟
سكر وبنقو وبنات وجنكيات وسهر وعدم تندسه وبايكات ودسكوهات ومشاكل :
اي واحد فيهم غاشي اهله وطوالي هو عايز قروش ؟؟

السلام عليكم . ما ذاكره الاخ مصطفي صحيح وعلي ما اعتقد انت هنا في حيدراباد واحب اضيف علي كلامك انو الطلبة السودانيين الموجودين حاليا في كل ولايات الهند فاشلين لدرجة ما ممكن الواحد يتخيلها بس مع احترامنا لي الطلبة الممتازين واولاد الناس. ياخي تخيل انو فصل كامل كلو سودانيين وفي نفس الوقت عايدين السنة وفي النوع البيكون طاشي شبكة طول السنة اكيد الحقيقة حارة لكن لمن تشوف الحاصل هنا بعينيك الزعل يقتلك . الواحد من يدخل البلد او قبل م يدخلها الناس بتفتكرو قاعد يقرا ويقولوا ليك ود فلان بيقرا في الهند ,لكن والله العظيم معظم الطلبةفي الهند عموما ما حيدراباد براها غير ادمان علي الفيس بوك والسكر والنوادي الليلية ما عندهم حاجة وعايز احسن موتر بتكاليفة باهظة تعرف الواحد لو قولت ليهو انزل درس خصوصي عشان تقوي مستواك يقول ليك غالي في نفس الوقت بيكون سائق موتر او عربية , عمك الاتمسك دا واحد في زي النوع دا كوتار هنا . الله يشفينا ويحمينا جمعيا انشاءالله ونرجع سالمين الي الاهل

اكيد حيكون في انتقاد لي الكلام دا , بس حابي اقول لي من مفكر ينتقد كلامي دا انا في حيدراباد وفي نفس الكلية الذاكرنها دي وما حصل شوفت الزول دا نهاي في حرم الجامعة والبنسبة لي السودانيين انا شوفت بعيني حاجات كتيرة منهم

شكرا تم التعديل

لك التحية

سلام ي حابيبنا ..انتو بتكلمو في الطلاب السودانيين كده التقول انتو ما سودانيين ,,و بعدين ي حلوين انتو بتقولو الطلاب السودانيين خربانيين و بتاعين بنقو و بتاع هسه ي الزول اللي قال الكلام ده تلقاك انت زاتك بايته فيك من امس,,,هاهااه و اقول ليكم شي احسن الواحد يقعد في الهند دي لمن يتخرج و يرجع لي اهلو انشالله بعد ميه سنه في النهايه بكون مقييم اكتر من اي طالب اتخرج من السودان,,و يعدين هو اصلا اي زول جا الهند هنا بكون عندو اسباب خلتو يجي الهند و هي كتييييييره و انا بقول ليك منها واحد بديك ليو في شكل مثل عملتو انا,,,من فشل في السودان ذهب الي الهند هه هه هه هه,,,يعني اي زول جا الهند فاشل لانو لو ما فاشل كان جاب ليهو نسبه عاليه و قعد في بلدو و محترم نفسو و دخل ليهو جامعه ظاابطه,,و اخر كلامي انو الهند دي مصنع الرجال و عرين الابطال,,يا نجحت و مشيت اهلك يا رجعت زي اللي قابضنو ده,,و في الهنايه بقول اللهم احفظنا بعيد من الشيطان و ابعدنا من شر خلقك و ثبت قلوبنا علي طاعتك اللهم اميييييييين,,,

ماتصف ألسنتكم بأن الطلاب السودانيين المتواجدين بمختلف الجامعات في الهند بأنهم فاشليين ؟ فهذا إفتراء ,
فأين أنتم من معقل الحقيقة المُرررررررررره , فهولاء الطلاب اللذين توافدوا من السودان إلى الهند لم يأتوا إلى الهند إلا لتدني التعلـــــيم في السودان ف الشاهد على ذلك أنظر إلى الشارع السوداني فلن تجد فيه إلا جماجم خاوية تُحمل فوق رؤوس الشباب ومعدلات البطالة من الخريجيين ليست لأنهم لم يحظوا بوظائف بل لعدم مواكبتهم ونمو معدل تعليمهم اللذي تلقوه منذ نشأتهم بما يسمى " تعليم الاساس "
فأما ماتصفه بأن الطلاب منحطيين ويسعون وراء النوادي الليلية فهذا إن وجدَ فلن يتعدَ معدل 1% , و أن لكل قاعدة شواذ و أين أنت من الجامعات السودانيية وما يدور في رحائها من فساد أخلاق بعض من الطلاب , هذا ليس هجوما على الجامعات السودانيية ولكن هذه مقارنة لكي تعلم أن ضبط فرد الطلاب وبحوزته كوكايين لايعمم على جميع الطلاب .

الاخ محمد سيد احمد
بلاي انت جااااااااادي بالغت يا اخ 1% معقوووووووول بس
انا معاك انه التعليم في الهند رااقي جدا وعلى مناهج بريطانيه وفي تحديث للكتب كل سمستر والمدارس الثانويه في الهند تعتبر الاقوى في العالم ؟؟
وفي طلاب اجانب كتار بجو يقرو الثانوي هنا ؟؟
بس السؤال هل في طلاب سودانيين استفادو من المعطيات دي ؟؟
علما بانه التعليم الجامعي في الهند احسن وارخص من ماليزيا بمراحل ؟؟
هنا الانجليزي بالاكسنت الهندي احسن من الانجليزي بالاكسنت الصيني بتاع ماليزيا
وماليزيا غاليه جدا وجامعاته ماديه شديد طووووووووالي عايزين قروش ؟؟
بس للاسف الشديد الطلبه السودانيين عاملنها هنا بنقو في بنقو في بنقو والطلاب السودانيين الجايين من الخليج تعبانين جدا ومدمنين خمر ومخدارت واعمارهم صغيره وبتابعو الخليجيين هنا ؟؟
الظروف التعليميه في الهند مؤاتيه جدا ومهيئه شديد بس للاسف مافي فائده
والناس ما استغلت الفرصه دي ؟؟
وفي جامعات في الهند زي جامعة بنقلور وجواهر لال والجامعة العثمانيه بالمقارنه مع جامعة الخرطوم …………. جامععة الخرطوم بتطلع عبارة عن كشك ليمون في ميدان ابو جنزير يعني مافي مقارنه نهاااااااااااائي وفي الجامعة العثمانيه عندكم طالب هندي قبل 4 سنين بقرأ بزنس اشتغل براتب 200 الف دولار في الشهر في شركه MNCs …امريكيه …………
وانحنا في كليتنا بتجي كل سنه شركات زي ياهو و IBM ومايكروسوفت وقوقل توظف الطلبه المتفوقين في الكمبيوتر ابلكيشن ………
السؤال هو ::: هل الظروف التعلميه دي في السودان موجوده طبعا لا ؟؟ ولا في السودان بل حتى في الاردن مااااااااااااافي
لكن المشكله في البنقو والسكر والبنات والدسكوهات وعدم التندسه وقلة الادب ؟؟

الاخ zole
اول حاجه الاسبلنغ بتاع زول بكتبوها كدا zol
ثم تانيا قبل ما تتعلم التواصل في النت وكتابة الأراء ووجهات النظر حقووووو تمشي تقرى عربي عشان تعرف تكتب
والله انا ما قدرت اقرى كلامك من كترة الغلطات الاملائيه يا زووووووووول انت قريت وين ؟؟
حالتك مؤسفه يا اااااااااخ
انت عارف انت مثال نموذجي للطلاب السودانيين في الهند العقولهم خاويه وزووووووووول زيك كدا ما عارف يكتب حرفين وراء بعض تفتكر بقدر يقرأ كيييييف ؟؟
حاول راجع نفسك شويه ؟؟؟
اوك

يامصطفي مونج والله كلامك لمس كبد الحقيقة
وفعلا التعليم في االهند لاشك في نزاهته رغم تزوير الشهادات
وفي ناس كتيرين قضوها بنقو وبنات وفي الاخير اشتري ليو شهادة طبقها
وجاء الخليج والغالبية مجالات نظريه زي المحاسبة وادارة الاعمال .
وغالبية الطلاب اللي بيقولوا بتاعين حشيش وخمر وبنات هم شريحة ابناء المغتربين
في الخليج والواحد فيهم ابوه يرسل ليو القروش بدون حساب وفي النهاية
يطلع فاشل ويضيع قروش ابوه ويبقي زي المهزلة الحاصلة

ياخوانا كل الشعوب فيها الصالح والطالح وانا كنت فى الهند وعملت دراسات عليا وزرت حيدراباد وعملت فيها كورسات وقابلت المتهم ولمعلوميتكم ماهو السودانى الوحيد البتاجر فى المخدرات لكن معاه كتار وياناس حيدراباد انتو عارفين كده وعارفين انو زعيم العصابة دى والسبب الرئيسى هو سمير الاريترى وانا الحمدلله اقنعت واحد من السودانيين الكانو بوزعو ليه بضاعتو عشان ظروفو المادية سئية وربنا فتحها عليه فى الهند ولقينا شغل ترجمة فى المستشفيات ووضعو المادى اتحسن والبلقاه ما بياخدو لو جاء اتعين دكتور فى السودان بس الحاجة المؤسفة انو قال لى ناس السفارة زاتهم عارفينو بتاجر فى المخدرات واتكلمو معاه ووراهم ظروفو المادية ومادعموه وواصل الترويج

يا جماعه الموضوع ما من الطالب الموضوع من الساره ومن القنصليه ومن التعرصه البتصل من الكيزان انو حيدر اباد ما فيها ناس ناجحين اسالكم سوال في حد سمع بي مشكله الكيني والسوداني في ستنق بوري
لما الاتنين دخلو الحجز عارفين انو القنصل بت جات من دلهي بي طياره خاصه وبي اوامر للي الضابط انو يفرجو عن الولد والا ما حيصير خير واعطو اسامي انو ممكن تبهدل باكاتهم وهم في كينيا عارفين الولد السوداني طلع متين بعد اربعه يوم
في حيدر اباد شرف الدوله يهان جوازات تتجدع في الواطه تتصل على السفاره يقول ليك ياخ ارفعو وتخارج ما حصلت معاي انا بس لي المعاي في السكن يعني الموضوع انو مافي متابعات من السفاره الهنود لو زعلو ليهم حق تقدرو تقولو لي ناس الرابطه فالحين لي شنو غير انو يعملو الليالي الثقافبه وتجي ملاذ والمعاها يرقصو ويمشو تاني عملو شنو خدمات لي الطلبه معظم الجنسيات جوازاتا بتجدد في حيدر اباد الا السودانين الجواز يمشي دلهي وفيها يجي وفيها لا السنه الفاتت في حفلت نادر خضر سمعنا انو حبفتحو مكتب هنا او قنصليه وينا كضضضضضضضضضضضضب لي يوم الليله ما شفنا شي ورواج المخدرات شي طبيعي اذا البجو من السودان بكونو مواليد 92 ومواليد 93 شفففع يفكوهم براهك حتى السناير ماعندهم ضمير صدقوني لو ما السفاره قدمت اعتذار رسمي تاني عشان تحديد الاقامه روحك تنسل اكتر من كده

احم احم
بالنسبة لمعظم الكلام الانضرب فوق او تحت ، في حديث شريف معناهو من ستر مسلم في الارض ، ستره الله يوم القيامة …..
اخ مصطفى مونج …. يعني بما انك خبير و زول قديم يعني ، انت مالك و مالهم ؟؟؟؟؟ في زول منهم جاء و طلب منك تساعده في قضاء حاجة ؟؟؟؟ في زول منهم جاء و طلبك منك قروش لحاجة ؟؟؟؟؟؟؟؟؟؟؟؟؟؟ خليهم في حالهم ياااخ …
و بعدين الكعب ده حتى في مكة الشريفة موجود .. و مافي انسان معصوم من الخطأ .. و دي كلها فترة و حتعدي انشالله و الشباب ديل كلهم يتوبوا و ربنا يعدلها عليهم و عليك …
و اذا لقيت واحد منهم عايز يموت اوعك تساعده ، عشان نوعيتك دي النوعية الخطرة و دي هي سبب مشاكل السودانيين مع بعض ……
و بصراحة في تهميش حاصل من السفارة بس ليهم حق ، و ليه هم اصلا يهتموا بينا ؟؟؟ هل نحن اولاد وزراء ؟؟؟؟ هل جوازتنا حمراء ؟؟؟ يعني مافي اي سبب يدعونا للضجر و سب السفارة و القائمين عليها .. و انشالله حقنا ده بنلقاهو يوم القيامة ….
ربنا يهدينا و يهدي جميع الشباب في الهند و في كل بقاع الارض …..

والله الكلام البتقولو فيو دا ما صاااااااااااح لأنو الجاي صايع اصلا ح يكون صايع وما كل الناس بتشيل 22 مادة في السمستر السادس
الناس بتجي من السودان ما عندها انجليزي عشان كدا الزوووووول بشيل مواد في السمسترين اللأوائل
ما تهاجمو الناس ساااااي لانو الناس جاية تقرا هنا في البلد دي وا اي زول عارف انو التعليم هنا احسن من السودان الاف المرات مافي اي مقاااااااااااااااااااااااااااااااارنة اقل حاجة الزول بكون عارف انجليزي
:mad:

ماشاء الله عليكم اخباركم أول بأول لكن ماسالتوا نفسكم لو كان الطالب دا مظلوم حتمشوا وين من ربنا ماسالتوا نفسكم لو كنتوا مكان الزول دا وفي ناس بتكتب عنكم كلام زي دا شعوركم حيكون كيف ماسالتوا نفسكم اعراض الناس ليه لعبة في ايدكم
إنا لله وإنا إليه راجعون وكما تدين تدان