الرأس الدبلوماسي : أمريكا وعدت التزمت بالضغط على الجبهة الثورية للجلوس الى مائدة التفاوض من اجل احلال السلام في السودان.
(سونا متحرك) أكد الاستاذ على احمد كرتي وزير الخارجية ان حكومة الولايات المتحدة الامريكية ابدت خلال لقاء كرتي بوزير خارجيتها جون كيري بالعاصمة الاثيوبية اديس ابابا امس التزامها الواضح بالضغط على الحركات المتمردة للجلوس الى مائدة التفاوض من اجل احلال السلام في السودان.
وقال كرتي ان جون كيري اكد من جهه اخرى انه سيكون هنالك حديث واضح مع حكومة جنوب السودان بعدم دعم الحركات ذات التوجه السالب نحو السلام في السودان واضاف كرتي “اننا لمسنا توجها ايجابيا بعودة العلاقات وانه لاول مرة تكون هنالك مبادرة من مسؤول امريكي تجاه العلاقات بين البلدين واحيائها”.
وقال “هنالك نظرة ايجابية نحو احلال السلام بالبلاد وهنالك تحول كبير في هذا الاتجاه”.
وتجدر الاشارة الى ان كرتي كان قد التقى نظيره الاميركي جون كيري على هامش اجتماعات القمة الافريقية الاستثنائية التي انتظمت بالعاصمة الاثيوبية صباح اليوم السبت حتى ساعات متأخرة من اليوم.
الجماعة ديل رقدوا سلطة عاوزين امريكا تحلهم من الثوار
الامريكان بيكسبو الوقت لصالح المؤتمر الوطنى عشان ما نظام فى العالم قدم لامريكا مثلما نظام المؤتمر الوطنى . ليه بالذات الان؟
أيه حكاية “الرأس الدبلوماسي” الماسكين فيها الأيامات دي..؟!!
نسأل الله السلامة
كضاااااااااااب! كيري قال: “فى جنوب كردفان والنيل الأزرق هناك أناس شعروا منذ فترة طويلة أنهم يريدون الحكم العلمانى واحترام هويتهم.. إنهم لا يريدون الاستقلال، ولا يسعون للانفصال عن السودان”
والمصدر ياهو ده: http://www.alrakoba.net/news-action-show-id-99958.htm
طبعا لانكم اكثر حكومة بتنفذ ليها رغباتها علنا وجهرا ياحكومة الفشل اصلا امريكا مادايرة بلد مستقر وحكومة قوية عشان كده خاتة خيال الماتة الاسمهم الكيزان في الواجهة افهمها ياعلي كرتي انتو علم عواليق والعوبة واضحوكة ليس الا في يد امريكا وخدم لتنفيذ اجندتهم ليس الي احب اذكرك انفصال الجنوب اووو ده ماكفاية مش كده طيب بكرة دارفور وبكرة الشرق وبكرة كردفان وغيرها والله انتو ركعت لامريكا خليك من الركوع ده انتو بتصلوا لامريكا عديل كده كن عندكم قدرة عالم عفن واعفن منكم امريكا ذاتها
يا كرتي انت مجرد كرت ممكن تتحرق في يد عصابة يونيو قي اي لحظة .. انت مفترض في القمة الافريقيه تقابل وزراء خارجية الدول الافريقيه وتشرح لهم وضعك المهزوز وازمتك الداخليه .. انت مالك ومال امريكا واوربا واسيا لانو ديل انت ممكن تقابلهم في بلادهم وتنبطح ليهم في السر ( دس دس ).. القمة الافريقيه كانت مناسبة وفرصة لتكثبف جهودك مع اهل بيتك واسرتك الافريقيه لانك قبل كده اشتكيت انو السودان ليس له اي صديق في افريقيا وذلك بسبب التصريحات العشوائيه والغير مسئولة من رئيسك وبقية افراد عصابة يونيو .. يا كرتي انت شبهك ما شبه وزير خارجية .. انت مكانك المناسب ( وزير الدفاع الشعبي او امير امراء المجاهدين او حتي ماذون شرعي للفرق الانتحارية لعقد قرانهم ببنات الحور )..انت ما بتاع ساحات دولية انت بتاع ساحات الفداء .. وبعدما تستشهد ممكن تكون مدير مكتب ( رضوان لصكوك الغفران ) فرع الانقاذ .. قال كيري قال !! انت قايلو كير بتاع شمال دارفور !!؟