البشير يتبرع بمليوني دولار لمؤسسة زيناوي
اديس ابابا:وكالات: حصلت «مؤسسة ملس زيناوي» والتي تحمل اسم رئيس الوزراء الأثيوبي الراحل، امس، على تبرعات تقدر بنحو 3 ملايين و800 ألف دولار، حيث أعلنت حكومة السودان عن التزامها بالتبرع بمليوني دولار.
وتبرعت دولة جنوب السودان بتقديم مليون دولار وجيبوتي بنصف مليون دولار وأوغندا بتقديم 300 ألف دولار.
وحضر اجتماع تدشين المؤسسة الرئيس عمر البشير ورئيس جيبوتي إسماعيل عمر جيله ورئيس أوغندا يوري موسيفيني ورئيس وزراء الصومال عبدي فارح ورئيسة مفوضية الاتحاد الأفريقي الدكتورة أنكوسازانا زوما.
كما حضر اجتماع تدشين المؤسسة والتي تخلد دور ومساهمات زيناوي في دعم التنمية المحلية والسلام والاستقرار بالقارة، رئيس الوزراء الأثيوبي هيلي مريام ديسالين وكبار المسؤولين بالحكومة الأثيوبية إلى جانب عدد من الشخصيات البارزة في العالم والقارة الأفريقية.
وكان مجلس النواب الأثيوبي قد وافق في 18 يناير الماضي على مشروع قانون يقضي بإنشاء «مؤسسة ملس زيناوي» والتي ستضم ضريحاً يأوي رفات زيناوي الذي توفي يوم 20 أغسطس الماضي وحديقة عامة ومكتبة تتضمن أعماله وكتاباته وكذلك أفلاما وثائقية عن حياته وإنجازاته.
ومن المقرر أن تضطلع هذه المؤسسة بمهمة تيسير البحث العلمي الذي يركز على الاقتصاد والتنمية والديمقراطية وإنتاج أعمال تعليمية وشعبية وتعزيز التنمية الاقتصادية الصديقة للبيئة وتقديم المنح الدراسية.
الصحافة
والله كان اولي بيها الشعب السوداني الجيعان دي يا سيادة الرئيس
الزيت كان ماكفا البيت يحرم على الجيران
وهذا السفيه “راجع تعريف السفيه في القانون” يوزع الاموال يمنة ويسرة شي مصر وشي اثيوبيا دون ان يرق قلبه او يلمح بصره المرضى حول مستشفيات بلاده وهم رعاياه المسؤول عنهم واللذي يتولى رئاستهم ،ترى كم مريضاً من بني السودان كانت ستعالجه هذه الدولارات؟؟ قبح الله فعلك وقبحت من رئيس ارداك الله كما ارديتنا وارديت بلادنا اللهم طوّل عمره وارنا فيه يوماً للعظة والاعتبار
مش قلنا ماعندنا حق رسوم سداد الامم المتحده ..؟
اقرع ونزهى !!!
هههههههههههه
دا كلام شنو؟؟؟
ذكرني المثل البقول ((غلفة وشايلة موسها تطهر))
……………شايلا موسها…………..!
بالذمة ده كلام يا ريس؟
ربنا يبتليك باليريحنا منك ومن عوارتك دي ..
ياخي اسياد القروش دي بيموتو جوع ومرض والباقي جاه ضغط وسكري ومات مغصة ساااااااااي من عمايلك دي ..
ياخ والله حاجه تفقع المراره !!!!!!بالله مليوني دولار لضريح فيهو رفات !!!!! ياربي من مالو ولا مال المساكين ؟؟؟ الله يعجل باليوم البتتحاسبو فيهو………….
الشالو حلايب أدوهم مواشى ،والشالو الفشقة أدوهم بالدولار ،..
الشالو القفة أدوهم أم دلدوم
والله يا جماعة البشير دا تقول حاكم الشعوب التانية دي من على البعد ونحن قاعد معانا ساي … ذكرني التعليم عن بعد … البشير دا ناكرنا عدييييل … طيب اطلع برة واتبرع للسودان من على البعد … يابليد..
السلام عليكم ورحمة الله
بالامس كنت داخل مبني الحوادث الذي كان اشبه بمبنى حوادث في دولة تعرضت لقصف جوي عنيف يشهد الله انا المرضى كانوا يحملون مرضاهم بسراير المنازل وبعض المرضى افترش الارض وبعض المرضى ملقي على كراسي الحوادث وبعض المرضى يمسك بالدرب بدل الحمالة . والاطباء يعانون امراضاً نفسية من الحالة التي امامهم . فهل انتم تعقلون ما هذا الذي يحدث في السودان .. لا حولا ولا قوة اللهم انتقم من كل من لم يشعر بأهلنا وشعبنا المغلوب على امره .
بالغت عدييييييييييل كدا يا اب قنقر مليون دولار بس؟
ووووووووووووب علي……سجم خشمك…..و الترابه كالت خشمك لمن ما تفضل….شكيتك علي ألله!
عريانة وتكسي في الناس
The Prime Minister Meles Zenawi Foundation founding congress is under way in Addis Ababa, Ethiopia.
Tigrai Online April 06, 2013
The visionary and charismatic leader of Ethiopia the late Prime Minister Meles Zenawi
The Prime Minister Meles Zenawi Foundation founding congress is under way in the African Union hall in Addis Ababa, Ethiopia.
At the opening of the congress the current chairwoman of the African union Nkosazana Dlamini zuma, Sudanese President Omar Al-Bashir, Ugandan president Yoweri Museveni, Djibouti?s President Ismail Omar Guelleh, Somalian Prime Minister Abdi Farah Shirdon and former Nigerian President Olusegun Obasanjo had delivered speeches.
Prime Minister Hailemariam Desalegne, the late Prime Minister Meles Zenawi?s wife Weyzero Azeb Mesfin and national and international delegations are present at the founding conference.
About one thousand people are participating in the conference and they are expected to elect leaders of the Meles Zenawi Foundation.
Donations to establish the Meles Zenawi Foundation has started to come, so far $3.8 million US dollars has been donated by four sister countries: Sudan two million us dollars, South Sudan one million us dollars, Djibouti half a million us dollars and Uganda $300,000 us dollars.
We know the Ethiopian government and the founding congress will determine where the location of the foundation building should be, but if you were in the founding congress where would you suggest the Meles Zenawi Foundation center should be?
http://www.tigraionline.com/articles/article130409.html
لعنة الله عليك يا الرقاص
لقد تذكرة قصة محمود الكذاب
عريانة……. وتكسي……. في……….. جيرانا : 13 مليار جنيه سوداني
انا مستغرب ايما استغراب وعندنا طريق الهبيكة اللعوتة في محافظة الكاملين كسر العربات وبهدل الدنيا وكلو خمسة كيلومترات تخيلوا وبنودي بيه للخرطوم اللبن والخضار والبيض والجبنة والذرة والقمح وكثير من الخيرات دة غير المرضى وحالات الولادة ووووووو . بس نقول شنو ؟؟؟
اراك تتبرع من مال ابوك
كان من جيبو معليش ، لكن كان من مال الشعب السوداني أنا شخصيا كمواطن ما عافي ليهم إنشاء الله كان 50 قرش.
انا بجد ما قادرة أصدق
ده شي ابدا ما معقول
اناكده اتأكدت تمااااااااااما انه الراجل ده بكره الشعب السوداني
لكن لييييييييييه عملنا ليك شنو ؟؟؟؟؟
حراااااااااام عليك
ربنا يحرمك من كل شيء زي ما حرمت عيالنا وابواتنا
المافيهو خير لي اهلوا مافيهو خير للناس
انا ما عافى حقى .. وكل من صرفه دون رضاى ربنا ينتقم منه فى حنجرته ..زوروا مستشفى العظام بمستشفى الخرطوم عاصمة دولة الخلافه الاسلاميه لتروا العجب ..
ياعم ومالو اتبرع زي ما بدك وفي حد حايشك هو مش بالكلام ؟ ياخي اتبرع ب 100 مليون دولار واديهم ماسورة غليدة عشان يأمنو
غلفة و شايلة موسها تطهر
انت ي جماعة الخير الراجل دا واعي
كدي واحد يتاكد من الزول دا من قريب
والله انا شاكي في الزول دا بجر لي شي بدل شاي الصباح
م ممكن الزول دا الا يكون شايف البلد دي امريكا ولا شنو
الجن بتداوي كعب الاندراوة افتونا يا عالم
.. والفاتح جبرة مواطن سوداني ويملك أدلة عن فساد شركة النفايات ورفض يدفع الإ باورنيك 15 الصادر من الرئيس وبعد كده بهدلوه وسجنوه ..ليه؟ ..والبشير خم قروش البلد ويقسم فيها شمال يمين لزوم الأستعراض والفشخرة لمنظمة زيناوي الذي عذب وسرد مسلمى اثيوبيا..عجبي لهذا الانسان العوييييييير,
هذذا من السفهاء الذين يبددون الال بلا تحفظ الناس تموت من عدم غسيل الكلى ومستشفيات تدمر وهذا الاعرج السفيه يبعثر فى فلوس الوطن 1!!!؟؟؟ الله ينتق منك عاجلا غير آجل .
والله ما فى زول بلومك تب اسرح و امرح و قسم و اهدى وما تخلى لينا لا واطه و لا قرش يجيب لينا رغيفة حافه نمعطها معط و تديها كباية مويه من اقرب سبيل وتلزم الجابره لمن افرج الفراج ؟
زول اتربى على القنقر من كافورى ما صدق بقى حاجه فى بلد امها ميته ورتع فيها رتعى و رقص و نهر و هرش و كتل و شرد و اغتصب و بقى أمير المؤمنين و سكن العلالى و القصر الما خمج و المزرعه الكان شغال فيها فى الاجازة يحلب و يزرع و ينفض الارض من السعده و الضريسه و لسان العصفور اها عاد كيف العودة الى الماضى الحزين الاليم يا رئيس الغفله و دا هين بعد المصادرة و من اين لك هذا تعود حليمه لى قديمه و ارواح الساكين ديل بتروح بروز لا و الله الراجيك صعب فى الدنيا و حساب رب العزه داك ما بتوصف وبدون جماهير و لا مطبلاتيه و لا مهرجين ولا كلاب امنك و حرسك الخاص ولا ابوالعفين والسجمان و ديل حا يكونو فى العنبر التانى واحمدك يا رب يا حكم يا عدل و الله نحن متضررين و متاثرين بالحليل و موجوعين بالجد و لكن الامل فى الله والخلاص من الانجاس و الماسونيه و الديكتاتورية و تجار الدين جاتكم تارة عاد المخرج وين و الشعب واعي و مفتح عويناته ومنتظر .
لا تستعجلوا وتظلموا الرئيس ياناس والطلم حرام
الرجل يعلم ان مرشى غسيل الكلى مالاقيين غسيل
ويعلم لان الجوع والمرض تفشى وضرب البلاد والعباد
لذلك لاتظلموا الرجل لامه تبرع من جيبه الخاص وهذا هو الاعتقاد الاقوى
والطلم حرام
لمن يفكروا يبنو وضريح حسن البنا حيتبرع بي كم مليار؟
الزول ده معتبر الشعب السوداني الفضل .. عبيد .. احتمال يكون تبرع بينا لقطر وما نكون عارفين .. لحدي يوم يرسل كلاب الامن يجو يلقطونا فردا فردا ……الكلام ده ما بعيد ما دام سكتنا ورضخنا لكل الابادات والاغتصابات ( رجال ونساء واطفال ) ولسه الساقيه مدوره .. يتبرع ويسرق زي ما داير .. هو في مواطن ؟؟؟؟؟؟؟؟؟؟؟؟؟؟ظ
طيب ما تتبرع لمستشفيات البلد الما فيها سراير ولا معدات وبطل فشخرة, الما بكفى لناس البيت حرام على الجيران
هيع يا اب الفقرة
ما داقى فيها حجر دُقش
و الله حاجة عجيبة … السودان اصبح ملكه الخاص .. ما سمعنا في اي دولة من دول العالم الرئيس يتبرع كده علي كيفوا لازم يشاور وزير المالية و مجلس الشعب … و الاعجب من كده انو حكومتنا الرشيده ما عندها شغلة غير الشحده .. مرة من قطر و مرة من الامارات و مرة من الكويت و بعد ده كلوا كمان نجي نتبرع … حاجة تفقع المرارة
الصدقة البتودي النار شبعوا والشعب ساكت قالوا ا يدو البرة لان الشعب داير جنة ما يلهوه بالدنيا