عمك تنقو و”غسيل الأموال” ..كاريكاتير عمر دفع الله

جد روعه ورسم معبر ربنا يخضر ضراعك سلمت يداك

نحاول واصل القصه

عمك خبرو شق الحلة### بفقه السترة قال بتحل
عمك عامل فيها شيطان ### شارك تاني في الاقطان
قال ح ياخد اكبر نسبه ### معاهو قريبو كدا في الحسبه

عمك التنقو في دارفور

عمك نعنش بقى مرتاح ### فكر برضو يبيعو سلاح
دارفور ملهلبة فوقا الولعة ### سلاح مستعمل احسن سلعة
ناس تتقاتل ما هماهو ### فساد وفتنة كمان تماهو
عمك عامل زول جودية### قال ح يصالح ويدفع دية
بس حركات يلمع نفسو ### الا بخونو لسانو ولفظو

عمك بلعب بالحبلين ### جيشو يقاتل بين جبلين
طيارة في الجو كدا صادوها ### ناطق يصرح ما فقدوها

عمك مابفكر الليلة وبكرة ### دائما يلعب في الموية العكرة

مع احترامي لتنقو النزيه صاحب مجلة الصبيان شكرا ليك الفنان عمر دفع الله وعبرك للفنان شرحبيل احمد وحقوق الملكية معكم انما التجربة لنا

wonderfull story, please keep them coming.

thanks