حزب البشير متخوف من القبض على البشير..قطبي المهدي : اذا لم نطمئن بأن هناك ثقة كافية في هذا الجانب فإن الرئيس لن يسافر الى جوبا.. أمين حسن عمر يستبعد ويؤكد توافر الثقة في حكومة الجنوب
الخرطوم: حمد الطاهر: مي :
شكك المؤتمر الوطني في مواقف وتصريحات بعض قيادات حكومة جنوب السودان حول تأييدها للمحكمة الجنائية الدولية واعتبرها غير مطمئنة، وقطع بأن الرئيس عمر البشير لن يسافر الى جوبا ما لم تتوفر ثقة كافية، ولم يستبعد ان تكون دعوة الرئيس الى جوبا «مؤامرة» مع الجنائية، بينما استبعد وزير الدولة برئاسة الجمهورية الخطوة واكد توافر الثقة في جوبا.
وقال عضو المكتب القيادي بالمؤتمر الوطني قطبي المهدي في تصريحات صحفية امس ان مواقف وتصريحات بعض القيادات الجنوبية لم تكن مطمئنة و»سمعنا من قبل بأن حكومة الجنوب لديها التزامها الدولي فيما يتعلق بالمحكمة الجنائية، وسمعنا منهم انهم يؤيدون محاكمة الرئيس البشير في لاهاي» واضاف ان كل هذه الاشياء ترددت من قبل وبالتالي هي محل نظر وتابع «اذا لم نطمئن بأن هناك ثقة كافية في هذا الجانب فإن الرئيس لن يسافر الى جوبا».
واشار قطبي الى زيارة وفد حكومة الجنوب المقرر له ان يصل الخوطوم اليوم لدعوة البشير لاجتماع القمة مع سلفاكير ميارديت، وقال «بعد تقديم الدعوة سننظر في احداث تغيير في الوضع الامني حتى نستطيع تطبيع العلاقات بشكل جيد وبناء ثقة كافية لاحداث تقدم في الجولة القادمة».
من جانبها، نفت الحكومة علمها بنية حكومة الجنوب التعاون مع المحكمة الجنائية في القاء القبض على الرئيس البشير اثناء زيارته الى جوبا مطلع ابريل، وأشار وزير الدولة برئاسة الجمهورية امين حسن عمر الى أن الثقة متوفرة في حكومة الجنوب، واضاف في تصريحات صحفية محدودة امس «نحن لا نشغل انفسنا بمثل تلك الاحاديث ولا نتوقع من جوبا القيام بذلك العمل» وأوضح ان غرض اطلاق تلك التصريحات سياسي بالدرجة الاولى بهدف معرفة رد فعل الدولة المعنية بها.
الصحافة
يااخوانا ماترسو وترسونا على بر مرة حكومة الجنوب هى اللى بتدعم الثوار ومرة ثقتكم فيها كبيرة والله البتسووا فيهو ده ثكليبى ساكت
كضابين والله مافى واحد فيكم قلبه على البشير!! قلوبكم على جيوبكم
هينع يا اسد افريقيا حتى جوبا بقت صعبة
اعتقد بان الجنوب داخل فى موامرة مدفوعة الثمن للقبض على البشير مقابل فك الضايقة الاقتصادية وتمرير البترول كماتشتهى جوبا من سيخسر هو الشمال بسبب حدوث فراغ دستورى وبلبلة وفوضى بعد القبض على البشير الشعب الشمالى هو الخاسر
ياريت تكون مؤامرة ويريحونا منو ؟ عشان تظهر الصورة الحقيقية بعد اختفاء الواجهة
الكلام ده لو حصل يكون حكومة الجنوب والشعب الجنوبى قدموا اعظم واجمل واغلى هديه للشعب السودانى بصور عامه واهل الهامش بصوره خاصه
بصراحة انا ما مع النظام علشان الحركات الحاصلة دي والفساد المتفشي وأؤيد بشده طلبات الشعب بتنحي المؤتمر الوطني وينسحب بما حمل ويترك السلطة بعد اثبات فشله … وفي نفس الوقت لا أؤيد ان يتم اعتقال راس الدولة من دولة جنوب السودان لانه ما بعد الاعتقال ستصبح هناك فتن وزيادة الهوة بين السودانيين ( السودان الشمالي والجنوبي) والشعبين مهما كان اذا تم اعتقاله في ( العراق ) أسلم لنا من جنوب السودان فلن ينسى انسان الشمال ذلك ، وسيرفع انسان الجنوب عنقرته ويتفاخر ويمسكها نقطة على الشمال ينتظر الجزاء عليها ويكون الجزاء عكسي بتناحر القبائل واشعال الفتن .
يا ريس ما تسافر جوبا ويا حليلنا لما كنا ( يا مسافر جوبا ) يا مسافر قوم سيب الخرطوم …
لكن اقول ليك سافر العراق يا اسد افريقيا
انضم الان اداة جديدة من ادوات التغيير في السودان …
لتغيير الحال المائل …
https://www.facebook.com/uneplyedunion
ياخي بدل الهلواس اليومي دة و ديل بقبضوني و ديل ما بيقبضوني و ديل حلفوا لي و ديك انا ملاوز منهم و اوب علي و الكواريك و الجقلبة امشي سلم نفسك للمحكمة بس و الله و الله و الله المحكمة افضل ليك من ولاة الدم في دارفور و الجوعتهم و الشردتهم من ابناء الوطن . ناس المحكمة ديل اقل شئ ما طالبنك غبينة زينا .
إتفق على عثمان مع باقان على تسليم البشير للجنائية إبان زيارته للجنوب.
حــرامــي القــلــوب تلّبْ
احسن شي اقبضو و سلمو لي اوكامبو تكونو ريحتو الشعب السوداني و شعبكم
بدلا من تقعدو و تقولو بشير بدعم المتمردين في الجنوب و كلام من دا
مافي حاجا اسمه عهود و مواثيق اقبضو بس .كان ما سلمته نحن نطالب باطلاق صراح
تلفون كوكو فورآ
كلام وما اسهل الاسترسال كل على حسب حجم مخه….
البشير برئ حتى تثبت ادانته بدل الجرسه والخوف المالى قلبك اذهب مش بتقول انك برئ المحكمه نزيهه وعندك الحق لحضور اكبر عدد من المحامين لانهم مسلمين من غير اسلام يلا يا جعلتى ورينا رجالتك . ولا رجالتك ضد المواطنين العزل .
مشاكل السودان سوف تحل بمراجعة اوراق الهوية السودانية
واحد لا يقدر علي الكلام. ويخلط بين الحروف ويذكر ويؤنث
وتارك بلادة. وعامل فيها عدل ومساواة
خريطة السودان بقت نص ولي شعار السودان صقر الجديان ما بقا نص اي بدون ارجل او بدون اجنحة مثلا
لن يسافر الى جوبا ما لم تتوفر ثقة كافية…………اولاد الهرمة ماقتو رجال
الجاي اهم من جوبا واسمعو الكام اشردو شرادكم بدون مبررات
ماقالوا اسد افريقيا خلو يمشي ادغال افريقيا
ولا الاسد لمن يعجز ……
اسد افريقيا كويس يا اسد افريقيا ارجى الراجيك واعرض ونط لي فوق.بعدين انتا خايف من شنو طالما انتا بري خلاص روح اتفسح في جوبا لامن يقبضو عليك اعرض ليهم امكن يعجبهم نطيطك القاعد تسوي لينا هنا على شنو الله انا ماعارف.اذهب غير ماسوف عليك.
ماذا سيحصل اذا قبض البشير هل تقوم القيامة ام يفرح الشعب السودانى اهلكه المؤتر اللا وطنى وماذا سيكون رد فعل اللاجئين والنازحين داخل الوطن وخارجها الذين يدعون ربهم ليلا ونهارا لتدمير هذا النظام المجرم ان قبض على سيؤم الزغاريد فى دارفور وكردفان والنيل الازرق ولكل بيت من لهم ضمير الانسانية فى الخرطوم فاليذهب الطاغية البشير ومن معه من المجرمين الى الجحيم غير ماسوف عليهم
عجبي ان اغلب المعلقين يجزمون بي ان ذهاب الحاكم نعمه وتغير للحال…لاكن الحكومه ما ريس وبس ..لو انقبض او مات انتهت حكومتو…وده البخوف لو ادركناه
زى ثقتكم فى الوحدة ، الايام دى فى بيع شديد يمكن زى ما قالوا الزول دا ما داير يترشح تانى ويقوم يكشف اوراقنا خلينا نوديهوا جوبا نضحى بيه ، اهى فرصة نغير القيادة ونستمر انحنا فى الحكومة الافكار الشيطانية موجودة عشان كدة بركة مافى البلد
اذا حدث خيانة من الجنوبيين علي سلامة الرئيس فسيفقد الشمال رجل واحد لكن سوف يخسر الجنوبيين الاف الاشخاص الابرياء وسوف يبنون جدار من الكراهية بينهم والشماليين الي يوم القيامة لن للرئيس انصار كثر لايمكن تتجاوزهم ولايرضي الشريف بالخيانة كان الفارسان قديما حين يلتقيان بالسيوف اذا سقط سيف احدهم لايقتله حتي ياخذ خصمه سيفة فتب للخيانة والغدروتب لمن يدعو لها
والله الثقة في جبة متوفره بس الكيزان ديل البيضمن منو انه ما يلعبوا ةعليه ويسلمه هم للجنايات ويقولوا ديل ناس جوبا
الناس دي نست موضوع الطائرات ولا الحاصل شنو أغشي ان يتورط الجنوب لو سقطت الطائره.. حتغضب أكثر ياغصب
هذه فرصة من ذهب وكل شيء جائز وممكن ؟! الله يكضب الشينه!!
الكديس قال للفار هسع انتا بترجف كده مالك
الفار قال ليهو انتا كدي فكني و بعد داك ان شاء االله اموت
والله نحن ما جبانين عشان نستدرج رئيس دولة زات سيادة لتسليمه للجنائية…..ازا نحن دايرين نسلمه بنقول عديل بدون لف و دوران فالخداعة ما سلوكنا نحن الجنوبيين,,,,,ابسط ما يحتاجه دولة الجنوب هى الاستقرار والتعاون…..فعلى المؤتمر الوطنى الاطمئنان والتعاون!
والله يا جماعة أنا خايف الشيخ الكبير المنظر الانقاذى اللابد بالسكوت يدبر مؤامرة بالقضاء على الرئيس فى هذه الرحلة ويخلص منه ومن الجنائية الدولية لأن المشاكل داخل الحزب بقى كثير ودى فرصة يدبس الجنوب التهمة وهو معروف بالمكر بثوب الشيخ المزكى الكبير وهو الشبح غير مرئى ضيع كل رفاق دربه وبقيى هو والبشير وقليل من النافذين ويعلم السيطرة سوف يؤل إليه بعد زوال المشير لأن اليومين ديل كل شيىء يشير الى ذلك .. اللهم أضرب بعضهم بعضا يارب أمين عشان يخلو الخال الارعن وحيدا غير سند .
قطبى المهدى خايف على نفسو ماخايف على البشير لكنو بيعتقد انو المركب لو غرق ريسو بغرق هو زاتو وينسى انو هو مطلوب للعدالة قبل البشير لانو البشير راس حربة بس اتى به الكيزان عشان يعملوا عمايلن دى والمخستك امين ده فى شنو هو نسى تاريخو فى الجامعة والله شنو ليكم يوم يا ولاد الهرمة ماتنسو مبارك وصدام وصولجاناتم ..
كل شيئ بوقته كلام قطبي واضح اما امين حسن عمر بتاع تنظير
حكومة الجنوب تدعم المتمردين في السودان وحكومة السودان تدعم المتمردين في السودان الجنوبي متى يعي الطرفان ( المؤتمر الوطني والحركة الشعبية) حقيقة أنهم دولتان مختلفتان وليس حزبين متصارعان في دولة واحدة وأن عدائهماالمستمر سيؤدي لحتفهما معا وهذا الفهم لن يأتي في المستقبل العاجل .ما يهمنا هنا دولة السودان فعليها أن تعلم أن الايدولوجية الحقيقية هي في علاقات تسودها حسن الجوار وتبادل المنافع مع كل دول العالم وخاصة دول الجوار , والتاريخ العدائي لن يتلاشي بسهولة ,لماذا لا يأتي رئيس دولة السودان الجنوبي الى الخرطوم لتوقيع الاتفاق , الغاية هي توقيع الاتفاق المثير للجدل وليس ذهاب الرئيس الى جوبا وصولا لتفاهم مشترك بين الدولتين ليعم الاستقرار والوئام بين الدولتين