الخرطوم:محاسن أحمد عبدالله
بعث الفنانة مروة الدولية رسالة لجمهورها الذي دعمها وساندها بعد حادثة الاعتداء عليها من بعض رجال الشرطة قائلة :(الي جمهوري الحبيب اللي وقف معاي وساندني أنا مصدومة من الحصل بس عندي سؤال لكل مسؤول في الدولة دي مع إحترامي لكافة القوات النظامية واقتناعي انو العملوا كدا ما بمثلوا الشرطه وانه مصيره العدل بياخد مجراه ).
فيما وجهت سؤال للشرطة قائلة:( لو جاتكم وليه ومرا مهما كان هي شنو او منو او شغاله شنو وقالت ليك في رجال ما راجل واحد ضربوني واهانوني ورقدوني في الواطه زي الحرامية وضربوني بالعصايه بدون رحمه وشهدوا في المحكمة زور في حقي وانا ماعملت شي هل بتجيبو ليها حقها ؟).
وتابعت (أنا اول مره أحس بالظلم والقهر حسبي الله ونعم الوكيل حسبي الله ونعم الوكيل حسبي الله ونعم الوكيل ).
واختتمت الدولية :(وصلوا رسالتي لاي مسؤول قلبه حار ومابرضي الحقارة ولا الاهانه لي حريم مهما كانوا هم منو او عملوا شنو خلي من انهم ماعملو حاجه اساسا ،بس في ناس بستغلوا سلطتهم وانا يشهد الله لا اسأت زول ولا غلطت علي زول ولا قذفت زول وكل الاتقال دا ظلم وبهتان وافتراء علينا وربنا عالم و شايف بس عاوزه زول راجل مالي مركزوا في المسؤولين وبيقيف ضد الظلم يقرأ رسالتي و يبرد ناري من الظلم الانا حاسه بيهو والاهانه دي).
