عقب اطلاق سراحه صباح اليوم أجرت الاستاذة نجلاء سيد أحمد حوارا قصيرا مع محمد حسن عالم البوشي ،والذي بدأ حديثه بعائد عائد يا إكتوبر لن تثنينا زنازين كوبر ، ونفى نفيا واضحا تواجده بجامعة الخرطوم في ايام الاعتصام الاخير والتي سمع عنها بالصدفة، واستغرب كذب وادعاء جهاز الأمن.
[COLOR=blue]شاهد الفيديو :[/COLOR] [URL]http://www.alrakoba.net/videos-action-show-id-932.htm[/URL]| Cookie | Duration | Description |
|---|---|---|
| cookielawinfo-checkbox-analytics | 11 months | This cookie is set by GDPR Cookie Consent plugin. The cookie is used to store the user consent for the cookies in the category "Analytics". |
| cookielawinfo-checkbox-functional | 11 months | The cookie is set by GDPR cookie consent to record the user consent for the cookies in the category "Functional". |
| cookielawinfo-checkbox-necessary | 11 months | This cookie is set by GDPR Cookie Consent plugin. The cookies is used to store the user consent for the cookies in the category "Necessary". |
| cookielawinfo-checkbox-others | 11 months | This cookie is set by GDPR Cookie Consent plugin. The cookie is used to store the user consent for the cookies in the category "Other. |
| cookielawinfo-checkbox-performance | 11 months | This cookie is set by GDPR Cookie Consent plugin. The cookie is used to store the user consent for the cookies in the category "Performance". |
| viewed_cookie_policy | 11 months | The cookie is set by the GDPR Cookie Consent plugin and is used to store whether or not user has consented to the use of cookies. It does not store any personal data. |
حمدا لله على السلامه يا بطل وربنا يديك العافية والصحة وقلوبنا معك وربنا يدى الوالده الصحه والعافية غرت عيناك يا أم بوشى وسيظل اسمه محفور فى ذاكرة التاريخ وذاكرتنا والاجيال القادمه وربنا يديكم طولة العمر
كلنا بوشي وعائد عائد يا أكتوبر..حمدلله على السلامة أخي محمد
حمد الله علي السلامة من بيوت الاشباح والكلاب الضالة لماذا يخاف المسئولين الانقاذين من كلمة حرامي وسرقت وهم القوم هم القوم كانهم قريش ولكن قريش لما اقام العدل ناموا نوم قرير العين —- لماذا الخوف من منابر الطلاب ان شاءالله يرحلوا -ارحل-ارحل-ارحل
ان دامت لغيرك ما وصلت اليك
زين العابدين من الهاربين والقذافي من المقتلين ومبارك من المسجونين وعلي من المنفيين وبشار من المراقبين و———-من الراقصين
لا يصنع المناضل في يوم واحد ولا تحسب المواقف لموقف واحد وإنتكاسة الرجل واردة إلى إن يسبت عبر الأيام
حمدالله على السلامة . الشعب يريد اسقاط النظام
.. قبل قليل انتهت حلقة (الاتجاه المعاكس) بالجزيرة والتي كانت عن (الثورة في السودان) ، بسقوط ممثّل (النظام) المدعو حاج ماجد سوار ، فكان خير ممثّل للمؤتمرجيه وهو يرّدد شعارته الجوفاء ، مهاتراً ، متطاولاً على محاوره ، مؤكداً على عقلية النظام الإقصائية والتي لاتقبل الرأى الآخر ، في الوقت الذي كا يردّد ان هناك حريات في الخرطوم لا توجد في اي دولة بالمنطقة ، وهو الحديث الممجوج والمضحك والمردود عليه والذي كان يجب ان لا يقوله حتى لايفقد مصذاقيته المفقودة اصلاً ، فبدا مرتبكاً ومتوتراً ، محاولاً (شخصنة) الحوار (الذي لايجيده) ، فاستطاع الاستاذ علي محمود ان يلقمه حجراً كبيراً ، ويخرصه ، مما ادى لعدم تمكنّه من الاعتماد على ادوات (المهاتره) التي يجيد والتي تّم تحفيظه لها قبل ان يحضر كما ظهر وهو يبحث (مرتبكاً) و(متراجفاً) داخل اوراقه فكان ضائعاً وفاشلاً ومخزولاً ، فبدا في نهاية الحلقة اً (مزعوراً) من (التوبيخ) الذي سيجده من (نافخ) ومؤتمرجيته في الخرطوم .
.. نهنئك علي محمود ، نهنئك (البوشي) ، نهنئ الثوار في جنوب كردفان
النظـــام سقــط ..
التحايا لك عائد عائد يااكتوبر عائد عائد ياابريل لن تحكمنا حكومة الجبهة الجاها الموت الجاها الويل ديل القتله ديل السفلة القتلوا ابواتنا في يوم العيد التحايا
الف حمدلله على السلامة يااسد البعث لقد عبرت عما بداخل ملايين الناس الذين قص الظلم السنتهم كلنت تاج قيم الرجولة التحية للوالدة التى انجبتك مع خالص التحايا من رفاقك فى تنظيمات امدرمان
الحمد لله رب العالمين بعوده البطل الشجاعة صانعة الشجاعة في زمن الفزع والخوف من ابالسة النظام السوداني الحالي والعقبال لشعب السوداني الفضل وصيتي انو هؤلا الحراميه لايجيدون سوي قهر الضعيف من الشعب اعلمو ان الذئب ياكل من الغنم الغاسية اهشدو و تيقنو ان الحرية له ثمن و ابتعدو من الجري ورا الحفنات والمحرمات لان اللزين لايعلمون كل لحم نبت من الحرام النار اولا به
نهنيك علي شجاعتك ونضالك ضد حكومة اللصوص القتلة مقتصبي الرجال والنساء وكنت اتمني ان تكون من حزب البعث السوداني ؟؟؟ حزب البعث العربي نشط في سوريا وفي طريقه للسقوط وفي العراق سقط مع صدام ؟؟؟ وليس له وجد يذكر في بقية الدول العربية ؟؟؟ ولا نريد ان نعلق علي توجههم الشوفيني العنصري لا ن ذلك لا يهمنا كما لا يهمهم السودان ومواطنيه؟؟؟ نحن نريد حزب سوداني يهتم بقضايا السودان المكون من عشرات القبائل والسحن واللغات ؟؟؟ كيف يقبلكم كحزب بعث عربي الهدندوة وهم ليسوا بعرب ؟؟ ونوبة الشمال وهم رطانة واللغة العربية عندهم مكتسبة ؟؟؟ وكيف يقبلك السودانيين من غرب السودان وغيرهم ؟؟؟ والثورة السودانية قادمة ان شاء الله لأنصاف كل مواطن سوداني علي أختلاف ديانته سحنته عنصره موقعه الجقرافي الخ
حمدلله على السلامة ياعريس الثورة القادمة وسحقا لحاج ماجد سوار الذي استخف بامجاد وبطولات الشعب السوداني ونسب الفضل في وجود وطن اسمه السودان لصعاليك الجبهة وكل التقدير والاحترام للاستاذ علي محمود الذي تبنى مشروع اسقاط النظام بكل الوسائل المتاحة دون اي مساومة او تفاوض .
صدقوني الزول دا ناس الأمن بلعوهو حبوب الهلوسه لحدي بقى يطربق في الكلام
(؟) (؟) (؟) (؟) (؟) (؟) (؟) (؟) (؟) (؟) (؟)
الف حمدا لله بالسلامة يا بطل ومبروك للحاجة وانشاء الله ما تشوفى شر فى ولدك .. وارجع لمطبلى النظام وابواقه كالهندى عز الدين كلماته : ( هو انتو كم ؟؟ وكيف ؟؟ و شنو ؟؟ بطلوا وهم ) فاكتوبر عائد برجاله الشرفاء كالبوشى وجيل ( الكى بورد ) .. ولا نامت اعين الجبناء .. :crazy:
ألف حمد الله على السلامة يا أول مطرة في خريف الثورة السودانية
مِنو الفي الدُنيا مافاكر شوارع الثوره جيابه
ومُجرّد فرض ياقاصر و إرادة الشعبِ غَلابه
إذا سديت دروب الارضِ وإنطامَن علي ابوابه
فكيف تضمن سماء الخرطوم سماها الماها كضابه
ان الانتفاضه في احلامكم فقد حاربتم سنينا عددا وفشلتم وحاورتم وفشلتم ولم تقدموا للسودان سوى الفلسه والوعود الكاذبه على الاقل الانقاذ فعلت مااستطاعت عليه والانتفاضه لن تقوم لان تجربتين اثبتت فشلكم وانكم غير قادرين على حماية انفسكم من العسكر وهذه الديقراطيه الت تتشدقون بها من اوهامكم ورؤسكم العاطله اذا كنتم ديمقراطيه فعلا انشروا الاراء المعارضه لفلسفتكم
لما الليل الظالم طوّل
وفجر النور من عينّا اتحول
قلنا نعيد الماضى الأول
ماضى جدودنا الهَزَمُوا الباغى
وهدّوا قلاع الظلم الطاغى.
$$$$
وفي ليله وكنا حُشود بِتصارع
عهد الظلم الشبَّ حواجز
شبَّ موانع
جانا هتاف من عِند الشارع
قسماً…قسماً
لن ننهار
طريق الثورة
هُدى الاحرار.
والشارع ثار
وغضب الامه اتمدد نار
والكل يا وطنى حشود ثوار
وهزمنا الليل
هزمنا الليل.
والنور فى الآخر طل الدار
والعزة اتهادت للأحرار.
&&&
وطنى أنحن سيوف امجادك
ونحن مواكب تفدى تُرابك
ولِسّه الشارع بِشهَد لينا
فى يوم الغضبه حصاد ماضينا
مشينا نَعَطّر حقل الثوره
بِدَم نَفْدِيها بلادنا الحره
وكان اكتوبر فجر الغضبه
كسرنا قيود الماضى الصَعَبه
لما مشينا مواكب صَامده
تهدر- وتغلى … وتهتف راعده:
الرصاص لن يفنينا.
الرصاص لن يفنينا
@@@
وسال الدم فى أرض الوادى
فَدينا النور بالروح يا بلادى
وكانت صفحة حكاها العالم
وفجر اكتوبر طَلّ وسَالَم
####
كان فى الجامعه موكب هادر
صمَّم يجلى الليل السّادر
وكان الليل السادر غادر
فجّر غدرو سموم دخان
ورُصاص من صوته صِحَا السودان
والشعب الثائر
صمّم هادر
يصرع ليلنا الداجى الطَّوَّل
وكان القرشى شهيدنا الاول
وما اتراجَعنا
حلفنا نقاوم ليلنا وسِرنَا
نذرنا الروح ومَسَكْنَا دَرِبنَا
للشمس النايرة قطعنا بحور
حلفنا نموت أو نلقى النور
وكان فى الخطوه بنلقى شهيد
بى دمه بِيِرسُم فجر العيد.
يا اكتوبر
أنِحْنا العِشنا ليالى زمان
فى قيود ومظالم وويل وهوان
كان فى صدورنا غضب بركان
وكنا بنقسم بالاوطان
نَسَطَّر اسمك يا سودان
بدمانا السّالت راويه الساحه.
وحلفنا نسير ما نْضوق الراحه
شهرنا سيوف عِصيانّا المدنى
وكانت وحدة صف يا وطني
إيد فى ايد حلفنا نقاوم
ما بنِترْاَجع وما بِنسَاوم
بينّا وبينك تار يا ظالم
خُطانا تسير فى درب النصر
هتافنا يدَوّى يهز القصر
كسرنا حواجز ..أزِلنا موانع
صفنا واحد
عامل.وطالب..زارع وصانع
وهزمنا الليل
هزمنا الليل
والنور فى الآخر طل الدار
والعِّزه اتهادت للأحرار
يا ساحة القصر..يا حقل النور
ويا واحهَ بتَحَضِن روح نَصّار
روينا ورودك دم ثوار
وشتَلنا فضاك هتاف أحرار
خَطّينا ترابك احرف نايره
بتحكى سطور ايامنا الثايره.
وشلنا الشهدا مشينا ونهتف
وجرح النار فى قلوبنا بينزف
سَجّينا الشُهدا وجينا نقاوم
ما بنِتراجع وما بِنساوم
@@@
وفجأه ونحن صفوف بتصمم
زغرد فجر الثوره الحالم
والنور فى الآخر طل الدار
والعزه اتهادت للأحرار
قسماً..قسماً يا اكتوبر
نحمى شعارك
ونجنى ثمارك
ونرفع راية الثوره الغاليه
عاليه ترفرف فوق الساريه
عليها شعار الثوره الأكبر
رسُمه النادر زاهى واخضر
ولِسّه بنقسم يا اكتوبر
لما يطل فى فجرنا ظالم
نحمى شعار الثوره نقاوم
نبقى صفوف تمتدّ وتهتفل
ما يعود الفجر الحالم يا اكتوبر
بس مشكلتك الوحيدة بعثيتك هذه والشعب السودانى لديه حاجز نفسى مع كل ماهو بعيد عن الدين(؟)
حاج ماجد سوار دا اثبت انو را شى باللهى ورونا تاريخو شنو الزول دا. ……. بس بعرف ينبز زي النسوان فقط ما عندو بوينت. ..قال تعليم و شوارع قال بهدلتو التعليم و شوارعكم بعد سنة واحدة عايزة اعادة رصف و بدتو المقاولة للمشاريع دى لى ناسكم الحرامية و لو عاويزين نديكم امثاة. ..و وينو القروش الشالوها ناسكم من البنوك و و ينو الاعتداء على المال العام و الاراضى و وينو زولكم الاطورط فىتبييض اموال الجنوب نسيب مساعد رئيس الجمهورية سويتو ليهو شنو و الاستيراء على القصر الرئاسىفى كافورى البحر و تسجيلو باسم مدامتو. داهيىة تاخدتكمياخى جننتونا
حمداً لله على السلامه…سير فى دربك الذى سلكته وكلنا خلفك…وقد دنت لحظة القصاص من عصابة المؤتمرجية الفاسده المتاسلمة….لكن التحية ولكل شرفاء وطنى.
ليه ما في واحد من حزب البعث السودانى؟؟!!! سؤال مهم بعد فراغ هذا المقعد منذ رحيل د. جون قرنق ديمابيور !!!!؟؟؟؟؟؟
العامل فيها ضبان ضكر ده منو
حمد الله على السلامة يا بوشي كما نهنئ الاستاذ علي محمود الذي كان ينضال في طرف آخر وهو من المنابر الذي اسقطت الأنظمة ومعلوم خطورة الإعلام وأنه أقوى سلاح : أولا نطلب من المعارضة استخدام قناة الجزيرة برجال محنكين ومفوهين وعلى درجة عالية من الثقة وإن كان جرائم النظام تلميذ في الابتدائية يقدر يتكلم فيه عشرة ساعات: علي محمود أدار الحوار بحنكة ولكن وقع في خطأ استراتيجي القراءة من الورق لدرجة مقدم البرنامج اتضايق منه وطلب منه وقف الخطب…. اصلا تصميم البرنامج الزمن بالثواني لذلك الكلام يعتمد على تركيز ذهني وبديهة في الرد مع المنطق المتدفق والقراة من الورق يعطل الذهن فعندما ترجع اليه مرة أخرى لا تجده لذلك من البداية اعتمد على راسك الكلام اللي قاله فيصل كله المفروض هو يقوله ولكن المقدم المحنك عندما وجده مشتت ويقرأ من الورق تولى هو الأمر ورشه بالكلام الحارق والحقيقة التي تؤلم النظام .. والملاحظة الأخيرة واللي ربك سترها نصرة للحق ان الخصم لم يكن من النوع الذي يقاطع الخصم الآخر وإلا لكان علي حسنين صمت طول مدة البرنامج لأنه أول ما يتكلم الخصم يتخدر ويسكت تماما وينتظر حتى ينهي حديثه مثل الاتحادي الآخر فاكرنه قبل كم سنة عمل فضيحة مع الخصم المصري جو سألونا في المكتب إنتو ما عندكم في السودان شخص يتكلم .. اخيرا استغلوا هذه القناة التي قلعت الظلمة وإياكم والقراءة من الورق .. وجرائم النظام لا يحتاج الى قلم ولا ورق
الله معك يابوشي وربنا يوفقك وكل ابناء الشعب الشرفاء امامك وليس خلفك الا ان يسقط هذا النظام الفاسد الجائر مصاصي دماء الشعب الغلبان وباذن واحد احد ذاهبون الي مذبلة التاريخ وسيحاكمون علي جرائمهم الشنيعه والفظيعه وقتلهم الناس دون وجه حق . قال تعالي في محكم تنزيله ( من قتل نفس بغير نفس فجزاءه جهنم خالدا فيها ابدا) صدق الله العظيم
حمدا لله علي السلامة…يا بطل.
يالعنة الدنيا..
ياسادة يا أسياد
ياذل النفوس في زمان الفساد الساد
يالعنة.. مكتوبة في جبين الشعب من دواية فيها مداد
مداد.. من دم الغلابة ..المقهورين.. بسطوة الجلاد
وعرش الظالمين..مهما طال زمانة جايهو يوم ينباد
سيرجع الأسياد.. سيذهب الأوغاد
مسكينة الأيام.. قد نحرت فى عنقها
مسكينه السنوات
مسكينة السيوف فى غمدها
وما كانت الأيام.. تحسب عمرها
ماكانت الشهور… تعرف عددها
ولا كانت السنوات تعرف أمدها
ها .. قد أتى زمن الرعاع..
وسالت انهر الدم مخلوطة بعرق الجياع
وقد شمر الأسى فى التياع
و نحرت.. أعناق..الرجال
أتت…اجيال.. محرومة الآمال
والنيل أتى بدل الخير بأكوام الر
الف حمد الله على السلامه المناضل بوشى الى الامام فالدرب طويل وربنا يكمل نضالك ويا رب تكون سبب اسقاط مملكه الانقاذ
حقيقه انت كتير علي هذا الشعب الذي ادمن السكوت والخوف والخنوع اذا في السودان أحرار كان يجب ان يخرجوا للشارع ولاكن الكل جبان وجيعان
أن : المدعو : محمد حسن عالم . لا يعرف يتكلم أو يعبر ….
وأن الصدفه خلقت منه زوووول .
مرتبك … ولا يجمع … وأشك في شئ تحذيره من قبل ناس الأمن …
هو بيقول ما عذبوه …ولا توجد غرف أشباح … وأن كانت هنالك أسئلة عاديه !!؟
طيب ماذا حصل في طيلة ال 22 يوم ؟؟؟
أرجو أن تكون شجاع …وواضح وصريح …. ماذا حصل ؟؟؟؟
عموماً إذا لم يكن هنالك تعذيب أو حاجات تانيه حامياني ….أو تصوير ….
بنشكر ناس الأمن ….
السؤال طيب ليه إنت مرتبك …وكلامك جايط وغير مرتب …بل بدأت تقول
أكتوبر … أكتوبر … وأنك كتبت بالزنزانه …..!!!؟؟
الصدق والوضوح جيد ….. وصراحة إذا أنت تناضل مع أجل حزب البعث أرجو أن
تهاجر العراق أو سوريا … أو أمشي لبنان بلد قائدكم : ميشيل عفلق …
نحن سودانيون ع السكين … وهدفنا مصلحة وراحة المواطن الغلبان ….
وتهمنا مصلحة الوطن …وتقدم السودان …وبنكره التصنيف العرقي …
بل بنكره الظلم والتجبر …. والتكبر بكل ألوانه …وبنكره كل حرامي ونصاب …
لو إنت معانا أنسي حاجه إسمها حزب البعث … وكدا تكون محترم ،،،،
**********************
كلمة لكل الاخوة والاخوات بالراكوبة وكل المنابر الحرة داخل وخارج الوطن
اذا اردت ان تطاع فلتطلب المستطاع،الاخ بوشي تم اعتقاله،بالله عليكم ماذا فعلنا نحنا غير الجبن ولا استثني نفسي منكم،الرجل وقف امام اوسخ شخصية عرفها السودان في تاريخه القديم والجديد،كان ممكن ان يكون حديث الاخ بوشي غير هذا الحديث لو اننا ساعة علمنا بنبأء اعتقاله، خرجنا بمظاهرة في كل مكان وعصيان مدني في كل بلادي الحبيبة،وخارج السودان وزلزنا الارض تحت اقدام النظام،لكن فقط اكتفينا بمخاطبة المنظمات الدولية وجمعيات حقوق الانسان وغيرها،اذا كان الاخ بوشي شعر ولو بذرة من الحراك الشعبي،صدقوني كان ممكن ان يكون حديثه غير، بالمقابل النظام يعرف جيدا ان اي حركة هوجاء منه في هذا الوقت تعني زواله،هم يعرفون هذا الشي ويحسبون له الف حساب لذلك انا اصدق الاخ بوشي فيما ذهب اليه رغم الفقرة التي اوردتها اعلاه،بوشي وحيد امه لماذا بالمقابل نطلب منه اكثر من المستطاع الرجل عمل ما يستطيع وانا لا الومه الان حتى لو عقد النظام معه صفقة كما تقولون الدور والباقي علينا نحنا ماذا فعلنا،امس في برنامح الاتجاه المعاكس اتيحت لنا فرصة بعد غيبة طويلة بالله عليكم ماذ فعلنا اتينا بعلي محمد حسنين،والله ندمت اشد الندم لمشاهدة الحلقة بالله عليك نظام جاسم على ظهورنا كل هذه الفترة،هل نحتاج الى محاضرة لتعريفنا ماذ فعل هذا النظام والمصيبة الاكبر احضر معه اوراق وراح يقلب فيها تارة وتارة ينظر اليها من خلف نظارته،في برنامج زمنه محدود ومحسوب بالثانية ويعتمد على سرعة البديهة والحجة والرد على الخصم في ايجاز وقول المفيد ،لدرجة اني شعرت ان دكتور فيصل ندم على استضافة على حسنين،وقد حاول مقدم البرنامج اثارة النقاط بنفسه ولكن لا حياة لمن تنادي،راعي الضان في الخلأ يعرف ان اهل الانقاذ لا يطيقون الاستماع للطرف الاخر الا من منطق القوة هكذا علمهم كبيرهم سواء كانو في الحكم او خارجه،والله لا اعرف كيف يدافع علىمحمد حسنين عن مؤكليه اذا كان الرجل فيه كل هذه السلبية وابشركم ان السودان اذا حصلت فيه ثورة ومالت دفة الحكم لامثال المحامي علي حسنين سوف نكون موعودون بعسكري اخر على ظهر دبابة يحكم الى يوم الدين اذا كان هم هولاء هم ساستنا الذين لا يجيدون اي شي غير الكلام ويبحثون عن شي اكل عليه الدهر وشرب