خطيب المسجد الكبير: الشباب يعاني من الفراغ والبيوت مليانة أغاني وواتساب

اصبح بيت الله الكبير وكر لافاعي المؤتمر يفح كل ثعبان بالتناوب فيهم فحيحهم مره ف ستات الشاي ومره ف الشباب وكمان شملت البيوت حتي بيتة وبيت رزق المعتوه والافعي لا تسمع ولا تشاهد ما يجري ف الغابة من تجريف وحرق وقطع جائر داهية تاخدك الاغاني والونسات ف الواتساب افضل من خطبك والصلاة خلفك ي فاقدي شروط الامامة طظ فيكم

احنا ما عارفين الجماعة ديل دواعش ولا مجرد ضلالية مستهبلين بستعرضوا فى المنابر, شابكننا واتساب وأغانى وما شغالين بألجوع والمرض وتردى أحوال الحياة لكل الناس,لعنة الله عليكم يا منافقين.

يا الإسمك (علي الله) إتوكّل علي الله وإشتغل رقاصة!! .. تلفزيزنات حكومتك من القومية للنيل الأزرق مروراً بأنغام والشروق والخرطوم وإنتهاءاً بالقنوات الخاصة أم درمان وقوون كلها شغاله غناء صيفاً وشتاءاً ، وليلاً ونهاراً .. لماذا لا تجروء على إنتقادها وتقفز نحو الواتساب المسكين و(الحيطة القصيرة) .. يا علي الله:عينك في العين وتطعن في ضلو .. يبدو إنو عينك مكسورة وإمعاؤك تعشق العجورة!!.

طبعا كلكم حتطلعوه ضلالى وماعندو موضوع , البلد جيعانه والحراميه مالين البلد وهلم جرا

كلام الامام صحيح وهذه هى الحقيقه المره ,, كلكم ماعندكم شىء غير الغناء ,, إبتعدتم عن كلام الله ,, إذا قرىء القرآن ,, لايؤثر فيكم ,, أما إذا غنت أى مغنيه ,, هببتم إلى الرقص والنطيط ,, هذه حالكم رغم الجوع والمعاناة ,, ترتم طريق الله ,, وإن الله لايغير ما بقوم حتى يغيروا ما بأنفسهم
إتقوا الله يجعل لكم مخرجا , وعليكم بالقرآن وأتركوا الاغانى والكلام الفارغ , تحل كل مشاكلكم ,, أَلاَ بِذِكْرِ اللَّهِ تَطْمَئِنُّ الْقُلُوبُ

طيب ماتشوف نواب برلمانكم الذى ترجى رئيسه الفاتح عز الدين النواب واستسمحهم عدم الانشغال بـ(الواتساب) حتى لا تلتقطهم أعين الصحف. هكذا قال رئيس البرلمان للنواب، دون أن يقدّم أياً منهم للتحقيق ..
ف لا تنه عن خلق وتأتى بمثله , عار عليك إذا فعلت عظيم ..

يا خطيب يا متدين انت اسع أدخلت النميمية و القطيعة و الواتساب في المسجد على المنبر مباشرة / خلاص نسيت الدين بديت واتساب؟
انتو يا الأئمة بتتلصصو علي البيت و الشباب لي شنو؟