الخرطوم : الراكوبة
تفيد متابعات (الراكوبة) أن مجلس إدارة نادي المريخ شرع في خيارات جديدة لاختيار ملعب يستضيف مباريات مرحلة مجموعات أبطال أفريقيا.
وتسلم الأحمر رسمياً ظهر اليوم (الأربعاء)، خطاب من إدارة الهلال أعلنت خلاله رفضها لاستقبال الجوهرة الزرقاء لمواجهات الأحمر.
وأعاد الأزرق مبلغ (60) ألف دولار إلى حساب المريخ عبارة عن استحقاق مباريات الزمالك المصري والترجي التونسي وشباب بلوزداد الجزائري بجانب تمارين الفرق الثلاثة.
ويفاضل الأحمر بين إثيوبيا وتنزانيا وجوبا لاختيار الملعب الجديد ومن ثم مخاطبة الاتحاد الأفريقي لكرة القدم (كاف).
يا جماعة انا ما عارف البيحصل ده شنو… المريخ في السودان ده كلو ما لاقي ملعب يلعب فيه وعايز يمشي اثيوبيا او تنزانيا او جنوب السودان .. بس فهمونا حصل شنو لاستاد المريخ واستاد الخرطوم .. معقول الفريق مفلس للدرجه دي .. طيب خلاص ينزل الدرجة الثانية ويريح من المساسكه دي وضيع الفلوس على الفاضي .. اريتو كان بحقق انجاز وحتي الهلال ذاتو كلام فاضي .. يلا بلا لمه ومضيعه وقت قوموا اقعدوا واتبركوا مع ستات الشاي وانسوا الكوره دي.
البيحصل ده عيب استاد ماعندكم الجابركم شنو على اللعب ماتعتذروا وانسحبوا من البطولة لحدي ماتظبوا الحفرة بتاعتكم فعلا انهيار في كل شي حتى الفريق منهار والكورة في البلد انتهت نهاية بطل