تفاصيل جديدة حول سقوط جسم غريب بالخرطوم

السؤال الجسم لقوهو وما عرفوهو عشان كدة سموهو غريب وللا ما اتلقي اساسا؟

لا حول ولا قوة الا بالله اللهم لا اعتراض في حكمك …
بالله عليكم وافونا بالتفاصيل

يمكن يكون كوز كبير مغضوب عليه شاتوه من القصر وتفرقعت كرشه وسط الحي

صاروخ
ما هو الان هنالك بعض المواطنين المتفلتين يمتلكون اسلحة ثقيلة بما فيها صواريخ
لا امن – لا سلام — لا طمانينة
الحكومة غايبة وفي نوم عميق
الفوضى تضرب باطنابها في العاصمة ولا احد يحرك ساكن ………

وين الجسم الغريب شكلو كيف

اين الادله الجنائيه واين المباحث المركزيه واين النظام العام هههههه ديل كان ستات شاي وعرقي ولا داخلية طالبات كان عينك ما تشوف الي النور وبيانات وزارة الداخليه تضارب من امثال بعد متابعات دقيقه ومصادر مطلعه واستخدام تكنلوجيه متقدمه وبمجهود سوداني خالص هههههه

الشفاء العاجل للمصابين*****الجسم الغريب **نتيجة حوار النطة ***

يعني الجسم الغريب حايكون اغرب من الاجسام الهبطت على السودان ومازالت تتهابط منذ 06/30/1989 اتحملتوا البلوى الكبرى غالباكم تتحملوا دي والمؤمن مصاب

هو يا كافى البلاء … ما سمعنا فى العالم كله مثل هذا الكلام المبهم ايه جسم غريب .. كلام شرامة ويجعلنا مضحكة امام العالم .. وزى علق بعض الاخوان قالوا يمكن يكون زلزال يعنى زلزال مفصل على قدر هذا المنزل .. لحظة وقوع هذا الجسم ممكن نقول مجهول لكن ساعة ساعتين يفترض ان المعلومة تملك للمواطنين ذ

نشكيك لي منو يا بشه حرمتنا من تنظير عبد الرحيم محمد حسين كان ممكن يدينا تحليل للحصل ده بدقه وشفافيه…

هذه رسالة لاصحاب المنزل بصورة للباقين والله يستر ويصلح حال السودانين

هذا صاروخ، فالجسم الغريب سقط في السودان عام 1989م والنيران مازالت مشتعلة.

هنالك احتمالان، الاحتمال الاول قد يكون رجم من رجوم الشياطين، فأصبح الشياطين في السودان يرجمون بعضهم بعضا، لضيق المعيشه. والاحتمال الثاني ،تتعلق بمهنه هؤلاء الشياطين لإجراء التجارب بالمواد المتفجره، استعدادا لهجوم الملائكه قريبا.وعليه انبه كل الملائكه بأن يحزروا من تجارب الشياطين هذه، لأنها ستؤدي الي التهلكه، هذه هي اخلاقيات الشياطين.

احتمال كبير يكون نيزك او بقايا منه وفي احتمال اخر انو يكون قصف جوي مركز من قبل العدو الصهيوني ولانامت اعين الجبناء هي لله هي لله لاللسلطة ولا لي الباسطة واحتمال يكون واحد من سكان البيت مخزن قنابل احتمال الله اعلم عموما برضو نقول هي لله هي لله لاللسلطة ولا للباسطة بالله دي بلد يااخوانا والله السودان ده فيهو تخلف عجيب بلد مافي زول عارف حاجة والسلطات بين قوسين المختصة او المعتقد انها مختصة ماعارفة اي حاجة بلد هملة

خبر عاجل
حسب الناطق الرسمي الجديد بأن الجسم الغريب هو طائرة تجسس بلا طيار اسرائيلية اسقطت وسوف يتم نشر الحقائق والتفاصيل لاحقاً في نشرة العاشرة مساءً

ياحليللك ياصوارمي

بعض المصادر أكدت أن الجسم له شلاليف كبيره وعيون تشبه عيون بشه وعنده زيل طويل ونخره ،أما الكرعين مكعوجات ، غايتو الله يستر إحتمال أبو شلاليف قام بعاتى

عليكم الله هسه كضب كمال عمر البنفخنا بهو من بدا الحوار مش بفجر بلد بحالو ؟
يعنى ناس المؤتمر الشعبي لمتين قايلين الناس غفلانه من كضبم ؟ الناس عارفه المنسلخين من الحركات المسلحة المشى كمال عمر جابم من تشاد هم جماعتم الكانو في الحركات ومشو سلخوهم عشان يضغطو على الجبهة الثورية ويفركشوها بعد رفضت الحوار

قلنا ليكم في ناس ما عنهم أي علاقة بالصحافة يعني الراجل كاتب الخبر لا نشر صورة للجسم الغريب ولا وصفه بالكلمات ولا قابل السلطات ليجمع معلومات حوله ، ولا الجسم الآن وين ؟ ولا هو شنو؟ ولا أي حاجة . مما يفتح ملايين الاحتمالات يشغل بها فكرنا ونحن ما فاضيين لمثل هذا

يمكن يكون دا الفنان طة سليمان. .

لم أقرأ تعليقآ واحدآ مسئولآ. و لم أقرأ إفادة من الدفاع المدني حول هذا الحادث.
كان يبغي علي الجهة المختصة إفادة المواطنين و تمليكهم الحقيقة,اللهم إلا إذا كان هناك شئي غير عادي حدث.
منذ ثلاثة سنين أو نحو ذلك إنهارت بئر السايفون في أم درمان و قتلت إثنين من سكان منزل.لم يتم إخراج الجثث إلا بعد أن تعفنت.كان هذا الحدث فضيحة كشفت بدائية و عفوية العمل الإداري و التفيذي في البلد.
لا نعرف شيئآ عن غدارة المخاطر و حكايتنا (رزق اليوم باليوم).
ربما تحدث كوارث في المستقبل لا قدر الله.ماذا سنعمل.
و السؤال : هل سيتم تعويض صاحب البيت عن هذا الضرر إن تم بفعل فاعل,أم سبيت في العراء؟

من نقل الخبر جريدة اوسبق صحفى ولا وزارة الداخلية ولا شمشرة ساكت ومنو النشر صورة الخراب بلد غاب مسئوليها فغابت فيها الحقايق يللا مساحة للتامل والتحليل اهو تسلية وكلمات متقاطعة مساحةللتاليف والعصف الذهنى والقصص القصيرة وملهاة للناس وانصرافية وهكذا يضيع الجهد والزمن الغالى والطاقة الذهنية فى فراغ الفارغ فنتخلف .رحم الله الشعب السودانى فهو ميت حى,.,.

في البلد دي مابتظهر الحقيقة الا بعد ان يتكرر الحدث . يعني ننتظر انفجار تاني ولا شنو؟ ،والداير معلومات عن قوة صوت الانفجار او الشظايا التي بلغت عنان السما يسال اللعيبة الكان بتمرنوا في الميادين المحيطة والقريبة من مركز صحي سمير.(شاهد على الحدث) عموما ماتستعجلوا. البندسا الليلة بتعرف بكره.

وين التفاصيل الجديده طيب؟؟؟؟؟؟دى الصور يعنى؟طيب ماتقول صور جديده!!!!انتو اللغه برضو اتغيرت؟؟؟؟؟

ما معقول يا جماعه الما عارف الاجابه مايرفع يده

يمكن هجوم من داعش والاالدوله اللااسلاميه..عندي صديقه جات من القاهره قبل اسبوعين قالت كان معاهم في الطياره اجانب اصحاب دقون وشكلهم يخوف نزلو الخرطوم..يكون دي تجربه لجس نبض الامن السوداني لبدايه انشطتهم الارهابيه؟؟؟الله يستر