احمد هارون يوجه بإدخال الحاسوب ضمن مناهج طلاب الأساس بالولاية
الأبيض :منال يوسف بشير
رفعت ولاية شمال كردفان وعبر قادة التعليم لدى زيارة الوالى للوزارة عن قبول التحدى للنهوض بالتعليم بالولاية من جهته نفى مولانا احمد هارون والى شمال كردفان ان يكون تعين الاستاذ اسماعيل مكى اسماعيل وزير التربية والتوجيه وليد صدفة ،واضاف هارون عند مخاطبته قادة التعليم بالولاية ان جميع المعلمين والمعلمات لدينا سواسية لاحزبية ولاجهوية والبقاء للكفاءة والاجدر واصفا المعلمين بملح الارض ورسل البشرية وصناع الابطال والعلماء وتعهد هارون بالعمل على تحسين البئية المدرسية رافعا شعار العام 2015م شمال كردفان خالية من المدارس القشية وانتهاء عهدها تماما .. وطالب الوالي ادارة التعليم بضرورة ادخال منهج مادة الحاسوب إبتدأً من مرحلة الاساس بدلا عن الثانوى.إسماعيل مكى وزير التربية عبر عن سعادتهم باهتمام وثقة الوالى،موضحا بانهم قدر التحدى وفي ذات الجانب وبمسرح عروس الرمال كرمت حكومة الولاية بعثتها المدرسية المتفوقة بالدمازين حيث تم منح كل طالب مبلغ 250 جنيه وطالب الوالى الطلاب بالتفوق فى امتحانات الشهادة واعدا بحوافز مميزة للطلاب واسرهم والمعلمين وادارات المدارس .
اخر لحظة
******** و الله يا سفاح شكلك حتدخل لتلاميذ الاساس كلاشات و جنجويد ********** اول حاجة دخل موية شراب للمدارس و الحواسيب خليها براحة ********
تانى عايزين شنو؟؟يعنى انتو افضل حالا مش من بقية ولايات السودان فحسب وانما من اغلب الدول العربية من حيث المعيشة والرفاهية
This guy must be crazy. The picture above tells it all. Look at the class itself, it is partially built from Mahareab straws and the blackboard is like a garbage. What kind of computer you want to operate in this environment. There is no electric power and no supporting environment for computers in an environment that has been completely destroyed by Basheer and his servants like Haroon. The parents of these poor kids are the producers of Arabic gum, hibiscus and the animal wealth that this junta is profiting from. Enough lying, Haroon, go to ICC or go to hell!
بالله يا ناس شوفوا الكذب دا !!!!! شوفوا المدارس وبنياتها الاساسيه وقال إدخال الحاسوب والله دا والي ودغلفه.
عريان من …… ولابسلو سديرى
يا سعادة الوالي الهمام
اولاً: ده ما شغلك؟!! عندك وزير تربية ولائي وعندك وزير تربية اتحادي؟؟؟! انت الدخلك شنو؟ يعني الواحد فيكم ما ممكن يشتغل في صمت جميل ومهذب
ثانياً: نسى الوالي لانو دي اصلا ما شغلتو!!! انو في التعليم في شئ اسمو المساواة وهي انو الكتاب والكراسات والادوات التي يستخدمها الطالب في الخرطوم يستخدمها الطالب في اي مكان في السودان يعني في اصغر قرية على الحدود مع تشاد واثويبا على سبيل المثال وهذه مفتقدة بشدة في السودان!!! ومن هنا ندرك غباء التصريح ده!!!! وده معناه بعد ما تنزل في مطار الخرطوم الحاويات محملة بالالاف الاجهزة وترسل لجميع الولايات حتي تجي مرحلة التصريح…..
اتمنى اتمنى قبل ما اموت اشوف انو في مسئول سوداني يعمل وينجز وبعدين يتحدث عن الانجاز بعد ان يؤتي ثماره وتظهر فائدته للعيان!!! وخلينا من النفخة الكذابة دي…. بعدين عاوز اسال الحاشية والبطانة الماشه مع الوالي ده بتكتب الوعود ده وتدونها عشان تراجعها مع الوالي بعد المقابلة ؟؟ والوالي نفسه بيهتم بذلك التدوين ام لا؟؟؟؟ يا خي لو الجماعة ديل كانو بيكتبو وعودهم للشعب ويراجعوا التي نفذت والتي لم تنفذ لوجدوا التي لم تنفذ كافية لاحراق ولاية الخرطوم بكاملها!!!
ودمتم
ياشيخنا هارون … البنية التحية للمدارس محتاجة لإغاثة وإغاثة عاجلة جداً جداً جداً …
وإنت بطالب ادارة التعليم بضرورة ادخال منهج مادة الحاسوب إبتدأً من مرحلة الاساس بدلا عن الثانوي !!!!
عجبي على المسئولين في بلدي الحبيب !!!!!!!!!!!!!
يعني بدون مآخذة … بطالب بالبردعة قبل ما يجيب الحمار !!!!!!!!!!!!
ياخي دخلهم وجبة خليهم يقدروا يفتحوا عيونهم في الأول وسيبوا الفشخرة !!
ود أب زهانه يتغذي في أجعص وأغلى مطعم في المدينه وعند المبيت تجده مبيت أمام الجامع !!!!!
الانجليز ربنا يطراهم بالخير بنوا في شمال كردفان شوية مدارس بالحجر لليوم موجودة وباقي المدارس اللي اتبنت بعدهم معظمها من القش