موظف رفيع يختلس 350 ألف جنيه من سودانير

ده ماشي بالمثل البقول دار جدك لو خربت شيل ليك منها عود لكن ده الظاهر شال العيدان كلها علي قول عمنا الفاتح جبرا اخبار خط هيثرو شنو.

ليس غريبا علي سودانير هذا السلوك لكن اظن وايقن ان الموظف بنسبة كبيرة ليس من قرايب التيس البشير لانه اذا كان من اقرابه لما فتحت لجنة تحقيق .وهل الفساد في سودانير وحدهااين المغتربين والحج والعمرة والداخلية المرتشية وبؤر الفساد والرشوة ولجنة اختيار الخدمة وحتي المؤسسة العسكرية التي اصبحت غير وطنية وبنك ام درمان اللاوطني اذهبوا عنا لعنكم الله وكل من وقف معكم من المأجورين واتي يومكم لا محال نرجو النشر السريع وعدم الابطاء بحجة المراجعة ياخي عينوا ليكم زول للابديت بسرعة بدل البهدلة دي

ما فى حل لاصلاح حال سودانير و انقاذها من النهب و اللقف الا ببيعها للقطاع الخاص بشرط أن يكون قطاع خاص سودانى لاخراجها من الفوضى التامة التى تعيش فيها و الخسائر الفادحة بسبب الفساد المستشري فى جميع مفاصلها من قمة رأسها الى أخمص قدميها، سودانير سمعتها طين، لا تحترم مواعيد و لا تتقيد بها حتى سموها “ستهم” تطير وقتما تشاء و تهبط وقتما تشاء لا يهمها مواعيد و لا تتقيد بزمن، و حتى يمكن أن لا تأتى خالص، و ياما مقلبت الركاب المساكين الذين لا يهتم بهم أحد و لا يحصلوا على اعتذار حتى و لا يوجد من تشتكى اليه الا الله، و يمكن عادي أن يتم منح حجزك المؤكد سلفا لأحد المحاسيب أو الأصدقاء بكل بساطة و اذا أحتجيت فأنت فقط تضيع زمنك فى الاحتجاج فلا يوجد من يسمعك و لا من يتعاطف مع الظلم الذي لحق بك، يا جماعة ما فى شركة طيران فى العالم كله سمعتها أسوأ من السوء الا سودانير، لا يوجد مسئول يتحرك لتصحيح الوضع ، شيئ يحير، لا أحد يستجيب لا احد يبالى فى الدولة بوضع سودانير، لا أدري الى متي يستمر هذا الوضع؟ شكلها حتلحق السكة حديد التى كانت مفخرة للسودان بدقة مواعيدها و انتظام رحلاتها، و الآن انتهت و أصبحت أطلال يا للأسف. الي متى تظل حكومة المؤتمر الوطنى فى سباتها العميق و غيبوبتها الدائمة الا اذا تعلق الأمر بكراسي الحكم فهى صاحية يقظة و جاهزة للقمع و ابادة الشعب اذا احتج على الأوضاع المزرية.

حظو عاثر الجماعه قبلو بلعوا خط هيثرو بطوله ,لسه لافين احرار وهو المسكين بس لاغف ليهو كلها(350 او530 الف )يمسكوه ؟!

المبلغ ده ماكان تم به صيانة الطايرات المطلة كل يوم وتاخير لسفريات معنته مشاكل
سودانير ده كله من السرقه اخخخخخخخخخ

نعيد ونكرر عدم فتح ملفات الفساد يعني المزيد والمزيد من الفساد.

مجلس التحقيق ماعندو ذوق حقو يديهو فترة كافية حتي يختلس مبلغ أكبر يعيد منه مبلغ ال 350 مليون جنيه، وبعدين دي مبلغ عاملين ليهو قومة وقعدة، المسكين تلقاهو مزنوق في تشطيب عمارة ولا مرتو ياحرام تكون دايراه عفش جديد من ماليزيا بيكلف الشئ الفلاني، عموما نحن من جانبنا بنساهم لو عملتو ليهو كشف، ومن هنا ادعو رواد الراكوبة بالمساهمة في كشف المسئول الكبير في سودانير الذي اختلس فقط 350 مليون، ونعلن هنا للسادة في مفوضية الفساد بأننا رواد الراكوبة مستعدين في المساهمة في حل اعسار المفسدين وكما يقول السوريين ماتاكلوا هم، انتو بس اقبضوا عليهم (المفسدين) ونحن عامة الشعب سنسدد عنهم كما ظلننا دوما.

يا ربى لقى ليهو بيت جاهز وعشان يرضى المراة قام تلب

رشاوي وبلاوي واختلاسات ماأنزل الله بها من سلطان

كان دفعتوا قروش مطار دبي بدل الفضيح و السرقة ههههههههه

بكرة نراه سفيرا في دولة ما، طبعا يا جماعة هي لله.

الزول ده يا أخوانا اعترف بجريمته وسرقته ل 350 مليون ,, السؤال هنا للبشير , هل سوف يطبق فيه شرع الله ؟؟ كما طبقها في البنت الضعيفة من قبل (بالجلد) وقال نحن طبقنا فيها الشريعة ,,,,
سعادة الحاكم عمر ,, راجع سيرة الحاكم عمر ,,

المثل السودانى بقول دار ابوك كان خربت شيل ليك منها عود الزول دة يا جماعة شاف الرئيس جاء للحكم مفلس والان عندو مزارع وشقق وعمارات ومسجد لرحمة الوالد وكل كوز يقرف من النقاطة القاعد فيها زي جماعة الاقطان والاسمدة الفاسدة وشركة عارف وخط هيثرو والحج والعمرة وديوان الزكاة وعمارات الرباط وسد مروى ومشروع الجزيرة واليخت الرئاسى والله يدى وجعتنى

كلام عجيب ،، كلام غريب ،،، حيرتونا معأكم يا ناس أدونا معأكم فرصة ،، بتلقوا الفرص دي كيف ،،، أنا شايف أي واحد لو لقي فرصة ما أضيعها أشيل حقو طوالي ،،، انا شخصيا” لو أتيحت لى فرصة فيهم بغتنمها ،،