الباب يفوت سيدا ..!!

ياخى اشطبوه واسحبو منة الجنسية السودانية وسفرو بلدو اريترياء وريحو الناس منو هو ماعندو اى كورة

انت اصلا غلطان من ساسك لراسك-مافى مقارنه بين سيدا العطاء والغيره واللعب النظيف والاخلاق والفن وحب الهلال وياريت كل لعيبه السودان زى سيدا -المفروض ماتقارن بين لاعب بقامه سيدا ورؤساء الاحزاب اعلاه لان السياسين ماقدمو 1%من عطاء سيدا داخل الميدان -ياريتك تفهم

كاتب المقال والمعلقين عليه ليس لديكم خلفيةعن حقيقة الصراع واصل النزاع وكل ذلك يدل دلالة واضحة علي ان مجلس الادارة في غاية الضعف والهوان لان المنطق يقول ان هيثم اذااخطأ كان علي مجلس الادارة ان يكون له لجنة تحقيق لسبر اغوار المشكلة علي ان لا يخرج ذلك للاعلام وهو شان داخلي ولكن في هذه الحالة فان الاعلام ضخم وعقد الموضوع واصبح كل شخص يتناول المسألة بحسب علاقته بهيثم او الادارة واخوانا في العرضة جنوب يفرحهم ذهاب هيثم لانه افضل صانع العاب سوداني علي مر التاريخ ولاجدال في ذلك وقدم الكثير للمنتخب والهلال ولماذا اتضح ان هيثم بهذا السوء خلال عهد هذا اللمبي فقط وقد مرت علي ادارةالهلال عدد من الادارات ولكن كما ذكرت كل ذلك يدل علي ضعف الادارة وقلة حيلتها الم يوقف الارباب قبل ذلك المعز وريتشارد قبل ذلك ولم يستطيع الاعلام مداولة الموضوع لانه خرج للاعلام محسوما عليه يتضح ان الادارة لم تتعلمل مع الموضوع بحكمة لانها للاسف تتكون من العاطلين عن الموهبة واشباه الرجال ولاحول ولا قوة الابالله

يا ابو اريج عطرك الله باريج الجنة.. بالنسبة لتناول الكاتب لموضوع هيثم اولا انا لست ضد تناول موضوع هيثم و لكن ضد تناول هذا الصحفي الكيزاني لموضوع هيثم لانو استخذه ستار لتوصيل فكرة معينة و ثانيا الزول ده ما صحفي رياضي وليس ملم بقضية هيثم ثالثا هل يرضيك مقارنة هيثم بامثال المتعافي و غيره يا اخي اذا اكان الصحفي عايز ليه مدخل لموضوع معين ما في داعي يدخل بموضوع ما يعرف عنه غير الخطوط العريضة دون التفاصيل و لك ودي

دفاعا عن هيثم مصطفى
لك الحق يا سيد ع ظ بان تدلو بدلوك فى أمر هيثم و لكن كان الأجدر بك أن تقرأ التأريخ جيدا قبل البدء فى الكتابة و تلك آفة الغالب الأعم من صحافيونا. إذا قرأت التأريخ لعرفت أولا السبب فى استخدامك للقب (سيدا) و هو لقب لم يطلق من قبل على لاعب فى تأريخ السودان و لم يطلقه هيثم على نفسه بل أطلقه عليه شعب الهلال المعلم لم امتاز به من فنون كروية فائقة و امتاع يطربنا لحد الجنون ، ثم أطلقنا عليه لقب (البرنس) و هو أيضا لم يسبقه عليه أحد ، ثم أختير سفيرا للنوايا الحسنة ليس مجاملة له بل لأدواره الكبيرة فى خدمة المجتمع و الشعب الهلالى المعلم.
إذا كنت تطالبه بالترجل الآن فهو أدرى منك بمتى يترجل و الكشف الهلالى به 25 لاعبا فلماذا يترجل سيدا و هو فى قمة عطائه و هناك أشباه المواهب لا زال يحتفى بها و ي(عجب) بها؟
أبعدوا عن هيثم البرنس سيدا و تأكدوا أننا شعب هلالى لا نعرف النكران و أساليب الكيزان فلا يزال الهلال عظيما بموروثاته و ديمقراطيته و شعبه المعلم يمثل الحلقة الوحيدة المضيئة وسط عهد الظلام الكيزانى الذى لا يعرف سوى لغة (الفلوس الفلوس كل شئ يجى بالفلوس)

ياحلوين ,,.هيثم دا سودانى اصيل متمسك بعادات وتقاليد بلدنا دى , ليه دايرين تجبروه للتخلى عنها هل هو الوحيد ( المكنكش ) ماكلهم كدا ,,, اصلهم اتعودوا على الشلوت ………………………

احذروالوالي الغواصة الصفيرابي المندس سوف يفعلهافي معركة الجمعة بعدان سمح للاعبين بالراحة حتي يجدالعذرعند الهزيمة واشاع جومن التراخي قبل معركة الحسم بتحريك ادواته لاعبيه المتخاذلين (الباشا السعودي نجم الدين مصعب الشغيل ) بارتكاب اخطاء مؤثرة وعلي الجماهير ان تملأالاستادمبكرا وتراقب اداء هؤلاءوتحذيرهم من اي تراخي اوتخاذل او ارتكاب اخطاء مؤثرة والا فحسمهم داخل الميدان فقد حاول السعودي العميل ارتكاب ركلة جزائ لمصلحة الهلال وزجره باسكال وتعمدقلق الطرد رغم دموع الكذب وتخاذل البقية ولكن الله لطف
فهولاءهم ادوات الوالي لتنفيذ مخططاته القميئة في المريخ
وعلي جبرة ان يديهم العين الحمراءاوان لايدعهم كلهم في التشكيلة لانهم يعني الهزيمة لامحالة
وعلي جماهيرالمريخ في العاصمة والولايات معركة الجمعة هي معركتكم فاحتلو الاستاد مبكرا واحذروا الوالي ولاعبيه واهتفوا بذهابه قبل ان يلدغكم فانه ثعبان

مقارنه غريبه بين هيثم مصطفى البرنس وديناصورات الأحزاب السياسيه !! سيدا هو حبيب الجمهور الهلالى والمسيرات التى ذكرتها خرجت بصوره عفويه ولم يسيرها سيدا ولم يحرض شخص أو جماعه على خروجها هيثم مصطفى إستمد مكانته من عطاءه وإخلاصه وولائه للنادى خلال 17 عاماً من الخدمه الطويله الممتازه وهو لايملك السلطه ولا المال ليغرى أحد بالوقوف خلفه والدفاع عنه ولكنه يملك حبا غير مشروط ومبادله للوفاء من جمهور هلال الملايين أرجوك دعك فى مقالاتك السياسيه الخائبه ولاتتحدث فيما ليس لك به علم كى لاتسمع مالايرضيك !!!!!

سيدا وسيدا وسيد امها وابوها والماعاجبوا من الاداره يحرك الموضوع دا اكتر من كدا شان يشوف قدر شنو سيدا دا غالى اهل الهلال (فقط للهلالاب وليس المتحشرين فيما لايعنيهم)

مقال أكثر من رائـــع وأي واحد علق ويساند هيثم دا يكون مشجع ساكت ما بفهم في الكورةأي حاجة.
خلونا من العواطف وهيثم دا إنتهي قبل خمسة سنوات ..المجاملات بتاعت السودانيين هي الخلتو قاعد حتي الأن .. يجب أن يشطب اليوم قبل بكرة .. خلونا بلا بطيخ معاكم.

نرجو من كاتب المقال الاعتذار لان هؤلاء السياسيين ما بسوا شعرة ولا ب حصلوا ضفر سيدا فهم لم يجلبوا للشعب السوداني سوى الغم والهم والفقر بينما اسعد سيدا ولايزال يسعد ليس الهلالاب فقط بل كل الشعب السودانى.

بالله عليكم الله انتوا ما فارغين وواهمين نفسكم برنس شنو وكورة سودانيه شنو ياخي والله الواحد لمن يشوف ليهو ماتش كوره سوداني بطنو بتطم يا جماعة والله دي جريمة انوا نسميها كورة البعملوا فيها دي وخصوصا بعد مشاهدة كورة في الدوري الاسباني او الانجليزي او حتي السعودي باي ذا وي .انا كنت هلالابي وعلي السكين البرنس مع احترامنا ليهو ولما قدموا للهلال وبقي يا دنيا ما فيكي الا انا. يامر وينهي ويسب ويسجل ويشطب كما يحلوا له معقولة دي يا اخوانا البرنس عمروا كم وتلاتين سنة بيعمل في النادي وفي ادارته كده يعني لو كان عمروا 22 سنه كان عمل شنو!!! علما بان هذه هي سنوات العطاء الكروي , كم وتلاتين سنه يعني عمروا الكروي خلاص انتهي يعني بمعني تاني البرنس لو احترم نفسوا وبطل الطنقعه البسوي فيها دي فنادي الهلال دائما حايكون فاتح مفتوح ليهو اما اذا استمر في حركاتوا دي يمشي غير ماسوف عليه والهلال العمل البرنس ما البرنس هو العمل الهلال يمشي وصدقوني حا يعمل برنس تاني وبس وهو زاتوا لو عندو راس مفروض يخلي الشغله دي ويمشي بسمعتوا اخير من ما يجدعوهوا الجماهير بالحجار .خلونا بالله بلا سيدا بلا هبل هو اصلوا غيركم ياربش ما في واحد خلاهوا يطلع في الراس

قبل عام من الان كنت اقول لبعض اصدقائى الذين كنا نشاهد مباراة الهلا ل اذا كانت فى الدورى الممتاز اوالمنافسات الافريقية بان الهلال لاعب ناقص لاعب فيردوا على بان الفريق لم يطرد احد فكيف يكون ناقص .فاقول لهم ان هيثم مصطفى اداؤه اقل وعرف يدس نفسو بخبرة الاعبين الكبار.ولولا خوف مازدا ومدربين الهلال المتعاقبين لتوقف هيثم مصطفى عن الركض منذ العام الماضى.مشكلتنا فى الكنكشة وعبدالباقى الظافر ضرب مثلا بالسياسيين ولكننا نجد الكنكشة فى كل شئ.المدير والخفير.

والله العظيم البيحصل فى هيثم دة حرام. لاعب أسعد الملايين سواء من الهلال أو غير الهلال، معقولة يكون دة جزاه بعد 17 سنة فى الملعب؟ معروف إنه الحكاية تصفية حسابات و مواقف شخصية من شخصيات كرتونية لا تسوى شئ سواء كان البرير الرباط و لا غارزيتو ولا اللا73عب مساعدو داك ما بعرف إسمو شنو. بنقولها بالفم المليان: سيدا ثم سيدا ثم سيدا ثم الهلال ثم الوطن. والله نعمل ليه فريق براه يبقى فيه الكابتن و المدرب و الحكم كمان، و فى كل المواقع دى حيكفى و يوفى و لا نامت أعين المريخاب