الرئيس المنبوذ

علي الطلاق فردة جذمة البشيرالشمال توزن رئيس البرازيل وكل الخنازير أمثاله6

سوف اعلق علي ما تفضلت بخوص الرئيس البرازيلي اخي العزيز هذا لا ينطلي عليينا رغم بساطتنا لان الامور كلها مسيسه ممكن تفسير منك كيف الرئيس اوباما يحصل علي جائزة نوبل للسلام وهو لم يتم عامه الاول بل هي اشهر بالله عليك ممكن تفسري جائزة نوبل الطبيه الاخيره علي اي معايير اعطت الا يحق ان تعطي توماس ادسون كم من الابحاث الخ وتجي تقول لولا ياخ شافيز عمل لبلده وشعبه ما لم يعمله لولا بس الفرق بينهمواحد منبطح والتعليمات تاتيه من الغرب والثاني عايز يكون شعبه عزيز مكرم يملك قراره ان كان صوابا او خطا وبعدين من اين مصدر معلوماتك

يا الجعلى …. ماتتجوعل …. على الطلاق بتاعتكم دى ….. وقت الجد بتلحسوها ساااى …. و كفاكم هضربة و نبذ فى الناس اللى احسن منكم .

انت يا جعلى جيتو السودان متين عشان تحمكوها انتو تاريخكم تعبان فى السودان

انتو شنو قصتكم مع الجزم دى ؟؟؟؟….؟؟؟؟
البشير قال اوكامبو تحت جزمتى ورسل نايبو لى اوباما يترجى فيهو انو يخلوا البشير فى حالوا …. ما مشكله انفصال …. تفتيت …. تشرزم …. تمزق ….. كلوا ما مشكله بس يا اوباما عليك الله خلينى ارجع للرئيس بخبر الافراج عنو؟؟؟؟….؟؟؟؟؟؟
اوباما قال ليهو وين يا فرده مافى اى طريقه … انت احمد الله انو انا استقبلتك لانو الناس دى كلها شامكم شديد… كلم رئيسك يا حبه قول ليهو يسلم نفسو ل اوكامبوا.
والجعلى قاعد يقول جزمة البشير…. انتو لسه ما تبتو ؟؟؟
الحقيقه انا ما عارف الناس بتفكر كيف؟؟؟
اتفاوضو مع مناوى ومضو معاهو وثيقه وقالوا خلاص السلام فى دارفور جاء …. وهسه بيتفاوضوا حركة العداله والتحرير التى لا وجود لها على ارض دارفور ولم نسمع بها الا من اعلام المؤتمر الوطنى واعلام الدوحه.
ليه احنا دائما مشاكلنا مكرره فى كل عام يفيض النيل ويتتضرر الاهالى …. فى كل عام تنزل الامطار وتكسر المنازل وتنتشر الاوبئه.
فى كل عام تزداد قطوعات الكهرباء فى فترة الفيضان لان التوربينات امتلات بالطمى… وتنقطع الكهرباء فى فصل الجفاف لان مياه النيل قد انحسرت.
فى كل عام نفتعل المشاكل داخل السودان ونذهب لنبحث عن حل المشاكل خارج السودان متى يتعلم هولاء؟؟؟؟؟؟؟؟؟؟؟؟؟؟؟؟…..؟؟؟؟؟؟؟؟

من هو الرئيس البرازيلي لولا ان صحت الرواية حتي يرفض الجلوس بجانب البشير ؟؟ انه البشير ودلالة الاسم وحدها تكفي , انه شرف ان تجلس بجوار رجل دولة يقيم شريعة الله ويسعي جاهداً لاكمال هذا النور الذي يغيظ العدو ويفرح المؤمن (0) هنئياً لكم بلولا واكامبو وامثالهم (0) وتسالؤن يومئذ عن موالاة الكافرين , هل اعددتم الاجابة ؟؟ وما هي ؟

والله كلامك عجيب يارجل انا لست انقاذيا بس سوداني،،، مين هو علي محمود حسين المناضل الجسور ؟؟؟ معليش يمكن بتتكلم عن تاريخ كان ولن يكون مرة اخرى امرك غريب يارجل عاوز تجمل صورة شخصيه محاها الله والتاريخ؟؟ عاوز تقول شنو بالضبط عن علي محمود ومن شايعه،،، شعب السودان اختار وانتهي الامر يارجل ،، بس عارف ان هناك غصة في حلقك وامثالك ومزبلة التاريخ اخذت من اخذت وبقى من بقى بامر الله العلي القدير،،،، ومشكور انك استشهدت بايات من القرأن الكريم والحمدلله رب العالمين،، اكرر لست انقاذيا ولا بعرف شيء عن الجبهجيه بس ماعاوز اعرف عن الاحزاب ومن شايعهم ولك تحياتي ياعزيزي واتمنى ان تقبل الرأي الاخر ولك التحيه

لقد اجابك المقال يأبوالشيماء ان كان بصرك قد لحق بالبصيرة !!

في يناير 2010 , اختار منتدى دافوس الاقتصادي العالمي الرئيس البرازيلي لولا كأبرز شخصية سياسية عالمية ! وأجمع المراقبون , وبينهم الرئيس الأميركي أوباما , بأن لولا يعد من أكثر السياسيين شعبية في العالم .

لم يسع الرئيس لولا لتغيير الدستور للبقاء في السلطة بعد انتهاء دورته الرئاسية الثانية , مثلما فعل القوم في مصر واليمن والجزائر مثلا ! كما أنه لم يفكر , وهو القادر , في توريث أي من أبنائه الخمسة ، كما حدث في سوريا , وسوف يحدث في مصر واليمن وليبيا مثلأ ! بل ترك الرئيس لولا السلطة طوعأ , وهو القادر علي الأستمرار فيها , بشتي الطرق !

ترك الرئيس لولا السلطة وخلفه ارث ضخم من النجاحات , علي مستوي بلاده , ودوليأ ! ترك الرئيس لولا السلطة وصورته تتصدر معظم الصحف والمجلات العالمية , كرجل العام وكأكثر الشخصيات السياسية العالمية نفوذا،

دعك من البرازيل فهم قوم نبذوا العنصرية والجهوية ويدافع عن شعار البرازيل كاكا ذو الاصول الامريكية مع روبينهو ذو الاصول الافريقية اذهب انت وطلب سريان وبقية العقد الفريد لجمع المعلومات وتامين زيارة اعضاء مجلس الامن وانقلوا الاخبار لبشيركم الذي سيتوارى عن الانظار حتى تستمتع البعثة بالرحلة ويلقون النظرة الاخيرة على دولة السودان قبل تشيعها لمثواها الاخير.

يا ود دارفور اذا اردت ان تخاطب الرئيس فخاطبه بشخصه بعيدا عن المد القبلى وكفاية قبلية وجهوية خلونا فى سودانا دا وقبيلة الجعلية لا يشرفها امثال البشير الجزار هذا مافعله فى السودان لم ولن يأتى بمثله من جن او انسان من ظلم وعنصرية وضغائن ضد الوطن والمواطنين والجعلية دى ياشيخنا خشم بيوت – ثانيا الان البشير دا زى ما قال حسنى مبارك راجل غلبان وما بيده شيىء الراجل حاكم بالوكالة ((متيييس ومرييس))
البشير صناعة الاخوان الشياطين والحاكم الفعلى الان للوطن هذا الثعلب المكار على عثمان هذا كبيرهم الذى علمهم السحر والكل يعلم سحره ضد شيخه كيف فعل فيه ؟؟
ثاثا البشير اصبح الان فى وضع مزرى للغاية حتى الرؤساء والمسؤلين الكبار يتجنبون مقابلته والجلوس معه ( كالشخص المصاب بالجذام ) وياخوانا هذه بداية الفلم الان على عثمان سجن البشير داخل الخرطوم واستقل طائرة الرئاسة ويحلق شرقا وغربا شمالا وجنوبا وبرفقته من يشاء من كبار الابالسة والمنافقين وبعد شوية سوف تجد البشير والترابى فى سويا فى بيت شعبى من احياء الخرطوم صدقنى الشايقى دا اخطر من ابليس ضيع البلد وضيع الشعب ولاندرى ما يحمله لنا الغد من مصائب الايام حبلى بالزين والشين وربنا يحفظ لينا باقى الوطن دا 0

حاول ناقش المحتوى ليرى الناس ماذا تحمل في رأسك

يا قاسم خالد
الم اكن علي حق وانا مقتنع بضحالة معرفة الدين الاسلامي عند المعارضين ؟؟ الم اكن محقاً ؟؟ اعرف الفرق بين الموالاة وبين تبادل المنافع والمصالح بين الامم والرسول صلي الله عليه وسلم حارب باسلحة كفار قريش وعندما انتهت المهمة اعادها لهم والامثال كثيرة والايات القرءانية كثيرة وهي تدعونا للتعاون والتعارف ومساعدة الاخر ,, لكن الموالاة شي آخر

التحيه للكاتب ثروت,,واريد ان ارد على بعض المعلقين:
الاخ علاء انت تقول ماعاوز الاحزاب ولا من شايعهم,,طيب المؤتمر الوطنى دا فريق كوره,,اما عن الاستاذ على محمود فهو معروف من انزه القاده السودانيين الم يكن عضو فى برلمان حكومة الوحده الوطنيه,,واستقال عندما لم يستطع مجابهة الفساد داخل البرلمان لو احد غيره لما ترك الوضع الذى كان فيه من ممخصصات وامتيازات التى كان لايستلمها بالشهور قبل الاستقاله,,ياخ اتقى الله..
اما بالنسبه للاخ وحيد فهو ابتدر تعليقه بنبذ القبليه وفى اخر تعليقه ذكر على عثمان ووصفه بالشايقى ونجن بدورنا متبرين منه..
ولدى ملاحظه اخرى برزت ظاهره فى الاونه الاخيره,,حيث بعض ابنا دارفور وكردفان وجبال النوبه والجنوب وشرق السودان دايما مايحاولون اختزال الموتمر الوطنى فى الشمال الا يعلم هؤلاء ان الشماليين هم ايضا من المتضررين من هذا النظام الغاشم..

زارَ الرّئيسُ المؤتَمَـنْ

بعضَ ولاياتِ الوَطـنْ

وحينَ زارَ حَيَّنا

قالَ لنا :

هاتوا شكاواكـم بصِـدقٍ في العَلَـنْ

ولا تَخافـوا أَحَـداً..

فقَـدْ مضى ذاكَ الزّمَـنْ .

فقالَ صاحِـبي ( حَسَـنْ ) :

يا سيّـدي

أينَ الرّغيفُ والَلّبَـنْ ؟

وأينَ تأمينُ السّكَـنْ ؟

وأيـنَ توفيرُ المِهَـنْ ؟

وأينَ مَـنْ

يُوفّـرُ الدّواءَ للفقيرِ دونمـا ثَمَـنْ ؟

يا سـيّدي

لـمْ نَـرَ مِن ذلكَ شيئاً أبداً .

قالَ الرئيسُ في حَـزَنْ :

أحْـرَقَ ربّـي جَسَـدي

أَكُـلُّ هذا حاصِـلٌ في بَلَـدي ؟!

شُكراً على صِـدْقِكَ في تنبيهِنا يا وَلَـدي

سـوفَ ترى الخيرَ غَـداً .

**

وَبَعـْـدَ عـامٍ زارَنـا

ومَـرّةً ثانيَـةً قالَ لنا :

هاتـوا شكاواكُـمْ بِصـدْقٍ في العَلَـنْ

ولا تَخافـوا أحَـداً

فقـد مَضى ذاكَ الزّمَـنْ .

لم يَشتكِ النّاسُ !

فقُمتُ مُعْلِنـاً :

أينَ الرّغيفُ واللّبَـنْ ؟

وأينَ تأمينُ السّكَـنْ ؟

وأينَ توفيـرُ المِهَـنْ ؟

وأينَ مَـنْ

يوفِّـر الدّواءَ للفقيرِ دونمَا ثمَنْ ؟

مَعْـذِرَةً يا سيّـدي

.. وَأيـنَ صاحـبي ( حَسَـنْ ) ؟!

كلام عجيب رفض يجلس بجانب الرئيس عمر البشير لو جلس لا يزيد في بشيرنا شي وان رفض لا ينقص من قدرة شي ما رئيسنا ونحن دايرنة غصب عن الحاسد والبقران
وياناس هذا كافر وملحد لو جلس جنب رئيسنا كانت ريحتة طلعت الحمد لله الما جلس وهذا كلام فارغ لا يقدم ولا يؤخر فية بشي …. والملحدين لا يحبونا من زمان
وياناس ياشر كفاية اررررر ما البشير رئيسنا ونحن رضينا بة وكل حكومة ولا عيوبها
وكل زمن لة مشاكلة والداير الرئاسة يدخل الانتخابات والحشاش يملي شبكتة
نحن مع الحق وارجو من كل الناس ان لا يعملوا من هذا الامر قضية وزيادة الموضوع عادي يمكن الرجل الكرسي ما عجبة وممكن عندة موضوع مع حد ثاني ويمكن داير يجلس امام المكيف وممكن ما ارتاح جنب رئيسنا هو ابيض شديد ورئيسنا اسمر خاف اللون يخطلط وممكن جلس يالقرب من الباب ليخرج بسرعة اشياء كثيرة ومببررات كثيرة المهم نحمد الله انة ما جلس الله معاة يجلس مكان ما داير علي كيفة

ياجماعه كدي روقوا المنقه في النهايه مابصح الاالصحيح لولا ده غلطان ومفتري كمان ..الاقعد جنبو بعد داك الاحاسبو لو داير لو قدر امسك عليه حاجه اكون ريحنا.. حقيقه الزول ده شكلو طيب وجعلي دي براها كفايه بس شكلو اكده اقدر علي منو ولا على منووصراحه الشعب كلو بقى …يعني الااستبدلكم واجيب قوم غيركم اقلها اعرفوا الصاح شنو يااااخي خليه اكون رئيسك ده مااخوك ولحمك ودمك وغلطوفيه اها لو انت زعلان منوفي حاجه تقوم تشهد بغيرالحق.. معاهوحق اعمل فيك اكتر من العملوا لانك جبان عارف جبان يعني شنو بس عايز حقك وبس ماهماك غير نفسك فكر في الشعب خليك من المصلحه الشخصيه .. والشعب بقول سير سير ياالبشير بس عديل عشان لولا المفتري وغيروا ماالقوا فينا ثغره الوطن واااااااااااااااااااااااااااااحد

بسم الله الرحمن الرحيم
الله الوطن الحقيقة الانسانية
والله طيلة عمري لم انضم الي حزب في السودان
اولا : يا اخوان الوطن فوق الكيزان والبشير ثانيا: الدين لله والوطن للجميع
ثالثا:كلامكم ده بيؤدي الي مزيد من التفرقة والتشتت والتشرزم للسودان سودان العزة والكرامة
رابعا: الواحد المفروض اتحكم في كلامو قبل ما اقولو او اكتبو لانو قدر يجرح او يهين اخوة
نتمني ان ينعم السودان بالامن والاستقرار والرفاة
لاهلة الغلابة

ههههي يكى عمي وتاج راسي البشير صباع كراعو يسوى مليون داسلفا وامثالو هم خليهم في انحطاطم

يصل مندوبو الدول الـ 15 الأعضاء في مجلس الأمن اليوم الأربعاء 06 / 10 / 2010 إلى السودان قبل أقل من 100 يوم من ألعد التنازلي لتنظيم الاستفتاء في جنوبه . وتأكد أن المندوبين لن يلتقوا الرئيس عمر البشير .
وقال الرئيس الحالي للمجلس ، ممثل أوغندا ، روها كانا روغندا ، إن أعضاء البعثة لن يلتقوا خلال الزيارة الرئيس البشير المطلوب لدى المحكمة الجنائية الدولية بموجب مذكرتي توقيف بتهم ارتكاب جرائم حرب في دارفور وجرائم ضد الإنسانية . وستقتصر مقابلاتهم على ( مسئولين كبار . )
وسيبدأ الوفد رحلته من جوبا عاصمة جنوب السودان ، ويعتزم التوجه إلى إقليم دارفور ، قبل زيارة العاصمة الخرطوم .
ويرمي مجلس الأمن من تلك الزيارة إلى مطالبة المسئولين السودانيين في شمال البلاد وجنوبها بتعجيل الاستعدادات الخاصة لإجراء الاستفتاء على مصير الجنوب في موعده ولضمان الانتقال السلمي للسلطة إذا اختار الجنوب الانفصال .
ومن المتوقع أن يضم الوفد سفيرة الولايات المتحدة لدى الأمم المتحدة سوزان رايس ونظيريها الفرنسي جيرارد أرو والبريطاني مارك ليال غرانت .
وكان مجلس الأمن قرر هذه الزيارة قبل شهور، ولكنه كاد أن يلغيها بسبب مخاوف في الولايات المتحدة ودول أخرى بخصوص اضطرار أعضاء الوفد إلى الالتقاء بالرئيس البشير .

لولا للي ليالي اللوووووول يا اخوانا خلاص السودان كمل من رجالو وبقيتو تجيبو لينا في اسماء لا معروفة اسماء كلاب ولا قرود وكمان بتضربو بيها في الامثال نحن لابنعرف لولي ولا النعجه دوللي ولا عازين نعرف لانو لا ح يأكلنا عيش ولا كسرة ولا حتى قراصه ولا ح يعلم اولادنا ولا ح يعالج مرضانا كدي شوفو لينا بتين ح نركب اللكزس ونسكن في الفلل ونتعالج في مستشفيات تسعه نجوم الجمارك 3% والضرائب تتشال لانو ضرائب وازكاه وعوائد وعتب ورسوم طريق ورسوم نفايات وكشف البكا والعرس ديل مابتلمو آلهي يلم الحكومة والمعارضة والحركة الشعبيه والحركات المسلحه وأولهم الاحزاب في قبر واحد(مزبلة السودان).

أغلب المعارضين لنظام الانقاذ تعليقاتهم من الخارج لا سيما بريطانيا وأمريكا ولكن جل التعليقات التي تأتي من داخل السودان موافقة لرؤية الحكومة أو على الأقل نقدها بناء وهؤلاء هم الذين يعاصرون الوضع داخليا ……..وكفى
يا أخ ثروت قاسم غدا سوف تسير الانقاذ جيشا بل سوف تدعم بعض المليشيات العربية لاكتساح حي مايو عشان عصابة النيقرز عصابة مسلحة وبالتالي سوف يؤدي ذلك الى تشرد الملايين ومفتل آلاف من المواطنين الجنوبيين وغير العرب . بل وعندما كانت الحرب تدور رحاها في شرق السودان قامت الحكومة ومساعدت مليشيات عربية بالهجوم على قبائل الهدندوة الغير عربية مما أدى الى تشرد الملايين ومقتل أكثر من مائة الف من النساء والاطفال .
هكذا دائما حكومة السودان تختلق المشاكل وتأجج الصراعات القبلية لتشرد مواطنيها مما ينتج عنه تدخل دولي يهدد استقرارها كحكومة ويجعل قادتها عرضة للمساءلة والمحاسبة . لذا نحن على استعداد لنتقبل كرزاي السودان وعلاوي العراق مناضلك الجسور والتاريخ الناصع البياض من كلو سعادة المحامي علي محمود سيئين عفوا حسنين .

الرئيس المنبوذ من شعبه قريبا بمشيئة الله
وان غدا لناظره قريب.