البشير يأمر بتجهيز «ألوية الردع» استعداداً لحرب مع الجنوب
الخرطوم – منى البشير
أمر الرئيس السوداني عمر البشير بفتح معسكرات الدفاع الشعبى فى كل ولايات البلاد، في تطور لافت يشي باقتراب تجدد الحرب بين جنوب وشمال السودان. ووجه البشير ولاة الولايات بتجهيز كل ولاية لواء كاملاً، على أن تجهز الخرطوم سبعة ألوية، ويطلق عليها «قوات الردع».
وجدد البشير استعداد السودان لخوض الحرب مرة أخرى، وقال لدى مخاطبته أمس احتفالات رفع التمام للدفاع الشعبى بالخرطوم: إن معركة السودان الأخيرة ستكون لدحر التمرد فى كاودا مثلما دحرنا التمرد في توريت، وأشار إلى أن دولة جنوب السودان لا تتذكر أنها كانت مهزومة، وأن الحكومة وقَّعت اتفاق السلام وهي منتصرة في توريت.
وأكد البشير أن السودان مثلما قدم 18 ألف شهيد فى حرب الجنوب، على استعداد لتقديم 18 ألف شهيد آخرين، وقال: «سندافع عن كرامة وقيادة ومشروع السودان الإسلامي».
وكأن السودان ليس فيه رجال سوى هذا الرجل، أين العقلاء وأين المفكرين وأين وأين ………… هذا تدمير كامل وشامل لكل السودان، نعم تحريض المساكين الجياع المغلوب على أمرهم سهل وممكن جداً في ظل الأوضاع التي يعيشها المواطن السوداني،،، لكن من الجانب الآخر هل تظن يا بشير بأن العالم كله سيقف مكتوف الأيدي لهذه التصريحات والتصرفات الغريبة؟؟؟ لا والله!!! صدق ما قال بأن الجاهل عدو نفسه. نعم كان السودان الشمالي منتصراً في حرب الجنوب قبل اتفاقية السلام الشامل،،، لكن أنتم بحماقتكم وبلادتكم أعطيتم الجنوب فرصة العمر وجعلتموه يبني قوته الضاربة التي غيرت موازين القوة ولم تعد الأوضاع كما كانت قبل نيفاشا أيها المتغطرس،،، وهؤلاء الضعفاء الذين تدعوهم للدفاع عن الإسلام (وأنتم بعيدين منه كل البعد والكل يعلم ذلك) سوف يساقون إلى جهنم هذه المرة لأن الجنوب أصبحت دولة ذات سيادة وسوف تواجه كل العالم بقيادة أمريكا. لذلك أيها الأهبل من الأفضل أن تعود لصوابك وتبحث عن حلول أخرى (سياسية) غير الدفاع الشعبي والقوة التي افتقدتها……..
لاحول ولاقوة الا بالله العلى العظيم ، فى التعليق اقول شنوا؟!!! حاجة ترفع الضغط الى متى سيستمر تدمير السودان بهذه الطريقة ؟؟؟؟؟؟!!! اى مشروع اسلامى يتحدث عنه ؟؟؟؟؟؟؟؟؟؟؟؟؟؟؟؟!!! دا زمن الانحطاط الاخلاقى خليتوا الناس تسرق وترشي ومخدرات وحمل سفاح وجرايم لم يكن يعرفها السودان فقر جوع فساد فى كل شيء بددوا اموال البلد فى معسكرات الدفاع الشعبي البلد ناقصة بالله ياجماعة ورونا كدى الحل شنوا ؟؟؟ بتين السودان يبقى دولة بلا حروب ومجاعات وفقر وتشرد ؟؟؟؟؟!!! كفاية
والله بكل صراحة انحنا شعب خائب جداً ده منو العنده استعداد عشان يضحي من أجل ناس باطلين ذي ديل انا على نفسي ما مستعد اموت من اجل شعب جبان يؤيد هذا النظام ويسانده يمشوا الناس المستفيدين من النظام ده براهم ديل عصابه يهمهم حماية نفسهم.
(يا اوكامبو ما تسرع تشوف البلاوي الحاصله في البلد دي )
المرة دى ياابو رجلين مكعوجات من شدة امتلاء الكرش الا تسوق اولاد ضارعلى ضار ووش الدوكة غلى غصمان والتيس كرتى الخ من اولاد ناس هى لله
الا يوجد من ضمن هؤلاء القوم رجلا رشيد؟الى متى ونحن نخرج وندخل من حرب الى اخرى؟لماذا نوجه بنادقنا لاخواننا فقط؟لماذا لا يتنازل الجميع من اجل الجميع؟؟؟
تلقاها عند الغافل – اذهب انت وعبدالرحيم فقاتلا نحن هاهنا قاعدون !!!
أي مشروع اسلامي تتحدثون عنه قولوا سندافع عن السودان بحدوده الجفرافية والسياسية ولا تحشروا الاسلام فى خطاباتكم لدغدغة مشاعر البسطاء وماذا أنجزتم فى سبيل تمكين المشروع الاسلامي والحكم بشرع الله كفانا قتلا بخطابات الحماسة والوعيد والرقيص والنتيجة كانت :
1/ قطع أرزاق البشر بحجة التمكين
2/ ظلم العباد وقهرهم وتشريدهم
3/قتل النفس التى حرمها الله بدون حق
4/ أكل المال الحرام بمسميات متعددة
5/ خيانة الأمانة والاختلاسات من المال العام
6/ بذر بذور الفتنة والنعرات القبلية بين الشعب
7/ استغلال السلطة والمناصب واحتكار الوظائف على المقربين
8/ عدم محاسبة الدستوريين على الفساد
9/ وأد المشاريع الزراعية بالفساد والمحسوبية
10/ تمكين الأمن للسيطرة على مفاصل الحياة وهو الناهي والآمر فى جميع امور الدولة
11/ عدم احقاق الحق ورد الحقوق لأصحابها
12/ تسييس القضاء وعدم جعله مستقلا
13/ نهب ثروات البلاد بدون وجه حق وكنز القناطير المقنطرة داخل وخارج البلاد
14/ تهديد وتعرض البلاد الى الخطر وتقسميها وشرزمتها
15/ الكذب والنفاق والخداع وحلف اليمين
كلنا سندافع عن الوطن كوطن ولا تلبسوا الباطل حقا باسم المشروع الحضاري لأننا شهود على العصر ونعرف جيدا حديثكم المعسول وزج الاسلام كلما ضاقت عليكم الدوائر …
يا جماعة قولو لي زولكم ده لا يهضرب فان ” كاودا ” البيقولو بتلقى فيه مسلمين اشد منكم اسلاما وجبال النوبة الناوي تحرقوا ده شعب مسلم 98% فابعد كلمة الشهادة في تلك المناطق وانصر العروبة البتفش فيه فناس “كاودا” قالوا ليسوا هم بعرب لكنهم سودانيين وافارقة حتى النقاع لكنهم لم ينكروا اسلامهم لان الدين لله وليس لاعيان او قبائل والمرة دي تشوف نجوم الليل بالنهار فالنوبة هم الذين دربوك في الكلية الحربية فهم اهل الجندية والمشاق وبيجوك مارش برجولهم للخرطوم فلا تلعب بالنار مع ناس الجندية والبيحاربوك هم جنود خبراء خرجوا من مؤسساتك التي سيستها بالدفاع الشعبي ومصيرك الهزيمة النكراء اذا باريت جبال النوبة يا الرئيس البشير فلا تلعب بالنار وازيدك حبة كمان التحم المجموعة السودانية بمسمى الجبهة الثورية فاقنع منها واتخارج اي بلد عشان تعيش بامن وسلام فادريس دبي ليس بعيد في ايواءكم
حتى صعاليق الدفاع الشعبى الجو استاد الخرطوم ديل ما حايمشو يحاربو عشان الوهمة العملتوها فى حرب الجنوب الناس عرفتها و الزمن اتغير مافى زول بموت عشان حرامية سافين البلد و سارقنها و اولاد الكيزان عايشين فى نعيم مطلق بين السودان و اروبا و شباب الخريجين عاطلين عن العمل امشى حارب ياابو جاعورة انت و عصبتك و عشيرتك من الحرامية نشوفكم حاتتخلو من النعيم كيف و تنزلو تحاربو مع الغبش المخدوعين
انتو يا اخوانى الصورة المصاحبة للخبر مقصودة كلهم اخوات نسيبة وين اخوان امنة افتونا يا معلقين اخوان امنة فين
نقول لاخوان الشيطان المرة هذه يذهب اولا البشكير واخوانه وزوجه وداد لدخول (جهنم)وضار على ضار واولاده والشحاد بن الشحاد اسماعيل واولاده وصاحب شركة الهدف ابو وجه اسود اكل حق الاسد ود عثمان واولاده وباقى اكلى مال السحت من سد مروى والخطوط السوداني بعد تنتهى هذه الزمرة الفاسدة نذهب نحن لعمل مصالحة وطنية شاملة مع من حمل السلاح ضد الفساد يكون فى كل الشعب السودانى متساوى فى الحقوق والواجبات
قوات الردع … دى اولا للخونة والمتامرين … والجنوب يعرفنا ونعرفه … ولن تكون هناك حرب قائمة بعد ذهاب سلفا وباقان …
بصراحة الكيزان كانويحاربو ضد متمردين كمايقولون لكن اليوم الجنوب بقت دولة ليها كيانها وسيادتها وليها اصدقاء يمدونها كفاية يا كيزان كفاية تدمير لى هزا البلد كفايت تدمير كفاية ترمبل كفاية تاتيم كفاية فقر كفابة مرض كفابةجهل ازهبو لعنكم الله
ما اظن فى مقفل بمشى بحارب تاني
ولا لسع فى مغفلين
تلقاها عند الغافل
هم ليسوا 18 الف شهيد سيدي الرئيس بهل هم شعب بالكامل دمر وانتهى
هووووووووووووووووووووووووووووووب
صفا
اينتباه
كل واحد يبيع عنقريبو ويقوم بليلو
اقتباس: (أن دولة جنوب السودان لا تتذكر أنها كانت مهزومة، وأن الحكومة وقَّعت اتفاق السلام وهي منتصرة في توريت)
فعلاً ليس هناك أبلد من العسكري عندما يكون حاكماً بدل السياسي، طيب اذا صدقنا انك كنت منتصراً على (دولة الجنوب)! فلماذا توقع اتفاقية انهزامية؟! لماذا تحقق الحركة الشعبية كل أهدافها في الاتفاقية وتعجز وأنت منتصر عن ضمان حقوقك في الحدود والنفط وغيرها من قضايا معلقة؟ ما فائدة الانتصار العسكري اذا تمخضت عنه هزيمة في اتفاقية سياسية؟!
قال (دولة الجنوب) كانت مهزومة! طيب زمان ما كنت بتقول الحركة لا تمثل الجنوبيين هسة بتقول انك كنت بتحارب في دولة مش تمرد؟! شوف البلادة والجهل وتزوير الحقائق
كلام كثير بلا طعم الحربب بدت و الفاصل الميدان بس الله و اكبر و الله اكبر و العزه للسودان
اتقوا الله فى الشعب الفضل ..
ماتوا الملايين فى الجنوب وشعبنا هو الخاسر بعد ان انفصل لقسمين ..
والان تدقون طبول الحرب وغدا تذهب جبال النوبة والانقسنا..
خذوا العبرة من حرب الجنوب وكفانا مداراة الفشل بمزيد من الحروب.. وغالبية الشعب تعانى الجوع والفقر والمسغبة ..
اليس منكم رجل رشيد ..
تنبيه لكل سوداناي شريف
في عام 1990-1994 ذهب محمد أحمد عمر وحاول الجهاد هناك ولكن بعد كم يوم جا راجع لمنطقة كالوقي سأله الناس رجعتو مالكم
والله والله سمعته بأذني وأشهد يوم الحق قال( نحن مقشوشين دي ما منطقة جهاد لانو فيها ناس مسلمين ود اليسع قال ليهو كيف قال نحنا ضربنا تلشي بالراجمات بعد صلاة الفجر وعندما دخلناها لقينا واحد ميت وفي يده سبحة والمكان ( سور بالحجار ذي ضرا رمضان)
أنا بعتبر الرجل أنب نفسه وذهب واستشهد في الجنوب
وحادثة أخري استخبارات الجيش في كالوقي قتلت رمياً بالرصاص إمام مسجد من اولاد قبيلة لوقان لتعاونه مع المتمردين وهو امامهم
عايز اقول الجبال معظمهم وثنين وفي المرتبة الثانية مسلمين بالفطرة والجزء الآخر مسيحين متسببين
ماذا قدمت الدعوة الاسلامية لهذا الشعب ماذا قدمت وزارة الشؤون الاسلامية لهذا الشعب أسألو آل صباحي في الحلفايا وغيرهم ممن قدم دعوة حتى في السر
ماذا قدمت وزارة التربية والتعليم لهذا الشعب ( أسألو أسرة أبوكشوة في سوبا )
ماذا قدمنا نحن وأنا والسودان لهذا الشعب
الآن نقدم لهم 21 لواء للجهاد
وطز لو صلى البشير في كاودا
منو المغشوش يدخل تاني معسكر دفاع شعبي الا يكون كوزبن كوز
ولو عايزين جهاد امشوا جاهدوا في فلسطين احسن ليكم
ولو عايزين تودوا اولاد الناس كمان نبدأبأولاد الوزراء والسلك الدبلوماسي أولا ثم من بعدهم المساكين الغبش
تانى يابشير الشوم حاتموت الشعب من جديد كفايا موت واحترم نفسك وسيب البلد كل الثورات العربية قامة عشان امثالك
احسن خلوهم يشلوا عفنهم دا ويودوه مناطق العمليات لانه لو ما ماتوا في الحرب جماعة المؤتمر العفني ديل حيموتوا بعد سقوط النظام
عشان كدا احسن يتلموا ويموتوا هناك واي واحد ما مؤتمر وطني ما يضيع نفسه ويبقى فطيسة زي ما قال شيخهم الذي علمهم السحر
هم شايفين دا جهاد ونحن قرفانين منهم خلوهم يمشوا يصفوهم هناك
واصلا شكله الجيش شكله فعلا انهزم واصبح جيش اي كلام و اندق والجيش اصلا جماعتهم يعني الجيش والدفاع واحد باختلاف المسميات
واي واحد مع الجماعة ديل يمشي هناك عشان ينتف صح