البشير..غردون السودان اليوم
شوقي بدري
كل مكروبة بترخي وكل باركا بتقوم وبتمشي
والبشير كان اتغابا كفاه الشافو فوق مرسي
عندما ذهبنا الي تشيكوسلوفالكية كان هنالك عملتان . العملة العادية كانت الكرونة . والجنيه الاسترليني يساوي 40 كرونة رسميا . وكانت هنالك البونات ، وهي عبارة عن عملة تشبه اوراق اليانصيب . وهذه العملة صالحة لمدة 6 اشهر منذ صرفها وختمها في البنك وهذه العملة تتيح للانسان ان يشتري من متاجر خاصة تستورد البضائع الغربية ، لاستجلاب العملة الصعبة من المواطنين الذين فروا الي الغرب او من يعملون في الغرب او من الاجانب الذين يسكنون في الدولة بسبب الدراسة و البعثات الدبلوماسية والسياحة. وهذه البونات يمكن نغييرها في السوق الاسود . ويصير سعر الجنيه الاسترليني 100 كرونة .
هذا يذكر الانسان اليوم بما يحدث في السودان . فللدولار عدة اسعار في السودان . والدولة تطارد مدخرات المغتربين بكل الوسائل وليس بينها وسائل شريفة ، لان الحكومة غير شريفة . عندما يكون هنالك اكثر من سعر صرف واحد لاي عملة فهذا يعني ان الاقتصاد يعاني من حمي شديدة . والجنيه السوداني صار مثل بونات الشيك ويسمونها ,, بوني ,, والمتاجر عرفت ب ,, توزكس ,, ولا يسمح للشيك بدخولها اذا لم يظهروا بعض البونات . والمتاجر مذدحمة . وهذا حال اغلب الشعب السوداني يكتفي بالفرجة والنظر عندما اهل الانقاذ يستمتعون .
في ايام فوضي الصرف صار المسافر يتحصل علي الدولار بسعر متدني . وكان البعض يرسل البنات الي الامارات بالدولارات ويعودون بعد يوم او يومين . وتتكرر العملية . وبعد توقف لعبة الدولارات وانفتاح اعينهن علي امكانية التحصل علي المال بدأت تجارة اخري . .
من المضحك ان الجائزة الادبية التي قدمتها شركة الاتصالات واعلن عنها بعشرة الف دولار وفاز بها الاخ الاديب الكبير بشري الفاضل سلمت بسعر متدني . وحتي شركات الاتصالات تمارس الخداع علي نفسها قبل الآخرين . لماذ الكلام عن الدولار والجائزة تقدم بالجنية السوداني . السبب هو ان الكذب والخداع صار من سمات النظام والناس علي دين ملوكها .
لقد استهلك البشير كل الحيل ومارس كل انواع الكذب لكي يطيل حياة حكمه . فنهاية حكمه تعني ذهابه الي المحكمة الدولية . وسيهرب الآخرون الي قصورهم وثرواتهم التي كدسوها في خارج السودان . فالجاز ومصطفي عثمان شحادين وكرتي سيخ واسمنتي والكثيرون ، لن يذهبوا الي السجون في لاهاي . ولا يحتاجون حتي لاخذ غيار او فرشة اسنان .
اقد حكم البشير بالاعدام علي الاخوة ياسر وعقار . والآن يريد الحوار وحتيوقف اطلاق النار . ولقد قال البشير ان الكل تحت جزمته حتي امريكا . وكانت ساحات الفداء ، وسمعنا ولتسل منهم دماء ولتسل منا دماء ولتسل كل الدماء … الخ والحور العين والملائكة الذين يحاربون معهم والقرود والنحل . اين ذهبوا ؟ وسمعنا الزارعنا غير الله اليجي يقلعنا . وانحنا جينا راكبين دبابة والعاوز يطلعنا يجينا راكب دبابة .
لقد قلت قديما
الحموها الكلوميت ما بتشد العرقي
الخواف بيحسب كل المرض بعدي
وحتي الكلس ما بتقصد الجدري
وعيب الفحل بعد الهدر يرغي
الجمل عندما يكون مستعدا للعراك يهدر بصوت عالي تتقدمة بالونة ضخمة خارج فمه وردية اللون وحجمها يبين قوته وبأسه . وقد يقتل حتي الانقيب او الراعي الذي يتعرض له . ويشتبك في قتال مع فحل في قوته . وقد ينتهي القتال بموت احد الفحلين فبعد ان يطوح به خصمه علي الرض يبرك علي عنقه ولا يتركه والا قد مات وتدلي لسانه .
لماذا يرغي البشير . والرغاء علامة الخضوع والتزلل ؟ هل عرف البشير الآن بضعفه وقلة حيلته ؟ ام ان الامر خطة خبيثة لفركشة المعارضة وكسر الصف ؟ وبالرغم من غياب الشيخ النجدي وبعده عن موقع القرار فليس من مصلحة الترابي او اي اسلامي سقوط النطام فهذه المرة ليس هنالك يمة ارحميني . والشيخ النجدي الذي اقترح جمع فتي من كل قبيلة لضرب النبي صلي الله عليه وسلم حتي يتفرغ دمه علي كل القبائل . ولن يستطع بنو هاشم من مقاتلة الجميع . هذا الشيخ النجدي يمكنه ان يأتي الي السودان لتكبير رخصته عند الترابي وتلاميذ ابليس .
عندما احس معاوية بقرب الهزيمة رفعوا المصاحف علي اسنة الرماح وكان التحكيم. وكانت الخدع . وانقسم اتباع الامام علي رضي الله عنه الي مجموعات . والغرض الآن كسب الوقت وتقسيم المعارضة . حقن الدماءمطلوب لان اهلنا في جبال النوبة والنيل الازرق وكردفان يذوقون الويل . ولكن يجب ان نكون علي وعي كبير ، وان لا يجزأ الحوار وان يتعامل الجميع مع البشير كمهزوم . والبشير لم يكن ليفكر في وقف اطلاق النار اذا لم يكن قد عرف انه لن يبتصر او يصلي في كاودة . الشعب لا يريده . والانتخابات قد اثبتت بالرغم من الدعاية والتطبيل انها فاشلة .
صار الناس تفر من اسلام الانقاذ الي اليهود في اسرائيل ويعرضون انفسهم للموت . والشاب الذي عبر المانش مشيا هو احسن دليل . المهندس حسام الزبير طيب الله ثراه وجد مهشم الرأس في قطار بضائع في بريطانيا وهو في عمر الزهور . كان مثل مئات الآلاف يفر من الانقاذ . ولم يبق من البروفسيرات والاطباء والمهنسين الا من ارتبط بالنظام ومن اجبرته الظروف علي البقاء ولن ينفع ينفع الكذب والمكابرة . قالوا اذا انحنا ما جينا الدولار ده كان وصل عشرين جنيه . اهو الدولار ماشي علي عشرين الف جنيه . قالوا مافي خلافات في الانقاذ وكل شي عال العال وتلك ادعائات مقرضة من المعارضة والموتورين والخونة والعملاء . وبعدها قبضوا الترابي وحكموا علي جماعته بالسجن وحاج سلطورالهارب كان مطلوبا باعلانات الصحف . وبقي نائب رئيس وولده بشتن البوليس. وقال البلد دي انحنا الحاكمنها .
قالو انفصال الجنوب نعمة يطلبون من السماء ان تحققها . وان الانفصال سيعني الرخاء والاستقرار والشريعة الغير مدغمسة . وستخرج الي العالم هوية السودان الاسلامية والعروبية . والعرب ما هببوا ليهم . وبعد الانفصال وذبح الثور الاسود والتهليل والتكبير ،كان البكاء علي الاطلال والتمسح بانابيب البترول الجنوبي . وقالوا ان الازمة الاقتصادية العالمية لن تؤثر عليهم . والازمة قد هزت اكبر اقتصاد في العالم … الاقتصاد الامريكي وثاني اكبر اقتصاد … الصيني . ونحنا اقتصادنا طلس مطرقع . واليونان البلد الاوربي واسبانيا قد انهار اقتصادهم ، واهتز اقتصاد كل العالم . وقالوا الربيع العربي لن يغشي السودتان ولو للتحية . وعندما خرج الناس اتو بالمرتزقة لقنصهم . والآن يتراجع التظام ويريد ان يدفع الثمن ببونات غردون . ويفتحون التحقيقات في مذابح الشرق . والاقتتال صار داخل العاصمة . واسرائيل صارت تعلن عن غاراتها علي السودان مثل رحلات الشارتر السياحية . والبشير قاشر ايران وايران صالحت امريكا . اتلبب السعودية ووقف ضد اليمن . وكل ما ادوه ليه وديعة . الرباطابي في السيرة طار فوق ودق الارض بي المركوب ، ولمن طار قبل ما يضرب الارض صاحبو قال ليه قطعو .. قطعو .. ما حق اخوك . الرباطابي قلع المركوب وجدعو ليه وقال ,, انعل ابو حاجتن سيدا حي ,, العارية ماها دايمة . الودايع دي شن طعما . انتو ما ضيعتوا عشرات الملياردات بتاعة البترول . وملياردات الدهب . وضيعتوا مشروع الجزيرة الذي قدرت قيمته ب 150 الي 200 مليارد دولار .
وبكل بجاحة وقوة عين البشير كان يقول مافي فساد والعندو دليل يجيبو ؟ الحلفاوي مش اتضايق في السنطور ,, المطعهم في القطار والباخرة ,, بعد السودنة …جيب عيش … جيب عيش جيب سكر جيب سكر تاني .. ما شايف شغلك جيب موية موية … موية ما شايف شغلك . وبعد كبار الافتدية ما اترعوا سالوه وين القبلة ؟ قال ليهم القبلة ده شغل مرطبات ؟ الدليل ده شغل المواطن ولا شغل الحكومة ؟ والظابط الكشف الفساد غطسوا حجره . والخواجية المسكينة الكانت متمحنة ذي ست الغنماية الولدت وغرزت ، كانت تناقش البشير وهو يقول لها انه لا يوجد فساد ولايمكن ان يقبضوا علي الناس بالشبهات . والبشير الواقف قداما اكبر مظهر للفساد . فلقد سرق السلطة بليل . ونهبت بطانته واهله لدرجة ان الاطرش سمع والعميان شاف. حتي انا في آخر الدنيا عرفت .
قالو كان جاتك في زمبوك تنسيك امك وابوك . البشير اتلفت لقي نفسو المهدد الاول والباقين ممكن يتخارجو . زمان في بيوت اللعبة التي تنتهي بالعراك ، كانوا يقولون النسوان والافندية بي جاي . البشير عرف الافندية ديل ناس الجاز وكرتي والمتعافي و ومصطفي نار القصب ما حيثبتوا قام جاب العساكر . جنن تعرفو ولا جنا بيغباك . وبدأ في النضافة . ذي الزول الراكب البالون بيشيل معاهم اكياس رملة كل ما البالون ينزل بتخلصوا من كيس لكي يرتفع البالون . الاكياس كانت علي عثمان ونافع وحتي قوش … الخ وهؤلاء طوحوا بهم الي الذئاب لارضاء الشعب او لكي ينشغل قليلا .وستتواصل مهرجانات التضحية لتخفيف البالون لان الهواء الساخن قد بدا في التسرب .
لقد كتبت في اول ايام الانقاذ عندما ارهبوا الناس . وشاهدت الرجال المنكسرين من الذين تعرضوا للتعذين البشع . وشاهدت آثار التعذيب علي الدكتور حموده في القاهرة وآخرين . وكنت اقول ان الارهاب لا يمكن ان يستمر الي الابد ، لانه يفقد قدرته وفعاليته عندما يصير شيئا متواصلا . وان ما يجمع البعض حول الانقاذ هو الغنائم والاسلاب . ولكن ليس هنالك ما يكفي من الاسلاب لكي يرضي الجميع . ومن استلم المنصب والمال والجاه يريد اكثر . ومن لم يستلم سيعتبر نفسة احق من الآخرين . وسيضمر الشر لمن استلم . وسيستعين النظام بجهاز للقمع قويا ممثلا في الامن والجيش والمليشيات . ولقد شاهدنا هذا في شرق اوربا وهذه الانظمة ستصير دولة داخل الدولة وسيستحيل السيطرة عليها . وستمارس الفساد وستبطش بالشعب . والامن والجيش يسيطرون علي البشير وقراراته لا تنفذ . وحميدتي ورعاعة يعتدون علي عميد جيس بالجلد والاهانة والبشير لا يستطيع ان يحتج .
النظام خاصة السلطة التفيذية والتشريعية قد ترهلت وصارت اكبر عبئ علي الدولة . سمعنا ان احد مصارعي جبال النوبة قد قابل مصارعين يحملون اسماء مثل اسد هيبان ونمر الجبال وبعد انتصاره ، اختار ما سمع انه غلب الحكومة وسمي نفسه … البند الاول. والبند الاول هو المرتبات . فالآن عند الانقاذ ,, دبوكة ,, من الوزراء الاتحاديين او من في مصاف الوزير . وهناك اكثر من دبوكة من الوزراء الاقليميين . ويمكن دبوكتين تلاتا من الولاة والنواب والمهمين . وخمسة دبوكات في البرلمان . وعشران الآلاق من حمله الاباريق والصحفيين والمتعشمين والقاشين خشومهم وماسحين شنباتهم . والجيوش والامن والمليشيات …. ألخ الدبوكة هي المئة من الابل .
والسد والرد والكباري والمطار الذي قالوا للناس انه سيكون تحفة طلع ظ…. علي البلاط . غردون عندما ضاق عليه الحصار في الخرطوم كان يطبع بونات . ولكن الاوراق من فئة الخمسة قروش كانت تصرف عند الشراء بقرشين وثم صارت قرشا . وكان يستلف المال من التجار ويعدهم بمضاعفة فلوسهم عند وصول النجدة التي في الطريق. وكان يجمع الناس وتعزف لهم الموسيقي ويقسم البسكمات ,, القرقوش ,, ويطلق الدعايات بتقدم الحملة . والآن تخرج الانقاذ باخبار مضحكة لتخدير الناس . ويتحدثون عن جبال الذهب وعندما يطالب الناس بكشف الحقيقة . يقول الوزير ان البشير قد منعه من الكلام المباح . وتشتمر شرهرزاد وتقول ان الاتفاقية مع الشركة الروسية لا تكشف الا للمراجع العام. ومش عارف ليه ما النقل الميكانيكي ولا مصلحة مصائد الاسماك ؟ ايه دخل المراجع العام في اتفاقية دولية ؟ المراجع اسموا المراجع يعني بيراجع حاجة موجودة . انه لا يخلق او يكون اي شئ . شغلوا جاهز يعني ما بيفصل ولا بيخيط عراوي .يكون الوزير ده يقصد المدعي العام ؟ مكتب المدعي العام بيشارك في الاتفاقيات وفتح العطاء . زمان في الكتاب في ناس فطورها مدنكل وناس ماعندها فطور بيشحدوا . تلقي زول مقبققب السندوتش وكاتب قداموا حالف . معناها حالف الله يكتل امو وابوه اذا ادا زول حاجة . وتلقي واحد يقول ليك محلفني . تقول ليه المحلفك منو ؟ يأشر للقاعد جمبو . ويطلع القاعد جمبوا محلفوا لاول . ده بس حالة شهرزاد ، محلفينا .
الانقاذ طلعت بالناس الجو لانها اوقفت صفوف البنزين والعيش ووفرت كل شئ حتي الموبايلات ادخلتها هي . بالرغم من ان هذا التطور عم العالم .
يتحدثون عن فك الاحتكار لتجارة القمح والدقيق . وهذا احتراف بأن الاحتكار كان موجودا . لماذا سمحوا به في المكان الاول ؟ وليس لكل تاجر الحق في استيراد ما يشاء . قانون الشركات1925 يحدد نوع التجارة في الرخصة التجارية. فلا يمكن الرخصة تشمل الدراجات والادوية ومعدات الصرف الصحي . اذا اردت ان تستورد سيارات يطالبونك بورش ومقدرة مالية وعقد مع الشركة المصنعة ومهندسين وشهادات صلاحية ومقدرة فنية ومقدرة مالية … الخ . وشركات البناء هنالك من يبني المساكن وهنالك من يبني العمارات ومن يببني الجوامع والكنائس او المرافق العامة من جامعات ومعاهد ومطارات ومحطات سكك حديدية ومواني . لكل درجة ومواصفات انت في ام قحف عاوز نبني بيتك بالشرقاني ولا تعمل خص في ركن البيت مافي زول بيسألك .كان وقع انت مخير لكن ما ممكن تبني سينما بالجالوص تقع تكتل الناس .
الدقيق يفقد كثير من قيمته الغذائية في التخزين كل حبة قمح عبارة عن كبسولة تحتفظ بالقيمة الغذائية . ولكنا تفقد بعض تلك القيمة الغذائية مع التخزين . والذرة في المطامير تفقد ما قد يصل الي 50 في المئة من قيمتها الغذائية .والطحين الطازج اجود من الطحين المخزن . وهذا نفس الشئ بالنسبة للاسمنت . اسألوا كرتي.
لماذا يستورد الطحين . فالطحن في اوربا اغلي بسبب العمالة المكلفة ؟؟ والموضوع كله كركبة قيراوانات ، وصرف النظر عن المشاكل الاصلية . ومع تغيير الحرس تقطع بعض الرقاب . وكل زول في الانقاذ عندو ناسو يروح هو يجي واحد جديد . والميكانيكي ولا النجار في السودان اول حاجة يقول ليك مين الاسطي البليد العمل ليكم ده . الوزير الجديد لازم يغير كل حاجة . وابدا ما بيقول يا سلام القبلي ده ابدع .
والآن الانقاذ تضحي ببعض الافراذ . هل تذكرون الضب عندما يطاردة الثعبان او الانسان يفصل ذيله الذي يتحرك بعنف لكي يشغل المطارد . وينموا الذيل بعد ايام . هذا هو حال الانقاذ .
الخبز هو السبب في كثير من الثورات ، اشهرها الثورة الفرنسية .عندما قالت الملكة النمساوية ماري انطوانيت للشعب الفرنس لماذا لا تأكلوا الكيك اذا لم تجدوا الجبز ؟
الشعب الجزائري شعب عنيف يقولون عن انفسهم انهم شعب ,, وعر ,, الوزيرة فاطمة عبد المحمود كانت في زيارة للجزائر في ايام نميري . واخذوها لمؤسسة ضخمة لصنع الخبز . وسالت المدير ببراءة عن ربحهم. فقال لها ,, انت مهبلة ؟ نربح من قوت الشعب ؟؟ ,, الرغيف يجب ان يكون مدعومات حتي يستطيع المواطن خاصة في الدول الفقير، ان يأكل . والا سيأكل الحكومة . ومصر تتسول حتي القمح من امريكا وتجتهد وتوفير الخبز للشعب المصري . وتنجح .
من المحن الجزائرية وهم شعي يحير، قام مبعوث سعودي بمطالبة الجزائرين من تغيير اسم مدينة الاصنام التي ضربها الزلزال قبل حصولهم علي مساعدات سعودية . فقال له المسئول الجزائري . ,, انعل بباك هادا المسيحي اتبرعلنا بعشرين مليون دولار … . الخ ,, وكان المندوب الفرنسي قد تبرع بعشرين مليون دولار ومعدت وخيام واطباء وكلاب للبحث عن البشر المطمورين ، وشاركت اغلب الدول الكبيرة . والسعودي ماسك في اسم المدينة والناس بين جرحي وقتلي ومشردين . الشعب السوداني جعان والانقاذ في نقاشات سفسطائية . الاحتكار والانفتاح والانطلاق والوثبة والرقدة والنومة …. الخ وكت الناس ما لقت الغموز ادوها القروض .
البشير كان مغيبا عن كثير من الاحداث . وكان يتكلم عن الغرباوية وعن دخول قرنق الي شندي وشرب القهوة ، وعزة المرأة من وسط السودان . واليوم عرف البشير ان السودانيات بلغ بهن البؤس بسبب نظامة انهن صرن يعملن كخادمات عند العرب وغير العرب . ولربما هنالك صحوة ضمير . فعندما اشتد المرض علي البشير صرح بانهم قد سفكوا الدماء في دارفور وانهم يتوسلون الي الله سبحانه وتعالي . حالة البشير الصحية الآن اسوأ من ذي قبل بكثير. وسيذهب البشير ، لكنه يريد ان يؤمن اهله . والاتفاق مع بقية الاسلاميين ان تكون المعارضة دائما اسلامية . وحتي اذا ذهب البشير فقد يأتي تلاميد الترابي . والبشير كالغريق يتمسك بزبد البحر . ولقد بلع به الهوان ان صار يستعين باحزاب الفكة وبلة الغائب والحاضر والذي سيأتي . صارت الدولة يمثلها شيخ الجيكسي . محن …. انها محن .
زرة جنوب افريقيا تركت آثارا ضخمة علي نفسية البشير . فالهروب من نايجيريا كان سريعا . ولكن الهروب من جنوب افريقيا كان مهينا ، فلقد قاموا بتهريب البشير من المؤتمر كلص . واخذ الي القاعدة الحربية متخفيا . وجلس في الطائرة التي هربت الي القاعدة الحربية ، لساعات طويلة , وحتي من تمتع ,, باتخن جلد ,, ستؤثر عليه تلك الساعات من الانتظار والاهانة . ولا بد انه شاهد الخوف والترقب والاعصاب المشدودة لمن هربوه . وهذة اول مرة يهرب رئيس زائر لبلدة كمهرب مخدرات . وبكي غندور لان الامر كان مخيفا. وبكاء غندور قد سبقه خوف ورعب .
وبالكلام عن المخدرات . لقد عرف البشير انه قد استحمركل الوقت ، وان بلادة هي اكبر سوق لعبور المخدرات . بل لقد قبضوا علي مصنع في السودان يديرة بلغاري وسوريين وسوداني . وهذا يعني ان الخبرة التصنيعية قد وطنت في السودان . وبعد كده عينك ما تشوف الا النور . لم يعد في امكان البشير ان ينكر وجود الفساد . وسيضحي ببعض الفاسدين لكي يرقص الشعب حول جثثهم . ويتركونه لحين . عندما قبض علي الوزير البينو في حكومة مابعد الانتفاضة بشنطة من المخدرات في السعودية صدم كل السودان . وكانت مصيبة غير مصدقة . والان يقبضون علي حاويات . ويسألونك عن الفساد .
البشير يصراحة ,, جر واطي ,, وعلي المعارضة ان لاتنخدع . . وبعض الثعابين عندما تحاصر تنقلب علي ظهرها وتتصنع الموت . وابو الحصين ينتفخ ويحسبه الانسان بالميت وما هو بميت . لكن اين العنتريات الزمان ؟ وبعدين ناس حميدتي حيطلبوا الله ؟ العرب الافغان لمن انتهت حصة الجهاد في افغانستان وقالوا ليهم انصراف ، مش كريت ابت الرجوع الي البيت الذي بناة بن لادن وكانت القاعدة والقمة والوسط . واليوم داعش وبكرة ناعس . في ناس عندها مصلحة ضخمة في استمرار الحرب . واغنياء الحرب ديل غنوا من بيع المراكيب ؟ ما من الحرب والصرف الغير مرشد . وعمولات الاسلحة والطيارت والدبابات الصفيح . الاموال … غسيل فمين وظهرة .
التحية
ع . ش .شوقي
كركاسة
قالوا الرضاعة سهلة ، صعب الفطام
الجماعة الكانوا بيحلوا ويربطو والانقاذ فكتهم عكس عكس الهواء . حيكونوا قاعدين مؤدبين ورضيانين ؟ حتشوفوا محن قبل فوتة البشير ولا بعد فوتة البشير .
السودان بلد المولات و الموبايلات.ود هديه في رعب من مصير انتقامي سوداني..هو و اسرته..قريب و يرونه بعيد.
ياعم والله لازم نغير الخطة و نلعبا معاهم مان تو مان ! والحشاش يملا شبكتو.
لا حول ولا قوه إلا بالله
أبو ،،،شلاضيم ده،،،بحمر لينا كده ،،،مالو؟
معليش يا استاذنا لكن الجنيه ماشي ل 20000 بالقديم لانهم لما وصلوا السلطة كانت العملة القديمة يعني الجماعة فاتوا 20 زماااااااااااااان.
اين كنت يا هذا من زمان ولماذا لم تبوح بما تقول الان “” لانك قذف بك خارج الميدان ؟ السودان بلد العجائب : ياخي دي مصائب مش كان احسن الانجليز؟؟””
شوقي بدري ..والله ابدعت وبدعت مقال فخيم شامل كامل ملخص لكل الاحداث السياسية لم تترك شاردة ولا واردة بلغة بسيطة لكن قوية كنفس سجارة شديدة الاخضرار.. سلمت يداك.. بالأمس وزير المالية السابق كان في لقاء تلفزيوني(غسل دماغ واعادة انتاج)ربما موعود بمنصب ولابد من المسوح بعد فضايح بيت الرياض…. ما شدني هو قوله (ارجو ان لايتكرر ماحدث للرئيس في جوهانسبيرج مرة أخرى)) في اعتراف صريح بالمرمطة التي حصلت.
علي المعارضة ان لاتنخدع
شكرا عمنا شوقي مقالة رائعة.. انت رجل دقيق الملاحظة مع ذاكرة قوية هلا يمكن ان تنورنا لم لم تندلع ثورة شعبية ساحقة في السودان منذ مجئ هؤلاء والي الآن؟؟ اقصد ثورة تزادا اوارا كل ما سقط شهيد وليس تحبط بسقوط البعض شهداء؟؟ انا في ظني ان التنظيم والقيادة لا توجد حتى الآن في صفوف الشباب المعارضين على كثرتهم!! واكثر ما يخيفني ان أظن بأن الثورة يمكن ان تنجح اذا شارك فيها المتأسلمين بمختلف مسمياتهم؟؟؟ أرجو تنويرنا..
سلام شوقى بدرى
حياك الله
لا اسكت الله لك صوتا ولا جف لك قلما
تحليل فى المضمون لكن المقال البشير غردون السودان يعنى غردون مات وقتلوه الأنصار عند بوابه القصر القديم قصر الحاكم العام تلك ملحمة سطرها التاريخ بأحرف من نور هل سينتهى البشير بنفس الطريقه
ربنا اعلم الحاصل يوح بهذا
الاخ شوقى وقفت كثيرا فى قولك ةالانقاذ طلعت بالناس لانها اوقفت صفوف البنزين والعيش ووفرت كل شيىء ( وقفة عند ووفرت كل شيىء ) كل فليفسر حسب منطقه وفكره وجهده واجتهاده … طيب يا سيدى نحن نعمل شنو ناس الاحزاب فعلا وروا الناس المرة وخلوهم يمصوا اصابعهم وكان الناس يتناولون الشاى بالبلح والسكر بالتموين والرغيف صفوف والبنزين معدوم والمواصلات الا تكون ملاكم تلقى ليك كرسى .. اذن ما البديل الشعب بين سندان الحكومة ومطرقة الاحزاب السادة الاحزاب ايضا جربناهم فلم نجد منهم صرفا ولا عدلا ولسوء حظ الشعب السودانى ما زال عجائز الاحزاب مكانك سر اى عندما يذهب البشير فسينطون على رقابنا اذا كانوا وهم شباب لو يفعلوا شيئا فهل ياترى فى كهلهم سيفعلون ما يتطلع اليه شعبنا بل احزم فان ضؤبتين منهم فى الراس بتوجع سنبكى على اطلال الانقاذ طالما ان هؤلاء ما زالوا يتنفسون الصعداء لانقضاض على الكرسى المسالة يحلها ربنا وان الله لا يغير ما بقوم حتى يغيروا ما بانفسهم … يقول رسول الامة يولى عليكم باعمالكم الح شنو ؟؟؟ يحلها ربنا
شوقى بدرى يا رائع الله يديك الصحة والعافية وما اعتقد انه فى احسن من هذا الدعاء ولا ملايين الدولارات !!!!
الجمل لمن يرغى ويزبد قالو بكون داير النسا …. زولك ده برغى على شنو يا استاذنا الجميل هههههه ؟
Fascinating article, plain, simple and truthful…I enjoyed with strong cup of coffee ….Many thanks
يا سلاااام يا أستاذ دائماً تمتعنا بكتاباتك!! و الله أنا أقرأ الموضوع و أرجع فقرة أو فقرتين للمزيد من المتعة و أتمنى ألا ينتهي الموضوع!! رغم بعدك عن البلاد -كما قلت- و لكن ملم بكل ما يحدث فيها!! و تحلل هذه الجماعة العجيبة أكثر من الموجودين داخل البلاد!! اطال الله عمرك و متعك بالصحة والعافية!!
السودان بلد المولات و الموبايلات.ود هديه في رعب من مصير انتقامي سوداني..هو و اسرته..قريب و يرونه بعيد.
ياعم والله لازم نغير الخطة و نلعبا معاهم مان تو مان ! والحشاش يملا شبكتو.
لا حول ولا قوه إلا بالله
أبو ،،،شلاضيم ده،،،بحمر لينا كده ،،،مالو؟
معليش يا استاذنا لكن الجنيه ماشي ل 20000 بالقديم لانهم لما وصلوا السلطة كانت العملة القديمة يعني الجماعة فاتوا 20 زماااااااااااااان.
اين كنت يا هذا من زمان ولماذا لم تبوح بما تقول الان “” لانك قذف بك خارج الميدان ؟ السودان بلد العجائب : ياخي دي مصائب مش كان احسن الانجليز؟؟””
شوقي بدري ..والله ابدعت وبدعت مقال فخيم شامل كامل ملخص لكل الاحداث السياسية لم تترك شاردة ولا واردة بلغة بسيطة لكن قوية كنفس سجارة شديدة الاخضرار.. سلمت يداك.. بالأمس وزير المالية السابق كان في لقاء تلفزيوني(غسل دماغ واعادة انتاج)ربما موعود بمنصب ولابد من المسوح بعد فضايح بيت الرياض…. ما شدني هو قوله (ارجو ان لايتكرر ماحدث للرئيس في جوهانسبيرج مرة أخرى)) في اعتراف صريح بالمرمطة التي حصلت.
علي المعارضة ان لاتنخدع
شكرا عمنا شوقي مقالة رائعة.. انت رجل دقيق الملاحظة مع ذاكرة قوية هلا يمكن ان تنورنا لم لم تندلع ثورة شعبية ساحقة في السودان منذ مجئ هؤلاء والي الآن؟؟ اقصد ثورة تزادا اوارا كل ما سقط شهيد وليس تحبط بسقوط البعض شهداء؟؟ انا في ظني ان التنظيم والقيادة لا توجد حتى الآن في صفوف الشباب المعارضين على كثرتهم!! واكثر ما يخيفني ان أظن بأن الثورة يمكن ان تنجح اذا شارك فيها المتأسلمين بمختلف مسمياتهم؟؟؟ أرجو تنويرنا..
سلام شوقى بدرى
حياك الله
لا اسكت الله لك صوتا ولا جف لك قلما
تحليل فى المضمون لكن المقال البشير غردون السودان يعنى غردون مات وقتلوه الأنصار عند بوابه القصر القديم قصر الحاكم العام تلك ملحمة سطرها التاريخ بأحرف من نور هل سينتهى البشير بنفس الطريقه
ربنا اعلم الحاصل يوح بهذا
الاخ شوقى وقفت كثيرا فى قولك ةالانقاذ طلعت بالناس لانها اوقفت صفوف البنزين والعيش ووفرت كل شيىء ( وقفة عند ووفرت كل شيىء ) كل فليفسر حسب منطقه وفكره وجهده واجتهاده … طيب يا سيدى نحن نعمل شنو ناس الاحزاب فعلا وروا الناس المرة وخلوهم يمصوا اصابعهم وكان الناس يتناولون الشاى بالبلح والسكر بالتموين والرغيف صفوف والبنزين معدوم والمواصلات الا تكون ملاكم تلقى ليك كرسى .. اذن ما البديل الشعب بين سندان الحكومة ومطرقة الاحزاب السادة الاحزاب ايضا جربناهم فلم نجد منهم صرفا ولا عدلا ولسوء حظ الشعب السودانى ما زال عجائز الاحزاب مكانك سر اى عندما يذهب البشير فسينطون على رقابنا اذا كانوا وهم شباب لو يفعلوا شيئا فهل ياترى فى كهلهم سيفعلون ما يتطلع اليه شعبنا بل احزم فان ضؤبتين منهم فى الراس بتوجع سنبكى على اطلال الانقاذ طالما ان هؤلاء ما زالوا يتنفسون الصعداء لانقضاض على الكرسى المسالة يحلها ربنا وان الله لا يغير ما بقوم حتى يغيروا ما بانفسهم … يقول رسول الامة يولى عليكم باعمالكم الح شنو ؟؟؟ يحلها ربنا
شوقى بدرى يا رائع الله يديك الصحة والعافية وما اعتقد انه فى احسن من هذا الدعاء ولا ملايين الدولارات !!!!
الجمل لمن يرغى ويزبد قالو بكون داير النسا …. زولك ده برغى على شنو يا استاذنا الجميل هههههه ؟
Fascinating article, plain, simple and truthful…I enjoyed with strong cup of coffee ….Many thanks
يا سلاااام يا أستاذ دائماً تمتعنا بكتاباتك!! و الله أنا أقرأ الموضوع و أرجع فقرة أو فقرتين للمزيد من المتعة و أتمنى ألا ينتهي الموضوع!! رغم بعدك عن البلاد -كما قلت- و لكن ملم بكل ما يحدث فيها!! و تحلل هذه الجماعة العجيبة أكثر من الموجودين داخل البلاد!! اطال الله عمرك و متعك بالصحة والعافية!!
I really like it, when a writer responses to commentators, this shows strong bonds and interests, I hope others follow suit
تحياتى أستمتعت بقراة المقال والذى يشرح الحال والواقع والبؤس المعاش ، ونحسدك لحياتك فى العالم الاول.
بالرجوع الى موضوعك عن السفرجى ووصفك له بانه حلفاوى كانك تريد الصاق الوظيفة باهلى الحلفاويين،
وما عايزة أدافع عنهم لان اى واحد يعرف الحلفاويين ومساهمتهم فى البلد من باب الرقى والتهذيب والنظام والنظافة ولا داعى للوصف،
وانا ما عندى ماخذ على الوظيفة التى هى ما تشتهر بها سويسرا من معاهد وفن الفندقة الخ،
وما شركة دال الغذائية الا نموذج لما يمكن ان يقدمه الحلفاويين ، اها قصرنا معاكم ، عليه ورينى اهلك الرباطاب قدموا شنو للسودان.
الأستاذ الكبير شوقى البدرى من العجيب أنك تعرضت لكل شيء نعم كل شيء واغفلت تناول المسرحيه الملهاة تحت إسم 7+7وما تمخض عنه !! وما قولك في المجموعة التي دفع بها ليمثلوا او يمثلو بالشعب السودانى ؟ وهل تعتقد تجمع فيه حسين خوجلى (القومى) سوف يسفر عن نتائج تعود بالنفع على الشعب السودانى وهل يدل على جدية النظام؟ وانا اطرح هذه الاسئله وذهنى ممتلء بالاجنماع المعروف (بخطاب الزثبه!!)الذى دعى فيه قادة الأحزاب وحتى لا تبدو القاعه خاليه كان المدعوين أيضا الخمسين شخصيه التي دعت هذه المره لوحدهم ليمثلوا الشعب السودانى قاطبه !!.
عفوا إستاذى مره أخرى الأخطاء المطبعية التي لازمة المقال أفسدها جزئيا !!.
مقال مشبع ، شكرا جميلا للكاتب ، وطمنتنا بانو لازال الوعي موجود.
لم اجد نفسي معك وهو كلام ونسة لا تقدم ولا تؤخر . السيد القائد ليس غردون باشا وغردون باشا ليس السيد القائد عمر البشير ؟
غردون باشا الرجل العظيم
بدون مقدمات عندما كلف رجال من رجال البعثات المسيحية ورجال الجيش الملكي للقيام بحملات لانهاء تجارة الرقيق والتي كانت التجارة الأولى لبيع اخوتنا لأخوتنا في كافة مديريات السودان ولكن كانت في المديريات الأستوائية , بحرالغزال , اعالي النيل , اجزاء من دارفور .
احتج قناصل الدول الأوربية على بيع الأخ لأخيه وقد قامت الملكة فكتوريا بجانب الأستكشافات لاغراض الدعوة للدين المسيحي بمحاربة تجارة البشر ضد بعضهم البعض . كان السودان من اكبر الاسواق في تجارة البشر وللأسف قام السودانيون ببيع اخوانهم واخواتهم في اسواق النخاسة ….
كان غردون باشا من اعظم قادة الجيش الملكي البريطاني وقد خدم بريطانيا العظمى في الهند , كلف بالذهاب للسودان لأيقاف تجارة الانسان لاخيه الانسان وقد كلف باسم الخديوي للقيام يهذه المهمة وقد حقق نجاحات كبيرة بعد المجازر التي ارتكبها الدفتردار صهر الخديوي ضد قبيلة الجعليين ومحاولة بيعهم في سوق تجارة الانسان لأخية الأنسان .
قام غردون بخدمات كبيرة لشعب السودان لن ينساها التاريخ وعند قيام حركة المهدية وقف للموت كاعظم مايكون عليه الانسان المؤمن , استشهد غردون وهو يدافع عن شعب السودان وحمايته من تجارة الرقيق ….
اما الاخ السيد القائد ليس له دور مما قام به غردون من اجلنا واننا الان لا نحكم بواسطة الاخ القائد عمر البشير نحن نحكم بواسطة الاخوان وانه ليس هنا موضع سلطة الا على رأسه اخ مسلم اما شخصيته فليست هي الموضوع الذي يعيشة شعب السودان اننا نعيش نظام غير دستوري ويجب العمل ان ينحصر في اعادة الحال على ما كان عليه قبل انقلاب الاخوان على الشرعية بكافة الوسائل السلمية فقط وان يترك المدنيون السلاح للقوات المسلحة وقوات الأمن وان نحترم جيشنا وشرطتنا وقوات انفاذ القانون ونبتعد عن قتلهم فهم الأمل الحاسم من اجل الحرية والدستور .
مرحب بالمدفع سريع الطلقات في الميدان .. كان كمان تدي الطائفية المتحالفة بل والحامية للإنقاذ سوطين.. مؤقتا سيبك من مصر ومن نميري رحمه الله عشان ما نختلف..
من ناحية قربت قربت للظلم نهاية بس يا لها من نهاية هل ستكون ككل النهايات السابقة عبود ونميري وديل ومن ناس ديل وااسفاي
الأستاذ والعم الرائع شوقى بدرى …
اقول لك ما كتبته هذه المرة وطريقة السرد كان فى قمة الألق ..لم تترك شاردة ولا واردة …متعك الله بالصحة والعافية..
قلت إن البشير كان مغيبا عن كثير من الاحداث… لكن والله يا عم شوقى أنا إحساسى غير ذلك ..
البشير مثل القذافى ..القذافى كان يتحدث ويتصرف داخل عباءة المجنون وماهو بمجنون ومن خلال هذا الجنون كان يمرر أجندته ويفعل مايريد والناس تقول ليك ده مجنون …
كذلك البشير الناس كلها تقول ليك البشير أهبل البشير مغيب …
و حينما يتحدث البشير عن الفساد يعمل ليك فيها متغابى وأهبل وعبيييييييط وهو غارق فى الفساد من ساسه لى راسه… أديك مثال بسيط ألا يعرف البشير أن وداد إشترت قصر إبن مصطفى الأمين بأكثر من ستة ملايين دولار ؟؟؟ وداد ربة المنزل ولنقل إنها موظفة بل حتى وزيرة فى حكومة السجم دى …من أين لها بهذه الملايين ؟؟؟
ألم أقل لك إن البشير بيتغابى وسايق فيها الهبل حتى يظن الناس إنه مغيب ؟؟…
لكن ليس كل مايعرف يقال وسيأتى اليوم الذى توضح فيه الحقائق لشعبنا المنكوب …
لكن نهايتهم قربت ..
فقد قيل إذا رأيت الليل يسود ويسود فاعلم أن الفجر قريب..
وإذا رأيت الحبل يشتد ويشتد فاعلم إن إنقطاعه بات قريب ..
الأخ شوقى بدرى دائما كتابته رائعة و ..ذاكرة أمة..أحب أوضح للأخوة الذين ذكروا غردون الأصل و أنه جاء لتحرير الرقيق أو إيقاف تجارة الرقيق..غردون لم يأتى للسودان فى مأموريته الأخيرة من أجل ذلك..بل جىء به لهدف أساسى و وحيد ألا وهو إجلاء البريطانيين و ألوروبيين من السودان و تحقيق إنسحاب أمن… و لكن تشابكت مهمته مع طموحات لوبى كنسى قوى كان يقوده ملك بلجيكياويموله الفاتيكان و أثرياء أخرون ويهدف لضم السودان للكلكةالبريطانية و توسيع النشاط الكنسى و لذلك كان غردون دائم الأشتباك مع اللورد كرومر المندوب البريطانى لمصر و السودان و مقره القاهرة..عندما شرع غردون فى التجهيز طلب من الزبير باشا أن يرافقه..و اعدا إياه بأن ينصبه ملكا على السودان حال النجاح فى القضاء على المهدى.زالزبير رفض تلك الدعوة و رفض مرافقة غردون..بل طالبه بلأعتذار عن قتله إبنه سليمان غيلة بعد أن أعطاه الأمان و طلب منه القدوم للخرطوم ليسهل له الألتحاق بوالده الذى كان منفيا فى مصر..أكبر مرافقى غردون فى رحلته الأخيرة هذه للسودان كان المصرى محمد أبو السعود..أكبر تاجر رقيق فى ذلك العصر.. وعندما وصلوا بربر جمع الناس و التجار و قال لهم بالحرف الواحد: أنه(أى غردون) ليس له أى أوامر جديدة تجاه تجارة الرقيق.. و أن”تجار الرقيق يمكنهم فعل ما يشاءون برقيقهم”.. و هذا الكلام موثق..عندما غير غردون من عند نفسه سياسة الأخلاء و قرر البقاء وبناء الدولة المسيحية فى السودان شرع فى إستخدام كرت محاربة الرق ليستدر عطف الممولين الأوربيين.. و استخدم الزبير كبش فداء..فى ذلك العصر يا أحبتى كانت الملكة فكتوريا الأم تمتلك العدد المعروف ب 2222 من العبيد..و كان الفاتيكان أكبر ممول لتجارة الرقيق.. و لكن كما يقولون:لا يمكن لأحد أن يهزم الأنجليز فى ثلاثة أمور: صنع الويسكى و الفش أن شبس و تزوير التاريخ..من أراد التأكد من كل هذا و زيادة أحيلهم لمرجعين: كتاب المهدية من أبا إلى تلسهاى للأستاذ أبو شامة(السودانى) و كتاب Salvery and Capitalism by Eric Williams وهو كاريبى..
الرائع شوقى بدرى …
ابيات قالها الشاعر صالح بن عبد القدوس، وهي مليئة بالحكم البليغة…
اتمنى ان نفكر فيها قليلا نحن وجماعة الاسمنت والدقيق والذهب والمزارع والتياب…
فدعِ الصِّبا فلقد عداك زمانُه
وازهد فعمرُك منه ولَّى الأطيبُ
ذهب الشباب فما لَه من عودةٍ
وأتى المشيبُ فأينَ منه المهربُ
ضيفٌ ألَمَّ إليك لم تحفلْ به
فترى له أسفاً ودمعاً يُسكبُ
دعْ عنك ما قد فات في زمن الصبا
واذكر ذنوبَك و إبكِها يا مذنبُ
واخشَ مناقشةَ الحساب فإنه
لابُدَّ يُحْصَى ما جنَيْتَ ويُكتبُ
لم ينسَهُ الملكانِ حين نسيتَه
بل أثبتاه وأنتَ لاهٍ تلعبُ
والروحُ فيك وديعةٌ أُوْدِعْتَها
ستردها بالرغم منك وتُسلبُ
وغرورُ دنياك التي تسعى لها
دارٌ حقيقتُها متاعٌ يذهبُ
والليلُ فاعلم والنهارُ كلاهما
أنفاسُنا فيها تُعَدُّ وتُحْسَبُ
وجميعُ ما حصلتَه وجمعتَه
حقاً يقيناً بعد موتِك يُنْهَبُ
تبّاً لدارٍ لا يدوم نعيمُها
ومَشيدُها عما قليلٍ يخربُ
………………………., احترامي
والله كان اخير الاستعمار بيصلح البلد وبياخد نصيبو هسسسه الجماعه بياخدو نصيبهم بس لانه اي مشروع بينفذ بنصف التكلفه وما بيستمر سنتين