الجيش : قواتنا عادت للديار بمعنويات عالية، سالمة وغانمة، وفقدت شهداء وجرحى.
أعلنت القوات المسلحة السودانية تحقيقها العديد من الانتصارات في مختلف مسارح العمليات، وقال قائد الفرقة 18 مشاة بالنيل الأبيض اللواء منتصر سبيل ، إن القوات المسلحة التي خاضت انتصارات في كثير من المواقع عادت بمعنويات عالية.
وقال آدم خلال مخاطبته الكتائب العائدة من مناطق العمليات بأبو كرشولا بجنوب كردفان، إنها عادت للديار بمعنويات عالية، وهي سالمة وغانمة، مشيراً لفقدانها شهداء وجرحى.
وأشار سبيل لتوجه فرقة أخرى لمناطق العمليات بجنوب كردفان، مؤكداً جاهزيتها واستعدادها لتقديم التضحيات من أجل حماية الولاية من كل المهددات الأمنية، وسد جميع الثغرات بمناطق السودان المختلفة.
واستقبلت الفرقة 18 مشاة بولاية النيل الأبيض كتائبها 373 و374 العائدة من مناطق العمليات بأبو كرشولا بجنوب كردفان.
شبكة الشروق
خبر ليس له معني!!! أي عسكري يعود من مناطق العمليات معنوياته بتكون عالية لانه لا يري فيما يفعله من قتل لأخوانه الشئ الصحيح … واذا كان الخبر أن الكتائب التي عادت كانت في معنويات هابطة لانهم لا يريدون العودة الي أن يحسم التمرد كان ممكن نقول الخبر ينقل وطنية الجنود المحاربين في الجيش الحكومي… انتهي
عادت من مناطق العمليات سالمة وغانمة وبمعنويات مرتفعة وفقدت شهداء وجرحى ،،، ههههههه عليكم الله دا كلام دا سالمة وغانمة …. معنويات مرتفعة ………. شهداء وجرحى …….. أولاً ورونا غنمتوا شنوا ،،، ثانياً نحن بنوريكم ليه معنوياتكم مرتفعة لأنه ما مصدقين رجعتوا حيين من لظى نيران الجبهة الثورية ومن جانبنا كمان بنأكد ليكم لو كان عددكم 1000 أكيد عدد العائدين منكم 150 و قول 200 عشان كدا معنوياتكم مرتفعة ،،،، ورونا عدد الشهداء كم وعدد الجرحى كم؟؟؟؟؟؟؟؟؟؟؟
mission accomplished .?or the roars of Nuba lions are scary.
من بقرأ التصريح يظن انه تم تحرير جنوب كردفان والنيل الازرق ودارفور!! تصريح سياسي اكثر من كونه تصريح عسكري!! ياحليل زمن العسكرية زمن ابوكدود وزمن عبدالماجد حامد خليلّ!!!
يا سيادك هذا تحرك عادي للقوات!! مامورية وانتهت فقط لاغير!!! انتوا من زمن ابوكرشولا، الناس الان في زمن ام كريشة حيث تدور المعارك!!!! ما شار الله عليك يا سعادة قائد الفرقة!!!
كتلتو اهلكم المساكين هناك، يافرحتنا بيكم،،،انتصرتوا علي منو؟ اخوانكم المسلمين البيشهدوا لا الله الا الله،،،حسبكم جهنم وليست الشهادة،،،اوعو يا ناس تروحو فطيس، لا دنيا ولا اخره،،،مساندة الظالم ظلم وربنا بيسألكم ،،،
ورجعنا الي الديار…؟ وأين كنتم خارج السودان …؟ وابوكشرولة دي من ديار بني شـــاد .
دا كلام شنو دا يا منتصر سبيل
هو كان هدفها العودة للديار ولا القضاء على التمرد في هذا العام كما إدعى كبيركم يا كذابين؟
والله لخبطتنا معاك يا جنابو ( انت اسمك منتصر ولا الجيش انتصر !!!)
( قوات رجعت لديارا ).. يعني ده خبر يا منتصر اخوي ؟!
كيف رجعوا و الصيف لسه ما بدا .. كيف رجعوا و لسه ما حسموا التمرد .. كيف رجعوا والسنة 2013 ما انتهت .. معنوياتهم عالية اكيد لانهم فروا من الموت ..قال قوات مسلحة السمعكم يقول خلاص راجعين من الفشقة وحلايب بعدما حرروها من الحبش والحلب…
يا جنابو كاودة كيييييييييييييييييييييييييف
ياسيدي ماذا قدم الجيش السوداني لحماية البلاد و العباد اليس هو جيش وطني لاينتمي الى اي حزب او كيان ماذا فعلتم في كل ربوع السودان
سماءكم مستباحة و ارضكم مستلبة وتمقضم الوطن من جميع اتجاهاته ماذا انتم فاعلون
عدتم للديار و اي ديار وهل تركتم لنا ديارا وارضا عد الى رشدك ايها المعتوه
وكفانا الله شروركم
يا جنابو منتصر سبيل
هذا الجيش فار من المعارك في ابوكرشولة .استعد لإستقبال فلول المرتزقة والمليشيات الهاربة من معارك الكاركو وابو دموع و كريشة.
مصنع اليرموك في قلب العاصمة الخرطوم يا سعادتو
ه
يا جنابومنتصر سبيل
هذا الجيش فار من المعارك في ابوكرشولة .استعد لإستقبال فلول المرتزقة والمليشيات الهاربة من معارك الكاركو وابو دموع و كريشة.
مصنع اليرموك في قلب العاصمة الخرطوم يا سعادتو
يا جنابومنتصر سبيل
هذا الجيش فار من المعارك في ابوكرشولة .استعد لإستقبال فلول المرتزقة والمليشيات الهاربة من معارك الكاركو وابو دموع و كريشة.
مصنع اليرموك في قلب العاصمة الخرطوم يا سعادتو