الهيئة العليا للتضرع والاعتكاف

وين الجهاد ؟ وين الكرامات ؟ ولا دا جهاد من داخل المكاتب وقاعات البرلمان ، ياليت يا أستاذ تكتب لينا موضوع عن جهاد المكاتب …

من الواضح جدا يا أستاذ أن الشعب السوداني في وادي ( العطرون) و حكومة (البشترابي ) في وادي (العسل ) بس اكتب و اكتب و اكتب من منطلق فمن لم يستطع فبلسانه ،،، الله إن شاء الله لسانك بالتقطعوا ليك يا عبد القادر محمد زين و انت لا قادر و لا محمد و لاك زين قبح الله وجهك ( عبد القادر ما إنت يا استاذ ) .

انت يا استاذ جبرة الافكار دى بيجينا من وين أنا اشك انك مع الجماعة ديل يعنى ما عارف أنو حيطبقو
فكرة دى ياجبرة

أستاذي الكريم — كل عام وانتم بخير — وليكون للاعتكاف والتضرع قوته الايمانية اقترح ان يتم اختيار الاعضاء من الاقاليم صاحبة الوجعة لان دعوة المظلوم طريقها سريع وطبعا الاقاليم معروفه للعالم كله الا (جماعتك) دارفور وجبال النوبة والنيل الازرق والمناطق الطرفية العطشانة في العاصمة المثلثة ويفضل ان يضم الي الوفد اطفال المايقوما( المظاليم) والذين تزايد عددهم في ال25عاما الاخيرة ومن المظاليم مفصولي الصالح العام ( الزينا)وبقية ال31 مليون سوداني من خارج المؤتمر الوطني ( هذا اذا اخذنا رقمك السابق عن عضوية المؤتمر الوطني) وبعدين احنا نفتش علي المظاليم بعيد ليه ياستاذ ما انت مظلوم وعثمان ميرغني مظلوم وكلوووووو يضاف لوفد التضرع للدخول من باب الاعتكاف في الحرم الشريف بعد اخذ موافقة السلطات السعودية وشرح المهمة المقدسة — ياستاذ هذا زمان اكلوني البراغيث فلا تعجب انت في دولة عمر بشيرية اخوانجية مع سحنة شيعية وممول شيوعي صيني!

البلد الحزانى والدين الذي احالها الى طين ،،، توقعوا الاسوأ
المتجهجه بسبب الانفصال ،،
تقبل الله منكم الثلث الاول والثاني وبلغكم الثلث الاخير بالقبول وزوال الانقاذ …. اللهم آمين

وأول (بالتبادي ونسأل الله الا يكون فطوركم بسبب الانقاذ زبادي) فان الدين المقصود في مقالنا العكليتة هذه المرة ليس ديننا المعروف وانما الدين الانقاذي، فلئن كان الترابي ظل يكرر لسبب خفي حديث يبعث كل مئة عام من يجدد للامة دينها فاننا ننتهز هذه الفرصة الرمضانية لنذكر الانقاذ بطينها لا لنجدد لها عدم دينها الذي سنته لربع قرن، ويأتي ذلك من باب الكراهية الشديدة والغليظة التي أكنها ويكنها العديد من الراكوباب الميامين الذين هم بالوطنية محجلين للإنقاذ، السبب الاول انها ادعت اقامة الدين الذي أحال كل شيء الى طين سأعود لاحقا لشرح ذلك ،، والسبب الثاني اننا نعيش في احد اغنى بلدان العالم وحياتنا ضنك وعك ولا اريد ان استدل في سبيل ذلك بالآيات القرآنية التي ملت منا ومن الإنقاذيين من كثرة التكرار الممل منذ 25 سنة و فلعل القرآن لو نطق لسب دين الانقاذ ولعنه كما لعن اشباه الإنقاذين من الامم السابقة ، ولا تظنن عزيزي الصائم (العطشان من صباحاتو بيض) بسبب الضنك المتراكم وبسبب الإنقاذيين واذيالهم الذين يسكنون البيئة السودانية ويسرقون وينهبون ويصلون ويصومون ويفطرون ويضحكون ثم يتحللون هكذا هو الدين الجديد الانقاذي، وهل تظنن يا من فاتك السحور بسبب التعب والجريء وراء الرزق الحلال طوال اليوم أن الحر الشديد وارتفاع درجات الحرارة وقلة الخريف سببها الاحتباس الحراري فقط ، طبعا لا والف لا يا أخوي لأن ديننا نحن المخالف لدين الانقاذ والانقاذيين وضح بعض الاسباب الخفية لمثل هذه الامور، فعلى سبيل المثال لا الحصر خذ عمر بن عبدالعزيز مثلا وعمر البشير مثلا و مافي اي داعي ترجع لاي عالم دين عشان تعرف لماذا تبلغ درجة الحرارة في السودان هذه الدرجات الشبه جهنمية فوجود شخصية كهذه كفيل بإشعال النيران دون كبريت، هل سمعت باشتعال النيران في نخيل الشمالية من قبل، هل رأيت لظى الطيران يقصف قرى جنوب كردفان وجبال النوبة وقرى دارفور، هل سمعت بالآية التي تقول بما معناه أن فرعون يقدم يوم القيامة قومه فاوردهم النار بئس الورد المورود،، هذه الآية في السودان (شغالة) من بدري الا ترى أن فرعوننا منذ 1989 يقدمنا ويوردنا النار كل يوم .. انها قيامتنا الجزئية على يد هذا الفرعون ورهطه ومازال البعض يصفق إنها جحيمنا القائم بانتخابات،،، إن الدكتاتور الذي يتخلق ومعه طائفة من الديكتاتوريين المحيطين به لهو اللافا بعينها انه الجحيم انه الموت المكرر في جهنم الدنيا الجزئية ،،،،

إن ديننا لا دين الانقاذ علمنا أن الله يمهل ولا يهمل عكس دين الانقاذ الذي يدل سلوكهم بأن الله يهمل ولا يمهل حيث تشربكت في قلوبهم الحروف المتشابهة فشبه لهم فيمكنك أن تسرق ترليون ثم تتحلل بكل بساطة وتدفع بالتقسيط المريح أو قد لا تدفع اذا كان الملف فيهو ناس كبار وعوار،، ومن العجائب العجيبة ضمت الانقاذ امثلة لأشخاص ضرب القرآن بهم الامثلة في العتو والاجرام من زعماء الامم كفرعون وهامان وتبع والنمرود وغيرهم من الظلمة كذلك ضمت الانقاذ أمثلة لرجال كهنوت ذكر القرآن أنهم كانوا يشترون بآيات الله ثمنا قليلا ويدلوا بها الى الحكام وذلك لأكل فريق من أموال الناس بالباطل،، في زول في الفترة من 1989 الى 2014 ما اتأكلت منو حاجة كدة ولا كدة بالباطل من ناس الانقاذ، ان كان لا فدة قطع شك زول انقاذ أي ماكل وليس مأكول ومن البدريين…
ايها الناس عودوا الى الاسلام قبل 1989 م وقاطعوا كل المتشددين الاسلامويين ولا تصلوا معهم أو راءهم وانا لكم زعيم بعودة الخريف ثلاثة شهور كما في الستينات، وعودة الدود الاخضر في الطرقات تلتقطه الطيور والدواجن،، وإمتلاء العيون قبل البطون ،، وحب الخير لبعضنا البعض وي اريت كلوا زول تائه يلاقي الريدة في دربو عشان الناس تحب الناس وزي عينينا يتحبو والماعندو محبة ما عندو الحبة ،،،

يا خوي انت بتكتب عن غزة الأيام دي؟ ما عارف هناك عربات تاتشر حايمة وملثمين !!وقوات دعم سريع ودعم يطيء… المهم لو وصلت بيتك سالما مطمئنا بالله طمنا علي صحتك..

عالم ما وتخجل؟ دي عالم منحطة، و بالرغ من ذلك انا مع اعتكافهم لكن يعتكفوا في المسجد الكبير و ويحرسهم نحن من برة عشان ما فيهم يطلع برة المسجد لمدة الايام العشرة، يعني زؤان مافي.

شيخ جبرا عندما يسمع ليهو كلام من كوز تافه مغمور مثل عبد القادر محمد زين وأشباهه يقوم يستلم الموضوع ويعمل من كلامه فيلم ومسرحية.. أما الكيزان اصحاب الحل والعقد فالعم جبرا يتجنبهم ويبتعد عنهم كل البعد ولا يجيب سيرتهم وذلك عملا بمقولة (أبعد عن الشر وغـنيلو)!! وهذا هو دأبه..

الجماعة رمضان سخن معاهم دايرين اجازة عشان يساهرو الليل صباحى وينومو بالنهار وبساهرو فى شنو دى مادايرة فهامة

أدوهم اجازة سنتين للتضرع عشان نوفر فاتورة الكهرباء و قيمة البلح و الفول المدمس!!!
عالم وهم!!

صدقت والله هذا هو الموضوع المبكى المضحك
انت الناس ديل اتخذوا عند الله عهد؟كلا
الناس ديل ايدهم واصله عشان كدة لم يقرؤا سورة براءه كيف اعد الله المسلمين ان يكن منكم مائة صابرة يغلبو مئتين )
لكن الاعتكاف الانقاذى اعتكاف سياحى يعنى لو نثرية الحج 8 الف ريال زايد 10الف ريال نثرية معتكف
الطيب الضمان شنو الزول يكون معتكف ما يكون نام؟؟؟؟؟
ممكن يوكل ؟؟؟؟؟؟

لا تعليق غير الاختشوا ماتوا

غسان موجود معروف محلو قاعد فى كوكب الارض هى الارض دى مش بقت قريه صغيره يعنى حله دبى و لا حله ماليزيا
قول مشا بعيد خالص يكون وصل حله العم سام

والله ( خاستن الصغيرونة) دي طقطقط لي ضهري عديل بقيت اضحك زي المجنون!!!
لاكين يا استاذ الضرب علي الميت حرام ديل ما بهمهم و حيمشو موضوع الاجازة دي و حتبقي اجازة حصريا لنوام المجلس التنشيفي…..