عرمان : الخرطوم غير مستعدة لارسال الطعام للنازحين فكيف لها ان تقول انها مستعدة للدخول في حوار سياسي معنا
قالت الحكومة السودانية انها ستدخل في مفاوضات مباشرة مع الحركة الشعبية لتحرير السودان ? شمال في الخامس عشر من هذا الشهر اذا تسلمت وثائق تؤكد فك الارتباط وعدت جوبا بتسليمها في اجتماع سيعقد في الاسبوع المقبل. في وقت جددت فيه الحركة مطالبتها بالسماح بدخول العون الانساني لمناطقها اولا.
وأفادت مصادر حكومية بحسب صحيفة سودان تربيون الالكترونية ان الخرطوم لن تمانع في الدخول بمفاوضات مباشرة مع الحركة الشعبية حال تنفيذ دولة الجنوب التزامها ودفعها بوثائق رسمية في اجتماعات اللجنة السياسية العسكرية المشتركة مقرر عقدها في الثالث عشر من الجاري تؤكد فك الارتباط مع الحركة الشعبية قطاع الشمال والفرقتين التاسعة والعاشرة وفقا لمطالبها.
وأشار المصدر الي انها حال تسلم الوثائق ستجلس في التفاوض المحدد بالخامس عشر من الشهر الجاري بأديس ابابا .
وكان مجلس السلم والأمن الافريقي في اجتماعه الاخير على مستوى رؤساء الدول والحكومات قد طالب الوساطة بدعوة الحكومة السودانية والحركة الشعبية للمفاوضات قبل الخامس عشر من فبراير الحالي للتفاوض حول الوضع الانساني والحل السياسي للنزاع القائم في ولايتي جنوب كردفان والنيل الازرق منذ يونيو 2011.
ومن جانبه أكد الامين العام للحركة الشعبية لتحرير السودان ياسر عرمان في تصريح لسودان تربيون انهم لم يتلقوا حتى الان دعوة من الاتحاد الافريقي حول هذه المفاوضات وجدد مطالبة الحركة بالسماح بوصول العون الانساني للمتضررين في مناطق الحرب لإثبات جدية الخرطوم في التفاوض.
وقال ” الخرطوم اذا لم تكن مستعدة للسماح بدخول المساعدات الانسانية وترفض ذلك فكيف لها ان تعلن استعداها للتفاوض مع الحركة الشعبية حول حل سياسي للازمة”.
وأوضح عرمان انهم أكدوا لرئيس الوساطة الافريقية تابو امبيكي في اخر لقاء لهم معه استعدادهم الدائم لمقابلة الوساطة لمناقشة الاوضاع في المنطقتين.
وجدد الامين العام للحركة الشعبية ياسرعرمان مطالبة الحركة بدخول العون الانساني للمدنيين في مناطق الحركة قائلا ان “الازمة الانسانية في المنطقتين تعتبر الان أكبر كارثة انسانية في افريقيا”، واضاف قائلا ” اذا لم تكن الخرطوم مستعدة للموافقة على دخول الطعام للمدنيين فكيف لهم ان يكونوا مستعدين للتفاوض حول حل سياسي”.
سودان تربيون
يا جماعة سبحان الله انا فيني حاجة غريبة
انا بكره عمر البشير(شديد) و اكره نافع واكره اللمبي و اكره علي عثمان
وفي نفس الوقت بكره ياسر عرمان و مالك عقار و عبدالواحد و مناوي
وبكره (برضو) الترابي و الصادق المهدي والميرغني و سيد الخطيب
باختصار بكره جميع الاحزاب
مرة مرة بحلم بحكومة رئيسا مستقل ( كشرط اساسي ) و يكون حكومة من افضل الافراد غض النظر عن
مواقفهم السياسية مثلا حكومة فيها حاتم السر و لام اكول و محمد طاهر ايلا و جميع الشرفاء
الحرمتنا منهم الصراعات السياسية
الناس كلهم كدا ولا انا براي
إذا لم تكن الخرطوم مستعدة للسماح بدخول المساعدات الإنسانية.. فكيف لها أن تعلن استعدادها للتفاوض مع الحركة الشعبية.. الدخل المساعدات الإنسانية مع التفاوض شنو ياعزيزي عرمان ؟؟؟ دي عاوزه ليها شوية شرح؟ أصلوا الواحد فهموه بقه ولابد من كثرة التصريحات …وكثرة حركات التحرير واديس ابابا ..ونيروبي ..وأمبيكي وغير أمبيكي ؟؟ الموضوع ماعاوز ده كلوه؟؟ده بقولوا عليه تحصيل حاصل ومضيعة وقت ( والسواي ما حداث ) والشعب السوداني زهج وفقد الأمل ؟؟ 23 سنة تفاوض .. بقينا مثل القضية الفلسطنية من سنة 1948 بتفاوضوا وحيتفوضوا لغاية نهاية البشرية ..جيبوا ناسكم وناس ميناوي يجيبوا ناسهم وكذالك العدل والمساوة وجيفارة زمانة عبد الواحد.. وخليها تولع موت أحمر؟؟ الغربية ناس الشمالية ماعندهم ولا حركة واحدة مسلحة ؟؟السبب شنو ؟؟ يكونوا مرتاحين لأنو البلد ماسكها عصابة .. جعليين ..ودناقلة..وشايقية..ومحس.. مع إعتذاري لهذه القبائل التي أخرجت رجال حاربوا الإستعمار وقهروه وحتي النساء .. ود النجومي.. والمك نمر..مهيرة بت عبود.. المهم خلوا المفاوضات والتصريحات والكلام الكتير وخليكم عمليين وأتركوا قصة فصل الدين عن الدولة ؟؟ في الأول التحرير من هذه العصابة المجرمة .. بعدين الشعب ماعندوه مشكلة ؟؟ دي كلها استطلاحات دخيلة علي شعبنا.. زمن علماء الدين في زمن الزمن السمح مثل ..ناس الشيوخ الأجلاء أحمد البشير الطيب ..ومدثر أبوالقاسم هاشم ..وغيرهم من الشيوخ الشرفاء.. العاصمة المثلة كانت خر بهجة وأخر وحلاوة الريفيرا شغالة والجندول ..وحديقة الموردة.. ومقرن الخرطوم .. وأتني.. وحديقة نمرة ثلاثة ..وسان جميس .. ويوم الجمعة الناس من الصباح تتجهز حلوين ومتعطرين وأخر أناقة ماشيين صلاة الجمة ..المهم ده موضوع طويل .. تعلوا يا حركات يامسلحة العاصمة المثلثة ..والبداية تكون الخرطوم مش في الغرب إنتوه تقولوا شي والبطل الصوارمي يقول شي تاني ..بس في الخرطوم العالم كلوا بيكون شاهد وشايف الحاصل صورة وصوت ..مثل ما حصل في ليبيا ..وتونس ..واليمن ..ومصر.. المهم البداية بعدها الشعب بتم الباقي ؟؟ بس الشهب عاوز ليه طهر رجال يا عرمان..
لكن يا ياسر منو اللي تسبب في نزوحهم عقار كان حاكم للولاية ومع ذلك لما جاتو أوامر الحركة من جوبا دخل الغابة – وقامت الحرب – عقار أصبح حاكم عن طريق التفاوض الجنوبيين حصلوا على الانفصال نفسه عن طريق التفاوض فلماذا دخل الغابة أليس عقار ومن يقفون معه وخلفه مسئولون أخلاقيا عن كل المعاناة التي تحدث لأهلنا المنكوبين في جبال النوبة
تصحيح
لكن يا ياسر منو اللي تسبب في نزوحهم عقار كان حاكم للولاية ومع ذلك لما جاتو أوامر الحركة من جوبا دخل الغابة – وقامت الحرب – عقار أصبح حاكم عن طريق التفاوض الجنوبيين حصلوا على الانفصال نفسه عن طريق التفاوض فلماذا دخل الغابة أليس عقار والحلو ومن يقفون معهم وخلفهم مسئولون أخلاقيا عن كل المعاناة التي تحدث لأهلنا المنكوبين في جبال النوبة والنيل الأزرق
والله يا ياسر عرمان حيرتنا أنت كنت الناطق الرسمي بتاع الحركة الشعبية الجنوبية ولما انفصلوا (شاتوك شلوت) وطلعوك واحد مرتزقة وبس وأحذرك من ناس الدمازين برضوا لو انفصلوا بيدوك (شلوت برضوا) وبعد دا بتمشي وين وبتفصل منوا والمحيرني تقول الحكومة تتفاوض معانا وبعد شوية لو عصروك الجماعة بتقول والله أنا من الجزيرة اخير تتصالح مع نفسك أولاً وأخيرا