أسرة العطبراوي تحذر إيمان لندن من ترديد أغانيه
نفت أسرة الفنان الراحل حسن خليفة العطبراوي نبأ بيعها لعدد من أغانيها للمطربة إيمان لندن وحزرت من مغبة الاعتداء علي أغنيات الراحل دون الحصول علي إذن مكتوب منهم .
وقالت كريمة الراحل ، زينب العطبراوي أمس إن بعض المطربين ليست لديهم مقدرات كافية لترديد ما صدح به والدها ، وسخرت زينب من ادعاء إيمان لندن أن سبب شراءها لاغاني العطبراوي كان الهدف منه الحفاظ علي أغانيه من الاندثار وقالت ان والدها رجل خلد بفنه في قلوب السودانيين ولا يحتاج لمن يعزز ذلك بحنجرة أخري واثنت أسرة العطبراوي علي الفنانة نانسي عجاج التي وصفوها بـ(الرقي ) لتعاملها المحترم مع ارثهم الفني واستئذانها للأسرة عند شروعها أداء أغنية (مرحبتين بلدنا حبابا).
حكايات
بالامس وكالة لندن اشترت اليوم اتبره تنفي
يا زينب يا عطبراوي ما انتي البتقيمي اداء الفنانين ومقدراتهم الفنيه وثم ثانياً والدك فعلاً اغانيه جميله ( كلمات والحان فقط ) لكن بصراحة لا يملك اي صوت يطرب الانسان وليست له اي ملكات فنية ( يعني بالبلدي كده هو وايمان لندن في سرج واحد ) ،،،، والبسمع كلامك يقول بت وردي ولا بت ودالامين ولا بت …….الخ من العمالقه
معقولة بالسرعة دى أسرة العطبراوى ردت على الكلام المنشور هنا؟؟
أشك فى ذلك __ ويخيل لى الموضوع من أساسه غير صحيح ____
وفى اعتقادى ترديد أغنيات الفنانين الكبار وخاصة الذين رحلوا عن هذه الدنيا بواسطة الفنانين
الشباب يؤدى الى خلودها وتناقلها من جيل الى جيل __ فقط أخذ الموافقة من أسرة الفنان __
وفى اعتقادى ايضا هناك أصوات جميلة صدحت بأغنيات كبار الفنانين وأدخلت توزبعات جديدة
دون تشويه الاصل وأبدعوا وساعدوا على نشر الاغنية وقوبلت من المستمعين والمتابعين بالاعجاب
وقد تفوق بعض الشباب فى أدائهم على أصحاب الاغنيات __
فأغلبية المغنين الشباب من دارسى الموسيقى والصوت وأصواتهم جميلة __
ومنع أسر الفنانين الكبار لصغار الفنانين من ترديد ألاغنيات يعنى فناء ها واختفاءها مع مرور
السنوات __ فبث هذه الاغنيات بعد فترات طويلة من الاذاعة والتلفزيون لايكفى __
وقد تجاوب كبار الفنانين الموجودين الآن فى الساحة مع الشباب بترديد اغنياتهم وتناقلها الشباب
فيما بينهم ومن خلال الحفلات فأصبحت خالدة فى ذاكرة ونفوس كل الناس __
هذه وجهة نظرى حول هذا الموضوع _____ وشكرا،،،،،،،،،
برافوا على الأسرة التي تعرف قدر ربها والتحية لهم والعار الى من ينسب نفسه الى بلاد الاستعمار
حرام عليك تتجرأ وتتكلم فى صوت المبدع العطبراوى ياربى تكون انت الماحى سليمان ولا ايمان لندن جارتكم
يا حسن عمر الموضوع ما موضوع جرأة وهذا رأي شخصي ،، أنا لا أري أي ملكات صوتيه في صوت العطبراوي والغريب في كده شنو ؟؟ وانا ما الماحي سليمان … ولا ايمان لندن جارتنا ( وبالمناسبة انا ما قلت ايمان بتعرف تغني ) ،، وانت زعلان ليه ؟؟ العطبراوي قريبك ؟؟؟؟
ولولا اختلاف الآراء لبارت السلع ولا شنو ؟؟
والله ذي فنانات التوجه الإنحطاطي ديل عنوان سيء وغير مشرف خاصة ناس الشريف مبسوط مني وصاحباتها في الإنحطاط الفني في ظل دولة ناس حاج ماجد سوار ومجرد ترديد أغاني المرحوم حسن خليفة يعد إنتهاك لكرامة كل سوداني وطني أصيل وليس عميل مثل عملاء الوثني وهو أمر يستوجب على كل الشعب أن يقف ضده لأنه كل الشعب السوداني يعد أسرة وأهل للمرحوم حسن خليفة ولاينبغي السكوت على مثل هذه الأهانة من جيل فنانات التوجه الإنحطاطي
ليه بس .. حرام يمنعوا
الامورة الحلوة دي تغني اغانيه
دي عسل عديييل المفروض يشكروها لانها غنت;) ;)