الحركة : الشمال (واقف على كرعين الجنوب)

هو الجنوب لو كان عندو كرعين كان دي حالتو متكل علي كرعين امريكا انا يخيل لي انه كسيح وما قادر يمشي وياقوج اذا كنت مقتنع بما سميته المورد الناضب منو البقنع ابو الدقيق والشمال ما حيتضرر بل انتم الماعندكم مورد اخر غير موردكم الناضب شدو احزمتكم واربطو بطونكم ونحن شبعانين بايمانا وان الرزق علي الله مضمون

قوج مكواج…

اولاً يا صاحب السعادة حكومة الشمال تستحق اكثر من كده علشان دلعتكم كتير
ونحن عندنا كرعين قويه ومتينه ولو كنا معتمدين على كرعينكم كان واطاتنا
اصبحت . وانت اول العارفين…

وبكره لما تنفصلوا بتبين الحقائق. وطالما فى زيك مستحيل يكون فى ســــــلام
ونشوف امثالك ممكن يكون دوله. والله ما اظن…………..

والله الجنوبين ديل عايشين فى حلم كده كبير دون حسابات وناسين دى بلد مش بقالة والمشكلة الصدمه بتجىء قوية وهم ناس كراسى مارجال قوة

الجنوبيين اختاروا مسبقا الانفصال(ما مشكلة ده حقهم) لكن التصريحات البضحك و المثيرة للسخرية دي ما هي إلا دليل على خوفهم من نتيجة اختيارهم دي وعلمهم التام بأهمية دور الشمال والشماليين بالنسبة للجنوبيين، السودان اللي بيحكمه الشماليين ما وليد إمبارح ولا الليلة يا دولة ما اتولدت ،ولا الشماليين اتعلمو برضوا امبارح ولا الليلة، ،مرت علينا (وما زالت) حكومات وانقلابات ومشاكل وغلاء وحروب وما زلنا صامدين, احنا حضارة قبل ما نكون دولة ،اقترح عليكم تخلوا تعليقاتكم القيمة دي و تتفرغوا لدولتكم الجديدة واللي منتظركم فيها.(بكرة نقعد جنب الحيطة ونسمع الزيطة).

عشان ما تدقس يادار حامدي وتقول كلام خارم بارم انا واحدة مش واحد وشوف الاسم كويس بدل الاستعجال والاستهبال واذا انا كنت طولت من البلد برضو مواكبة التطورات ولو انت بتدي الانقاد بالشلوت انا لسه فيا حبة عشم وفسحة امل اطمئن ما عايشه بالاعانه عايشة بالقناعه وانت يا الساعه حرفت قولي نحن شبعانين بالايمان ارجوك اقراء كويس التعليق قبل التعليق انا شماليه ومن حقي انحاز للجزء الذي انتمي له ولا عايزني اكون بلا هويه