السيسي يحذر من فجوة غذائية بدارفور

اسمها مجاعة يا دكتور. خلاص علموك لغتهم؟ يا حليل دارفور أيام كان المسافرون يعبرونها بدون زاد بسبب خيرها و كرم أهلها.

حقيقة يالسيسي الناس ديل ما من توبك ولا بتشبهم ، الناس ديل دايرنك يا زول(محلل) وطرطور ساكت ? مجرد موظف في مكتب وبيت وسيارة ومخصصات وو تكبر وتهلل والا حا يتخلص منك مادام بقيت تتحدث عن الاموال – خاصة بعد هجليج جات عليهم بالساحق والماحق – هم دايرنك تعمل سوق زي سوق المواسير وتجيب ليهم قروش
عموما أنت في خطر انا شخصيا لا استبعد ان يصفوك الابالسة كما صفوا خليل إبراهيم – وليس لديك وقت كثير للتفكير الحق بنائبك احمد عبد الشافي او على الحاج ، اسأل ميناوي الناس ديل ما لقى في برامهم طين

ريسو وتيسو، والله انطبقت عليك الحكمة يا السيسي… أنفد بجلدك يا راجل وسيبك من الأوهام لأن حال السودان الشايفو ده ما بتغير بين يوم وليلة.

عندما كان دريج على راس ولاية دارفور خاطب المركز بان هناك فجوة غذائية والاقليم مهددة بمجاعة ستفتك بالانسان والحيوان. لكن ناس المركز ردوا عليه وعلى راسهم جعفر نميري وعمر محمد الطيب قالا باننا لم نسمع في التاريخ السوداني بان المجاعة كانت في السودان وبايام قليلة حاصر الجياع العاصمة من جميع الاتجاهات في شكل مخيمات اشهرها مخيم مويلح وترك دريج المنصب وغادر السودان غضبانا اسفا على المركز الذى ساهم بشكل كبير في المشاكل التى تتخبط فيها السودان حاليا …وها الآن سيسي يحذر من فجوة غذائية تهدد الاقليم فهل سيجد نداءه اذان صاغية في المركز ويعلمنا ديننا الحنيف بان المؤمن لا يلدغ من الجحر مرتين .